السيارة ب D و ماتمشي

[nightlover]

لسلام عليكم ورحمة الله وبركاته

كيفكم ان شاء الله بخير

طبعا نوع السياره فورد اكسبلورر - 2006 - القير اوتو ماتيك

عندي مشكله في القير وهي ان في الصباح يوم تكون السياره بارده

يوم اعشق عال D ماتمشي تصير كأنها عال N ولو دست بنزين وتقريبا يوصل الضغط الى 3 واحيانا 3 ونص يطلع صوت والسياره تبدأ تدحدر ويلقم ال D وتمشي
حتى بالريوس نفس الشيء.....بعد دقيقة من الانتظار او اطفئ السيارة واشغلها القير يلقم عادي
وش تتوقعون المشكلة؟

[jasser]

حياك الله اخوي
انت تشغل الموتر وتعشق على طول والا تخليه يحمي ؟؟؟؟

اذا كانك تخليه يحمي لابد تكشف على القير لانه اما الزيت ناقص او مبرمج القير خربان اللي يسمونه الناس مخ القير
وان شاء الله انها كلها بسيطه

[سعد777]

لا بد من فني او كشف كمبيوتر
نخاف تكون نحاسات وحساسات

[nightlover]

السلام عليكم
اشكر الجميع على التفاعل
امس غيرت زيت القير.....وبعد ماشغلت عشقت ب R وما ريوس الموتر بعد 30 ثانية لقم
قال لي الميكانيكي ممكن مشكلة حساس؟ بس السؤال هل يحتاج فك القير عشان تغيير الحساس؟
واذا طنشت فيه ضرر على السيارة؟ شكرا لكم

[T-Tamimi]

السلام عليكم
اشكر الجميع على التفاعل
امس غيرت زيت القير.....وبعد ماشغلت عشقت ب R وما ريوس الموتر بعد 30 ثانية لقم
قال لي الميكانيكي ممكن مشكلة حساس؟ بس السؤال هل يحتاج فك القير عشان تغيير الحساس؟
واذا طنشت فيه ضرر على السيارة؟ شكرا لكم

الحساس مايحتاج فك القير
سعر الحساس 750 ريال ومكانه قريب من مكان الفلتر
تركيبه سهل ويكلف بالكثير 300 ريال يعني كانك مغير زيت القير (تقريبا)

اتوقع لو تمشي على الموتر 10الاف كلم وتغير الزيت والفلتر مره ثانيه يمكن ماتحتاج تغيير حساس

بالتوفيق

[nightlover]

يااخوان ابشركم انحلت المشكلة
كان زيت القير ناقص وبعد ما غيرته اختفت المشكلة.....شكرا لكم جميعا

عندي مشكلة اخرى ولو ثقلت عليكم
اثناء تغييرات القير من 1 الى 2 الى 3 الى 4 والعكس احس فيه نتعة بالموتر بين كل تغيير
واحيانا صوت خفيف خصوصا اذا غير من 3 الى 2 الى 1 اثناء الوقوف بالاشارة اسمع طقة خفيفة بين التغييرات وايظا احس الدوسة غير مرتاحة والمكينة فيها حنة ولا يغير مرتاح
الله عنده علم يعطينا خبر وجزاكم الله كل خير

[T-Tamimi]

يااخوان ابشركم انحلت المشكلة
كان زيت القير ناقص وبعد ما غيرته اختفت المشكلة.....شكرا لكم جميعا

عندي مشكلة اخرى ولو ثقلت عليكم
اثناء تغييرات القير من 1 الى 2 الى 3 الى 4 والعكس احس فيه نتعة بالموتر بين كل تغيير
واحيانا صوت خفيف خصوصا اذا غير من 3 الى 2 الى 1 اثناء الوقوف بالاشارة اسمع طقة خفيفة بين التغييرات وايظا احس الدوسة غير مرتاحة والمكينة فيها حنة ولا يغير مرتاح
الله عنده علم يعطينا خبر وجزاكم الله كل خير

اتوقع انك ماشي على الموتر واااجد قبل تغير زيت القير
يمكن يوم غيرت زيت القير ما غيروه لك بالكامل (زيت الطنجره)
والحين في القير امتزج الزيت الجديد والقديم وتحسن اداء القير بس يبيله شوي بعد وهذا يمكن يكون حله تغيير الزيت كامل مع فلتر.
تأكد اذا ما غيرو لك زيت الطنجره لازم تغيره
يعني الحين اكرف الموتر 10 او 20 الف وبعدين غير الزيت والفلتر من جديد تغيير كامل.

واذا ما زضبط معك اتوقع يبيلك تشوف الحساس
سعر الحساس 700 تقريبا وشغل اليد 300 ولا يحتاج فك قير حسب ما ذكر لي احد الاخوان

كان الله في عونك

[ابوشعيل97]

نفس المشكله عندي الحين انا معي اكسبلورار 2003
ونا طالع من طلعه القديه ماشي 160 ومع الطلعه نزلت السرعه الى 130 تقريبا ثم غير القير بنمره ثانيه وبعدها خفت السرعه ودعست الدعسه الا مافي عزم وصار ضغط الهواء على 5 تقريبا والسرعه 50 وخليته الين طلعت ثم نزلت وشيكت مافيه لاتهريب زيوت ولاشي لكن المشكله الحين احطه على الريوس مايرجع يحن الموتر واحطهD مايمشي فيه حنه بس لما احطه على 3 يمشي لكن الضغط على 5 والسرعه100 الين دخلت الرياض وانا جاي من مشوار طويل
ياليت تفيدني انتظركم مشكورين
والمعذره ياصحب الموضوع لكن لتعم الفائده