المساعد الشخصي الرقمي

مشاهدة النسخة كاملة : الفزعه تكفوووون ابي حال للمشكلة هاذي



السهران1
18/08/2011, 03:04 AM
السلام عليكم ورحمة الله وبركاته


اخواني حصل اليوم لي حادث بسيارتي والحمد لله كل الجميع بخير وعافيه الصدمة صارت بالحديد
الي صار بالضبط هو اني كنت انا قادم من الشمال ابروح يسار وكانت الاشاره خضراء وقبل تجاوز الاشارة باربعه امتار قطع امامي صاحب سياره وتصادمنا مع بعض والصدمه كانت الوجه الامامي لسيارتي وبالنسبه له من الكفر الامامي اليمين وحتى الكفر الخلفي اليساريعني دخلت عليه الابواب وحين حضر المرور حرك السيارات عن مكان الحادث وبعدها بوقت 5 دقائق تقريبا حضر مندوب من شركة (نجم ) تم عمل تقرير بالحادث من ووضع الخطاء علي 50 بالمية وعليه 50بالمية اعترضت على التقرير عند رجل المرور وقلت له انه الطرف الثاني هو الذي قطع امامي وكانت الاشاره خضراء وتسبب بالحادث رد علي وقال هل لديك شهود قلت له نعم عندي الله سبحانه غيره لا ما عندي حينما سمع الطرف الثاني كلامي نكر انه قطع الاشاره وقال انت اللذي قطع الاشاره يقصدني وانا الذي تسبب بالحادث وقال انني اطالب احاله القضيه للشرع قلت له لك ما تريد عساك توصلها للبيت الابيض معي الله وهو يعلم انني لم اقطع الاشاره وانها كانت خضراء وانت من اعترض طريقي وتسبب بالحادث اتقي الله اخوي حراح عليك اخذ المرور الاوراق واوراق التامين الخاصه بي علما ان قائد السياره الثانية كان لا يوجد معه رخصه قياده ولا حتى تامين . من هو المخطئ اخواني والي راح اتحمله من خسائر مادية علما انه تغطيه التامين لا تشمل حوادث الناتجه عن قطع الاشاره او السكر او عكس خط السير والله انني بحيره ولا ادري ماذا اعمل وكيف يعطوني حقي


افيدوني جزاكم الله خير

RR7
18/08/2011, 03:14 AM
أولا الحمد لله على السلامه بالحديد ولا بالأرواح هذا ظلم ووووووووووواضح لكن مأقول إلى الله يبين الحق والحق مايضيع .

التعـ King ـديل
18/08/2011, 03:15 AM
اطلب الله المفروض ماتحرك السياره الا بحضور مندوب شركه نجم .. رجال المرور يبي يمشي وبس مايهمه وش يصير

السهران1
18/08/2011, 03:20 AM
أولا الحمد لله على السلامه بالحديد ولا بالأرواح هذا ظلم ووووووووووواضح لكن مأقول إلى الله يبين الحق والحق مايضيع .


الله يسلمك اخوي ولا يوريك مكروه وكل مسلم امين





اطلب الله المفروض ماتحرك السياره الا بحضور مندوب شركه نجم .. رجال المرور يبي يمشي وبس مايهمه وش يصير





الله المستعان الله كريم وحسبي الله على كل ظالم


المشكله اخوي فيه واحد من الشباب يقول لي انه نيتهم يحملونك اصلاح السياره الثانية والي اتوقع راح يكون اصلاحها مو اقل من 9000 ريال الله يكون بالعون العين بصيره واليد قصيره

الله يحفظك اخوي

ماون ماركز
18/08/2011, 03:22 AM
الله يعينك !!

أنت أحسن زميلي اللي مكتوب له بالتقرير أن الحق له مائة بالمائة

وطلب منه مراجعة المرور لأستلام حقه .. ولما راجعهم حصل التقرير

معدل وصاير الخطاء عليه 75 بالمائة بدال ما كان الحق له 100 بالمائة

وعقب بهذلة ومطالب أرغم على التنازل كامل ويصلح كل واحد سيارته


--

حتى لو ما حركت سيارتك ويبون يحطون الحق عليك . وهو لك . بيحطونه عليك

وبعدها دور قبيلك ..

الله يعينك وبس

السهران1
18/08/2011, 03:26 AM
الله يعينك !!

أنت أحسن زميلي اللي مكتوب له بالتقرير أن الحق له مائة بالمائة

وطلب منه مراجعة المرور لأستلام حقه .. ولما راجعهم حصل التقرير

معدل وصاير الخطاء عليه 75 بالمائة بدال ما كان الحق له 100 بالمائة

وعقب بهذلة ومطالب أرغم على التنازل كامل ويصلح كل واحد سيارته


--

حتى لو ما حركت سيارتك ويبون يحطون الحق عليك . وهو لك . بيحطونه عليك

وبعدها دور قبيلك ..

الله يعينك وبس


الله يعين الجميع وكل مسلم امين ياخوي صكت فيه الدنيا وابلشني بنفسه

أبوغيث 2003
18/08/2011, 03:28 AM
الشكوى لله وأنا أخوكـ

للآسف مافيه حل

إذا أُحيلت القضية للشرع يبي يقولون لكـ هل تحلف بالله إنكـ ما قطعت الاشارهـ ؟
واللي صدمكـ نفس الشي

ثم يقولون توكلوا على الله ... الخطأ 50% عليكـ و 50% عليهـ


المرات الجايه اذا صار نفس الوقف ( الله يبعد عن الجميع المكروهـ ) على طول إنزل وقل للسيارهـ اللي وركـ اشهد لي إنه قاطع الاشارهـ

السهران1
18/08/2011, 03:33 AM
الشكوى لله وأنا أخوكـ



للآسف مافيه حل


إذا أُحيلت القضية للشرع يبي يقولون لكـ هل تحلف بالله إنكـ ما قطعت الاشارهـ ؟
واللي صدمكـ نفس الشي


ثم يقولون توكلوا على الله ... الخطأ 50% عليكـ و 50% عليهـ




المرات الجايه اذا صار نفس الوقف ( الله يبعد عن الجميع المكروهـ ) على طول إنزل وقل للسيارهـ اللي وركـ اشهد لي إنه قاطع الاشارهـ



جزاك الله خير اخوي

السهران1
18/08/2011, 07:11 PM
ملاحظه اخواني

خصمي ما عندة رخصة قيادة ولا عندة تامين نسيت اذكرها بالموضوع

هويدي
18/08/2011, 08:44 PM
الحمدلله على سلامتك

والله يعينك على المرور وشركات التأمين وغثاهم

مدمن مكاشيت
18/08/2011, 08:53 PM
اولا الحمدلله على السلامة
وبعدين وانا اخوك ترى اللي صادمك قصده يتخارج عشان مايتحمل الخطأ ويصلح سيارتك يعني قصده كل واحد يقوم بتصليح سيارته لانه اذا اعترف بقطع الاشارة راح يتحمل الخطأ100% وفوقها قسيمة قطع شارة.
حتى اذا رحتوا للمحكمة اذا مافيه شهود عندك ماراح تدين اللي صدمك راح يحلف للقاضي وبعدها تعتبردعواك باطلة وياما تتنازلون عن بعض ولا يكون الخطأ عليكم بالتساوي.
الله يعينك هذا حال البلد

السهران1
18/08/2011, 10:47 PM
الحمدلله على سلامتك

والله يعينك على المرور وشركات التأمين وغثاهم
الله يسلمك اخوي صدقت والله الله يعين الجيمع امين


اولا الحمدلله على السلامة
وبعدين وانا اخوك ترى اللي صادمك قصده يتخارج عشان مايتحمل الخطأ ويصلح سيارتك يعني قصده كل واحد يقوم بتصليح سيارته لانه اذا اعترف بقطع الاشارة راح يتحمل الخطأ100% وفوقها قسيمة قطع شارة.
حتى اذا رحتوا للمحكمة اذا مافيه شهود عندك ماراح تدين اللي صدمك راح يحلف للقاضي وبعدها تعتبردعواك باطلة وياما تتنازلون عن بعض ولا يكون الخطأ عليكم بالتساوي.
الله يعينك هذا حال البلد

الله يسلمك اخوي

صدقت اخوي هو كان باين عليه وعلى وجهك الارتباك وحتى كان كلامه غير مرتب والشاهد الله وانا اخوك بيني وبينه كتاب الله

الله يحفظكم امين

ابن عكاش
19/08/2011, 02:23 AM
الحمد لله على السلامه والحديد يعوض
لاتشيل هم مدامك متوكل على الله حتى لو ظلموك لو ضاع في الدنيا في الآخرة ابرك
انت الحين ماعاد لك اللا الشرع والله يعينك على المواعيد والغثى انت حاول في المرور انهم يراجعون التقرير مره ثانية لعل وعسى والله يسر امرك

السهران1
19/08/2011, 02:33 AM
الحمد لله على السلامه والحديد يعوض

لاتشيل هم مدامك متوكل على الله حتى لو ظلموك لو ضاع في الدنيا في الآخرة ابرك


انت الحين ماعاد لك اللا الشرع والله يعينك على المواعيد والغثى انت حاول في المرور انهم يراجعون التقرير مره ثانية لعل وعسى والله يسر امرك



الله يسلمك اخوي ويحفظك من كل مكروة

الله المستعان وانا اخوك

الله يعين ويبعد عنا وعنكم وكل مسلم كل مكروة امين يارب

جلمود الحره
19/08/2011, 09:21 AM
اخي لاتجزع من اللي صار عسى في الامر خيره ماتدري لاكن حقك مايضيع عند ربك
والحمدلله على سلامتك

السهران1
19/08/2011, 01:28 PM
اخي لاتجزع من اللي صار عسى في الامر خيره ماتدري لاكن حقك مايضيع عند ربك
والحمدلله على سلامتك


صدقت اخي عسى ان يكون في الامر خير
ان شاء الله ما يضيع

الله يسلمك اخوي ويحفظك وكل مسلم امين

بدوي جنوبي
19/08/2011, 08:15 PM
اخى السهران
احمد الله انك سلمت من المتهور هذا
ومن توكل على الله فهو حسبه

السهران1
20/08/2011, 12:27 AM
اخى السهران
احمد الله انك سلمت من المتهور هذا
ومن توكل على الله فهو حسبه
الله يسلمك اخوي ولا يوريك مكروه وكل مسلم امين

طير شلوى نجد
20/08/2011, 12:47 AM
الله يكون بعونك

الكلاسك
20/08/2011, 01:44 AM
الله يكون بعونك طحت بواحد جحود وحتى شركة التامين تبيك تجيب السياره بصدمتها لهم عشان يصوروها هم شخصياا . والواحد يحتار ما يدري ينتظر ولا يصلح سيارته ولا وش يسوي انواع التعطيل .
شريت سياره وكاله فيها خراب مصنعي وخذت منهم جيب 2009 مقابلها لين تصلح سيارتي القطعه تاخرت 3 اسابيع وانا استخدم سيارتهم اللي حصل واحد من خواني( ما عنده رخصه واقل من 18) اخذها وجاه واحد متهور وصدمه من جنب عدم علينا البيبان جاء المرور قرر 25% علينا و 75% على الهايلكس مع ان الخطأ على الهايلكس 100% بس لانه مطوع قالو هذا ما يكذب !!! واخوي بزر مسكين طايره بوهته حطو عليه 25% !! االمطوع ما كفاه راح جاب فاتوره تقييم تصليح مبلغ 12.000 مدري كيف دبرها بلكاعته يعني يلحقنا من الهايلكس 3000 ( لان اخوي ما يشمله تأمين ) رجعنا للوكاله قلنا سيارتكم مصدومه ودوها لورشتهم جابو لي فاتوره ب 36000 ( ستة وثلاثون الف ) ادفعها لنا ولا ترا سيارتك ما تستلمها ( قمة الاستغلال واللصوصيه ) قالو حنا ما نعترف بالتأمين !! جب فلوسنا وانت رح خذها من التامين بنكتب لك تنازل عن 36000 يله وش تبي بعد ؟؟ ( هههههه حيونه ) قلت لهم طيب تعترفون بالدوله ولا لا ؟؟ تعترفون بوزير الداخليه ؟؟ ولا لا طيب يله المرور تعترفون ولا ؟؟ مالكم الا 25% من تقييم شيخ المعارض . شيخ معارض الشفا يقول قيمة السياره قبل وبعد والفرق 8000 بدفع لكم 25% يعني 2000 بس راحو ودابجو عند شيخ معارض النسيم ورفعو التقييم ( مدري كيف سووها ) الى 12000 يلحقني منها 3000 رميت عليهم المبلغ وخذت سيارتي والثاني رميت عليه 3000 وافتكيت منهم لا بارك الله فيهم.

السهران1
20/08/2011, 02:57 AM
الله يكون بعونك طحت بواحد جحود وحتى شركة التامين تبيك تجيب السياره بصدمتها لهم عشان يصوروها هم شخصياا . والواحد يحتار ما يدري ينتظر ولا يصلح سيارته ولا وش يسوي انواع التعطيل .
شريت سياره وكاله فيها خراب مصنعي وخذت منهم جيب 2009 مقابلها لين تصلح سيارتي القطعه تاخرت 3 اسابيع وانا استخدم سيارتهم اللي حصل واحد من خواني( ما عنده رخصه واقل من 18) اخذها وجاه واحد متهور وصدمه من جنب عدم علينا البيبان جاء المرور قرر 25% علينا و 75% على الهايلكس مع ان الخطأ على الهايلكس 100% بس لانه مطوع قالو هذا ما يكذب !!! واخوي بزر مسكين طايره بوهته حطو عليه 25% !! االمطوع ما كفاه راح جاب فاتوره تقييم تصليح مبلغ 12.000 مدري كيف دبرها بلكاعته يعني يلحقنا من الهايلكس 3000 ( لان اخوي ما يشمله تأمين ) رجعنا للوكاله قلنا سيارتكم مصدومه ودوها لورشتهم جابو لي فاتوره ب 36000 ( ستة وثلاثون الف ) ادفعها لنا ولا ترا سيارتك ما تستلمها ( قمة الاستغلال واللصوصيه ) قالو حنا ما نعترف بالتأمين !! جب فلوسنا وانت رح خذها من التامين بنكتب لك تنازل عن 36000 يله وش تبي بعد ؟؟ ( هههههه حيونه ) قلت لهم طيب تعترفون بالدوله ولا لا ؟؟ تعترفون بوزير الداخليه ؟؟ ولا لا طيب يله المرور تعترفون ولا ؟؟ مالكم الا 25% من تقييم شيخ المعارض . شيخ معارض الشفا يقول قيمة السياره قبل وبعد والفرق 8000 بدفع لكم 25% يعني 2000 بس راحو ودابجو عند شيخ معارض النسيم ورفعو التقييم ( مدري كيف سووها ) الى 12000 يلحقني منها 3000 رميت عليهم المبلغ وخذت سيارتي والثاني رميت عليه 3000 وافتكيت منهم لا بارك الله فيهم.

الحمد لله على سلامة اخوك من جد والله يحسب انه لمن يجحد بيسلم من عقاب الله لا والله ما اظن الله يمهل ولا يهمل سبحانه بكره باذن الله انا ابروح لهم وراح اقول لكم وش صار معي بالتفصيل وادعي الله انها تنتهي على خير المهم يكون الحل فيه خير له ولا فيه ضرر علي بس مالي الا الدعاء والصبر

الله يحفظكم من كل مكروه امين

طال الانتظار
20/08/2011, 03:21 AM
السلام عليكم
اخوي وصلها شرع وخله يحلف باليمن واذا حلف
ترى ما يضيع حقك عند الله
بس اهم شي لا تسكت ووصلها شرع
يمكن يخاف ربه ويعترف
وانا ما اقول الا الله يعوضك بخير والحمدلله انها بالحديد مو بالارواح

السهران1
20/08/2011, 09:41 PM
السلام عليكم
رحت اليوم للمرور وعطوني ورقة للتقديرات ورحت قدرتها في صناعيه الرياض من ثلاث ورش وبعدها ارسلوني لقطع الغيار حق الوكالة عطوني تسعيرة القطع المطلوبة وكلها على بعضها مع شغل اليد 6200 ريال رجعت للمرور وعطيت الاوراق للعسكري رد وقال ليش ما عطوك ورقه حق شيخ المعارض قلت مدري عنهم شغلهم هذا يمكن ودهم يمشوروني وانا صايم الله يعطيهم على قد نيتهم المهم عطاني ورقة لشيخ المعارض رحت له قبل شوي صار ما يستقبل الا بكره من 10 حتى 12 صباحا قلت يالله عسى يكون خيره هذا الي صار اليوم وسلامتكم

السهران1
20/08/2011, 09:46 PM
السلام عليكم
اخوي وصلها شرع وخله يحلف باليمن واذا حلف
ترى ما يضيع حقك عند الله
بس اهم شي لا تسكت ووصلها شرع
يمكن يخاف ربه ويعترف
وانا ما اقول الا الله يعوضك بخير والحمدلله انها بالحديد مو بالارواح

وعليكم السلام هلا فيك اخوي
بيني وبينه الله والحق ما يضيع

الله يحفظك اخوي ويحفظ كل مسلم امين

sgl2002
21/08/2011, 03:42 AM
قطع الاشارة يكون خمسين خمسين الا في حال الاتيان بشهود