المساعد الشخصي الرقمي

مشاهدة النسخة كاملة : انتبه عند تغيير زيت السياره



المموه
20/08/2011, 02:55 PM
بسم الله الرحمن الرحيم


ابارك للجميع العشر راجياً من العلي القدير ان نوفق بقيام ليلة القدر على الوجه الذي يرضيه عنا سبحانه .
اخواني يمكن احد كتب عن الموضوع مادري لكن حبيت انقل لكم ماحدث لكي لايضحكون عليكم اصحاب المشاحم .
غيرت زيت السياره يوكن بزيت (سوبر شل) كالعاده وسافرت للطائف وتفأجات بعد وصولي بكم يوم ومن باب التشييك ان العيار على النصف . تفقدت الموتر مافيه شي .رحت المشحمه وقلت له علبة زيت قال لي بـ 15 ريال قلت له ليش قال (لانه سعودي تبي اماراتي يكون اقل ).شفت الاماراتي والا والله نفس العلبه اللهم الكتابه تختلف واصحاب المشاحم يشترونه رخيص جدا لانه معاد تكريره ويبيعونه بنفس سعر السعودي. ولا يوضحون للزبون هذه الحركه التي ممكن تخبط بالمكينه .
وتأكدت ان سيارتي مافيها شي بعد ماجيت ثاني مره للطائف برمضان عيار الزيت 100% بس انا اللي اشتريت الزيت وغيرته بعد ما تأكدت انه سعودي. لا واشتريت كرتون كامل .
لهذا وحفاظاُ على سياراتكم ودراهمكم ارجوا من الجميع الانتباه لهذه النقطه ولا يغير الزيت الا بعد مايتأكد انه سعودي ولو حصل انه يشتري كرتون من الجمله بالصناعيه وكل مابغى يغير اخذه للمشحمه ارخص له وامن له من النصابين .

بناخي عتيبه
20/08/2011, 03:01 PM
الله يبارك فيك ويخليك

أبشرك من بكره بشتري كرتون زيت لأن بصراحه رافعين ضغطي العماله حقين الورش وشكرا لك على التنويه يالذيب

HAS5SAN
20/08/2011, 03:14 PM
المصيبة إذا جيب للبنشري ومعاك زيت من برى
يرفض يغير لك الزيت أغلهم كذا شكلهم متفقين
حسبنى الله ونعم الوكيل
ملاحظة :
فيه نوع ممتاز وعليه طلب إسمه ( سوبر جي تي ) ألماني الصنع
ترى صار يجي مقلد وبنفس تفاصيل العلبة
اللهم لا يوجد علامة ........... فوكس
http://www.mekshat.com/pix/upload04/images170/mk79892_hjmj.jpg


وهذا الفرق واضح في الصورة


http://www.mekshat.com/pix/upload05/images201/mk188294_28012011804.jpg

حجر بحري
20/08/2011, 03:22 PM
الله يحفظلك اهلك ومالك.وتشكر

الكلاسك
20/08/2011, 03:37 PM
كثرو السرقان ما يمديك تفرق بين العلبيتين الا لما تركز

فهد العوني
20/08/2011, 03:47 PM
حسبي الله عليهم
وكا العادة حماية المستهلك ووزارة التجارة مازالت تغط في سبات عميق بصراحة والله ماعمري شفت موظفين حماية المستهلك تأدي عملها في ارض الواقع

خشير الذيب
20/08/2011, 04:59 PM
ولله الحمد من اكثر من 3 سنوات الزيت والسيفون اغيره بنفسسي وعدتي معي ومرتاح والزيت بالكرتون اشريه
وكذلك السيفون فلتر الزيت بالكرتون يطلع لك الحبه 8ونص والبنشر يبيعها 25

خليفان
20/08/2011, 05:56 PM
والله ماغيرة الا بالبيت وثلاث سيارات والحمدلله

خللوها
21/08/2011, 04:34 AM
الله يجزاكم خير

AxR979
21/08/2011, 05:04 AM
المصيبة إذا جيب للبنشري ومعاك زيت من برى
يرفض يغير لك الزيت أغلهم كذا شكلهم متفقين
حسبنى الله ونعم الوكيل
ملاحظة :
فيه نوع ممتاز وعليه طلب إسمه ( سوبر جي تي ) ألماني الصنع
ترى صار يجي مقلد وبنفس تفاصيل العلبة
اللهم لا يوجد علامة ........... فوكس
http://www.mekshat.com/pix/upload04/images170/mk79892_hjmj.jpg


وهذا الفرق واضح في الصورة


http://www.mekshat.com/pix/upload05/images201/mk188294_28012011804.jpg




الاصلي صناعته سعودية مهب المانية و اللي تصنعه شركة الحمراني ..


اغلب الزيوت المشهورة صناعة محلية بترخيص من الشركات العالمية الا زيت AC DELCO يصنع بامريكا ..


احسن شيء ان الواحد يشتري كرتون من الموزع و فلتر من الوكالة و يغير بـ 5 و الا بـ 10 عند البنشري او انه يغيره مره وحده عند الوكالة ..

كاشت وحداني
21/08/2011, 05:05 AM
الله يجزاك خير
والله حتى االكاسترول اللي كان يمشيك 7الاف كيلو صار مقلد 1200 كيلو وناقص واسود

ابوضيف الله
21/08/2011, 05:20 AM
حسبي الله عليهم
وكا العادة حماية المستهلك ووزارة التجارة مازالت تغط في سبات عميق بصراحة والله ماعمري شفت موظفين حماية المستهلك تأدي عملها في ارض الواقع


اصلن مافيه شي عندنا بالديرة اسمة حماية مستهلك ووزارة التجارة نسمع فيهم بس ماشفناهم؟؟؟؟
انا مرة خذيت لي زيت من الصناعيه وفلتر من الوكالة ورحت للمشاحم وابويمن بكل ثقة رفض يغير الزيت الاب30ريال يقول ليش تشترية انا وش بستفيد منك تعطيني 10 ماابيها رح غيرة انت نزلت له وبغيت اضربة وثمن تعوذت من ابليس ومشيت وكل المشاحم اللي حولي نفس الكلام ولقيت لي واحد اخذمني 10ريال شغل يده

صديق كلم رفيق
21/08/2011, 05:29 AM
والله انك صادق ، صارت لواحد من ربعنا ، معه لاندكروز جديد يقول غيرت الزيت سوبر شل واول مامشيت من النبشري وتولع لنبة الزيت واوقف والقى الزيت ناقص يقول وارجع للبنشري ويزود لي الزيت مامداني احرك من عنده إلا وتولع لنبة الزيت مره ثانيه ، يقول واروح لبنشري ثاني وقلت له السالفه قال لي انتبه من سوبر شل ترا فيه مقلد اماراتي ويقول واغير الزيت الترا سفن ومن بعدها ضبط الموتر .

Bader-M
21/08/2011, 05:37 AM
وعليكم السلام
من الافضل عدم تغير الزيت الى عند المحلات المعتبرة مثل بترومين او قلف او اسي ديلكو
الفرق بسيط بينة وبين البناشر الاخرى و اريح لراسك


صوما مقبولا ان شاء الله

نيسان 92
21/08/2011, 07:46 AM
صبحكم الله بالخير.
يشباب أنا مغير لموتري جيب نيسان ٨ علب
من الرياض ومشيت لبريده منخوفي على موتري اشيك على الزيت المكينه
ؤشفته وشافه خويي قال موترك مخبط ولا يرجعناء للرياض
٣ علب أول مره تصير في موتري
سوبرررر جئتي
وهاإاذا اللي صاإار
حسبيا الله ونعم الوكيل

المهاجر انا
21/08/2011, 08:49 AM
الحمدالله ان شري كراتين موبيل سوبر واغير في البراحه اللي جنبي ههههههههههههههه

أبا مجاهد
21/08/2011, 09:41 AM
كثر الغش.. الله المستعان

المموه
21/08/2011, 03:18 PM
اشكر للجميع مشاركتهم ويجب علينا في ظل النصب والاحتيال ليس في زيوت السيارات فقط وانما في كل امور حياتنا ان ننتبه ونعتمد على الله ثم انفسنا في قضاء حاجاتنا بأنفسنا نتعلم ولا ندع مجال لهذه العماله ان تبني بلدانها على اكتافنا ومن قوت اولادنا . والله يحفظكم

جيبي جايزلي
21/08/2011, 08:28 PM
بسم الله الرحمن الرحيم



ابارك للجميع العشر راجياً من العلي القدير ان نوفق بقيام ليلة القدر على الوجه الذي يرضيه عنا سبحانه .
اخواني يمكن احد كتب عن الموضوع مادري لكن حبيت انقل لكم ماحدث لكي لايضحكون عليكم اصحاب المشاحم .
غيرت زيت السياره يوكن بزيت (سوبر شل) كالعاده وسافرت للطائف وتفأجات بعد وصولي بكم يوم ومن باب التشييك ان العيار على النصف . تفقدت الموتر مافيه شي .رحت المشحمه وقلت له علبة زيت قال لي بـ 15 ريال قلت له ليش قال (لانه سعودي تبي اماراتي يكون اقل ).شفت الاماراتي والا والله نفس العلبه اللهم الكتابه تختلف واصحاب المشاحم يشترونه رخيص جدا لانه معاد تكريره ويبيعونه بنفس سعر السعودي. ولا يوضحون للزبون هذه الحركه التي ممكن تخبط بالمكينه .
وتأكدت ان سيارتي مافيها شي بعد ماجيت ثاني مره للطائف برمضان عيار الزيت 100% بس انا اللي اشتريت الزيت وغيرته بعد ما تأكدت انه سعودي. لا واشتريت كرتون كامل .

لهذا وحفاظاُ على سياراتكم ودراهمكم ارجوا من الجميع الانتباه لهذه النقطه ولا يغير الزيت الا بعد مايتأكد انه سعودي ولو حصل انه يشتري كرتون من الجمله بالصناعيه وكل مابغى يغير اخذه للمشحمه ارخص له وامن له من النصابين .


الله يعطيك العافيه

بس لو انك مصور العلبه حقت الزيت الاصلي والمغشوش كان صار الموضوع مكتمل من جميع النواحي لكي يستفيد الكل على العموم اشكر حرصك وبارك الله فيك

هويدي
21/08/2011, 08:54 PM
من تقريباًَ خمس سنوات اشتري كرتون سوبر جيتي بـ 185 للكرتون ( طبعاً 24 علبه )

والمشكله المصنع سعودي وكاتب على العلبه 15 ريال !!!

وكل فتره والثانيه يرتفع عشره عشرين الين تعدى الميتين !!

السؤال اللي يطرح نفسه الى متى يستمر ارتفاع الزيوت والكفرات والبطاريات ؟

جيبي جايزلي
22/08/2011, 12:06 AM
من تقريباًَ خمس سنوات اشتري كرتون سوبر جيتي بـ 185 للكرتون ( طبعاً 24 علبه )

والمشكله المصنع سعودي وكاتب على العلبه 15 ريال !!!

وكل فتره والثانيه يرتفع عشره عشرين الين تعدى الميتين !!

السؤال اللي يطرح نفسه الى متى يستمر ارتفاع الزيوت والكفرات والبطاريات ؟


اعتذر من صاحب الموضوع

ما دام ابو يمن موجود في المشاحم مستحيل ينزل الزيت

لانه لا حسيب ولا رقيب يلعب بالاسعار على كيفه


المشكله كاني سمعت ان فيه شي اسمه وزاره التجاره ههههههههه

الله يخلف بس علينا

عززيز النفس
22/08/2011, 01:35 AM
عزالله انك صادق صارت معي .
الله ينور دربك . قول امين

بيك اب 4X4
22/08/2011, 02:45 AM
لو تجيب الزيت و الفلتر ابو يمن ما يرضى بأقل من 20 ريال شغل يد
و لو تلاحظون في الفتره الاخيره صار عمال البنشر ما يطولون
يعني سنه سنتين بالكثير و يتغيرون
اشك ان المسأله هي انهم يكسبون زباين في البدايه و يخربونها في النهايه
بأنهم يبيعونهم زيوت مغشوشة

ديفون
22/08/2011, 02:53 AM
يا اخوان انا اغير زيت اماراتي ولونه شفاف من عند التميمي واغير مسافة 10 الاف كيلو فهل الزيت الاماراتي مضروب او مغشوش . مع العلم اني اغيره 150 ريال والسادسة مجانا . افيدونا الله يسكنكم الجنة

ديفون
22/08/2011, 02:56 AM
انا احرص دائما عند تغيير الزيت اكون واقف امام العامل . والبعض يحط سيارته ويروح يفرفر . وبعدها يجي ياخذ السيارة وهو ما يدري الزيت والسيفون مغير ولا لا .

efgewqe21
22/08/2011, 03:24 AM
الآن التسوق عبر الإنترنت حار جدا! وأوصت هنا! http://s8.hk/5rtl

قناص*07
22/08/2011, 03:30 AM
الله يعطيك مليون عافيه

ابوبصيرالبلوي
22/08/2011, 05:39 AM
اللي يبي يغير زيت يتأكد من النوع والكميه ولأنتهى يسحب العيار ويتأكد.

قازان
22/08/2011, 11:50 PM
شباب أزيدكم من الشعر بيت مثل ما يقولون

فلتر الزيت نشتريه من وكالة الجزيرة يطلع الحبة بـ 11 ريال والبنشري يحسبه عليك بـ 25 ريال ويا عالم أصلي ولا تجاري بعد

والله قهر

yudfguy
23/08/2011, 03:16 AM
الآن التسوق عبر الإنترنت حار جدا! وأوصت هنا! http://s8.hk/5rtl

يبدو جيدا جدا! أشكركم على التوصية الخاصة بك!

المموه
23/08/2011, 03:17 PM
يا اخوان انا اغير زيت اماراتي ولونه شفاف من عند التميمي واغير مسافة 10 الاف كيلو فهل الزيت الاماراتي مضروب او مغشوش . مع العلم اني اغيره 150 ريال والسادسة مجانا . افيدونا الله يسكنكم الجنة

حنا مشكلتنا بالاماراتي هو اللي ضرنا والسبب ان الشركات الصينيه في جبل علي تلبي جميع طلبات الغشاشين ( ولو تلاحظون بعد زيادة اعداد اليمنيين عندنا ان البلد امتلت بضايع ).مستودعات النقل ضاقت وسببت زحمه بالدايري . عموما كل شي لدينا مغشوش وما عليكم الا شوي حرص وعدم عجله عند الشراء وعساكم تسلمون.

ذئب الخليج
27/08/2011, 08:28 AM
مشكووووررررررر

هوا الشرقية
07/09/2011, 02:03 AM
السلام عليكم ...
حبيت احذركم من بعض البناشر الي يعبي زيت المكينه بواسطة الخرطوش (اللي) لانها حصلت معاي ولما رحت البيت شمّيت ريحه بالمكينة وكأن الزيت محروق مع اني طلبت زيت الترا 7 ،، ولما سألت اخوي وهو يشتغل في ورشة سيارات بالدفاع الجوي ضحك مني وقال صادوك ،، هذا الزيت المكرر والمعاد تدويره وخبرني انهم تجيهم بالورشة شاحنات من بترومين تشيل القديم المستعمل لاعادة تدويره وبيعه على انه جديد وبنفس السعر على المستهلك

فنصيحتي لكم لا تعبون الا من العلب

وليد46
07/09/2011, 04:48 AM
غرااااابيل تبي صبر

جمس دينالي
07/09/2011, 04:52 AM
يعطيك العافيه

عالتنبيه واشهد انك وافي

ابوغزاي
07/09/2011, 02:55 PM
تنبيه وتحذير0
يقوم بعض ضعاف النفوس ممن لايردعهم خوفامن الجباربالتمويه على صاحب السياره على انه وضع الزيت الكافي للسياره0 مثلا السياره تأخذ7علب زيت يصب 6علب والسابعه يضع علبه فارغه مع العلب ليوهمك بانه صب 7علب كامله0
تنبيه 2
اذاطلبت تغييرالسيفون يقوم بفك القديم وتنظيفه من الخارج واعادته مكانه وايهامك بأخذسيفون من الحفره ورميه امامك مكان المخلفات00
ملاحظه هامه
هذاالكلام لاينطبق على الجميع وانماممن لايخافون الله 0
جميع ماذكرحصل معي شخصيا0
الموقف الاول سكت عنه ومشيته بسبب انشغالي0
الموقف الثاني رجعت له بعدالتاكدمن عدم تغييره للسيفون انكرفي البدايه واخذبالحلف الكاذب وبعدان اخبرته باني ساقوم بابلاغ الشرطه واثبات ذلك 00اخذيتغيرفي موقفه وبدابالاعتذار0
قام بعدهابتغييرالسيفون امامي واضافه علبه زيت0
قمت بعدذلك بمناصحته وتذكيره بالله وخطورة الغش ومحقه للبركه0
اسأل الله الكريم رب العرش العظيم ان يهدي ضال المسلمين0

وارف الظلال
08/09/2011, 08:00 AM
جزاك الله خير على النصيحة

wafian
08/09/2011, 02:35 PM
الله يكفينا شر هالتجار البشعين

سطام ابو سعود
08/09/2011, 03:57 PM
مافيه رقابه كلونا الاشوام واليمانيه لله يكنسهم هم ووزاره التجاره
جزاك لله خير

الهاشمي1
08/09/2011, 05:02 PM
يا حليلك حماية المستهلك ياليل ما اطولك وسع صدرك يالحبيب الغرفة التجارية جميع اعضائها تجار فهمت ووزير التجارة تاجر فهمت ولا ازيدك فهمت .............. والله اني عارف انك كلك فهم , بس قول مثلي فهمت ....؟!

الصارم 444
09/09/2011, 08:04 PM
الله يعين على هالبناشر الفاشلين

الحين ارتحت مااغير الا عند بترومين اكسبرس وشغلهم زين وزيت اصلي ان شاء الله

حبل الوريد
10/09/2011, 05:10 PM
انا طحت بسوبر جي تي

دواك عندي
10/09/2011, 10:12 PM
جزاك الله خير