المساعد الشخصي الرقمي

مشاهدة النسخة كاملة : من جرب هذا النوع من الكفرات!!!!!



محيسن1
23/08/2011, 03:48 AM
السلام عليكم ورحمه الله وبركاته
يالله حيهم يالربع نزل بالسوق كفرات بالون هنديه من قد جربها او اللي عنده علمها لايبخل علينا

LE2010
23/08/2011, 03:54 AM
والله اول مرة اسمع به

WWS
23/08/2011, 03:55 AM
اخؤؤؤؤي محيسن اخبااارك ياااالغاااالي
قصدك كفرات ادفانس؟؟ .. مااااني متااكد هل هنديه اؤ صينيه ..بس تقريبآ هنديه%65 مااني متاااكد بالضبط 100%
شؤؤؤفتهااا مع كذا ؤاااحد من الشبااااب مركبه ع ؤااانيتااات جمس ..
ؤ اذكر اني سعرتهااا من الؤكيل .. جنط 15 .. 900 .. ب360 .. هالكلام قبل سنه
الحييين الله اعلم بكم..

كشف الغريب
23/08/2011, 03:58 AM
بوكرا بعد تشوف من بنجلادش كفرات الكفرات صارت بورصة لابو يمن انواع اللعب والغش ورافعين الاسعار نار نصيحة اشتر كفرات من الوكيل احسن واضمن لان اللي بالسوق اماراتي مضروب

جزاء الشمري
23/08/2011, 04:05 AM
حصلتهن ب 440 ريال قبل اسبوعين بحائل رحت وأخذت ابو جمل فيتنامي 470 ريال وعلى قولت أهل المثل وجه تعرفه ولاوجه تستنكره .

المرتهي
23/08/2011, 04:24 AM
اخواني لحد يستهين بالهند

عندهم شركة تاتا
الهند اول نضحك عليها الحين تضحك علينا : (

للمعلومية شركة تاتا اشترت قبل سنه بي ام دبليو وشركة رنج روفر ولاندر دروفر

نصيحتي خذ كفرات تثق فيها لا يغرك المبلغ وتهدد حياتك لخطر

كشف الغريب
23/08/2011, 04:30 AM
اهلين ياجزا ء الشمري وكيف حالك ياراعي غمرة وشلون ممدوح وش لون اهل العظيم من زمان عنكم ياديرتي

The End
23/08/2011, 04:31 AM
يجيك العلم من مجرب إن شاء الله ,, سبق لي وجربت الشاهين ممتازة للرمل وبالخط أفضل من البوالين العادية ,,,



بوكرا بعد تشوف من بنجلادش كفرات الكفرات صارت بورصة لابو يمن انواع اللعب والغش ورافعين الاسعار نار نصيحة اشتر كفرات من الوكيل احسن واضمن لان اللي بالسوق اماراتي مضروب


صدقت وأنا أخوك ,,,
قبل كم يوم كنت بركب طقم كفرات مقاس الاند الجديد طبعاً دنلوب مثل شد البلد رحت للبناشر كلهم سعرهم واحد 840 إلى 820 ريال للكفر وبعد البحث لقيت بنشر قالي 810 ريال بعد المكاسر ,,,
سبحان الله ربي ألهمني اني أدق على الوكيل بعد معرفة رقمه عن طريق البحث في النت طبعاً الوكيل هو بن زقر تدرون بكم طلع الكفر ,, قيمته 737 ريال وتاريخه أجد من البناشر ومظمون أنه أصلي لأنه يجي نوع إماراتي ماتفرقه عن الأصلي وتشريه على ذمة البائع ,,,

كشف الغريب
23/08/2011, 04:33 AM
ونعم الرجال ياالمسعوديين والظاهريين ولايهون النعضان

التعـ King ـديل
23/08/2011, 04:38 AM
حتى الان لم اجد افضل من الماكسس وافضل بالون بالسوق الان السيام تاير والمالون والماكسس

رغم كثره الانواع الا ان هالثلاثه هم الافضل حتى الان ونصيحتي لك لاتتعداهم

موتري عليه ماكسس

كشف الغريب
23/08/2011, 04:42 AM
حتي طايحيين بطريقة ابو يمن سعرهم واحد وارتفاع الكفرات منهم هم وحتي ياليتة اصلي معاد تدويرة بالامارات هناك فية مصنع بجبل علي يصنع زي الاصلي انتبة لعمرك والاخوان حتي لاسف العقيل لحقهم بالاماراتي لاتشري الامن الوكيل فقطططططططططططط وناظر التاريخ بعد اهم شي بالموتر الكفرات لاتهاون دنلوب او بريجستون لاتبعد عن الوكيل وابعدعن العقيل لايغرك الكلام المعسول صار جشع واستخفاف برواح الناس

محيسن1
23/08/2011, 03:04 PM
بيض الله وجيهكم ولاهنتو وانا شاورتكم لان الماكسس عقب ماصار فتنامي كثير اللي اشتكو منه
والله الواحد في حيرة مايدري وش يركب

العنابي 616
23/08/2011, 03:59 PM
السلام عليكم
أنا بالنسبة لي مركب ماكسس فيتنامي و صار له حول السنة راكب
و الحمدلله ما شكيت منه أبد

العنابي 616
23/08/2011, 03:59 PM
السلام عليكم
أنا بالنسبة لي مركب ماكسس فيتنامي و صار له حول السنة راكب
و الحمدلله ما شكيت منه أبد

وبل نجد
23/08/2011, 05:02 PM
اخوي محيسن اذا انت راعي جلد ووعر خذلك بالون سيام بس مشكلتها ثقيله

واذا انت راعي شعبان ورمل وخطوط خذلك دنلوب نقشة شاهين مقاسها 245-85-16 خذها نصيحه من مجرب جربتها سنييين ماشكيت منها ابدا مميزاتها لينه وتفرش بالرمل واحيانا لو ماتنسم في الرمل تمشي بدون تنسيم وعمرها الافتراضي سنه واحيانا سنه وثلاث شهور وسعرها حاليا 670 ريال ينطح ريال (حسبي الله ونعم الوكيل) والبالون السيام حول هالسعر فخذلك ياباني يكد ويمد

تقبل مروري

راعي الفتك 9
23/08/2011, 05:52 PM
البالون الفيتنامي مشكلته فيه عيب مصنعي من ناحية التنسيم

أبو سندس
11/09/2011, 01:39 PM
أخواني خلني أفيدكم من حسب تجربتي بالنسبة للبالون ممتاز في الوعر لكن في الزفلت مايهقويك يثقل الموتر انا اتكلم عن الماكسس والدنلوب نقشة الشاهين في البر ماينفع للرجل اللي يطامر جنب الكفر ضعيف لكن هنا كفرات صراحة جداً روعة في البرة والوعر بالذات وخفيفه في الممشى اللي هي الهانكوك نقشة الشاهين يعطيك خف وجنب الكفر اقوى من الدنلوب صراحة كنت اتوقعهن مثل الدنلوب بس بعد التجربة ماركب غيرهن وسلامتكم

gx-low
11/09/2011, 04:34 PM
وش اسم الكفر اللي صناعته هنديه

فيه كفر بالون جديد في السوق اسمه (ابولو) هذا اللي تقصده ؟

ترى وكيله هو وكيل كفرات هيرو

V 8
11/09/2011, 10:15 PM
وش اسم الكفر اللي صناعته هنديه

فيه كفر بالون جديد في السوق اسمه (ابولو) هذا اللي تقصده ؟

ترى وكيله هو وكيل كفرات هيرو


من هو وكيل هيرو في السعودية لاهنت