موضوع غريب نوعاً ما

[راعي الونه]

السلام عليكم ورحمة الله وبركاتة

اخوننا الكرام...اما بعد جاية البلاوي

اخونا الموضوع يمكن راح يعترض علية
الكثير لاكنة يضل وجهة نضر

طبعاً راح اطبقها وطبعاً قبل كل شي انا شخص هاوي

واعشق الطيور وخاصة النادر منها
نبدأ في الموضوع

لو ني داخل عرض وانا اخترت الون الاحمر

بسم الله الرحمن الرحيم

كثرت طرح الطيور تدي !!.. انتم عارفين

ليش تدي

لانقراض الطيور وخاصة النادرة

واحنا نشوف الطيور المعروضة

في المنتديات

الكثير منها (وكرى) ما مصير (الوكرى)!!!.

ما مصير الشواهين البحيرة والجبلية!!!.

ما مصير الحرار و(الجير) من مراكز التهجين!!!!!!

وما مصير (الحرار في) ايران!!!!!!!!
وفي الدول الباقية!!!!

وش يصير على (الطواريح)

لو يحط كل واحد منهم 6 (ازواج) من كل نوع

نحسبها كم فرخ بالسنة

راح يكون عندة(24)فرخ بذن الله
انما الاعمال بالنيات

والله يعطي الواحد على قد نيتة

والصقار يسوي مثلة بس لمدة عشر سنين

شوفو كيف راح يكون التغيير

راح يكون تغيير جذري

وهذا شي مضمون

وبعد العشر سنين ذني

الطواريح يقيمون بعملهم

كل سنتين بدال كل سنة

ورزقهم بذن الله ماراح ينقطع

الله مثل ماوكل النمل راح يوكلهم

وانا بنفسي راح اسوي كذا

اشتري سنة زوج واربيهن عندي

ودرب الفروخ وابيع جزء منها

واكون مستفيد بالصيد ومستمتع

بدون اي ضرر بذن الله

والباقي عليكم

وخلونا نشوف ردودكم

اتمنى الموضوع يكون مفيد
وفية فايدة للجميع
من جميع الجهات
واتمنى اني كفيت ووفيت

واتمنى الموضوع ماينقل

لنة الموضوع هذا مكانة والموضوع لل (للطواريح)و

لل(صـــــقـارين)

على فكرة اللي شدني للموضوع

هو فكرة مركز العرادي


والسلام عليكم ورحمة الله وبركاتة

ولاتحرمنا من دعأكم:good2::good2::good2::good2::r

[ب ط ل 001]

يسعدني ويشرفني اني اكون اول من يرد على موضوعك والفكره حلوه ووارده والموضوع يبي له دراسه وامكانيات وممكن تكون شركه او مجموعه مختصه واهل خبره بالموضوع موضوع رائع اهنيك عليه

[اقدم صقار]

هلا بك اخوي
يسعدني اني ثاني من بيرد عليك
فيه كلام كبير من ناحية هالموظوع
ابوي الله يعطيه العافيه قبل 60 سنه كان يقوول والله يا ابوك انا ما نطرح الا الاشقر الصافي او الاحمر الصافي
وكان يقول الشواهين بانواعها ما نتعرضها
وكان يحط المثلوث نقل وطراد
شف الفرق الحين !!!!!!!
لا تعليق
انا من ظمن اللي فك طيره في اخر الموسم والله اني كاني فاك غالي
يوم غديته وقت الحومه طار شوي وارتفع
ويم شاف الموتر راح منه صار يطردني تقوول انسان الولف شين والله انها نزلت دمعتي ولحد يستغرب !!!
اما التربيه على ما قلت .. صعبه الا على اهل الخبره والدرايه ولها اوقات ايم التزاوج وهي ايام يكون الصقار يهد وماهو فاضي يربط طيره من شهر 1 انجليزي تقريباً
المهم الله يوفقك على هذا الطرح اللي بيعود علينا بالنفع والفائده
وتقبل مروري

[قناص دميثه]

فكره ممتازه
بس وين الي يطبق
يعطيك العافيه

[ركن برزان]

يا مرحبا فيك وفي موضوعك

والله يا الغالي ترا مافي شي صعب ابد بهدنيا .. بس تبي الواحد يجزم ويكون متوفر عند المكانات

ولا الناس الي غيرك ترا مو احسن منك بشي ابد

[حامد الحنيني]

السلام عليكم ورحمة الله وبركاته
صباح الخير
الفكره طال عمرك بالبال وان شاء الله ان قدرت لأطبقها بأقرب وقت
ومع ذلك ودك تاخذ من الطيور اللي بها مابها
مثال الطير الاعور يكون رخيص وتستفيد منه انتاج
ومن هالطيور اللي تجيك على 1000 ريال وتحت
وتاخذ شويت معلومات عن الموضوع
وتنفذه والله يازينها ليا صرت منتج الطير من مزرعتك وقانصبه
ياسلام تحس بالفخر
وتحياتي للجميع.

[ديوان العرب]

فكره ممتازه والمفروض يسوونها اهل المرابط الكبار والمفروض الفكره هاذي ماتغيب على رسول وخوه صالح عندهم ماشالله اكثر من مربط مفروض يخصصون واحد لتفريخ الطيور وفي الحفر الاراضي بلاش ورخيصه مشروعها مايكلف 100الف

[خلف الفار]

اتفقو العرب على الا يتفقوا

[راعي الونه]

والله يا اخوان انا اتمنى فكرتي تحقق

ويصير الكل ينتج ويقنص بانتاجة

ومثل ما قال اخوي

حامد الحنيني

الواحد لما يقنص بطير

هو منتجة راح يحس بالفخر

وصدقوني يا اخوان
اللي يجرب ماراح يندم

بكل الاتجاهات ربحان
بعون الله ^,^

[راعي الونه]

اخوي
خلــــــــــــــــف
الفار
انشاءلله

كلنا نتفق

وهذا
الفكرة راح تحيي الحياة
الفطرية مرة ثانية
بعون الله

والله يا اخوان راح
تستفادون من جميع نواحي الفكرة

[راعي الونه]

واسئل الله الدعاء لي والعايلتي يا اخواني الكرام

[راعي الونه]

اقدم صقار
الله يرحم ابوك وامثالة
واموات المسلمين كلهم
ان كان حي او كان متوفي
ياليت الكل يسوي مثلة

كان الحياة بخير
من كل النواحي ^,^
وانا اخوك

[راعي الونه]

يا اخوان ياليت تنظرون للموضوع

وتطروحونا على (الصقاررين)

وعلى (الطواريح)

وانا ضامن لكم الطرفين ربحانين

[راعي الونه]

بذن الله الباري ^,^

[falcon 1]

السلام عليكم ورحمة الله وبركاته
اولا فكرتك حلوه ..وصحيح اي شي لو يشتغلون عليه البشر بينقرض والامر عند الله سبحانه
وبالنسبه لتفريخ الطيور
والله يا خوك كثير منه نتمنى ان نفرخ الصقور ..لكن اخوي ماهي سهله ..يبيله وقت يبيله واحد فاضي . يبيلك مكان الطير يرتاح فيه .
الانسان هالايام مو نفس قبل ..الحين صحيح تكنولوجيا والحمد لله لكن الامر صعب . انا والله ودي افرخ طيور ..لكن دوامات وعيال واهل ..ما راح تقدر ..لو تلاحظ الي يفرخون الطيور باروبا ..تلاحظ العايله كلها من صغير الى كبير يقوم بواجب . تلقي الوالد يشوف امور الطيور والولد الي اكبرهم يعلف الطيور ويعطيهم الماي , والي اصغر منه ينظف اماكن الطيور.
والي اصغر منه يقعد بالبيت يلعب مع الفرخ حتى يتعود على البشر الي يسمونه (الامبرنت).
في شي بطرح الطيور ..يختلف تماما عن التفريخ ..الوناسه . خوة رياجيل تمشي وتدوج تدور الوحش .
لكن اذا بتفرخ لا عاد في طرح ولا وناسه .

والحمد لله بالايمارات عندهم نفس برنامج لاعادة الطيور في البيئه الي يطلقون الطيور في باكستان وافغانستان.والحمد لله على كل حال.

لكن نسال الله الرزق والتوفيق لكل خير
واتمنى باذن الله اشوف اخوانه فالايمارات والسعوديه والكويت والبحرين يفرخون طيور بكثره وهذا شي نفتخر به.

والله يرزق كل مسلم من واسع فضله

تقبل مروري اخوك
فالكن 1