المساعد الشخصي الرقمي

مشاهدة النسخة كاملة : الفزعه تكفون الوقت مو من صالحي



فزااع الشمال
19/08/2011, 07:17 AM
ابي رايكم أنا اشتريت جيب شاص وارد البريمي 2011 ستون عام اشتريته من النسيم

ومشيت فيه عن طريق البر لشمال لما وصلت اكتشفت ان بعض الحديد مصدي من البحر لما كان في الباخره بعض البراغي واصواميل والقفزان والصدأ. اذا ماشلته باسرع وقت يمشي ويأكل الحديد

الغامدي نايف
19/08/2011, 07:32 AM
اخي فزاع الشمال اوصيك برش السياره ببوية الصداء واذا مالقيتها بالشمال تراها موجوده بجده
والله يعطيك خيره ويكفيك شره

جلمود الحره
19/08/2011, 07:35 AM
اخوي الشمالي
اذا الدعوه من الصواميل وجاي عوافي
(تتغير الصواميل والبراغي والقفزان وينظف محلها زين ببنزين ويرش بمانع الصدى)

واذا والله الصدى واصل البدي هذي يبيلها هندسه
انا اقترح عليك تستشير سمكري شاطر .
والله يعطيك خيره ويكفيك شره وبالتوفيق.

محمد الظاهري
19/08/2011, 07:45 AM
معقوله
شارين شاص 2010تصدير بريمي جديد وكاله
ما فيه مثل ما قلت يعني معقوله اسبوع واحد يثر على الحديد

فزااع الشمال
19/08/2011, 07:46 AM
اخي فزاع الشمال اوصيك برش السياره ببوية الصداء واذا مالقيتها بالشمال تراها موجوده بجده
والله يعطيك خيره ويكفيك شره

الله يعافيك يالغامدي الرشه لها اسم معين وش تسوي بالصدا طيب وباي مكان بجده حتى ووصي عليها

فزااع الشمال
19/08/2011, 07:50 AM
معقوله
شارين شاص 2010تصدير بريمي جديد وكاله
ما فيه مثل ما قلت يعني معقوله اسبوع واحد يثر على الحديد


أنا هذا الي مجنني. تاريخ صناعته قبل ثمانية اشهر لكن كانهم راشين شي على حديده وهو قالب صدا×

ابوصالح022
19/08/2011, 08:25 AM
الله يعطيك خيرهـ ويكفيك شرهـ


الــــــلـــــــــــه يــــــــعــــــــــيـــــــــــــنـــــــــــــك

الصدا اذيييييييه اذكر خويي ضاق صدرهـ شاري هايلوكس 2011 دبل غمارتين
واكثر سفرياته جدهـ - الشرقيه - ينبع - ويرجع للقصيم الله يستر عليه

يقووول ابطييييت ماغسلت السياره من تحت ومتجمع على الدفرنس والسست طين وتراااب وبديت اغسله كل اسبووع يقووول هالايام نزلت تحت الموتر كنت اغير الزيت ولا وش اقووول
السست مصدي لا وطايحه بويته والهوبات مصديه وبعض الاشياء اللي تحت الموتر وقفلت معه
وقاله واحد يرشه
بوية الصداء
وقاااااااااال هي خااااااربه خااربه
>>الله يستر عليه طنشش

وانا اكثر من مره اشوف السيارات الجديده من تحت مصدي والهوبات مصديه خاصتن الهايلكسات

والله يعيينك واسف على كثرررررررر الررررررد

دل البحار
19/08/2011, 10:43 AM
الصداء سببه مكان صنع السياره ممكن تكون في بلد فيه نسبة الرطوبه عاليه تصدي السياره مثل الامريكي بعضه يجي مصدي ..
بجده يرشون رشه للصداء توقف الصدا في معارض جده مشهورين بشغلات الصداء
الله يعطيك خيره ويكغيك شره..

ALBDRANE
19/08/2011, 12:50 PM
والله من الوقوف والتنطيل على رصيف المينا لمدة قد تصل لشهرين وأكثر

بدوي جنوبي
19/08/2011, 08:33 PM
يا ليت تضع صورة

اخى الكريم هذا صدأ سطحى ظاهرى لا يؤثر على الاجزاء كثيرا
والسبب هو الرطوبه .

لا تقلق كثيرا
حاول تنظف مكان الصدأ بغسله بقطعه أسفنج فيها زيت محرك محروق (مستمعل)
بالتوفيق ان شاء الله

التعـ King ـديل
19/08/2011, 08:57 PM
اذا عندك مغاسل محترفه يحط لك زيت محروق او ديزل مخفف ويرش اسفل الموتر وراح تنساه

الكلاسك
20/08/2011, 01:17 AM
ههههههه لا تشيل هم وحط في بطنك بطيخه صيفي الصدأ هذا قشره بسيطه فوق سطح الحديد مالها تأثير
ولا ترشها ولا تخسر نفسك .
تجربه : مشيت على قااار وامتلت السياره رحت غسلتها بستم ديزل طلعت لي مصيبه العن من القار دخل الديزل للرمان وازال الشحم وفي ظرف ساعه صدأ الرمان واصبحت تطلع صوت غيرت الرمان وشغل يد وخساير صارت ترج الدركسون عملت خرط هوبات ترج خرط 2 ترج اخر شي بعتها !!!

ابوصالح77
20/08/2011, 04:23 AM
الله يعوضك خير
ولا يضيق صدرك
والموتر حق بر بيطير الصدأ ولا البوية من الترميل
تقبل تحياتي

wafian
20/08/2011, 05:57 AM
جرب تشحيم الاماكن المصديه

فزااع الشمال
23/08/2011, 12:16 PM
بأقرب وقت راح انزل صور.

فزااع الشمال
23/08/2011, 12:17 PM
وشكراا لكم واسعدني ردكم

المنيعي1
23/08/2011, 01:13 PM
لايهمك يا رجال أغلب السيارات الأمريكية وخصوصاً الجموس تجي مصديه من تحت وهي وكاله ولاضره .
لاترش ولاشي تلعب بالموتر وهو جديد وبعد فتره تبين الرشه وتكون عيب بالموتر حاول تنظفه مثل ماقالو الشباب, وأذا تبي شوري لاتقربه أغسله بستم فقط .

سويرعلي
23/08/2011, 01:30 PM
لاتوسوس يارجال 2011مايمديه يصدي هذا شي سطحي يجي باغلب السيارات كلها ايام وتشوفه منتهي
اذا كنت في مناطق جافه...

أطلال نجد
23/08/2011, 01:43 PM
السلام عليكم
مثل ما قال أخوي بدوي جنوبي
هذه قشرة صدأ ظاهريه وهو طبيعي جداً وتلاحظه في كل السيارات الجديدة بسبب الشحن البحري والوقوف مدة في الميناء والغسيل أحياناً ... نصيحتي لك
لا ترش ولا تغسل ولا تسوي أي شيء أترك السيارة كما هي وتمتع بها ولا تخلي مكان عسى الله يبارك لك
ويعطيك من خيرها ويكفيك شرها .