المساعد الشخصي الرقمي

مشاهدة النسخة كاملة : ايهما افضل لحماية وجه السيارة ... البرقع أو لزقة الحماية الشفافه



الاميراال
16/08/2011, 11:08 AM
مبارك عليكم الشهر وكل عام وانتم بخير :)
وتقبل الله منا ومنكم صالح الاعمال واتم علينا وعليكم الشهر بالقبول والمغفرة والعتق من النار:)

اخواني اعزاء المنتدى
انا نويت السفر بخط وطويل المشوار والطريق اللي ابروح معه معروف بالعجاج والعواصف الرمليه :l :mad:
وابي حماية لوجهية السيارة
ومحتار افصل لي برقع او احط لزقة الحماية
اذا كان برقع وش افضل محل بالرياض
واذا لزقة وش افضل محل يسويها بالرياض

مانستغني عن مشورتكم يا اخوان

ودمتم بخير ,,,,,:D

مسير عليهم
16/08/2011, 01:46 PM
البرقع مشكلته مايطبق على الكبوت هذا اللي اشوفه مع الناس ولا اعرف السبب

الحامي الشفاف لك وللزمن شريت موتر وعليه هالحامي وسافرت عليه والحمدلله وجهية السيارة ماتأثرت

V 8
16/08/2011, 05:17 PM
البرقع عيبه كل ما جيت بتمسك خط يلزمك تلبس وتربط وكل شوي تشده واي ارتخاء له يكلفك بوية السيارة يعني اذا ارتخى شوي يحركه الهوا ويأثر على البوية


اما الحماية فهي مريحة جدا فهي دائمة على السيارة ولك وللزمن ويبقى شكل السيارة الجميل وكذلك تفيدك عند الحكات لا قدر الله


وأفضل المحلات اللي تركبها
جيوشيلد
لومار
كاركير اللي بطريق الامام الشافعي


واحرص انه يلبس الوجه كامل (صدام وأنوار وكشافات ومرايات وعوارض) لأن بعض الشركات مثل زيبارت يقول ما نلبس الصدام وشركة ثانية ما يلبس الانوار يعني تلبيستهم ما منها فايدة



بالتوفيق اخوي

الاميراال
16/08/2011, 07:17 PM
اخوي مسير عليهم
و v 8
ماقصرتو والله يعطيكم العافيه اجل شكل التجليده اصرررف
وعلى قولتكم لي وللزمن ماقصرتو

ماون ماركز
16/08/2011, 07:21 PM
لو بحثت .. بتحصل مناقشة سابقة وتصويت

http://www.mekshat.com/vb/showthread.php?t=428743

الاميراال
16/08/2011, 08:08 PM
يعطيك العافيه يا ماون ماركز

aziz155
16/08/2011, 08:24 PM
شف ياطويل العمر ولجميع القراء مشكلة الرمال المتحركة مشكلة كبيرة أثناء السفر لاها تعدم الوجه نتيجة ارتطام ذرات الغبار بوجه السيارة
المشكلة الرئيسية بنظري هي السرعة فكلما زادت السرعة زادت حدة الارتطام بحبيبات الرمل ( اخرج يدك وانت تمشي بسرعة 100 وقارنها عند سرعة 140 ) تجد الام مبرحة كنغز الدبابيس
للوقاية وحماية السيارة افعل ماافعله :-
- متى ماهبت الرمال المتحركة اخفض سرعتك ولاتتجاوز 100كم باي حال من الاحوال ( اعرف ان هذا قرار صعب في السفر لكن بيحمي سيارتك )
- قبل السفر توجد بخاخات حماية من الغبار موديلات مختلفة
- بالامكان استخدام الفيري الاصفر فقط لاتستخدم الازرق او الاخضر يخرب بوية السيارة ويجعل بها خطوط وكلما اشتريت نوع ردئ افضل بس لايكون ملون
- الشحم لكن مزعج بتنظيفه
- الفازلين ههههههه نعم الفازلين ولكن النوع الردئ لانه جامد اما الجيد فيسيح مع الحرارة لكن مشكلتها التنظيف يحتاج ازالة يدوية مع الغسيل بالماء
- البرقع مكلف ومزعج وياخذ وقت ولو انفلت مشكلة
- اهم نقطة السرعة هي التي تخرب الوجه من واقع خبرة وتجربة اخر موعد وصولك ساعة افضل من تالم لخراب الوجه سنوات
بحفظ الله اودعكم

قناص*07
16/08/2011, 10:13 PM
ممكن استخدام الفيري بس يكون سفرك بالليل واول ما تاصل بالسلامه تغسل الموتر ولا تطلع عليه الشمس لانه راح يأثر على البويه خاصة اذا السياره مرشوشه.

واذا تبي شيء دايم سوي ذي اللزقه لك وللزمن

الاميراال
17/08/2011, 09:01 AM
aziz155
قناص *07
الف شكر وراح اخذ كلامكم بالحسبان

بس فيه مشكلة بالتجليده انها ماتحمي شبك السيارة خصوصا انه يبين تاثيرها اذا صار الشبك نيكل

aziz155
17/08/2011, 12:05 PM
aziz155
قناص *07
الف شكر وراح اخذ كلامكم بالحسبان

بس فيه مشكلة بالتجليده انها ماتحمي شبك السيارة خصوصا انه يبين تاثيرها اذا صار الشبك نيكل

أخي الكريم التجليده على قولتك ... سعرها غالي جدا وغير معقول والغش فيها وارد... ومع السنوات لايمكن ان تظل كما هي واعرف ان مناخك مناخ صعب جدا وراح يتغير لون البودي كله مو الوجه :D مع السنوات وبدون سفر
التزم بما اشرت لك وخاصة السرعة