&*&*&*هام وعاجل جدا لأصحاب الباثفيندر&*&*&*

[جمر الغضا]

هذه اول مشاركة لي أبفتتحها بمشكلة للباثفندر

أنا معي باثفندر 2005 قير عادي في يوم من الأيام دخلت النفود ووقفت يعني ماطعست

يوم طلعت اذا ظغطت الكلتش وفكيته يطلع صوت مع العلم ان القير بالفاظي

الصوت هو اذا فكيت الكلتش كأن السيارة متحمله أومشدودة اذاظغطت الكلتش كأن السيارة ترتاح مع العلم أن القير بالفاضي والدبل مطفى اذا شغلت الدبل يكون الصوت أقوى

المطلوب اذا كان احد واجه هالمشكلة أو قريب منها يفيدنا













عن قريب تجهيزات الباثفيندر من الألف الى الياء

[جمر الغضا]

مع العلم أن السيارة ماشية 4000 يعني جديدة

[كبريت]

امكن بس تراب غسلها بستم وانشاله يروح الصوت

وحاول تنظف الفلتر حق الهواء دايم قبل وبعد التعيس


((مجرد اقتراح ))

[الربذي]

اخوي غضا انا معي ذا الصوت من فتره طويله ومن الفحمات وايضر الصوت هو انك اذا دعست الكلتش عشان تعشك يطلع صوت حنه اححححححححححح كذا صح وخصوصا اذا كنت جاي من مشوار طويل بس اللي معي كل يوم اسمعه اذا دعست ابي اعشق اول مامشي واذا الصوت اللي عندك يختلف لااعلم ماهو لكن جديده شي يقهر لو انا اولع به يمكن من القهر !!!!

[ثعل البرد]

صار لي مثل ما صار لك بالضبط ..... وقال لي واحد من الورش اللي مريتها غيّر القير وانهبلت وبغيت انجن ولا نمت ذيك الليلة ...... المهم رحت لواحد من ربعنا (سعودي) وفحص الموتر وقرر أنه العطل فيما يسمى (( الجلبة)) وهي قطعة صغيرة بين القير والمكينة كأنها ماصورة صغيرة أو وصلة واضطرينا لفك القير وتنزيله وركبوها و رجعوا القير كما كان و رجع الباثفيندر لحالته الطبيعية ولله الحمد وتكلفة الجلبة 15 ريال لكن شغل أيديهم 800 ريال

[كبريت]

افا يا باث ماهقيتك كذا اثرك راعي خرابات

[غضنفر]

صار لي مثل ما صار لك بالضبط ..... وقال لي واحد من الورش اللي مريتها غيّر القير وانهبلت وبغيت انجن ولا نمت ذيك الليلة ...... المهم رحت لواحد من ربعنا (سعودي) وفحص الموتر وقرر أنه العطل فيما يسمى (( الجلبة)) وهي قطعة صغيرة بين القير والمكينة كأنها ماصورة صغيرة أو وصلة واضطرينا لفك القير وتنزيله وركبوها و رجعوا القير كما كان و رجع الباثفيندر لحالته الطبيعية ولله الحمد وتكلفة الجلبة 15 ريال لكن شغل أيديهم 800 ريال

ما اظن مشكلة الرجال مثل مشكلتك لأن موتره جدييييييييييييييدhttp://mekshat.com/vb/images/smilies/mad.gif

وانا معي 2003 قير عادي ولله الحمد ما قد سمعت منه الصوت اللي تحكي عنه

انت متأكد ان الصوت من القير ؟؟؟؟؟؟؟؟؟؟؟ يمكن تكون الفحمات دخلها تراب ؟؟؟؟؟؟؟؟؟؟

وبقولك سالفة واحد من الربع لعلك تستفيد منها

هذا واحد من الشباب مثل حالتك من اول ما سمع الصوت ويطير للوكالة وينشب في حلقهم يقول انه يسمع صوت
حنه اذا كان القير فاضي ويقومون الوكالة ويفحصون الموتر وشيكوا على القير ما لقوا به شي المهم الرجال
اصر عليهم الا يغيرون القير بواحد جديد وتحت اصراره غيروله القير بواحد جديد لكن مشكلة الرجال انه ما زال
يسمع الحنه رجع للوكالة من جديد وبدا يهاوشهم ويسبهم المهم قفلت مع مديرهم وقاوم وركبله قيره الأول
وقال رح عندك وزارة التجارة رح اشتك لمهم

----------------------------------------------

المختصر المفيد لا تقعد تتسمع لأصوات وطقطقة لأنك ما راح تخلص
دام المكيف شغال والحرارة طبيعية والموتر يصفق طبلونه انشاله ان موترك ما فيه بلا

[ولد شقرا]

اخوي الغالي جمرة غضى
انا معي باث فيندر ونفس المشكله بس احيانا تجيني واحيان لا
تدري متى تجي ؟
اذا كنت محمل ولا شاد على الكلتش في النفود
وتبي الصراحه ماراحت ولاني مضيق صدرك ماراحت الحنه لين ماغيرت الدزك والفحمه
وماكلفني الا قطع 700
وفك قير 400
الاجمالي 1100ريال
علما ان يوم كان تغير الكلتش كان الموتر ماشي 150000الف

[ولد الشايب]

بالنسبة لصوت الحنه اللي يتكلمون عليها الشباب هي في النيسان كله إذا احتر أو جاء الصيف . ويضعف عزم السيارة والسبب كله

راجع لمروحة السير حقت الوكالة وقررت أشيلها ذاك اليوم وشلتها وحطيت مراوح سوبارو كهرب ومن ذاك اليوم نسيت صوت

الحنه اللي بالموتر وما أشوف الحرارة الزائدة في التطعيس وصار أنشط وأخف

[salehhd]

السلام عليكم

اذا كان الموتر جديد وماشي 4000 حسب كلامك معناها انه على الضمان

لاتضيق صدرك ودة الوكاله ويهم ان شاء الله يعرفون دواه وراح يغيرونه على الضمان

ولاتنسى تخبرنا بالي يصير معاك علشان تستفيد:)

[ولد شقرا]

اخوي ولد الشايب مع النحيه
المقصد بالحنه ليست في المروخه ولافي المكينه المقد في الحنه موجوده في دعسة الكلتش
تحياتي

[جمر الغضا]

مشكورين جميعا وماقصرتو على هالردود الحلوة



وأنا دخلت الموتر للوكاله مادامه على الضمان وقالولي نرد عليك بكرا والله يعين دعواتكم

[أبو خالد 12]

صوت الحنة من فحمة الكلتش وهو طبيعي جداً للسيارات ذات الجير العادي وما فيه قلق إن شاء الله ، انا سيارتي هايلوكس 2005 دبل طلع فيها صوت الحنة وهي ما عدة 5000 كيلومتر والحين عدة 18000 كيلومتر والحمد لله ما لاحظت تغير في عزم السيارة وانصحك أن لا تخلي الوكالة يتعبثون في الجير والفحمات مادام عزم السيارة وتعشيق الجير تمام ، نصيحة اي شي يفك ما راح يرجع مثل أول مستحيل لذلك خذ حذرك .
ملاحظة : يا ما راح تسمع أصوات في سيارتك بس لا تدقق كثير .

[نازح البعد]

صوت والله اعلم الفحمة

[ثعل البرد]

يا أخ black path

ومن قال لك أن موتري قدييييييييييم ؟
موتري 2004
وأقولك راح الصوت بعد ما غيرت الجلبة تقول لي يمكن الفحمات داخلها تراب .... أمرك غريب

يا أخي اقرأ ردي زين

[جمر الغضا]

أتصلو علي الوكالة الساعة 11 صباحا اليوم قالو موترك خلص وأقوم طااااير ويوم دخلت قابلني المهندس الي أستقبل

السيارة وقالي خلصنا سيارتك لأني مدخلها تشييك خمس الاف وقلتلهم عن الصوت قال المهندس صلحنا الصوت

قلت كويس قال رح استلم موترك يوم دخلت وشغلت الموتر خليته يحتمي ولاحظت ان الصوت موجود وأروح انشب بحلقه نادا المهندس ثنين فلبينيين وتفحصو وشافو منا ومنا قالو السياره سليمه بس يبيله وقت وأخذت سيارتي ومشيت

ليش تدرون ليش لأنه كان معي قبل هالموتر باثفندر أخوه قير عادي فتحه وطلع نفس الصوت بأول دخله للنفود وسحبت

على الصوت وبعد فتره راح بس السيارات ماتبيله واحد يوسوس زيي:D

والظااهر أبتخذ الأجرا الي أتخذته مع السيارة الأولى

بعضكم يبي يقول وين سيارك الأولى

سيارتي راحت تشليح:( :( :( :(

[salehhd]

السلام عليكم

الحمد لله على السلامة

وبين ان الموتر مافي شي

خلك زيي طنش الاصوات ويمشي كل شي

[غظاره]

السلام عليكم
ماتشوف شر
بس الظاهر واجد المسوسين الي يروحون للوكاله وسياره جديده تريدهم يخربون السياره جيدين ولاالتصليح يفتح الله

[قرم]

دام كل الزيوت مابها نقص وماء الراديتر كذلك والسياره جديده وعريقه لا تهتم ولا توسوس السيارات تحتوي على مئات القطع المتحركه وضروري ينتج عن هالحركه اصوات ولازم تتعايش معه وللعلم انا معي 2003 وكاده مكده والله اللذي لا إله إلا هو ما ارحمه وسحبت فيه سيارات ما احصيها وإذا اشتهيت الطعس العسير اطلعه يعني اطلعه بثقيل بخفيف يطلع يعني يطلع وماركب معي احد بالبر إلا وقال لي خاف الله بالسياره ذبحتها طحت فيه برباضات اليين تدودل كفراته ويطلع بفضل ربي في معمعة الصيف دق خشمه بالطعوس نزولاً وصعودً مرات عديده واثارها موجوده ضربت فيه طرق جبليه شديدة الوعوره والله غيري مايمشيها خوفاً على سيارته انا مشيتها مرات ومرات ولا يوم فشلني ولله الحمد والمنه واللي حطيت فيه بواجي فلتر وصفاي بانزين ولا عمره طب الوكاله يشهد ربي الا على 1000 كم وبس
وتراني توي جايبه من البر بعد ما كحتت ام ام اللي جابت امه والله يحفظك :D

[salehhd]

السلام عليكم

الله يستر على الي بشتري السيارة من وراك اخوي قرم

هذا واحد امه داعية عليه:d

[][عزام][]

ههههههههههههههههههه قرم ما شاء الله عليك كل هذا وصف والله انك ونستنا لأني من النوعية اللي مثلك في الستخدام السياره لكن الباثفندر اللي معي موديله 2005 ومشى الحين 13000 (دابتس)به الصمان وما اوقف الى ما اقول ربي الله وكنت خايف مع الوقت يدمر لكن بم ان انك مثلي ومرتك 2003 فالله يعين الموتر علي