جيــــــ شاهين ـــــــــر(بكر)

[بو غازي]

السلام عليكم ورحمه الله وبركاته
ما نوع الطير جير شاهين
ماعمرالطير ؟؟ :بكر
ما(قياسه او وزنه)؟؟ :فوق 16 ونص ماقسته لكن تقريبا بالنظر
وحش(الدوله المطروح بها ) ؟؟ :مهوب وحش
تفريخ (الدوله والمزرعه)؟؟:الله اعلم انها مزرعه امريكيه
تهجين (الدوله و نسبة التهجين والمزرعه)؟؟؛:امريكي والله اعلم
أين مكان الطير حاليا (المنطقه / المدينه)؟؟:الدمام
هل يوجد توصيل داخل اوخارج دولتك؟؟:لايوجد
ماهي الحاله الصحيه للطير؟؟ :سليم بالنظر
علوم الطير ؟؟ (للقرانيس البيتيه)
هل صاد الطير الحباري؟؟مجهول
هل صاد الطير الكروان؟؟مجهول
هل صاد الطير الارنب؟؟مجهول
هل الطير طلاع على الحباري؟؟ مجهول
هل الطير يرغب الحمام؟؟مجهول
هل الطير راكد على التكايه ؟؟ مجهول
بـدون بـرقـع ( مفرع ) ؟؟مجهول
هل الطير يمسح على التلواح او يلاعب الشلو(خالي ) ؟؟مجهول
هل توجد في الطيرعيوب (الارتفاع,الكوشه,نقل العلف,الصياح)؟؟مجهول
هل توجد عيوب اخرى لم تذكرها؟؟يوم قضبناه في المقيض وبغيت ابرقعه قام يصيح الطير هل هي صيحه وحاشه الله اعلم بس يوم شاف البرقع قام يصيح
ماهو حدك في الطير أو اخر سومه للطير ؟؟؟الطير حد ب10000 ريال غير قابل للتفاوض وعسى الله يرزق الجميع يارب
الملاحظات:الطير قول اهله جاهم فرخ اخر الوقت وربطوه مايعرفون عنه لاصغيرة ولا كبير(مجهول) وعليه حجول والله اعلم انها مزرعه امريكية الطير حساب مصفي موسه واصل النصيفه


الصور
v
v
v
http://www.mekshat.com/pix/upload01/prof020/mk52960_20110704.jpg
v
v
v


http://www.mekshat.com/pix/upload01/prof020/mk52960_____________001.jpg
بالنسبة للصور مااعطت الطير حقه لكن والله اعلم انها اطيب شكل بالطبيعه واحسن وسره
للاستفسار0555862600

[أخو عيد]

الله يرزقك من واسع فضله

[الحركساب]

الله يرزقك من واسع فضله

[ابن الاصيل]

الله يرزقك

[خلف الفار]

الله يرزقك يابوغازي بالجنه

[راعي الدويمع]

الله يرزقك يا بو غازي با البيعه الطيبه

[بو غازي]

الله يجزاكم خير ياأخوان ويرزقكم جميع

[عاشق المقناص8]

نفتح الباب2000

[عاشق المقناص8]

ما تسوى 10000 الحين وقت مربط والطير مجهوول والحاله الصحيه سليم بالنظر
الله يرزق الجميع


تم إيقاف العضو لتدخله في حلال الناس

[ابو ساره 999]

الغالي ابو غازي العمر انت متاكد انه بكر الطير وهل عليه حجول

[راعي هواش]

ياامررحبا يابوو غااازي

الله يررزقك بالبيعه الطيبه قل اامين


لكن وانا اخوك لو انك فاتح السوم عليه احسن

لان الريال يجيب عشره

لكن تحده بعشر الاف وهو حتى الكروان ماهوب صايده

اتوقع انك وقفت البيع عليه

لكن جعل ربي يرررزقك ان شالء الله

ولو اني اشوف ان السوم زين
لان القليل يجيب الكثير


الله يرزقك

[بو غازي]

الله يرزق الجميع يارب كلن باسمه والطير حد يااخوان. ب١٠٠٠٠ والحلال حلالي ولله الحمد ولا احد له ريال عندي ولااحد شريك معي في حلالي اسأل الله العلي القدير ان يسامحني وإياكم

[دكواااان]

ما تسوى 10000 الحين وقت مربط والطير مجهوول والحاله الصحيه سليم بالنظر
الله يرزق الجميع

صحيح عاشق المقناص الربطه على اولها وباقي 7شهور وتطلع الطيور يعني بالصيف الجاي!!!! لله العجب

الرجال صدق معكم بكل شي ولاهو عاجبكم!! واللي يكذب بتمشي سلعة ظني هذا قصدك ولا انت شريطي حب تكسير..!!!

اتق الله وانت برمضان الرجال حد الطير ماجبركم اما تقول خير ولاتسكت ترا ابرك اخوي لاهنت..

عسى ربي يرزقك من واسع فضله اخونا ابوغازي..

[nassr_11]

حياك الله ابو غازي

اخوي كلام الاخوان صحيح ولاحد قال انه موحلالك الله يرزقك ببيعتها دبل العشره بس يعني لو نتكلم بحدود المعقول في البيع والشراء يكوون افضل اخوي ابو غازي (طير مجهول صيده ومزرعته وبها السعر وش خلينا للطيور الصايده ) تقبل تحياتي ابو غازي .

[ربع خالي]

استغفر الله العلي العظيم
يالربع وش اللي حاصل ؟
كل إنسان وحر في حلاله . والله لاهو جابر أحد منكم على المشترى ولا انتم مشاركينه في حلاله .

الرجاء الرجاء عدم التدخل في هذي الشؤون والتي تخص العارض فقط.
اللي يبي يشتري نقول له الف مبروك ، واللي ماوده نقول له دعوه منك لأخوك المسلم ! أبرك من التعليقات اللي مالها داعي .

[بو غازي]

الله يجزاكم خير جميعا يااخوان كلن باسمه
واتمنى من الاداره حذف الموضوع والرازق الله سبحانه وتعالى

[nassr_11]

يا اخووان والله انا نتمنى لخونا ابو غازي الخير كله بس علقنا بالكلام المعقول .
(اخوي ربع خالي ما اظن في تعليقنا شي ماله دااعي !)

[بو غازي]

اخوي ناصر انت تتمنى لي الخير الله يجزاك الخير
اخوي ناصر خلاص بنحذف الموضوع والإدارة ان شاءالله بتحذفه ولاتشيل هم والسموحه منك طال عمرك اذا ازعجناك بطيرنا ولا كدرنا خاطرك بهالقيمة المعذره من الله ثم منكم

[nassr_11]

ياخوي الله يبارك فيك ويباركلك بطيرك .

[ربع خالي]

لاحول ولا قوة الا بالله
وش إلفايده اللي حصلتوا عليها يامن دخلتوا في حلال الناس ؟
ياقرب كلمات الله يرزقك عليكم ، وياقرب الله يوفقك بالبيعه اللي تسرك .
ولكن حدتوا عنها و دخلتم في حلال المسلمين .
والرجال بيض الله وجهه عطاكم علوم الطير كلها وحده بقيمه.
ولكن اعترضتوا في حلاله ، وارجع وأقول
لاحول ولا قوة الا بالله العلي العظيم .