المساعد الشخصي الرقمي

مشاهدة النسخة كاملة : والله احترت وبقووة اناس يقولون خذ (يوكن )وناس تقولون فورد (الاكسبدشن)وش الدبرة تعبت ؟



بن عويشير
20/08/2011, 05:44 AM
شباب والله احترت ناس تقول لى اشتري يوكن جمسي 2011
وناس تشور على بالاكسبدشن فورد 2011

ناس تقول الجمس خرباته كثير والتكييف حار
وناس تقول الاكسبدشن الكهرباء حساسه ما تعرف لها الا الوكاله

وانا فى حيره من امرى تعبت من التفكير
والله ما انلام السياراه اقصاد وديون وسلوف

والسياره غاليه تحرق القلب

لكن الواحد يشور اخوانه واحبابه وما خاب من ا ستشار

اى احد مشترك بالموقع يسوق للسيارتان ارجوه لا يرد

لانه بيصير غاش لى والمسلم اخو المسلم

تكفون ابي شوركم يا الربع

جلمود الحره
20/08/2011, 05:50 AM
يوكن تقولي ليش اقولك يكفي انه جي ام سي بدون تعصب

ابوصالح77
20/08/2011, 05:51 AM
والله يالغالي ما أدري شأقول لك
الدعوة واحدة
شف اللي خاش مزاجك
ولو تحول الوجهة لـ السكويا
سعرها مناسب ونفس الصناعة
الله يرزقك الخيرة المباركة

رسيس نجد
20/08/2011, 05:53 AM
لا تعدى الياباني 00000 مجرد رأي 0

مولع بالطير
20/08/2011, 06:25 AM
بسم الله الرحمن الرحيم تقبل الله منا ومنك صيامك وقيامك وجيمع المسلمين
الله يعطيك خيره ويكفيك شره الموتر الي بتاخذ من ناحيتي شخصيا انا جربت اليوكن 10 سنوات كديته كد لاكن محافظ عليه من ناحية زوت محركات تشييك وياربي لك الحمد لين بعته واليوكن شفه مع ناس واجد ماشتكو منه بالعكس موتر عملي ومريح وكانك تبي تاخذ شف التاهو ماهو ردي وسعره 116000 وعسي الله يرزقك بالخيره وستخر ونا اخوك اتمني افدتك

mobe
20/08/2011, 06:43 AM
في الجودة والمميزات الاكسبدشن يتفوق على الجي ام سي بفارق بسيط

في الشكل الخارجي الجي ام سي هو الاقرب توافقا مع المزاج الذوقي السعودي

جيبي جايزلي
20/08/2011, 06:50 AM
رح لم محلات التاجير واستاجر هذا وهذا وشف وش اللي يناسبك

أبو غدي1432
20/08/2011, 07:11 AM
رح لم محلات التاجير واستاجر هذا وهذا وشف وش اللي يناسبك



:good2::good2::good2::good2::good2::good2::good2:: good2:

كاشت وحداني
20/08/2011, 07:19 AM
الله يدلك ويسهل امرك
اولا الاستخاره
ثانيا الراحه النفسيه لك انت شخصيا
ثالثا طريقة استخدامك
الموترين كلهم حول بعض
الاكسبديشن المرتبه الاخيره لما تنصفط تعطيك مساحه اكبر مستويه بعكس اليوكون
الاكسبديشن اريح قليلا من اليوكون
الا كسدبيشن حق انسان رايق وهادي
ان كان انت من النوع العجل وتحب المطامر خذ يوكون
البنزين حاليا لصالح اليوكون بسبب التقنيه الجديده اللي توفر عمل البساتم في حالة عدم احتياج الموتر لها

بلحارث
20/08/2011, 07:24 AM
لا هذا ولاهذا شف عندك السوبربان الطويل افضل منهم خذلك ال تي وماراح تندم ان شاء الله انا اخذته ورحت فيه الجنوب ورجعت ماشاء الله تبارك الله والله انه يفتح النفس لامركب ولامظهر وعلى فكرة تراه نفس اليوكن بس الاختلاف بسيط جدا في الانوار الامامية وحاجات لاتذكر بالعكس السوبربان شكله احلى وارخص من اليوكن فقط بعشرة الاف وانت استغل العشرة الاف وركب له شاشة من عند الوكالة وتلبيسات والله يوفقك

الصقر الحربي
20/08/2011, 07:28 AM
اليوكن أفضل
ولا تنسى قطع غيار الفورد تراها غالية

ابوراكان تبوك
20/08/2011, 07:36 AM
السيارة اللي ماعليها علامةhttp://t0.gstatic.com/images?q=tbn:ANd9GcSeGKtk1_hJ4q7b_4K_QaQaoNTrt3Fj7--kOjsnJlOnXy5uYMGU2Aماتعتبر سيارة وجهه نظري

ابونبيل
20/08/2011, 08:12 AM
كلهم كفو بس الاصاله في الجمس ..معروف منذ مبطي

ابوصالح022
20/08/2011, 08:28 AM
غير التويوتا والنيسان لاتدوور

صحيح ان اليوكن والاكسبدشن موووووواتر فخمه ومريحه وعائليه

لكن غااااااااليه اسعاااره + بعد كم سنه كم تبي تبيعه+ الاعطاال
والله الديووون بنا بنا لكن اخذ لي سيارهـ 88 الف وحووول

يافورتشنر او اي سيارهـ ثانيه

والله يعييينك على الاختيار
وعليك باالاستخارهـ قبل كل شي
ولاتحمل نفسك فوق طاقتها


اخوك ابوصالح

راعي المجهم
20/08/2011, 09:39 AM
نصيحة خذ لك جيب تويوتا أفضل مليوووووووووون مرة من الأمريكي

وسعره فيه شيييييييييييك مصدق متى ماحتجت دراهمه

عبدالعزيز-1
20/08/2011, 01:12 PM
rمن وجهة نظري المتواضعه

قطع الغيار لصالح الاكسبدشن وذلك بعد عمل مقارنات كثيره بينه وبين اليوكن .

الراحه في الطريق وراحة المراتب الاماميه والخلفيه لصالح الاكسبدشن وبقوووووووه ( مراتب الخط الوسطي في اليوكن لاتستطيع التحكم بها وهي متعبه جداً في الخطوط الطويله حيث انها صالبه نوعاً ما وتحتاج الى مخده صغيره خلف ظهرك وايضاً المرتبه قاسيه نسبياً )

استهلاك الوقود ( لااعلم ) واحس ان الاثنين تقريباً قريبين من بعض في الاستهلاك.

الشكل الخارجي ( اليوكن اجمل )

تبريد المكيف ( الاكسبدشن افضل بمرااااحل وبلا وجه مقارنه )

استيعاب السياره للعفش ( الاكسبديشن افضل وذلك بسبب انه تستطيع جعل المرتبه الثالثه مساويه لارضية السياره )

خدمات مابعد البيع وبذلك اقصد الوكاله ( الاكسبديشن افضل )

خفة السياره داخل المدينه ( اليوكن افضل )

على الطرق السريعه ( الاكسبديشن افضل بلا منازع )

متانة المواد الداخليه المستعمله في السياره ( الاكسبديشن افضل بلا منازع )

طبعا التجربه كانت ليوكن 2010 واكسبديشن 2009 ومدة التجربه لكل سياره ( سنه )


وفي النهايه اخي الكريم القرار قرارك وانصحك بالاستخاره

راكب الشفر
20/08/2011, 02:46 PM
خذ تاهو ال تي دبل ممتاز وعلى حسب الاستخدام
اهم شي مريح واقتصادي بالبنزين خصوصا بالخطوط ةمكينة قوي

بيك اب 4X4
20/08/2011, 03:13 PM
استأجر السيارتين و انت بتشوف الفرق
و تأكد من سالفة تبريد المكيف في الظهر بما اننا في الصيف حالياً
تأكد من جودة البدي خصوصاً لما تسكر البيبان و تأكد من جودة الاكسسورات الداخليه
قارن مساحة السيارتين الداخلية و الحجم الخارجي و سهولة السواقه داخل المدينه

بر الوالدين
20/08/2011, 03:27 PM
هههههههههههههههههههههه

من جد ههههههههههههههههههههههههه و بقوهـ

تعال هنا http://mekshat.com/vb/showthread.php?t=434010

أنت مثل وضعي يا خي جان هبال و و جع راس

اتصل أخوي ( يدري إني ادور موتر ) و يقول لقيت شي

قلت أيه

وشو : إكبديشن دبل طويل

قال : و جع وجع و خر و خر هج هج ، قلت يا إلاهي يا ساتر

خير عسى ماشر فيك شي لا تشري لا تقربه أنت تبي تنقل معلمات أنت لحالك بالديرة

و يحول على الموتر و يعيب فيه و في لونه

فجر راسي

ولا طلعنا بنتجيه

بر الوالدين
20/08/2011, 03:57 PM
الرد من الأخ / عبدالعزيز-1 جداً مقنع

وكنت أقول إن الإكسبديشن فيه مواصفات تتميز عن ( التاهو و اليوكن )

المرتبه الثالثه في الإكسبديشن تسفط مساوي للأرض ( اليوكن و التاهو لا ) و تضايق

التكييف أبرد فيه الإكسبديشن

لما يجيك التاهو أو اليوكن فل كامل فإن مبلغه خيالي يفوق الإكسبديشن بـ 20 ألف إن لم تزد


المشكله الوحيده في الإكسبديشن هي في حالة البيع ( لما تجي تبيعه ما تحصل زبون على طول )

أعتقد إن إنتشار التاهو و اليوكن هو الشكل و ليس المضمون

فالناس إغترت بالشكل و المظهر أكثر لذا تشوفه منتشر و سعر أغلى

خليفان
20/08/2011, 05:52 PM
اشتر الاثنين

كاشت وحداني
20/08/2011, 06:24 PM
عبدالعزيز-1
ماقصرت عالشرح

وانا ارشح الاكشبديشن لاخونا

الجني العبد
20/08/2011, 06:31 PM
إذا كان مايهمك شكل الموتر + الديكور الداخلي خذ السكويا

Vortech
20/08/2011, 07:14 PM
انا ما استخدمت لا اليوكن ولا الفورد....

لكن لو بغيت اي موتر من هالفئه راح اختار اليوكن ولا السكويا ... آخر خيآر في جميع الفئات هو الفورد ولا تسألني ليش... سبحآن الله ما هضمت الوكاله ولا سياراتها...

وسلامتك

You Like Me
20/08/2011, 07:16 PM
والله وانا اخوك
الجي ام سي اثبتت انها زلابه في التكنولوجيا
مشاكل بالكهرب والحساسات لها اول ما لها تالي
انا كان معاي يوكون 2009 جلس معاي سنه على يدي جديد اخذته
وبعته بعد سنه ماشي 30,000 وجلس في الوكاله اكثر من ما جلس معاي
من مشكله لمشكله
والان اخوي معاه تاهو 2011 له شهر طردي وشكاوي هو وشركه العيسى
عنده الحراره والمكيف ما يبرد وتفويت بالقير وإلى الآن كمل شهر ومازال هو وهم شيل وحط
عليك بالإستخارة قبل كل شي وأنا والله اني ناصح لك ومجرب سيارتين
انا قبل سنتين لو سألتني قلت لك لا تتعدى اليوكون
انا كان معاي مديل 92 وبدلته بـ 97 وبدلته بـ 2002 وبدلته بـ 2006 أكس أل
وكلها ماعليها كلام بس من مديل 2007 وشركه جينيرال موتورز مدحدره للأسوء
وماعندهم نيه ابدا يشوفون مشاكلها وعيبوهم التصنيعيه
يعني لو سألت احد يملك مديل 2007 نفس المشاكل لحد مديلات 2011
يعلم الله اني ما بالغت او تبليت ... لكن والله شي يغبن
انا سيارتي بعتها بعد سنه بخسارة 55,000 ريال تخيل وماشيه 30 الف كم
ماقول إلا حسبي الله ونعم الوكيل والعوض على الله

طارق الحريري
20/08/2011, 09:57 PM
الله يوفقك يالغالي بالنسبه لي ارشح الاكسبدشن بحكم سعره تنافسي والمساحه الداخليه الكبيره لكن انصحك لاتاخذ الحجم الكبير
خذ الصغير دبل او بدون دبل على حسب الدراهم ويفضل بدبل مع اني ما استعملت لا هذا ولاذاك لكن حسب ماسمعت ان
الفورد افضل سيارتين انتجتهم مقارنه بنفس مثيلاتها بالشركات الاخرى بالنسبه للسعر والراحه الفكتوريا والاكسبدشن

ولد الغلباء
20/08/2011, 10:13 PM
انا جربت السيارتين صراحه اليوكن افضل بشكل كبير
واللي قالك تكييف اليون حار تراه غلطان واسئل مجرب تكييفه ثلج ماشاء الله
صل الاستخارة وخذ اليوكن ولا تشاور

m3ax
20/08/2011, 10:26 PM
رح لم محلات التاجير واستاجر هذا وهذا وشف وش اللي يناسبك

الله يبيض وجهك دنيا وآخره والله ان ردك هو الرد اللي في المفصل (الرد الوافي)

أما الباقين اللي الرجال يقول لهم احترت بين يوكن واكسبديشن ويقولون له خذ لك سوبر والثاني يقول خذ لك تنكه من تويوتا ينطبق عليهم المثل اللي يقول (قال ثور، قال احلبه)

انا مؤيد لرد اخوي جيبي جايزلي ولو اني اميل لسيارات فورد لكن الشهادة لله إن الجموس أكثر عراقة ولا استخدمت الجديد لكن القديمات بيني وبينها عمر وعيش وملح وترى مشاكل الكهربا اللي يقولون عنها في الفورد انتهت من عام 96 يعني كلام اكل عليه الزمن وشرب ووالله ثم والله انها اقل خرابات مرت علي من استخدمت الفورد وكان معي لينكولن تاون كار موديل 90 وكانت فيه مشاكل بالكهربا بس مو كبيره بالدرجة اللي تتخيل وبعدها قراند ماركيز 99 وواحد ثاني موديل 2001 واكسبلورر موديل 2006 لازال معي الى الآن وقراند ماركيز موديل 2010 وكلها ما عرفت الخرابات الجسيمه ولا عرفت مشاكل الكهربا من يوم سقتها إلى اليوم باستثناء 99 ضربت ببطنه على عبارة وخبط قيره ..

زبدة الكلام روح استأجر لك يوكن ثم استأجر لك اكسبديشن لفترة يومين واخسر فيهم 1000 ريال ولا تاخذ الا موتر انت مقتنع فيه ابرك مما تخسر 130 الف او اكثر على شي يدبل كبدك ويصير حسرة في قلبك

أخوك ..

ابوراكان تبوك
21/08/2011, 03:32 AM
الله يبيض وجهك دنيا وآخره والله ان ردك هو الرد اللي في المفصل (الرد الوافي)

أما الباقين اللي الرجال يقول لهم احترت بين يوكن واكسبديشن ويقولون له خذ لك سوبر والثاني يقول خذ لك تنكه من تويوتا ينطبق عليهم المثل اللي يقول (قال ثور، قال احلبه)

انا مؤيد لرد اخوي جيبي جايزلي ولو اني اميل لسيارات فورد لكن الشهادة لله إن الجموس أكثر عراقة ولا استخدمت الجديد لكن القديمات بيني وبينها عمر وعيش وملح وترى مشاكل الكهربا اللي يقولون عنها في الفورد انتهت من عام 96 يعني كلام اكل عليه الزمن وشرب ووالله ثم والله انها اقل خرابات مرت علي من استخدمت الفورد وكان معي لينكولن تاون كار موديل 90 وكانت فيه مشاكل بالكهربا بس مو كبيره بالدرجة اللي تتخيل وبعدها قراند ماركيز 99 وواحد ثاني موديل 2001 واكسبلورر موديل 2006 لازال معي الى الآن وقراند ماركيز موديل 2010 وكلها ما عرفت الخرابات الجسيمه ولا عرفت مشاكل الكهربا من يوم سقتها إلى اليوم باستثناء 99 ضربت ببطنه على عبارة وخبط قيره ..

زبدة الكلام روح استأجر لك يوكن ثم استأجر لك اكسبديشن لفترة يومين واخسر فيهم 1000 ريال ولا تاخذ الا موتر انت مقتنع فيه ابرك مما تخسر 130 الف او اكثر على شي يدبل كبدك ويصير حسرة في قلبك

أخوك ..

تنكه عن تنكه تفرق سؤال لو خيروك بين سياراتين بنفس السعر تويوتا او امريكي وش رايك بكل صراحه ؟؟؟
اخي بعض اسلوبك غير جميل بخصوص اللي ردو وياليت تراجع نفسك قبل لا :director:
الموضوع للنقاش وكل واحد يبدي وجهه نظره

بن عويشير
21/08/2011, 05:04 AM
اذكروا الله يا جماعه بعد مشوره من الاخوان بالمنتدي والاخوان الزملاء والاصدقاء
الكل اجمع ان اليوكن افضل كشكل وقوه والاهم وقت البيع يجيب لك قيمه

اخيرا بشتري يوكن الله يبارك لى يا رب فيها

ابوضيف الله
21/08/2011, 05:50 AM
شف وانا اخوك انا بالنسبة لي اليوكن اجمل كاشكل خارجي ومكيفة ممتاز جدا
الاكسبدشن انعم ومكيف ممتاز جدا وفية ميزة وتقدر تروح للوكالة وتتاكد منها بنفسك
اليوكن دفرنس خلفي الاكسبدشن فريول+تعليق مستقل لكل كفر لحالة يعني اريح بالمطبات والحفر والبطناج
لاكن بالنسبة للشكل الخارجي وفي البيع اليوكن وتقدر تدخل رابطة السيارتين وتشوف
والسعر فارق كبير بينهم اليوكن نص فل 2011دبل ب147.700والتاهو اقل منه على كلام الشباب ب10.000ريال
الاكسبدشن نص فل ب121000الف ريال يعني فرق مهو بسيط
ولاتنسى الوكالة والضمان فورد اريح من جي ام بالضمان والصيانة بمراحل وقطع الغيار معقولة
رح للوكالة واطلب سيارة التجربة وجربها واستخر الله يكتب لك اللي فيه الخير
تحياتي

أحمد الدهمشي
21/08/2011, 06:11 AM
اخي بن عويشير شكلك تميل لليوكون قبل طرح الموضوع
ذكرت ان الإجماع هنا على اليوكون والحقيقة
رجعت للردود ووجدت ان الغلبة للاكسبدشن
حيث نصحك6 بالاكسبدشن مقابل5 لليوكون
والباقي نصحك بتجربة السيارتين او سيكويا
شخصيا احب مواصفات وجودة الاكسبدشن
لكن السوق يجبرني على اليوكون
والله يكتب لك اللي فيه الخير

You Like Me
21/08/2011, 06:22 AM
والسعر فارق كبير بينهم اليوكن نص فل 2011دبل ب147.700والتاهو اقل منه على كلام الشباب ب10.000ريال


الاخ ابو ضيف الله
التاهو مديل 2011 اقل فئة السياحي دبل بـ 140,000
هذا السعر قبل رمضان مادري اذا نزلت عروض رمضان او لا

ابوضيف الله
21/08/2011, 06:28 AM
الاخ ابو ضيف الله
التاهو مديل 2011 اقل فئة السياحي دبل بـ 140,000


هذا السعر قبل رمضان مادري اذا نزلت عروض رمضان او لا

عزيزي You Like Me
يوكن نص فل ب١٤٧،٧٠٠
الفل كامل ب١٨٧،٧٠٠
الدينالي ب ١٩٠٠٠٠
هاذي الاسعار لدي الجميح والتاهو الفرق بينه وبين اليوكن ٤٠٠٠ريال
طلعت من عندهم رحت للعيسى لقيت النص فل يوكن ب١٥٠٠٠٠ريال
والتاهو اقل ب٧٠٠٠ريال
بس اللي قاهرني ان الجميح في الموقع حقهم حاط خصم ٢٥٠٠٠ريال كل هاذا استغفال ولعب على الناس وقلت
لهم انت في الموقع كذا كذا قال الموظف صحيح قلت شف الموقع حقكم كاتبين عروض رمضان
طبعاً الاسعار هاذي بتاريخ ١٤٣٢/٩/١٥ الموافق ٢٠١١/٨/١٥

Abusliman
21/08/2011, 06:32 AM
السكويا بططل ويمسك سعرهـ بحكم انه تويوتا ويكررف معك
وسعرهـ طيب تاخذهـ بدبل سياحي بـ 141400 وتاخذهـ نص فل بدون دبل بـ 141400 نفس القيمة
لكن من رايي تاخذ دبل سياحي افضل وترا السياحي فيه مواصفات حلوهـ يعني مهب زي السيارات الصغيرهـ ما فيها شي ابد
والنص فل يفرق عن السياحي بـ
- راديو, مشغل 6 اسطوانات بنظام جيه بي إل.
- عدد 14 سماعة
- عوارض سقفية.
- مقعد السائق بتحكم كهربائي.
- فتحة سقف.
- تحكم بالنظام السمعي من المقود.
- مراية الرؤية الخلفية ذاتية التعتيم مع بوصلة.
- شاشة عرض درجة الحرارة الخارجية و معدل استهلاك الوقود.
- دعاسات ارضية
وسعر السياحي بدون دبل 131400
عاد انت لك الراي ولا تنسى ان تويوتا لو صارلك ظرف لا قدر الله بتوقف جنبك بالمعارض وبتفزع لك
والامريكي طيب بعد لاكن انت فكر واستخر
انا فضلت السكويا على اليوكن بسبب انه يعيش معك عشر سنين بالراحة باذن الله اما الامريكي 5 سنين وتبدا خراباته
والسبب الثاني انه يمسك سعرهـ
والسبب الثالث مكينته امريكية بالتعاون مع فورد 8 سلندر 5700 واليوكن 5300 والموتر تراهـ مثل اليوكن لانه امريكي لاكن بمواصفات تويوتا .. بصراحة من اول اقول ما فيه بديل للجمس لاكن الحين فيه بديل وقوي بعد
وانت وذوووقك

بن سليمان
21/08/2011, 12:15 PM
كل اللي اقدر أقوله لك أولا الله يوفقك ويسر أمورك ويكتب لك الصالح
ثانيا الحق على عروض الفورد قبل لا تنتهي هذا إذا ما انتهت وخلص المخزون
وعليك بالموتر هذا البطل اعرف اكثر من زميل جربوه يمدحون فيه بالحيل

http://www.aljazirahford.com/dbpics/promo/ar/images/1_WEBSITE_AR_EXPEDITION.JPG

والسيارة حققت المركز الاول في رضاء الزبائن الامريكان من حيث الموثوقية والاعتمادية والرضا العام والجودة الشاملة




http://vehiclevoice.com/mt-img/Ford_10_Expedition.jpg

http://vehiclevoice.com/tag/autopacific-award/

سعد777
21/08/2011, 12:26 PM
وهنا سوف تجد حيره اكثر ...:)

فخامه وشكل خذ يوكن
قوة تحمل وكرف ورحابه خذ اكسبدشن

واكي في شي ببالك صل ركعتين واستخير والله يكتب اللي فيه رزق لك

هيبه ملك
21/08/2011, 12:33 PM
الحل عندي خذ يوكن واذا مااعجبك بيعه وخذ اكسبدشن

بن عويشير
21/08/2011, 04:55 PM
والله زادت على الحيره شكلي بهون من السيارتين
صج كلن ورايه بالسيارتان
الاكسبدشن خلفيته غبيه انا خالص عليه او الرمضان وسحبت العربون
واليوكن على ما سمعت من الاخوان القير يسخصن بالمرفعات ويخبط

عشان كذا بستخير والله يقدم اللى فيه الخير

ابوياسر1971
21/08/2011, 05:17 PM
اخي الكريم من واقع تجربه للاكسبديشن ( طويل) بالديره كان معك صغيره الموتر مرن جدا ومن ناحية الخطوط فهو مريح مسكت فيه خط اكثر من اثنعشر ساعه وما حسيت بقطعة الظهر اللي بالموتر الثانيه ما شاء الله تبارك الله وعلى فكره اخوي معه يوكن يشتكي من الحراره .

بن عويشير
22/08/2011, 05:13 AM
يا شباب ابي واحد مجرب الاثنين بأمانه يقولي وش اشتري ترى مب سهل

ديزب
22/08/2011, 05:42 AM
أنا اشتريت يوكن 2009 بتاريخ 22-9-1429هـ تصدق أن اليوم تنتهي الاستمارة جزاك الله خير على هذا الموضوع
والصراحة الموتر مافيه كلام للسفر وللعائلة ...لكن الاكسبدشن كأن ماله شعبية وعند البيع لك عليه
ما لاحظت على اليوكن أي ملاحظات إلا أن زر الدبل يحتاج الى انتباه دائما فلو قدر أن أحدا عشق الدبل أو أحد البزران حركه وانت ما دريت ، تخلف الله خصوصا اذا انت مسكت خط ...
شكرا للجميع ولا تنس صلاة الاستخارة فهي مهمة جدا لأنه مهما اصابك بعدها فلن تندم ...

بن عويشير
23/08/2011, 08:48 AM
ابوي قال لى والله يا ولدي عليك اللى ناس هابه فيه قلت اليوكن قال خلك مع الناس

عفشك مكمل
23/08/2011, 09:20 AM
باختصار

كلهم متشابهين وبما انك رجال عندك اقساط فحول على الفورد

ابوياسر1971
24/08/2011, 05:57 PM
ابوي قال لى والله يا ولدي عليك اللى ناس هابه فيه قلت اليوكن قال خلك مع الناس

ثقافه خلك مع الناس هذا السباب في عدم قبول اي جديد حتى ولو كان احسن , مع تقديري الكبير للوالد ولك .

abc-00-abc
24/08/2011, 10:48 PM
الله يعطيك خيرها ويكفيك شرها مقدما

مثل ما قلو الشباب استخر و توكل على الله

الله يوفقك