عندي مشكلتين وابي الحل بارك الله لكم

[You Like Me]

السلام عليكم ورحمه الله وبركاته

اللاخوة الكرام بارك الله فيكم
عندي مشكلتين في فورد اكسبلورر 2010

المشكلة الأولى
في صوت الهواء وهو مو صوت الهواء اللي إحنا خابرينه
في كل سياراتنا التاليه اللي ماله حل
لكن هذا صوت يروع حسبي الله ونعم الوكيل
يبان الصوت عندي بعد سرعه 100 كم
واذا فيه هواء قوي يبان من سرعه 60 كم واذا فتحت الشباك
اختفى الصوت رجعت للوكاله مرتين ويقولون لي من الجلد وصلحناها
والمشكله إلى الآن
انا اتذكر في عام 2003 كان عندي كامري وفيها نفس الصوت
وركبت شطرطون في الغرابي واختفى الصوت
لكن الكامري كانت حديد ومافيه شي بين الباب والبدي
والفورد موجوده الربل
هل لو رحت لحقين الغرابي وسويت الشطرطون
بيفيدني وبينهي المشكله
والا ما تعب نفسي واطارد الوكاله لين يشوفون لي حل ؟

المشكلة الثانية
الهواية وقت ما يكون المكيف شغال بهذلتني
والمشكلة الوكاله تقول طبيعي الفورد اذا شغلت المكيف الهواية تفتح
يا اخوان اقسم بالله تبهذلت كأني في سيارة كشف كل روائح السيارات والديزل عندي في الغمارة صدري راح فيها من شريت هالسيارة
المشكلة انا دوامي على طريق الخرج ومثل ماتعرفون التريلات ومغامراتها على طريق الخرج والله اني ارجع من الدوام كأني راجع على رجولي تكرمون
ما كأني راكب سيارة 2010
عيوني وصدري رايحين فيها وراسي منتفخ من شكامين السيارات
يعلم الله اني ما بالغت واني فعلاً قررت على المعارض وشراء راحتي
الحاصل الآن انو عند وقوفي عند الاشارات المرورية اطفي المكيف
اذا قدامي سيارة الصرف الصحي اطفي المكيف
اذا في زحمة وقدامي سيارة قديمة او ديزل اطفي المكيف
ماتسوى علي والله يا اخوان سيارة جديدة وادوام على سيارات اخواني
فـ قلت أستشيركم وكلي أمل في الله ثم فيكم اني بلقى الحل على ايديكم
واترك خيار بيع السيارة آخر الحلول
والله يوفقكم ويسعدكم ويجزاكم بكل خير

[ريالين الفسحه]

شوف بفيدك عن الهوايه عيب الفودر كذا ماتقدر تسكره لانك اذا فتحت المكيف لازم تفتح الهوايه معه

[You Like Me]

هذا ما قيل لي في الوكاله
فإنتظار رأي الاخوان ومشاركاتهم بالحلول

مشكور اخوي على ردك ومرورك

[Explorer 2010]

سلام أخوي

مشكلتك الاولى أنا كمان اعاني منها ، بس بالنسبة للسيارات الثانية اللى سقتها اتعودت على الصوت ومشى الحال

وبالنسبة للمشكله الثانية اذا حطيت المكيف على MAX ماتفتح الهواية.

ودمت

[طلال99]

السلام عليكم شغل المكيف على MAX المكيف يشتغل بدون ماتفتح الهوايه انا مجربها

[You Like Me]

Explorer 2010

طلال99

ما قصرتوا ومشكور الله يعطيكم العافيه
والله انكم سويتوا خير فيني ولابد اطلع الحين اجرب هههههههه

باقي مشكلة الصوت الاولى

[T-Tamimi]

المشكله الاولى
الصوت صوت صفير ؟؟ كانه جرس انذار ؟؟ هذا طلع معي ورحت الوكاله وحطو سيلكون تحت ربل الزجاج الامامي والحمد لله راح الصوت ..

المشكله الثانيه
حط المكيف على max وما تفتح الهوايه

بالتوفيق ان شالله

[abuwesam]

السلام عليكم ورحمة الله وبركاته

كان عندي مشكلة الصفير مثلك ووديته الوكالة اكسبلورر 2010 وتم اصلاحها كما قال الاخ الكريم سابقا.

لكن عندي مشكلة طفشتني وكلمت الوكالة يقولوا هو المكيف كذا.

وهي ان المكيف عندي من جهة السائق وانا حاطه على وضع الماكس max يخرج الهواء من الفتحات الامامية وايضا من جهة الارجل -اجلكم الله- واذاني في رجولي خصوصا في السفر.

هل اجد لها حل لديكم؟

[T-Tamimi]

السلام عليكم ورحمة الله وبركاته

كان عندي مشكلة الصفير مثلك ووديته الوكالة اكسبلورر 2010 وتم اصلاحها كما قال الاخ الكريم سابقا.

لكن عندي مشكلة طفشتني وكلمت الوكالة يقولوا هو المكيف كذا.

وهي ان المكيف عندي من جهة السائق وانا حاطه على وضع الماكس max يخرج الهواء من الفتحات الامامية وايضا من جهة الارجل -اجلكم الله- واذاني في رجولي خصوصا في السفر.

هل اجد لها حل لديكم؟

عندي نفس المشكله في المكيف
اول ما شريت السياره ماكانت فيه المشكله هذي !! (ما اذكر كانت فيه ابد)

اذا حطيت المكيف على max يكون بارد ولا تجيك روايح من برا السياره
لكن البلا تششقص رجلينك الله يكرمكم :mad:

كود احد يفيدنا بحل رغم اني ناوي اذا رحت الوكاله اتناشب معهم عند ذالموضوع

[ش ا ص 412]

السلام عليكم ورحمة الله وبركاته

كان عندي مشكلة الصفير مثلك ووديته الوكالة اكسبلورر 2010 وتم اصلاحها كما قال الاخ الكريم سابقا.

لكن عندي مشكلة طفشتني وكلمت الوكالة يقولوا هو المكيف كذا.

وهي ان المكيف عندي من جهة السائق وانا حاطه على وضع الماكس max يخرج الهواء من الفتحات الامامية وايضا من جهة الارجل -اجلكم الله- واذاني في رجولي خصوصا في السفر.

هل اجد لها حل لديكم؟

احسن حل البس شرآبات صوف الله يكرمك والسآمعين تصير رجلينك دافيه

[T-Tamimi]

احسن حل البس شرآبات صوف الله يكرمك والسآمعين تصير رجلينك دافيه

امس انا في الوكاله وسالتهم عن مشكله المكيف ينفخ على الرجلين الله يكرمكم
وقالي طبيعي كل السيارات الاكسبلور كذا
قلت له انا سيارتي اول ماشريتها ماكانت كذا يعني هذا شي جديد !!
قال لا طبيعي !!
عموما فكره شرابات الصوف زينه والمفروض يصرفونها الوكاله مع السياره <_<

[fasgh2002]

اخواني انا امتلك اكسبلورر 2010 قمت بوضع قطعه اسفنجيه في الفتحتين الموجودتين بجانب عصا القير من اليمين ومن اليسار بعد نزع غطاء الديكور مع مشرفنا الغالي لن امل من العطاء والحمدلله اختفت مشكلة الساقين اما الفتحات السفلين بجانب القدمين بنفس الطريقة وضعت قطعه اسفنجيه وارتحت كثييير قسم بالله انزل من السياره مع المكيف تقول شااايب يالله اني نقل رجليني

[FORD1969]

اخواني انا امتلك اكسبلورر 2010 قمت بوضع قطعه اسفنجيه في الفتحتين الموجودتين بجانب عصا القير من اليمين ومن اليسار بعد نزع غطاء الديكور مع مشرفنا الغالي لن امل من العطاء والحمدلله اختفت مشكلة الساقين اما الفتحات السفلين بجانب القدمين بنفس الطريقة وضعت قطعه اسفنجيه وارتحت كثييير قسم بالله انزل من السياره مع المكيف تقول شااايب يالله اني نقل رجليني


صحيح نفس اللي سويته :good:

[مدرس بالغصب]

مشكلة الهواية سهلة يااخي الفاضل
تحت الدرج فيه غطاء بلاستك اذا فكيته فيه مثل طريقه الريش الي تجي خلف مراوح الشفط تفتح وتسكر ثبتها الكهربائي ب(سيم)وصارت ماتفتح
انا كنت اعاني من مشكلتك وطلع حلها ب100 ريال عند صناعية العروبة