المساعد الشخصي الرقمي

مشاهدة النسخة كاملة : اول حادث صارلك واول مخالفه



يزيد 999
23/08/2011, 10:18 PM
بسم الله الرحمن الرحيم. السلام عليكم ورحمه الله وبركاته اليوم ياشباب نبي كل واحد يقول اول سياره أخذها وكم كان عمره واول حادث وكيف صار واول مخالفه نبي تفاعل.وماهي سيارتك الحاليه . يله انا اول واحد. اول سياره جراند ماركيز 93 العمر 13سنه كنت سارقه من اخوي قبل اخذه ورايح البقاله ويوم رجعت للبيت الا الوالد واقف عند الباب بالصدفه ويوم شفته فهيت وكانت اناضر الوالد ابوريه اني سواق وادخل بعتبه الباب وخذ خناق من الولد لدرجه كل اللي بالشارع يضحكون علي واول مخالفه بالاختبارات بثالث متوسط قدام المدرسه زعقت بوجه راعي كامري وأثره مرور سري وقفن علي جنب وعطان مخالفه تزعيق وكان بيحجز السياره بس رحمن ومشان وسيارتي الحاليه باترول ٩٧ سلقه

ملك الفكتوريا
23/08/2011, 11:25 PM
]موضوع ممتاز وحلو



أنا سلمك الله أول مخالفة كانت بأول ثانوي جايك عالفورد ويوم تعدى خشم الموتر الاشاره وهي تصفر وكنت ماشي 60 تقريبا



المهم وقفت عند خياط ويجي وشوي راعي الدورية يقول انت راعي الفورد

قلت ايه


قال وراك قاطع الاشاره


قلت ما قطعتها السالفه كيت وكيت


قال الاثبات وجب الرخصه والاستماره

قلت ما معي اثبات ولا رخصه والاستماره هذي هي


ركبني الدورية ورحنا لخويه عند الاشاره ويقول اعترف والا لا


انا انخرشت وش اللي اعترف



واروح للمرور ويدقون عالوالد ويجي ومعه كرت العايله والمخالفه كانت عدم ربط حزام


طبعا اتصلت عالوالد وقلت له اني بالمرور


قال ليش!!!


قلت قطعت اشاره


والرد سريعا قطعوا راسك ههههههههههههههههههههه بسم الله علي



ويوم جاء وطلعنا الوالد ما قال شئ عادي وانا مستغرب لليوم



واللي يضحك اخواني مقلبوا بالوالده يقولون بيحبسوني



أما الحوادث فأقوى حادث كان بشهر 4 هالسنة ونزلت تقرير بالمنتدى والحمد لله أخذت حقي من الشركة



وهذا الرابط به قصة الحادث


http://www.mekshat.com/vb/showthread.php?t=402817[/CENTER]

أبوغيث 2003
24/08/2011, 12:13 AM
أول سيارهـ أخذته بيوكـ موديل 92 كنت بثاني متوسط كانت للوالد ثم شرى موتر وعطان إياهـ

أول حادث لي كنت بثالث متوسط كنت داق ريوس ومسرع وأنا داق ريوس ولفيت الطارهـ وصدمت باب فورد :D :D

بس الحمد لله الصدمه خفيفهـ

أول مخالفهـ لي مخالفة سرعه ,, كان الدائري فاضي بأحد أيام العيد وكنت أمشي 138


سيارتي الحالية باثفندر 2003

تحياتي

المرتهي
24/08/2011, 01:07 AM
موضوع جميل

اول سيارة ددسن 79 غمارتين : )

اول حادث على سوزوكي سوفت موديل 91 : (

طالع للمدرسه الصباح جاء صاحب صني وشال معه ابواب الراكب والي خلفه

سامحت الرجال

وقعدت مصدومه لحد بعتها كن اخذ دوار تنفتح الابواب واوقات تكون عاقله

بمشي بالسيارات بالتدريج

ددسن 78 - فورد ماركيز 90 - سوزوكي سوفت 91 - تيرسيل 99

حاليا باثفندر 2004 ملقبه شاهين

ابوضيف الله
24/08/2011, 04:12 AM
اول سيارة لي بونفيل 86وكان عمري 17
اول حادث لي على البونفيل صدمت لي باص حق نادك خضيت اللبن اللي معه
واول مخالفة وقوف خطئ سيارتي الحالية لكزس 430

باث 3
24/08/2011, 04:21 AM
موضوع شيق وجميل:good2:

بالنسبه لأول سياره سقتها كابرس موديل 89 حقت الوالد

وأول دعمه كانت على سيارة أخوي 2004 كامري الدعمه كانت غبيه جدا حدني راعي سياره وأنا متجاوز بس (مسرع شوي):p وقررررررربع خميت بابه مع الكفر مع الرفرف مع الصدام :D وعدت سليمه ولله الحمد,,

أما بالنسبه لأول مخالفه فهي أحس أنها أغبى مخالفه (عدم ربط حزام الأمان ,رغم أني الراكب وليس السواق)..

أما بالنسبه للموتر الحالي جي هدد 2007,,

وتقبل مروري,

جلمود الحره
24/08/2011, 04:25 AM
الله يكفينا شر الحوادث...........اول قشعه لي بددسن 85مكيف كانت جديده صدمت سيارة شايب ددسن 89 خط عايدي والله لايعيده خسرني الشويب 1300 ريال تنك الا خط وكاله وكنت مانيب موظف وحطني المرور بالحجز لين جاني من كفلني وشرينا للشويب خط من الوكاله تقريبا 1000 ريال والورشه 300
واول مخالفه كانت السير من دون انوار (يعني مولع السكن) ايام جيب المرورالنيسان ابوحنـــه الله لايعيده

LE2010
24/08/2011, 04:38 AM
موضوع ابداااع
اول حادث كان وانا في سادسة ابتدائي
كان معي ددسن 2003
وجية افحط وهجة علي وطمرة في عبارة
هههههههههههه
اخر حادث كان جمس انقلبةبة وانقطع اذني وحالة
وبعدها باسبوعين قطعة اشاة وصدمني واحد وهربةههههههههههه
كان معي اكسنت 2009
اول مخالفة لي بثالث ثانوي
عدم وجود رخصة

LE2010
24/08/2011, 04:39 AM
نسية سيارتي الحالية نافارا 2010

LE2010
24/08/2011, 04:41 AM
موضوع شيق وجميل:good2:



بالنسبه لأول سياره سقتها كابرس موديل 89 حقت الوالد


وأول دعمه كانت على سيارة أخوي 2004 كامري الدعمه كانت غبيه جدا حدني راعي سياره وأنا متجاوز بس (مسرع شوي):p وقررررررربع خميت بابه مع الكفر مع الرفرف مع الصدام :D وعدت سليمه ولله الحمد,,


أما بالنسبه لأول مخالفه فهي أحس أنها أغبى مخالفه (عدم ربط حزام الأمان ,رغم أني الراكب وليس السواق)..


أما بالنسبه للموتر الحالي جي هدد 2007,,



وتقبل مروري,


ههههههههههههههههههههههههههههه
قوية المخالفة ذي
ههههههههههههههههههه

يزيد 999
24/08/2011, 05:34 AM
يعطيكم العافيه وننتظر باقي الاخوان

سرطوقا
24/08/2011, 05:46 AM
طبعا السياره الاولى هي ددسن [ 82 ] غماره < الله يآزمن

لاتشره وانا اخوك الله من حادث

الحادث الاصعب انقلبت على هايلكس على جنب طبعا والحمدلله والشكر مقدر ومكتوب

انا مريت على عدت سيارات

ددسن غماره 82
ددسن 86 غمارتين
هايلكس 87 غمارتين [ افضل سياره ] عندي طبعا وهذي السياره اللي انقلبت عليها
هايلكس 93 غمارتين
كرسيدا 94 جي ال
هايلكس 2000 غماره
هايلكس 99 غمارتين
مكسيما 2002
هايلكس 2000 جي ال اكس غماره


حاليا لايوجد معي سياره [ اذا تخبرلي ] :)

وشكرا على الموضوع

V 8
24/08/2011, 08:54 AM
اول سيارة ملكتها
فورد كراون فكتوريا زيتي 1997 فل كامل مراتب جلد جنوط خلية أزرار على الباب
أيام عزه وكل المدرسة خاقين معه وأنا عند روحي :)

كان عمري 17

كان موتر الوالد ولا طول معه وعطانياه ماشي 34000 كلم
بس كرفته كررررررف أنا والشباب
صارت الشرقية والقصيم حارات من حارات الرياض

وصل شعبان وفياض واجد


أما أول حادث
فكنت رايح للمدرسة بأمان الله ويمشي يساري شايب وتعرفون سواقة الشيبان

مادريت الا ينحرف علي فجأة ويشيل الجنب
الى الآن ما أدري وش مبرر انحرافه

المهم قابل الصياح بالصياح تسلم

على طول نزل يهاوش ويتهمني بالسرعة والتهور واني بغيت اموته

بس ما خليته تهاوشت معه وتجمعوا اهل حارته وهاشوني وقلت نادوا المرور
المهم حاولوا يصلحون بيننا واجبروني أحب راسه وكلن صلح سيارته وفي قناعتهم انه متفضل علي ومتنازل عني
ومرت علي فترة وأنا منقهر وحاس بالغبن والظلم

لكن الله يبيحه ويحلله
صارت سوالف

أما أول مخالفة
فكانت سرعة
آخر الليل الشوارع فاضية والاشارة خضراء وقدامي راعي جمس أسرع علشان يلحق عليها واسرعت وراه وتجاوزتها خضراء
الا وراي دورية وعلى جنب وأول ما جاء كنت واثق وقلت : الاشارة خضراء حتى ما هي بصفراء

قال : اثباتك والاستمارة أنت مسرع
قلت : أمري لله




سيارتي الحالية GXR V8 2009

ولله الحمد والمنة

سعد النفيعي
24/08/2011, 09:34 AM
السلام عليكم
كل عام ونتم بخير ومن العايدين قبل الزحمه
اول سياره لي كنت اتعلمها ددسن م 99 حقت الوالد الله يحفظه كنت ادرس صف ثالث متوسط
واول مره اسوق وكنا عند الغنم واعشق الاول وتطفي السياره واشغلها واحطها بثنين وارفع رجلي عن الكلتش بسرعه ولا والله ما عني وعن شبك الضرمه واقشه واتعداه واتوطا المدينا حقت الضرمه وقفت السياره وانحشت
والوالد واخواني يتفرجون ويضحكون وانا منخرش منحاش متلقي الضلع ههههههههه
والحادث الثاني عند اشاره كنت ابي الحق الاشاره ويوقف راعي كورلا في وجهي وما عني وعنه واعدم الوجهيه
وكان الوالد معي تفاهم مع راعي السياره وتنازل الله يعطيه العافيه
وبعد الحادث بطلت السرعه الحمدلله وصارت سواقتي سواقت شياب ههههه راكده وكرهت شىء اسمه سرعه والله ياخوان السرعه ما منها خير
والددسن قلبته 79 هربدته ولعنه جده ما خليت طعس الا غرزت فيه ولا عقم والا نشبت فيه
ولي الان الحمد لله ما يقارب 8 سنوات اسوق ولا عمري اخذت مخالفه ولله الحمد
مع اني امشى بدون اثبات وبدون رخصه ومن عند نقط تفتيش ولا اقول الا الله هم اكفهم بما شئت اللى يشوفني يقول مهرب خخخخخخخخخ والرخصه ما طلعتها الا قريب
وسيارتي الحاليه كراسيد 94
وشكرا

بركاني حربي
24/08/2011, 09:55 AM
أول حادث أنقلاب بوانيت 84 و عمري 11 سنة
أول مخالفة ما أدري من كثرها
السيارات اللى مشت تحت يدي أشكال و ألوان
ددسن84 -كابرس 85 - سيدرك 84 - هايلكس 93 - جمس 87 - فورد 97 - كامري 98 - كابرس 87

طبعاً لكل سيارة قصة و أحلى سيارة من هذه السيارات هي السيدرك و الكابرس87

و الأن أنتظر هلي 2012 بإذن الله

الله يطعمني من خيره و يكفيني شره

امين

أبو صالح
24/08/2011, 10:57 AM
السلام عليكم
شكرا على الموضوع - بالنسبة لي اول حادث عام 1411 كان على ددسن للوالد غمارتين 84 فاكها وكالة كان عمري 12 سنة ارسلتني الوالدة الله يحفظها اودي اغراض لناس يوم رجعت قلت ابتحيرف ويوم دخلت باول الشارع حق بيتنا من بعيد قبل ماأوصل البيت طفيت السيارة وخليتها تدحدر باتجاه السور بالضبط وخبركم يقفل الدركسون بالسيارات القدام اهااااااا وش صار ؟؟؟
اللي صار الله يسلمكم ماتسمع الا قووووووووووووووة تلعين ولف يابن ... لف يابن ... ياربيه لففففففف وتعلق بالطارة لين وصلت للسور واذنك ماتسمع الا صنفرة الرفارف والبيبان تشخخخخخخخخخخخخ - توي ماخلصت تدرون وش وقفها ؟؟؟؟؟؟
برميل الزبالة الله يكرمكم الحديد القديم نشب بخشة الموتر - لاعادت من تحيرف
واول مخالفة كانت عكس سير بثاني ثانوي على كرسيدا 95
وسيارتي الحالية هدد 97 + كامري 2006

hmody00
24/08/2011, 12:12 PM
موضوع توحفه وفضيحه بنفس الوقت:D
أول سيارة ددسن 1985م غمارتين مشرع الحوض وتوانك ماء :D
أول حادث كان لي بالعيد (صدق جبت العيد يوم العيد:D) كان عمري ممكن 13سنة ابلشت الوالده تخلي الوالد الله يرحمة يخليني اسووق من بيت جدي معايدينهم وراحيين للبيت المسافه قريبة ويوم العيد مافي احد الشوارع فاضية ..واقتنع الله يرحمة..اول ماعشقت الموتر الهدوء يسوود المكان واخواني ورا مسكتين كانت كابرس بوقس 82:D
المهم كانت سواقتي مضبوطه بس اخر شي يوم لفيت للبيت والكل كذا مسوي (:D) متشققين اني اسوق التفت عليهم وراء يقالي كبير اقلد الوالد اقول ابعد ياولد عن وجهي ماشوف المرايه مسوي شنب :D الا بوجهي موتر طالع من اللفه وادرعم فيها اول ماصدمت اللي اذكره شي تقل كبس بوجهي يوم صحيت اثرهـ كف مقلوب من الوالد:D


أول مخالفة كانت حكاية لحالها :D


كان فيه طريق حق كساره قريب للديرة وتعرفون طريق الكساره كله غبار أو ريغا واجيك طاير بالددسن وتخميس وجلنطات وكان معي 2 من الشباب بديت ماااشوف من كثر الريغا انعميت وقفت عشان تنقشع :Dاول مابدت تبان الرؤية كني اشوف سفتي دوريات قدامي بس مو واضح واسال ربعي تقل دورية :eek:قالو تتوهم واسكت يوم درينا واشوف الخط الازرق دوريه جالسين يفطرون وطاحوو فينا لازق الصدام بالصدام:D مايمديك تهج واصرفها بالدعسه معلقه قال معلقه؟؟؟؟؟؟؟ تقولها لابو ذيب هناك بالحجز والمخالفة حجز :D
والسيارة الحاليه فورد 2003 :Dوسلامتكم

ابو دانه 122
27/08/2011, 05:52 PM
حشى مو مخوخ هذي ممري حق تخزين انا ناسي ايش تعشيت امس بس اول سياره هايلوكس 79 بعدن كرسيده 82 بعدين هايلوكس 84 بعدين قراندي ستدخم مريكي 92 بعدين كرسيدا 94 بعدين فور كراون فكتوريا 2001 بعدينهلي 2008 انقلب بعدين هلي 2010 انصدم بعدين كامري 2011 وهذي هي سيارتي

ملك الفكتوريا
27/08/2011, 10:04 PM
حشى مو مخوخ هذي ممري حق تخزين انا ناسي ايش تعشيت امس بس اول سياره هايلوكس 79 بعدن كرسيده 82 بعدين هايلوكس 84 بعدين قراندي ستدخم مريكي 92 بعدين كرسيدا 94 بعدين فور كراون فكتوريا 2001 بعدينهلي 2008 انقلب بعدين هلي 2010 انصدم بعدين كامري 2011 وهذي هي سيارتي


أعوذ بالله منك يا شيخ قل ما شاء الله


الحين عادلي اكث من خمس سيارات وتقول ما تذكر


أجل لو تذكر وش بيصير :D

صاحب مبدا
28/08/2011, 02:58 AM
موضووع حلوو
اول سيارة سقتة ددسن 92 كان ادرس بسادس يا الله تذكرة ايااام الطفولة نرجع نكمل واول مخالفة هي عدم حمل الرخصة واول حادث كنت على ام عزيز توني متعلم ورحت وشغلتة بملعقة وانا ادووس دوسة الفرح هذيك اول مررة اسووق لحاالي كنت طاير طيراان امشي 160 كم وحدتن سيارة واناا الف الدركسوون بقووء معندي وراحت على مصورة الكهربااء وبعدين ماصحيت الى بغرفت العنااية المركزة بعد ثلاثة اياام من يوم الصدمة الحمدالله على الصحة والعاافية والسيارة الحالية هايلكس2004 وباترول 1999

يزيد 999
09/05/2012, 07:37 PM
يعطيكم العافية والحمدلله على السلامة وان شاء الله أخر الحوادث بانتظار البقية ...

THE KILLER
09/05/2012, 10:24 PM
ياسلام على الموضوووع التحفه ههههههههه

اول حادث صار لي بالمزرعة حقتنا كنت قاعد اتعلم على الكيا كرنفال 99
المهم قاعد اتعلم والف وارجع وفي الاخير لفييت وكان عندنا درجتين حقت البيت المهم لفيت كذا وقبعتهااااااااا
وانا اررجف اقول ياساتررر يارب مايشوفها ابوي ههههههه
المهم شااافها وقالي ,, مشاء الله ولدي شاطر ولدي ههههههههههه
اول مخالفة عدم حمل رخصة + عدم ربط الحزام مع بعض
هع
السيارة الحالية جمس سوبربان 89 وتسمع هديروه < بالله ؟

PHANTOOM
10/05/2012, 03:22 AM
موضوع شيق صراحة

اول سيارة تعلمت عليها هي ددسن احلى موديل 92 كانت وردة بس عقب ما طاحت بيدي راحت فيها مع انها للحين عايشة وفي الخدمة

اول حادث اتذكره كنه صاير البارح
بحكم اني الولد البكر تعلمت السواقة وانا صغير في عمر 11 سنه وهذا اكبر غلط لان الطفل مهما علمته السواقة راح يبقى ادراكه فيه قصور .
المهم كل يوم وانا ناط للشايب ( الله يطول بعمره ويحفظه لنا ) ابي اسوق يرسلوني للبقالة اروح ابعد بقالة من محنة السواقة .
الوكاد في يوم من الايام مسوي فاهم واتجاكر مع راعي ددسن ثاني و هذي اول مره اوصل فيه لسرعة 140 من غشامتي خفت وربطت فرامل وانا لاف الطارة سيد بي الموتر وخشيت بيت ناس بس الحمد لله جات الصدمة بالصبه حقت الزرع ولا وصل الموتر لسور البيت ويطفى الموتر واشغله ويشتغل وادق ريوس وانحاش وانواع الترجيم من بزارين الحارة اللي صدمت فيها .
رجعت البيت وعلمت الوالد ولا قالي شي حتى اني كنت حاس انه زعلان مني لكن لما رحت معاه علشان نجيب الكبوت من وكالة الحمراني اللي بطريق خريص كان يضحك معي ويسولف عرفت ان السالفه عدت سلامات .
طبعا بعد هذا الحادث بدا مسلسل التفحيط وانقلبت بسبة التفحيط بنفس الددسن .

المواتر اللي كانت معي هي :
ددسن 92 / كورلا 2001 / فكتوريا 98 / لانسر 94 / باترول 2003

حالياً كابريس 2006 / جمس حوض 2002 / باترول ربع مرهم

sgl2002
10/05/2012, 03:40 AM
ثلاث حوادث ب15 سنة من يوم بديت اسوق وعمري ١٣

الاول بثالث ثانوي افحط علئ 120 سيارة تيرسل 97 واصفق بواحد وراي وادخل برحه وجاء الوالد وقطعني بالعقال تقطيع جح وبعدها ما اذكر اني فحطت حتى الان

والثاني بنفس السيارة كنت مسرع ودخلت بشروكي مع لفه

والثالث قبل سنة برمضان بالزحمات التهيت بالجوال واطالع قدامي الا لكزس وادخل عليه الشنطه وكان معي باترول 98 لكن ماجاه شي

اول مخالفه وهي الاخيره كانت عدم حمل رخصة

أبوعذااب707
10/05/2012, 06:21 PM
الله يكفينا واياكم شر الحوادث


انا امس طالع من المستشفى الحمد لله على كل حال
انا مسافر للجنوب ونزلت مع عقبه شعار وكان مطر الخط تقفل لمده ساعه بسبب حادث واول ما فتح الخط الاخلاق كانت قافله والسرعه بالعقبه 40-60 كم/س وانا كنت ماشي 120 وتفاجأت بلفه حاده ويزلق الموتر واحاول اعدله ثلاث مرات الرابعه شفت تريله ناصيتني وامسك بريك ويهج الموتر والله ستر صدم بالصبيات والموتر يزحف على جنبه طبعا ما قدر اثبت نفسي مع اني جسم و وينقز جسمي ويضرب راسي بالقزازة الاماميه وركبتي بالطبلون الايرباق ما طلع لكن ولعت لمبته والحزام سبحان الله قبل الحادث بدقيقه فكيته
والاحزمه الحين مشدوده ما في امل تتحرك

والحمد لله على كل حال
انا اعترف اني كنت مسرع ومتهور والحمد لله على سلامتي
وانتبهوا من السواقه وقت المطر

كاشت وحداني
10/05/2012, 07:24 PM
موضوع شيق ويوسع الصدر
بالنسبة لي اول ماتعلمت اسوق تعلمت على الحراثه شتاير الالمانيه ثم جيب سوزوكي م٨٥ شراع ماهو تنده زي حق البريد واتمنى الاقي زيه حاليا
ثم كرسيدا٨٤ وطولت معي ثم كابرس ٨١ ثم ٨٤ ثم ٨٥ ثم رجعنا للكابرس ال٨١ وجلس معي فتره لين اليوم اللي جاب اجله كنت ماشي وفجاءه طلع واحد معترض قدامي بالخط ومامسكت فرامل على طول طبيت بالمرتبه الخلفيه وشديت نفسي بين المرتبتين وخشيت في الرجال بدون فرامل ولاشي خليتها على وجهها وبصر الله فيها
هجدت الامور والغبار وانا باقي متكي واقوم اشوف لقيت وجه موترب في كوم حجر والموتر الثاني متنثر وحالته حاله وطبعا خرجنا سليمين ولله الحمد
واول موتر شريته كان تاون كار٨٨ ثم تاون كار٩٥ ثم كامري ٢٠٠٥ وحاليا موتري فكتوريا ٢٠١١
واول مخالفه كانت يوم انتهاء الرخصه اول رخصه طلعتها واحطها بجيبي ولا احد سألني عنها
ويوم انتهت اليوم الثاني لقيت تفتيش ومن شاف الرخصه كتب مخالفه ولم يتركني لان مالها الا يوم واحد فقط واحيان المرور السري يبي يوقفني علشان سرعه لكن الزبنات تشتكي وساهر عندي علاجه المواقف لم يكن لي مواقف مع الوالد بخصوص السياره.
تقبل مروري


Sent from my iPhone using Tapatalk

moooj
10/05/2012, 07:42 PM
تعلمت على بونتياك (بونيفل) موديل 80 (على ايامها كشخة)
اول حادث على هايلوكس 93 (موديل السنة) على سرعة 180 وقفت في الشارع المقابل بعد قلع اشجار ومجسم جمالي ولوحة دعاية والله وحده حفظني وسلمني له الحمد والشكر ولا صابني ولاخدش من فضل الله له الحمد
المخالفات 18 قبل لا اطلع رخصة (عدم وجود رخصة وسرعة)

المطرب
10/05/2012, 11:40 PM
سلمكم الله من كل مكروه
هذا طول الله عمرك اول سياره اقتنيتها
كابرس موديل 80 جابها الوالد الله يطول بعمره علشان اودي مدارس واقضي للبيت واتفشخر شوي
الى ان خبط وباعه الوالد
ثاني سياره جمس سوبر بان موديل 81 صالون ذبحته ذبح بس صابر علي صبر الحمار
الى ان انتهى بحادث والسواق ولد عمي نزلت عند المرور وراح يلفلف عليه يوم طلعت الرخصه سمعت صوت كفرات وكمخ شوي الدفاع والمرور والهلال والونانات شغاله شوي وجوالي يدق يافلان الجمس راح قلت فدا الحمد لله على سلامتك

واول حادث لي صدمت رصيف محطه وفك الله الطرمبه حقت البنزين لاتشب معي اخوي الكبير بغى يخنقني
واول مخالفه اخذتها وانا داخل تبوك قبل الطلعه سرعه 153 كم وبعدها بساعه عند الممشى حق الامير اخذت وحده عدم ربط حزام امان... وسلامتكم

THE KILLER
10/05/2012, 11:58 PM
موضوع شيق ويوسع الصدر
بالنسبة لي اول ماتعلمت اسوق تعلمت على الحراثه شتاير الالمانيه ثم جيب سوزوكي م٨٥ شراع ماهو تنده زي حق البريد واتمنى الاقي زيه حاليا
ثم كرسيدا٨٤ وطولت معي ثم كابرس ٨١ ثم ٨٤ ثم ٨٥ ثم رجعنا للكابرس ال٨١ وجلس معي فتره لين اليوم اللي جاب اجله كنت ماشي وفجاءه طلع واحد معترض قدامي بالخط ومامسكت فرامل على طول طبيت بالمرتبه الخلفيه وشديت نفسي بين المرتبتين وخشيت في الرجال بدون فرامل ولاشي خليتها على وجهها وبصر الله فيها
هجدت الامور والغبار وانا باقي متكي واقوم اشوف لقيت وجه موترب في كوم حجر والموتر الثاني متنثر وحالته حاله وطبعا خرجنا سليمين ولله الحمد
واول موتر شريته كان تاون كار٨٨ ثم تاون كار٩٥ ثم كامري ٢٠٠٥ وحاليا موتري فكتوريا ٢٠١١
واول مخالفه كانت يوم انتهاء الرخصه اول رخصه طلعتها واحطها بجيبي ولا احد سألني عنها
ويوم انتهت اليوم الثاني لقيت تفتيش ومن شاف الرخصه كتب مخالفه ولم يتركني لان مالها الا يوم واحد فقط واحيان المرور السري يبي يوقفني علشان سرعه لكن الزبنات تشتكي وساهر عندي علاجه المواقف لم يكن لي مواقف مع الوالد بخصوص السياره.
تقبل مروري


Sent from my iPhone using Tapatalk

الحمدالله على سلااااامتك

ههههههههههههههه قعدت اضحك يوم تقول جاك واحد معترض امامك وانت ما دست فرامل خليييته كذا تمشي وطبيت بالمرتبة الخلفية وجودت نفسك ههههههههههههه ,, ولييه ما دست فرااامل !!!!!!!!؟؟؟؟؟؟؟؟؟
بس الصراحة فكرتك حلوووة مررة ههههههه

كاشت وحداني
11/05/2012, 12:25 AM
الحمدالله على سلااااامتك

ههههههههههههههه قعدت اضحك يوم تقول جاك واحد معترض امامك وانت ما دست فرامل خليييته كذا تمشي وطبيت بالمرتبة الخلفية وجودت نفسك ههههههههههههه ,, ولييه ما دست فرااامل !!!!!!!!؟؟؟؟؟؟؟؟؟
بس الصراحة فكرتك حلوووة مررة ههههههه

الله يسلمك ويعافيك ويبعد عنك الشر
تعرف اول حادث وكنت متابع لبرنامج قف اللي كان يجي زمان يوم التلفزيون السعودي برامجه صاحيه (( قف وسلامتك و افتح ياسمسم وغيرها)) وكنت اشوف اللي تتحطم صدورهم بالدركسون مع الحوادث الله يكفينا واياكم شرها واول ماشفت الموتر معترض ما فكرت ابدا باي شي الا ان الدركسون لا يضرب صدري وعليها طبيت بالمرتبه الخلفيه وتجودت شديت ظهري بالمرتبه الخلفيه ورجليني بمرتبة السواق والشده هي الشده لين خف الغبار والتمو خلق الله طبعا ثاني يوم حسيت بالام في كل اطرافي من قوة الشد
ربي يحفظك ويحفظ كل مسلم من الحوادث وشرها
انا كثير سفر للجنوب واشوف كوارث الله يجيرنا وانتو.


Sent from my iPhone using Tapatalk

THE KILLER
11/05/2012, 12:30 AM
الله يسلمك ويعافيك ويبعد عنك الشر
تعرف اول حادث وكنت متابع لبرنامج قف اللي كان يجي زمان يوم التلفزيون السعودي برامجه صاحيه (( قف وسلامتك و افتح ياسمسم وغيرها)) وكنت اشوف اللي تتحطم صدورهم بالدركسون مع الحوادث الله يكفينا واياكم شرها واول ماشفت الموتر معترض ما فكرت ابدا باي شي الا ان الدركسون لا يضرب صدري وعليها طبيت بالمرتبه الخلفيه وتجودت شديت ظهري بالمرتبه الخلفيه ورجليني بمرتبة السواق والشده هي الشده لين خف الغبار والتمو خلق الله طبعا ثاني يوم حسيت بالام في كل اطرافي من قوة الشد
ربي يحفظك ويحفظ كل مسلم من الحوادث وشرها
انا كثير سفر للجنوب واشوف كوارث الله يجيرنا وانتو.


Sent from my iPhone using Tapatalk
اهاااا الله يعااافيك ويسلمك ويحفظك من كل شر ان شااااء الله ياخووووي ويحفظ المسلمييييين
يووووه براااامج القديييمة والله ما مثلهااا يا شيخ
سلامتك سلامتك نود لك سلامتك هههههههههه يالبى ذيك الايااام

فواز الشيباني
11/05/2012, 12:50 AM
اول صدمة لي بددسن 92 كان وقتها في الصيف نبي نروح نصيف في ابها عام 1413
ابوي نايم والوالده الله يحفظها تقول نبي لبن وببس واكذب واقول بقالة الحارة مسكرة
عطيني مفتاح الددسن والله واخذ لي كم لفه واشتري واجيك طاير والا راعي هايلكس عند الدوار
وانا كنت بديور بس السرعة الله يكفينا شرها وابريك يابو الشباب والا يردني الا صدام
الهايلكس وتتقدم الهايلكس وتصدم فورد
الله يالدنيا ويجي ابوي هههههه معصب عاد وقتها كان فيه بقاله واتصل واقول يمه انا
صدمت <<< يا ورع
يازينها من ايام
وسلامتكم

أبو طيار
11/05/2012, 08:20 PM
اول حادث على ددسن 88 غمارتين وانا بثاني متوسط وهو الحادث الوحيد طوال مسيرتي في القياده >> 10 ماشاء الله علي راكد >> صارلي حوادث بس وقتها موب انا اللي اسوق
ددسن 88 >> جمس 94 صالون>> بيوك 92>>باترول 93>>ادور اكورد اللي يخبرلي 2009 يرسل على الخاص