صندوق عزبة في الحوض

[حر اليدين]

السلام عليكم
اقرب ورشة تسوي صناديق عزب حديد في حوض الموتر من شرق الرياض
او الرياض عموما بحيث الشغبل النظيف والسعر المناسب


الله لايهينكم

حر اليدين

[محتري السيل]

حر اليدين

وعليكم السلام وصبحك الله بالخير

والله أذا بتطيعني ... مر ساكو أو محلات الزينة وخذ لك من صناديق البلاستك صناعة أمريكية السود
أخف وانظف وأقل قربعه وأزعاج ونصيحة لاتخلي العزبه دايم في السيارة حاول تنزلها أذا مانتب محتاجها

وبالتوفيق

[فتى الدهناء]

أنا كنت أفكر أفصّل .. قبل سنه .. في حوض أيسوزو .. وعقب مارحت للمواهب .. وقالوا لي بــ 500 ريال .. !! طارت الفكرة ..
وقدّر الله اني كنت واقف عند محطة ( نوف ) طريق الثمامة .. إلا واناظر صناديق ألمنيوم .. تباع في محل الرحلات اللي في المحطة .. وآخذ الحجم المناسب .. بــ 50 ريال .. وأركبه في الحوض وأثبته بمسامير صغيره .. على ( الفيبر فقط ) .. وأشريلها قفل ..

وله سنه ... وماشاء الله .. ماله صوت .. وحافظ أغراضي . العدة - الماطور - أدوات الكهرب - الأنوار - وغيرها ..

وبعت الموتر .. وهي فيه .. الله يطعم راعيه خيرها ويكفيه شرها

[حر اليدين]

محتري السيل

فتى الدهنا
يعطيكم العافية على الافادة ووفرتوا علي احط بموتري حديد بالشي الفلاني انا مابيه الا للماطور والعدة والعفريتة

حر اليدين

[شـهـاب]

فتى الدهنا


هل الصندوق موجود لجميع انواع االسيارات

يعني ابغاء اركبه في هايلوكس يركب

وهل هو على الحجم المناسب ؟؟


وياليت تعطوننا صوره الله يخليكم


اخوكم شهاب


انتظركم

[العودالازرقhk]

اذا تبي تركب صندوق عزبه ثابت تلقاه في الصناصية القديمه على شارع العويضه بس سعره غالي مره رحة مره اركب عاى ددسن مع خزان ماء استل استيل تحة صندوق العزبه قالولي ب1200ريال
عقبها زرقة القصيم (بريده )وركبته المونيم مع تانكي المويه تحته 350ريال وطلعه لي في نفس اليوم وركبوه لي بدون تخريم ولاله اي قربعه...

[فتى الدهناء]

شهاب ::::::::::::: الصندوق له أحجام متعددة .. وانت اختر اللي يصلح لك .. وأنصح انك ماتركبه بالعرض ( حتى اذا جيت تركب جراكل ماء في العراوي المحاذيه للتنده ) يكون فيه فراغ .. ركبها بالطول أفضل ..

وأعتذر ماعندي لها صور ..

وحيّاكم الله

[شـهـاب]

مشكور اخوي فتى الدهنا

لكن ياليت تعطيني مكانه

في اي مكان في القصيم انتظرك

انا ماني من اهل القصيم

[فتى الدهناء]

مهوب في القصيم ... وإنما لقيته في محل رحلات وعزب .. في محطة ..

وهو شبيه بصندوق التنك ... اللي يجي بثلاث مزاليج .. وتحط على اللي في النص ..قفل

[حر اليدين]

الاخ شهاب

العود الازرق <O:p

<O:p

مرحبا بكم من خلال الموضوع <O:p

ولكن يافتى الدهناء انت افدتنا بالصندوق لكن وين المحطة وصفها لي مزبوط <O:p

الله لايهينك<O:p

<O:p

اخوك حر اليدين<O:p

[العودالازرقhk]

اخوي حر اليدين اذاعندك اي استفسار دق على جوالي 0551113393

[راعي الشرف]

السلام عليكم.

على كلامك تبيلك شي رخيص ويناسب حاجتك, في ورشة في صناعية الخرج شغل على الذمة وعلى الطلب الي تبية. رقم المحل هو2418838 ودعواتك لي لاني مجرب شغلهم.

اخوك راعي الشرف......

[فتى الدهناء]

حر اليدين :::::::::: أعتذر عن التأخير .. الوصف
وانت ماسك طريق الثمامة ( اللي يروح للدوارات العويضة وغيره ) .. تجيك بعد الدوار الأول الجديد ..محطة (( نوف )) وقف كنك تبي تعبي بنزين ( ولا تعبي ) .. ولا أقول بكيفك ..:d

التفت يمين تبي تلقى محل كبير لأدوات الرحلات ... الصندوق شريته من عنده بخمسين ريال

[حر اليدين]

اخوي فتى الدهنا يعطيك العافية على الوصف


اخووي العود الازرق الله ماتقصر اخوي برسلك رسالة على جوالك قبل مااكلمك

الاخ راعي الشرف اهلا بك من خلال الموضوع


حر اليدين

[حر اليدين]

الاخ فتى الدهناء الحين توني جاي من المحطة وابشرك لقيت الصندوق واستعماله زين لكن ماهو اللي انا ابغاه
هو بيوفي بالغرض لكنه ممكن ماهو امن من غيره تصور انا حطيت اغراضي في سيارتي تدري وش انسرق منها ؟

انسرقت براسها خهههههههههه
لكن انا ابغى شي يكون يشغل الحيز اللي بين رفارف الموتر الداخلية ويكون موازي اما للرفارف او موازي للصندوق من حيث الارتفاع
على العموم انت ماقصرت اخوي فتى الدهناء

[ابن حـنيف]

تحية وبعد،،
يالربع حصلت بالدمام صندوق أسود والقفل منه وفيه ومن البلاستك المقوى بس غالي
1200 ريال !! هل هذا سعره ؟؟
لاهنتو يالربع ودنا بخبرتكم وان كان احد عنده علم وين احصلهم بالدمام لان ما لقيت الا محلين بس !!!

انتظر ردوووودكم

[سيف الظفير]

يالربع نبي الصور وارقام الاتصال والاماكن

[ابن حـنيف]

يالربع ما فيه احد يفيدنا باستفسارنا عن الصناديق للحوض :confused:

[هبــ حريملاااء ـبوب]

السلام عليكم
انا مركب شطنه من السليماني المنيوم بقفل بـ 1200 صنع كندي ماركة يوكون ..
ممتازة جدا تاخذ كل اغراضك تقريبا وراكبة صح على الحوض وانزل شوي من ارتفاع الحوض ..
يعني تقدر تركب طبق وكأن شيئا لم يكن وحط اللي تبي فوق كما في الصوره ..

بالنسبة للتوانك مفصلهم عند ورشة اليحيا بـ 1000 سعة الواحد 75 لتر تقريبا وبنفس ارتفاع الشنطه ..

وريح راسك من القرقعه والصدا وتغير الطعم .. وسلامتكم

http://www.giantup.com/get-10-2009-Giantup_CoM_vkjqk16p.jpg (http://www.giantup.com)

[ftc]

فية مستعمل نضيف بالحيل

[كشات غربي]

لو كان فيه صور كان اقرب لنا لتصور ما عرضتم
والف شكر للجميع