المساعد الشخصي الرقمي

مشاهدة النسخة كاملة : كيف ارفع الباترول من غير اضافات ؟؟ ارجو الدخول >



ذيب الفاو
14/08/2011, 02:10 AM
مرحبا يالغالين

كيف الحال عساكم بخير

انا عندي باترول 97 بابين توي شاريه

الموتر على طبيعته مااضيف له شي

وبصراحه ودي ارفعه من امام ومن ورى عشان طلعات البر والمقناص في الدروب الوعره وسمعت انه لابد اركب له يايات استراليه مساعدات شاص

هل فيه طريقه غير ذلك يعني ارفع الموتر بدون اي اضافات عليه ؟؟
وهل ذلك يضر بالموتر يعني من رجه وعدم توازن .. الخ

وليد46
14/08/2011, 02:19 AM
نصيحة اخوي اذا ماتبي اضافات وشي ماتضمنه وودك ترفع الموتر ركب بوالين البوالين هذي تجي وتركب بوسط الياي وهي عباره عن كوره تنفخه هواء يتحمل الا 35 هواء

تركيبهن عند محل ببريده اسمه اربعه في اربعه شغلهم شي شي شي لايفوتك وانا حاظر بالي تامر عليه وبعدين تقدر اذا تبي تنزل الموتر بس تنقص هواهن واذا تبي ترفعه تنفخ هواء وبعدين ميزتهن انس المطباات

ذيب الفاو
14/08/2011, 03:04 AM
نصيحة اخوي اذا ماتبي اضافات وشي ماتضمنه وودك ترفع الموتر ركب بوالين البوالين هذي تجي وتركب بوسط الياي وهي عباره عن كوره تنفخه هواء يتحمل الا 35 هواء

تركيبهن عند محل ببريده اسمه اربعه في اربعه شغلهم شي شي شي لايفوتك وانا حاظر بالي تامر عليه وبعدين تقدر اذا تبي تنزل الموتر بس تنقص هواهن واذا تبي ترفعه تنفخ هواء وبعدين ميزتهن انس المطباات
والله ياخوي هالشغله اول مره اسمع فيها بس اعتقد انها تأثر على الموتر وتأثير خطير ولا انت مجربها ؟؟؟

ولدحمد
14/08/2011, 03:07 AM
السلام عليكم ورحمة الله وبركاته ..
اخوي ذيب ادخل على رابطه ملاك الباترول 88- 97 وبتلقاء الجواب والوافي والكافي باذن الله ..

gx-low
14/08/2011, 03:16 AM
لازم اضافات

وترى هالاضافات ما منها خوف

اذا تبي شغلن طيب وما ينزل مع التحميل ركب يايات استرالية اولد مان من الرمايه

وان كانك تبي الرخص ركب كعكات

واذا تبي ترفع الموتر رفعن بسيط ركب كفرات السلق حقت الهدد ارتفاع 85

والمساعدات حقات شد البلد ممتازة لا تغيرها الا اذا هي خربانه وركب مكانها جبريل ارخص لك

المساعد في موترك ما يفرق واجد لان فيه ياي يسعده

وسلمت يا الغالي

ذيب الفاو
14/08/2011, 03:53 AM
لاهنتوا اخواني على الردود والافاده

بس اخوي gx
بالنسبه لليايات الاستراليه يقولون مطبها قوي ولاتصلح كثير للبر وانا والله محسفني افك ياي الوكاله لانها ممتازه جدا جدا
والكعكات كيف اركبها ووين (اخوك عليمي شوي بهالامور ..)
لاهنت ياخوي

ولدحمد
14/08/2011, 03:58 AM
لاهنتوا اخواني على الردود والافاده

بس اخوي gx
بالنسبه لليايات الاستراليه يقولون مطبها قوي ولاتصلح كثير للبر وانا والله محسفني افك ياي الوكاله لانها ممتازه جدا جدا
والكعكات كيف اركبها ووين (اخوك عليمي شوي بهالامور ..)
لاهنت ياخوي

اخوي ذيب شفت الي وصيتك ولا لأ ؟؟!!
يقولون أسأل مجرب وتسأل طبيب ..
وأنت بكيفك وحبيت اقدم لك شين مجرب لاكثر من سنتين ومازال :good2: ..

وليد46
14/08/2011, 04:28 AM
يااخوي انا البوالين الي بوسط الياي مركبهن لي اكثر من سنة واكثر اخوياي مركبينهن اكثر من خمس سنوات

والله ولاشكو منهن بعدين ليش خطيررررر وين الخطر فييييه اخوي شكلك مافهمت كلامي ابد وبعدين شغلتهن بسيطه بس قيمتهن غاليه ب ١٠٠٠ رياال وتبيهن ماهنب عملياات والله مازان مطب الموتر الاعقبهن لا وانت بعد

ركبهن على يايات شد البلد افففف وش خليت انواع الراحة والموتر رفعة على كيفك. بلاا ياي استرالي ولا كعكات

ومطباات وكسر ضهر وبدي موتر

ذيب الفاو
14/08/2011, 09:17 PM
اخوي ذيب شفت الي وصيتك ولا لأ ؟؟!!
يقولون أسأل مجرب وتسأل طبيب ..
وأنت بكيفك وحبيت اقدم لك شين مجرب لاكثر من سنتين ومازال :good2: ..


هلا اخوي ولد حمد والله ياخوك مافهمت لك طيب دخلت على الرابطه ولاحصلت جواب على سؤالي ؟؟ اذا عندك جواب اكتبه هنا لاهنت

ذيب الفاو
14/08/2011, 09:19 PM
يااخوي انا البوالين الي بوسط الياي مركبهن لي اكثر من سنة واكثر اخوياي مركبينهن اكثر من خمس سنوات

والله ولاشكو منهن بعدين ليش خطيررررر وين الخطر فييييه اخوي شكلك مافهمت كلامي ابد وبعدين شغلتهن بسيطه بس قيمتهن غاليه ب ١٠٠٠ رياال وتبيهن ماهنب عملياات والله مازان مطب الموتر الاعقبهن لا وانت بعد

ركبهن على يايات شد البلد افففف وش خليت انواع الراحة والموتر رفعة على كيفك. بلاا ياي استرالي ولا كعكات

ومطباات وكسر ضهر وبدي موتر

والله مابعد كلامك كلام يالغالي لاكن انا من حفر الباطن بعيد عنكم واهل القصيم هم اهل الابداع مافيها كلام ومدري بوالين البوالين الي تقول تتوفر بالحفر عندنا ولا لا ؟؟
عموا ماقصرت الله لايهينك

K.S.A.A
14/08/2011, 09:23 PM
عليك بكلام أخونا وليد 46 من غير قصور في باقي الشباب
ركب بوالين وعلى مسؤوليتي
أعرف لك ناس ركبوها على سنة وسنتين و3 سنين وأهل مقانيص ويمدحونها مدح ..
توكل على الله وركب بوالين .

التعـ King ـديل
15/08/2011, 04:18 AM
انا مجرب الاسترالي على باترول 97 وبحط لك صوره تشوفه بالياي الاسترالي على كفرات عريضه وكفرات بالون

هذا ارتفاع الوكاله بكفرات البالون


http://www.mekshat.com/vb/../pix/upload04/images175/mk61060_pic%28589%29.jpg

كفرات عراض بالياي الاسترالي

http://www.mekshat.com/vb/../pix/upload04/images175/mk61060_pic%28684%29.jpg

كفرات بالون يالياي الاسترالي

http://www.mekshat.com/vb/../pix/upload04/images175/mk61060_pic%28695%29.jpg

ابوصالح77
15/08/2011, 04:56 AM
إذا ودك ترفعه بأقل تكلفه
ركب كعكات

وليد46
15/08/2011, 05:32 AM
اخوي الغالي اذا انت بحفر الباطن يااخي تلقاهن بالكويت اكيييد موجوداات وسال اي واحد كويتي ويبي يعلمك واكيد ارخص من عندنااا

انا لهن ابموتري حول السنة وماشاءالله شي وراحة وترفع الموتر على كيفك وتنزله على كيفك بس تلمس البلف بالهواء يرتفع واذا الموتر مافيه اغراض تنقص الهواء ينزل ولا تركب ياي ويبتل الموتر مرتفع ولا تركب كعكاات ويغثك بالمطباات والقرقعة انا جربتهن كلهن والله جربت ياي وكعكات وكلهن فاشلات مامثل البوالين على ياي شد البلد وارجو اني اكون افدتك اخوي وبعدين شف الزلفي يمكن تحصل فيه تراهن قديماااااات لهن اكثر من خمس طعش سنة موجوداات هالبوالين

ولدحمد
15/08/2011, 05:43 AM
هلا اخوي ولد حمد والله ياخوك مافهمت لك طيب دخلت على الرابطه ولاحصلت جواب على سؤالي ؟؟ اذا عندك جواب اكتبه هنا لاهنت


هلا اخوي ذيب صبحك الله بالخير ..
موجود يابعدي بس شكلك مستعجل :D ..
شف الصفحه الرابعه مذكورن به كل شي :good2:
والله بالون البوالين اول مره اسمعه بصراحه ؟
لكن الي مجربن كل شي اكيد بيذكره وانتي الشي الي بيريحك يابعدي ;) ..

bo azez
15/08/2011, 05:48 AM
لكن لاتنس انك اذا رفعته بيطلع لك صوت بالعمود لازم تنزل القير لأن موترك ربع !!!
مانبهتوه ياعيال للنقطة هذي ؟

وليد46
15/08/2011, 05:57 AM
ياااخوي الله يرحم والديك اي صوت بالعامود

اناا رافعه بالبوالين وقبل باليايات وكعكاات لاصوتعمود ولاهم يحزنوون يااخوي كلن يذكر ماواجه

واتمنى ان الي ذكرته واجهته

bo azez
15/08/2011, 06:54 AM
عفوآ أنت موترك أربع أبواب ؟

ذيب الفاو
17/08/2011, 09:59 AM
جزاكم الله خير عموما يااخوان وعزمنا على اليايات ومالتوفيق الا بالله