ابشروا يالربع بـ.....؟؟؟؟؟؟؟

[المري]

السلام عليكم


ابشروا يالربع بالـ....؟؟
http://mynajd.com/~mat/bustard/hubara019.jpg



امس هد واحد من اخويانا على وحده وراحت(يوم الاحد)
صاد واحد من الربع شرق الاحساء وحده اليوم(يوم الاثنين) وحبيت اخبركم بها لانكم من المتابعين لاخبار المقانيص


انتظروا الجديد

وان شاء الله اوافيكم الاخبار اول باول .

[البدوي]

الله يبشرك بالخير. دايم يالمري ماتجيب غير العلوم الطيبة.

لاكن المشكلة اللي طيره جاه (سدة) جعلها ماتجي طيرك .
وتوني اليوم شاري فرخ ادع له باتوفيق.. متى يدهل ومتى يعلم خلها على الله بس.

والله ياراحلي طير انشهد انة حسوفة .

وبعدين ابسئلك السدة مالها علاج .


تقبل تحيات اخوك البدوي.

[المري]

مرحبا والله يابوغشام


السده عله وعسى ماتجي طير رفيق وغالي


الفرخ باذن الله ثلاث ايام ويجهز وسير على وباادوج انا واياك وبنعين حفانه وان شاء الله


يصيدها فصيله. وخلاص

انا في انتظارك

[البدوي]

الاخ المري شكرا على الدعوة ومما يشرفني الممشا مع شرواك .

والحباري أن شاء الله هاسنة تجي اجوال.
والله يوفقنا وياك للخير لاكن خل الحمامة زاهبة علشان تخلص الحبارى سلم نبي نعلم الفرخ .

ومشكور ولك مني التحية.

[ابوساسا]

زانة علومك يالـــمـــــري

كيف حالك انشاء الله تكون بخير

ابشر بالخير انشاء الله السنةهذي سنة خير وسنة حباري وامطار وربيع انشاء الله

واليوم الأثنين 22/7/1423 واحد من الربع ذبح خربٍ داهية من الدواهي { بالخفجي }

[نجمة سهيل]

السلام عليكم الله يبشركم بالخير ياشباب بس بصراحة انا الحين اقتنعت بالصقر وحبيته فلذلك حبيت اسألكم وين القى الطير الزين وانا سمعت ان الشاهين افضل الطيور فلذلك حبيت تعطوني معلومات عن الصقر وودي تعلموني وين القى الفروخ الزينه وطرق تدريبها وطرق العناية فيها.وشكـــــــــــــــرا.
~~~~~~~~~~~~~~~~~~~~~~
تقبلوا تحياتي___
>نجمة سهيل<:heart:

[الحزين]

يازينكم ياحلوكم اذا جبتوا مثل هالاخبار !!

ياسلام عليك يالمري وعسى الله يخليك

تحياتي

[عاشق الصحراء]

شكرا على العلوم الطيبة.
و هالسنة انشاء الله سنة خير . الله يوفقكم و يوفقنا للصيد الوفير.

[القرناس المهاجر]

الله يبشرك بخير اخوي المري 00

وترى علومكم زينه وسواليف الطيور والحبارى توسع الصدر:)

بالنسبة للربع اللي يبون طيور 00 ترونا في منطقة شبك الطيور المهاجرة 00 والرجال اللي يبي له طير

يعطيني خبر 00 ويوضح نوع الطير المطلوب 00 والسعر عشان ابحث له 00 ولا ابي ولا ريال واحــد

فقط اوفق بين اثنين :love2:

تحـــــــــياتي للجميع 000 :good:

[رحال]

مساك الله بالخير اخوي (( المري )) وعساك على القوه .
الله يبشرك بالجنة ايه هذي الاخبار الحلوه عاداتك يالمري ماتجيب إلا الاخبار الحلوه .
الله يجعل هذي السنة سنة خير علينا وعليكم .
وتقبل تحياتي يالغالي
اخووووك الرحاااااال
http://www.mekshat.com/pix/gallary/data/images/RAHAAL22.jpg

[السمح]

علومك دايم طيبة مثلك ياالمري ..
وعسى تكون فاتحة خير إن شاء الله هالسنة وتكون أفضل من العام الماضي :( ..
الغريب إن الملاحظ كل سنة تشاهد وتصاد الحبارى في المناطق التي ذكرتها أولاً وفي الخفجي وما حولها .. فهل هناك سبب معين .. وهل لقرب المناطق للساحل دخل في ذلك كما يعتقد الكثير من الصقاقير ؟

[المري]

الاخ البدوي : مرحبا بك وابشر بالعلومه بس ياليت تجينا اذا كنت في اجازه تعالى وابشر بالعلايم وان

شاء الله يصيد بكفه بدون اعلومه .


تذكرت قصيده واحد من الربع وهي طويله بس اللي احفظ منها:



يوم الاثنين العصر شفت مانكره=الامير غضبان والطير ماصادي

الا طلبت اعلومه قال خله على وكره=يصيد بيده ولا يدشر مع الوادي



اخوي البدوي ترى هذه من باب المداعبه لم نويت المسيا ر صوبنا عطنا تلفون

وراجع الرسايل الخاصه.

شكرا لك

[المري]

مرحبا يابو ساسا وحياك الله

نعم هل الخفجي قد صادوا لانهم من الناس السباقين الى الصيد, وعسى الله ان يوفقنا ويوفقهم الى العمل

الصالح.

شكرا لك

[المري]

مرحبا والله بنجمة اسهيل


بصراحه كانك ماانت بصقار فلا تتعمق فيها لانها زينة شينه وانت بكيفك؟؟

لامن نويت على الصقاره ابشر بالللي يخرجك بشهاده جيد جدا.

شكرا لك على التواصل.

[المري]

مرحبا والله يااخوي الحزين

وعسى الله يخلي الجميع ويبارك فيهم

[المري]

واعلومك طيبه ياعاشق الصحراء

الله يسمع ويستجيب ان شاء الله وعسى الله ان ينزل على الغيث ولا يجعلنا من القانطين.

[المري]

مرحبا والله بالقرناس المهاجر شاعر المنتدى


الرجاء منك مراجعه الرسائل الخاصه ولا عليك امر

[المري]

مرحبا والله اخوي رحال وحياك الله اللهم امين عسى الله يجيب الوسمي المبارك.

[المري]

مرحبا يااخوي السمح وحياك الله يامشرفنا

بالنسبه لعبور الحباري اول الوقت من شرق فانها تاتي من الشرق واول ماتمر على المناطق


التي ذكرت وهي متجهه الى الغرب لاني تعرف طريق الهجره لهذي الطيور.

شكرا لك واي استفسار لايرد الا السانك.


اخوك: المري

[طير الحمــــاد]

عزالله ان علومك يالمري اتونس وتطرب البال وبدايه طيبه لهجرة الحبارى انشاءالله وعسى الله يجيب المطر والخير اللي ينبت العشب ويجذ ب الحبارى الله الله بالاخبار الجديده وللمعلوميه انشبك ثلاث فروخ من مدة اسبوع بالحماد واحد انباع( 25000 ) وشيهانتين مثاليث وعسى الله ايوفق الجميع

[البردويل]

الاخ/ المــــــــــــــــــــــــــــــــــري

عوايدك ماتبشــــــــــــــــــــــــــر الا بالخير ياوجة الخير0000

وانا اشهد انك نصحت اخوي نجمة سهيل

واذا تخرج من عندك انا اشهد انة بتخرج

بتقدير ((ممتـــــــــــــــــــــــــــــاز))

============================

الاخ / السمـــــــــــــــــــــــــــح

اعتقد ان طريق هجرة الحبارى من مناطق روســـــــــــــــيا 0 تمر من معابر

معروفة لديها-- فالمنطقة الشرقية تعتير الممر الرئيسي لها 0وعند عبورها ليلا

تكون قد قطعت مسافات كبيرة 00وعند روئيتها لليابسة تبداء بالنزول 000

بعد جهد كبير 0000

املا بالنجاة :) وين رحنا ؟؟؟؟؟؟؟؟؟؟؟؟؟؟؟

عفوا 0000000اخوي المري 00فهو مجرد توضيح والخبر الاكيد عندك00

http://www.artwebd.com/falcon.jpg

[البردويل]

الاخ/ طير الحماد

تحية طيبة وبعد000000000والله يرزق بالوافي

الرجاء التوضيح -- حول الطير اللي انطرح بالحماد

هل هو المطروح بالاردن ( اجفور):what:

http://www.artwebd.com/falcon.jpg

[طير الحمــــاد]

بالنسبه للاستفسار عن الطير اللي انطرح بالحماد انطرح بالندوف وصلت قيمته الى 40000 ريال من 25000 والطير الثاني انباع 50000 امابالنسبه للطير اللي انطرح بجفور سمعت انه انباع 4000 دينار ويمكن عندك اخباره المعلومات وصلتني من اكثر من مخيم بالحماد .................
تقبل تحياتي اخوي البردويــــل
وعسى الله ايوفق الجميع

[المري]

مرحبا والله بالربع كلهم


صاد واحد من الربع حباري عند قريه العليا

وصاد واحد ايضا عند مدينه بقيق.


بس بصراحه عند الجو حار عندنا



واقول لكم اني طالع اجازه حوالي 23 يوم اي اني سوف انقطع عنكم لفترات ولكن ان شاء الله


ماهي بالطويله.


شكرا لكم

[مروق البال]

مشكور

http://hooohaaa.jeeran.com/demonface.gif

[وضــ الوافىـاح]

تسلم المرى وبيااض ويهه طال عمرك
وننتظر الجيد منك دوم