المساعد الشخصي الرقمي

مشاهدة النسخة كاملة : لأهل الفتك والخبرة الله لايهينكم



البر عشقي
18/08/2011, 03:37 AM
السلام عليكم ورحمة الله وبركاتة

سبق وان كلمني احد الاخوان عن الموية العادي للفتك وانه يخرب الخراطيش ومواصير المويه

قمت طيران على اقرب ورشة وغيرت المويه حقت وطلعت مويه صافيه مرة

وركبت له ماء اس ديلكو احمر

السئوال : هل تغيير الماء للردايتر يأثر على زيت القير من تهريب او أختلاط

مع العلم ان موتري 2007 قير تماتيك

وليد46
18/08/2011, 04:15 AM
السلام عليكم ورحمة الله وبركاتة

سبق وان كلمني احد الاخوان عن الموية العادي للفتك وانه يخرب الخراطيش ومواصير المويه

قمت طيران على اقرب ورشة وغيرت المويه حقت وطلعت مويه صافيه مرة

وركبت له ماء اس ديلكو احمر

السئوال : هل تغيير الماء للردايتر يأثر على زيت القير من تهريب او أختلاط

مع العلم ان موتري 2007 قير تماتيك


اخوي الغالي البر عشقي ليش تغير ماء الاديتر يخرف القير ؟ ؟ ؟ مايخربه ولا شي

بس الي تسمع عنه المبرد حق القير لازم تركب مبرد خارجي نصيحه لان مع الاستعمال

مبرد القير الي بالاديتر ينسم ويخلط الزين مع الماء ويخرب القير

لذلك فيه اكثر من ورشة تركب امبرد خارجي وريح راسك وانا موتري مثل موترك

ونفس الموديل وبركب ان شاءالله هاليومين للمحافظة والحرص بس

البر عشقي
18/08/2011, 04:25 AM
جزاك الله خير يخوووفون بعض الشباب بمواضيعهم وش افضل ورشة بالقصيم ان شاء الله نركبه ونرتاح بس الخارجي اشوف الشباب مش متفقين عليه بالحيل

وليد46
18/08/2011, 04:33 AM
والله يالغالي رديت عليك بالموضوع الثاني وقلتلك ورشة فوزان الفوزان ببريده بالتشاليح وكثير ركبوا عنده

ولا شافوا مشاكل واحد منهم له سنة ماشاءالله تبارك الله واموره تمام وانا بركب عنده اذا الله سهل

وبالنسبة لكلامك تقول الشباب ماهوب متفقين صعب تتفق الناس على شي بس بالعقل خله يهرب وتشوفه

ولا يهرب ويخبط القير وانت مادريت عنه لانه جوا بالاديتر ويمكن الشباب ماتفقوا لانهم يقولون يحتر زيت القير

لكن زيت القير اذا مشت السياره برد عليه الممشى واذا وقفت السيارة زيت القير مايحتاج لتبريد لان السيارة

واقفه لانه ماهوب زيت مكينه لازم يبرد لا هذا زيت قير دام السياره واقفه وشوله يبرد ؟ ؟ القير واقف اصلا

وبعدين اخوي ولا واحد ركب مبرد خارجي وشكى منه الحمدالله وانت جرب مانتب خسران شي

ركب خارجي ب 200 ان حسيت بفرق رجع شد البلد بس اهم شي خلووه يحط لك ليات شد البلد

ALBDRANE
18/08/2011, 04:59 AM
بما أن الموضوع عن موية الاديتر حبيت أعرف كم المدة الزمنية الي بعدها لا بد تغير ماء الأديتر ونبي الي يجاوب يكون على علم مهوب توقعات .
وبالنسبة للاديتر الخارجي الصراحة أنه موضوع ذو شجون على قولتهم وكل واحد يخاف يعدل في السيارة وتأتي الرياح بما لا تشتهي السفن ويقعد يلوم نفسه والصراحة شغلات القير مكلفه ومتعبه لذلك أجد الكثيرين ومنهم أنا يفضلون تركه على شغل الوكالة فقط تنتبه للسيارة في حال مرت عليها حرارة أو بعد سفر وكل فترة الي عليك تشيك على موية الاديتر تشوف هل فيها أي نسبة زيت وهذا راح يبين بسهوله عندما تفتح غطا الاديتر يعني الدعوه تشييك كل فترة وخاصة لو لا حظت أي مشاكل في تغييرات القير
وتجنب تحط أي
موية من الحنفية وحتى المقطرة أكثرها لعب في لعب الافضل تحط موية مخلوطة جاهزه مثل ماء تويوتا بدون أضافة أي ماء ثاني وعدم أستخدام منظف الاديتر العلب الي تحط للتنظيف لأنها تأثر على جلب المبرد حق القير وتضعفها .

هذا والله أعلم

ا

وليد46
18/08/2011, 05:29 PM
ياشباب ياعلم والله اعرف ناس كثير لهم اكثر من سنه مركبينه وانتم تذكرون العام جانا برد شديد والحمدالله

مواترهم ماجاه شي يعني القير ماتضرر ولا جاه شي وواحد من اخوياي غلق سنه قبل امس من تركيب الخارجي

وراح لبهاا يقول قبل رمضان جان يوم صارت الارض كله بيضا من البرد والبرد جلس يومين بالارض والحمدالله

الموتر زي الحلاوه اما قولت اني ابخليه على شد بلد وهمن اتندم لا والله والي يقولي شيك عليه هذا موب كلام

منطقي اسمحلي طيب ياخوي انت ماسك خط تبي تقدر تشيك عليه بالخط ؟ ؟ والله مافيه امل افرض بالخط

خلط الزيت مع الماء ؟ ؟ وش تتسوي ؟ وبعدين انت مانتب خسران شي ياخوي كله 200 ريال ركب وجرب

شفت فيه تغير ولا شي رجع شد البلد زي ماكان ماتغير شي وللمعلوميه والله واحد ركب خارجي وجلس معه سنه

وعقب السنه قالوه واحد مثل كلام اخوناا البدراني قالوه اليبانين ابخص ومن هالكلام وراح ورجع شد البلد

يقول والله مافيه فرق بين الاثنيين يعني مافيه ضرر من الخارجي بالعكس الداخلي هو الخطرر والدليل ياخوي

مبرد زيت القير تيوتاا خاااااااااااااااارجي

البر عشقي
18/08/2011, 10:51 PM
اللي يقول اليابيين ابخص مشكلتة مايدري
مصانع السيارات لأتخذ كلام المستخدمين للسيارات عشان تطورها بالمويديلات اللي بعدها
انما للأسف تأخذ كلام الوكلاء وتعتمد عليه بالتعديلات والكل عاد يعرف الوكلاء عندنا طمع وجشع
واكبر دليل اذا كان في اي سيارة خلل مصنعي مايتعدل إلا بعد خمس او ست موديلات لين الوكيل يمشي سوق

قطع الغيار وعلى هالحال اذا عدلو حاجه يطلعون حاجه ثانية وجيوب الناس تنزف من الدراهم مشكور أخوي وليد

وقريت مواضيعك الاخرى وسوف احذو حذوك بالقريب العاجل واتمنى لك ولموترك التوفيق وشكراً

وليد46
19/08/2011, 04:32 AM
اللي يقول اليابيين ابخص مشكلتة مايدري
مصانع السيارات لأتخذ كلام المستخدمين للسيارات عشان تطورها بالمويديلات اللي بعدها
انما للأسف تأخذ كلام الوكلاء وتعتمد عليه بالتعديلات والكل عاد يعرف الوكلاء عندنا طمع وجشع
واكبر دليل اذا كان في اي سيارة خلل مصنعي مايتعدل إلا بعد خمس او ست موديلات لين الوكيل يمشي سوق

قطع الغيار وعلى هالحال اذا عدلو حاجه يطلعون حاجه ثانية وجيوب الناس تنزف من الدراهم مشكور أخوي وليد

وقريت مواضيعك الاخرى وسوف احذو حذوك بالقريب العاجل واتمنى لك ولموترك التوفيق وشكراً



والله كلام العقل ياخوي الغالي

وبنسبة لكلام اخوي البدراني الي يقول اليبانين ابخص بقوله تذكر مشكلة مسامير اللهاة