المساعد الشخصي الرقمي

مشاهدة النسخة كاملة : كرونة هايلوكس 96 غالية مرررة وش الحل؟؟؟



راشد بن محمد
23/08/2011, 09:58 PM
السلام عليكم ورحمة الله وبركاته
هل يوجد ترهيم لها من شركات ثانية ارخص لأن النهدي يقول سعرها 4600 ريال الله يكافي . وش الحل يا النشامى

بندرالعتيبي
23/08/2011, 10:55 PM
وعليكم السلام

تبي العلم خذ دفرنس كامل وريح بالك ترا الكارونه قليل الي يظبطها صح تحصل الدفرنسات في التشاليح

يفيدونك الاعضاء اكثرر

بدوي جنوبي
23/08/2011, 10:58 PM
ويش فيها الكورنه ؟

أبو زيااد
23/08/2011, 11:02 PM
http://www.mekshat.com/pix/upload02/images51/mk10495_222.gif



أكيـد اللي يطلع للبر محفوف ببعض المخاطر البسيطه والصعبه أبكتب لكم أدوات بنظري أنها ضروريه بكل سياره بعد ستر الله وبعض المشاكل والحلول.


الأدوات

1. الياور : أداه تستخدم لتصليح البنشر يدوياً .
2. رقعة تيوبلس.
3. تيوبات (لاساتك) حتى لو كانت كفراتك توبلس ولايوجد لها تيوب.
4. سيور أحتياطيه نفس سيور موترك بالحجم والعدد.
5. حبل شد بطول 10 متر.
6. اشتراك بطاريه.
7. ماطور هواء.
8. اسعافات اوليه.
9. اللحام بارد (اللي يخلط).
10. بالون الشكمان : عباره عن باللون يوضع تحت الموتر وينفخ عن طريق الشكمان.
11. ماء والتمر : الماء ضروري لك ولموترك حتى لو مشوارك قريب.
12. بوصله أو قارمن.
13. عده متكامله.



http://www.mekshat.com/pix/upload02/images51/mk10495_63.gif


المشاكل والحلول

1. أذا مامعك ولاعه:
طلعت للبر ونزلت العزبه ولكن لم تجد الولاعه أو خربت.
الحل : تجيب سلك كهربائي أو معلاق ملابس أو سيم حق البرسيم وتوصله بالبطاريه واحد بالموجب وواحد بالسالب وتشغل الغاز وتقدح بطريقه سريع ويشتغل بأذن الله.



http://www.mekshat.com/pix/upload02/images51/mk10495_716.gif



2. الاديتر أذا كان يهرب ماء:
الاديتر يهرب ماء بأي سبب كان أكيد بتعبيه ماء لكن مافيه فايده لان الاديتر مشقوق.
الحل : قبل تعبئة الماء تقوم بتفتيت ثلاث حبات من روث البعير بالاديتر (أعزكم الله) لانه بدوره سيقوم بسد الشقوق.



http://www.mekshat.com/pix/upload02/images51/mk10495_1111.gif



3. أذا مامعك عفريته:
بنشرت لكن تفاجئة أن مامعك عفريته أو العفريته تعطلت.
الحل : تضع حصاه (رضمه) تحت الدفرنش الخلفي أو الامامي أو الدنقل أذا كان البنشر قدام ولاتترك مسافه بين الدفرنش والحصاه وبعدها تحفر تحت الكفر حتى يسند الموتر على الحصاه وبعدها فك الكفر وركب الكفر الاحتياط وحرك الموتر وينزل تلقائي عن الحصاه.



http://www.mekshat.com/pix/upload02/images51/mk10495_1111.gif




4. أذا أرتفعت حراره السياره:
تمشي مع الخط أو بالبر وأرتفعت حرارة الموتر.
الحل : توجه الموتر أتجاه الهواء لاتفتح غطى الاديتر علشان أذا كان يوجد ماء مايخرج عن المكينه تصب على الاديتر ماء وأذا نقصت الحراره تطفي السياره وتشيك على السيور والاديتر والمروحه.



http://www.mekshat.com/pix/upload02/images51/mk10495_1111.gif

5. اذا غرزت بالبر:
أول شي من باب الاحتياط النفود صعبه على أصحاب السيارات اللي بدون دبل وقت الصيف لكن أذا ولابد تنزل من هواء الكفرات وأذا مافيه فايده تحفر عن الكفرات الاماميه لانها هي العائق وفيه حل أيضاً تحفر بين الكفر الامامي والخلفي وتضع حجر كبير بطريقه عرضيه وتدفن الحجر بالرمل وتهز الموتر للأمام والخلف بدون تضغط على المكينه يعني على الخفيف حتى تطلع.



http://www.mekshat.com/pix/upload02/images51/mk10495_1111.gif




6. أنطلق ذراع أو ركبه أو عمود التوازن.
الحل : ترفع الموتر بالعفريته وتربط الذراع أو الركبه بمعلاق ملابس أو سيم بأذن لله تضبط.



http://www.mekshat.com/pix/upload02/images51/mk10495_1111.gif



7. أنشق تانكي بالبنزين.
الحل : تربط مكان الشق بمسمار مناسب على حجم الشق وتضع له وجه حتى مايهرب البنزين.

------------------------
## اللي عنده أفكار يضيفها مشكوراً لتعم الفائده##





دمـتم بود



ّّ حرر الموضوع بتاريخ (15| 07 | 2007م) بعضويتي (winchester) في أحد المنتديات المجاوره ّّّ

هبوب الصبا
24/08/2011, 01:03 AM
سؤالك مهم
اتوقع فيه تقدر تطبق عليه كرونات سيارات ثانية وارخص
المسألة تفكر وتفهم ميكانيكا السيارات صح ومانصدق الوكالات الجشعة وشكرا