الحذر من الحراميه وبياعين الكلام

[الرّمااااي]

السلام عليكم
ياجماعه والله ان الحراميه والطماعين وبياعين الكلام في ازدياد والطيب والصادق شبه منقرض ومسجل في قائمه اخلاق الكرام معرضه للانقراض لاحول ولاقوه الابالله
عندي اقتراح لان البيع بالمنتدي يسهل كثره النصب والاحتيال في علوم الطير وفعله
وقد يكون الطير مصاب او مكسور او فيه مرض وغيره وراعيه مايذكرها لذلك اقتراحي
فورمه
منتدي مكشات قسم البيع والشراء
اسم البائع
اسم الشاري
عمر الطير
وزنه
نوعه
راكد باليد
راكد بالتكايه
يلاعب الملواح
صايد
عيوب في الطير
ملاحظات اخري
السعر
تمت البيعه بشروط المذكوره والطير مرجوع كامل المبلغ اذا لم تتحقق شروط البيع
توقيع او بصمه
وشكرا
شرايكم

[مغاتير]

وعليكم السلام ورحمة الله وبركاته
ربك فوق الجميع طال عمرك او مال الحرام مايدوم
لاكن بخصوص البصمه واللاسم
مستحيل لانه الكل مستخدم اسم مستعار او لقب مستعار
وتوقيع يتزور
والله يغنيني عن مال الحرام ان شاء الله

[الخزاعي2010]

والله انها مشكله يعني خلاص الرجل الى عند كلمتهم ووعدهم ماتوووو

مابقى غير سلقلق كل همهم انصب والاحتيال ويشوف نفسة انه ذكي قدر يضحك على خلق الله

وشكرا يا صاحب المووضوع

وخذها منى نصيحة اذا تبي تعيش خون الكل ولا تثق بحد

[سرهاب]

مشكور ع الموضوع الاكثر من رائع،،
بس اذا خالف الباعه في كلامه وشروطه من يحفظ حق المشتري
والسبب شارط ع الطير باسم مستعار او شخص عارض الطير لصديق ،،
فالشاري ضايع اذا اختلفت شروط البيعه

[صقرالعارض]

السلام عليكم الحقيقه كلامك صحيح والخايب خرب على الطيب وان شاء الله ان اغلب الموجودين فيهم خير وبركه وانا اقترح انه في حال تعرض احد الاخوان للغش انه يشهر بالبائع كي نبعد اصحاب النفوس الضعيفه لاني احد المتضررين بارك الله فيك على هالموضوع الي اغلب الموجودين يشتكون منه .

[الرّمااااي]

توضيح بسيط يالربع
انا قصدي انه تكون الورقه بين البايع والمشتري في مكان البيعه ماهو في المنتدي ولكن الورقه تطبع بالفورمه او النموذج الي بالموضوع
يعني قبل اعطي فلوسي نوقع علي الورقه سواء البيع عن طريق المنتدي او بالسوق او في ديوان البائع او مكتب والقصد توفير النماذج وشهرتها
واذا لم تتوفر الشروط اقرب مخفر والسلام
مثل بيع السيارات بالحراج

[ربع خالي]

اخوي الرماااااي: هذا الموضوع تطرقله الكثير من إخواننا الاعضاء ، ومنتديات مكشات فاتحه قسم فقط لمساعدة الاعضاء والزوار في مايخص البيع والشراء للصقور ، من غير تحمل أي مسؤوليه بين العارض والمشتري ، وإذا فيه اوراق ثبوتيه ومشروطه ، هذي بين البايع والمشتري .
والمنتدى لايتحمل اي مسؤوليه .
وفي الاخير أتمني من كل مشتري التأكد بنفسه من الطير وفحصه .
تحياتي

[بر الوالدين]

إقتراح طيب نظراً لكثرة النصابة و المحتالين

أضف أخي الكريم / * آداء القسم

[(هزاع)]

من خلق الله خلقه وفيهم الطيب والخبيث اجلكم الله لاكن على كثر الرجال اللي عليهم الكلام الا انه يتواجد من يلبس هيئات الرجال وهو خبيث سريره لا تشري الا على نضرك والمطير واليمين والتكله على الله اول وتالي والله الموفق

[الأشرم]

وعليكم السلام ورحمة الله وبركاته

الرمااااي عزالله انك صادق وكلامك عين الصواب ولاكن هم في ناس مو صقاقير ويشترون الطير من صقار ويخربونه
البيع والمشترا ذمه وظمير وكلن ذنبه علي جنبه والله فوق كل شئ لاصار طامع بالفلوس لاينسئ الجنه

[مطامر]

الله يعطيك العافيه على الموضوع المهم جدا جدا
وتأكيد على كلامك خذ هالسالفه وعليها شهود 50 رجال
واحد باع العام لي طير فرخ وحش سليم والاخ كان من اهل الكويت مع احترامي
وتقديري لصقاقير الكويت عن طريق منتدانا مكشات وكان منطق الرجال ممتاز عن طريق الاتصال اللي صار بيني وبينه واقرب الى النا س الملتزمين واشتريت منه الطير بناء على الثقه اللي عطيته وكان يأكد على الفلوس قبل كل شي وقلنا هذا حقه لانه مايعرفني المهم فزعوا الرجال اللي حولي بمعارفهم بالكويت وعطوه الفلوس لانه كان مستعجل و بالفعل وطلبت منه يرسل الطير مع اي واحد من اللي يخرجون الطيور وعلى حسابي لانه ذكر في البدايه انه يعرف ناس كثير يطلعون الطيور وبعدين تاخر خروج الطير وان اللي يعرفهم مايقدرون وطلب مني ادور عن طريق الناس اللي نعرفهم احد وكان له مقصد وانا ياغافل لك الله المهم دبرنا خروج الطير بعد عناء وكلف الطير مع خروجه وتوصيله حوالي 15000 الف ريال المفاجأه الكبرى ان الطير واضح انه تفريخ مزارع وقلت امرنا لله يمكن الرجال غشيم ومايعرف الوحش زين نصقره وان شاء الله نعلمه ويسلك لاني اكدت عليه انه وحش وكان يقول انا مايلحقني شك انه وحش ولكن كلن ورايه فقلت هذا قصده تواضع وما يبغا القال والقيل ويخاف على سمعته وبنفسي اقول انه ابن حلا ل وفيه خير المصيبه الكبرى ان الطير يهدل جناحه وطبعا اللي له خبره بالطيور بقول في البدايه تأثير المهاد على الطير وللحذر والحيطه كلمت الرجال راعيه وقال اكيد المهاد واصبر بيزين ثلاث ايام ماران الطير وكنت ابلغه باستمرار وكان يقول اصبر وسايرته لان الى الان كلامه طيب وهادي وابلغته ان الطير فيه عيب شرعي وهو اخر جناح الطير {المشه}فيها خلل قديم جدا ومايلفح فيها الطير وهذا بعد فحص دقيق لمجموعه من الصقاقير وخبراء وليس لي رغبه فيه وفلوس تخريجه وتوصيله الله يعوض علينا فيها وهنا بدأ يراوغ ويماطل وقام مايرد على التلفون واضطريت للسفر للكويت وحاولت اقابله وتهرب ورد علي مره وقال انا بالبر وصار مايرد ودق عليه راعي مكتب طيور يعرف قصة الطير كامله وقالوا الصقاقير الشرفاء ان طيرك مع مجموعة طيور بها نفس المشكله كانت غند الناس هاذولا وصار عليهن مشاكل ورفض يحضر وحاول بعض الاخوه الطيبين حاول حل المشكله بما فيهم صاحب المكتب وهو رجل معروف بالكويت لان الرجال كان حاط الطير عنده وعطوني طير واحرجوني بطيبهم وحلفت ما اخذه بعد ما حطوه بالسياره اكثر من مره وصممت ما اخذه وان ردى الشخص اللي شريت منه الطير وكذبه وخداعه نسيته كله عند موقف الطيب اللي شفته من الرجال اللي حاولوا يهدوني الطير ورجعت وانا قادر اشتكيه واخذ حقي منه بشهادة اهل السعوديه واهل الكويت وكرامه لاهل الكويت الطيبين اللي حاولوا يعوضزني بطير غيره ورفصت طبعا لا ني ماجيت اجرب الاجواد والرجال ماابغا ادكر اسمه احتراما للناس اللي هو منهم وتطبيق لا خلاق المسلم ان المسلم يستر ولايبيعن عيوب المسلمين وخاصه بمثل هاذا المنتدى العام لجميع صقارين العرب والطير انباع بالفين ريال بعد ذكر عيوبه والباقي اخذهن من اللي غش يوم الماقف العظيم عند عزيز مقتدر يقتص لي منه ولن اسامحه في هذا الشهر الكريم اللي ترفع فيه اعمال المسلمين لانه غشني غش صريح
وارجو ماحد من الاخوان يطلب مني اسامحه
والعبره ياخوان ان تأخذوا العبره ولا تكونون غافلين زي حلاتي فالغشاش مايبين عليه شئ واسف لو طولت عليكم والله اعلم من وراء القصد

[قنص11]

سلام عليكم اقتراح طيب بس بنظري مايصلح وما اظن في احد راح يطبقه
وبعدين اخوي مطامر معوض خير انشاءالله وانا اخوك وبعدين شفني انا توني شاريه شيهانه امس جاك الورع فرعها وفتح اسبوقها وكخفت وللعلم شاريها ترى قبل امس حتى ما تعشت عندي وليتها تطيح بس برياجيل اجواد والواحد يحمد ربه على كل شي

[طير الهقاوي]

لا اله الا الله
استغفرك واتوب اليه
اللهم لاتضح حقوق المسلمين
موضوعك ممتاز
لاكن مثل ماذكر المشرف لك
صعب ان منتدى في شبكه عنكبوتيه انه يحفض حقك
خلك دون حلالك
وبالعكس اخالفك الراي
الحوات الغانمه ابشرك واجد والله يكثرهم وعند كلامهم
واما الي ماخاف من الله في بدايت الامر
يمهل ولا يهمله
تحياتي لك

[الحر الصافي]

كلامك في مكانك

[معسف العاصي]

الحمدلله اللي فيهم خير وتاحذ كلامهم وااجد ....... وقليل من ييع ذمته من شان كوم ريش
وانت صلا لك حق فحص الطير بالمستشفى وقت الربطه .. وتشوفه وتشوف طياره وقت الهدد
والمثل يقول / حرص ولا تخون

[alrshedi]

لقد ذمّ الله عزّ وجلّ الغش وأهله فيالقرآن وتوعدهم بالويل، ويُفهم ذلك من قوله تعالى: { وَيْلٌلِلْمُطَفِّفِينْ . الّذِينَ إِذَا اكْتَالُوا عَلَى النَّاسِ يَسْتَوْفُون . وَإِذَا كَالُوهُمْ أَو وَّزَنُوهُمْ يُخْسِرُونَ} [المطففين:1-3].

[الرّمااااي]

السلام عليكم
اخوي مطامر انت طلعت الطير من الكويت للسعوديه بكم لو سمحت لان الي فهمته هو 15000 خمسه عشر ريال
وياليت تذكر اسم الرجال علشان يكون له درس في الحياه مايستر الا علي الطيب