شاهين وحش للبيع

[أنا داري]

ما نوع الطير ؟؟ شاهين
ماعمرالطير ؟؟ : ينقل ثنو
ما(قياسه او وزنه)؟؟ : ماقست الطير لاكن على الشوف 16_16 يزيد ينقص
وحش(الدوله المطروح بها ) ؟؟ : لا اعلم
تفريخ (الدوله والمزرعه)؟؟: وحش
تهجين (الدوله و نسبة التهجين والمزرعه)؟؟؛: وحش
أين مكان الطير حاليا (المنطقه / المدينه)؟؟: الامارات. العين
هل يوجد توصيل داخل اوخارج دولتك؟؟: داخل الدوله
ماهي الحاله الصحيه للطير؟؟ : حالتة الصحيه طيبه والحمدلله
علوم الطير ؟؟ (للقرانيس البيتيه)
هل صاد الطير الحباري؟؟ عندي لا واهله الاولين ماعطونا علومه
هل صاد الطير الكروان؟؟
هل صاد الطير الارنب؟؟
هل الطير طلاع على الحباري؟؟
هل الطير يرغب الحمام؟؟
هل الطير راكد على التكايه ؟؟
بـدون بـرقـع ( مفرع ) ؟؟
هل الطير يمسح على التلواح او يلاعب الشلو(خالي ) ؟؟
هل توجد في الطيرعيوب (الارتفاع,الكوشه,نقل العلف,الصياح)؟؟ الطير غير ثابت على المقله ودس يمكن انه وحش ولا حالته الصحيه 100٪100 وعلى الفحص
هل توجد عيوب اخرى لم تذكرها؟؟ لا
ماهو حدك في الطير أو اخر سومه للطير ؟؟؟ مالي حد في الطير ونسمع السوم من النشاما
ملاحضه : للعلم الطير خذته عند اول الربطه ولا عندي علم عنه من اهله الاولين ولا فادوني بشي ولاشفت جناحه وطاره اخذته وربطتة وباقي معه من الريش 2-2 الموس والنايفه
والصور ماقدرت انزلها من التيلفون وصورة الطير في التوقيع تحت .. والله يوفق الجميع ويبشرنا وياكم بموسم صيد طيب ..
السموحه من الجميع..
ملاحظات اخرى :

[لبيه يمنادي]

مساء الخير اخوي

لو اتحط صور واضحه للطير ورقم تلفونك اخوي للتواصل ايكون احسن

[راعي عزاام]

الله يرزقكــ بصامــل

[أنا داري]

مساء الخير اخوي

لو اتحط صور واضحه للطير ورقم تلفونك اخوي للتواصل ايكون احسن

اسموحه منك
بحط صوره انشالله

وهذا الرقم من بعد اذن الادار للتواصل 00971507133664

[صعب قطر]

السلام عليكم بقيت اسألك عن ريش الطير نظيف!5000وان ماجازتبك اعتبرها فتح باب_0097433126820

[راعي هواش]

6500 ياراعي الطير وتوصيل عند الحدود

[أنا داري]

السلام عليكم بقيت اسألك عن ريش الطير نظيف!5000وان ماجازتبك اعتبرها فتح باب_0097433126820

سومتاً طيبه من وجهن طيب ماعليك زود
وريشت الطير طيبه وع الفحص وان بغيت ادزلك صور باجر باذن الله

[بونايع]

مرحبا يخوي هل الجناح الايسر للطير صاحي اشوف كانه هادله اشوي

[عمر الدويله]

السلام عليكم اخوي سؤال الشيهانه طرح وين

[ابو عبدالله84]

الله يرزقك شاهين طيب

[أنا داري]

مرحبا يخوي هل الجناح الايسر للطير صاحي اشوف كانه هادله اشوي

مرحبا بومانع الطير صحته زينه ومابه اي عوق وجناحه باين كذا الصوره على جنب بس لا اكثر ولا اقل

[أنا داري]

السلام عليكم اخوي سؤال الشيهانه طرح وين

ارحب ياعمر والله ماعندي علمها وين مطروحه ما اعتقد في الامارات العبور عندنا قليل 2٪

[طيرالحمــــاد]

الله يرزقكــــــ بالبيعه الطيبه

[أبو فيصل]

السلام عليكم و رحمة الله وبركاته ... ما شاء الله و جعلها تبارك
شوف تعليقي و سؤالي بالأسود مضاف الى مشاركتَك

ماعمرالطير ؟؟ : ينقل ثنو هل أنت متأكد من سن الطير؟
وحش(الدوله المطروح بها ) ؟؟ : لا اعلم يعني يمكن تفريخ هل هذا صحيح؟
هل توجد في الطيرعيوب (الارتفاع,الكوشه,نقل العلف,الصياح)؟؟ الطير غير ثابت على المنقله والدس يمكن انه وحش ولا حالته الصحيه 100٪100 وعلى الفحص ممكن تشرح معنى الطير غير ثابت على المنقله يعني دائمآ يكفخ ولا مختل التوازن ... وضح بارك الله فيك


طيرتك كايفه لكن الوصف في اللسته غامض الله يوفقك ... ولو أنك قريب مريت عليك ... ننتظر ردك الله يرزقنا و يرزقك الجنه

[أنا داري]

تم بيع الطير خارج المنتدى العذر من الجميع
ارجو من الادارة اغلاق اموضوع

[mr-r]

الله يوفق الشاري والبيع

[الظغط العالي]

بالبركه


بس حبيت اقولك



عن تعليقك العبور والنسيه الي حطيتها 2 %


غلطاااان يخوي

العبور عندنا 80%

والعام طارحين اثنين شواهين وافيات



من غير الوكارى 5


وان شاء الله ها الموسم الله يرزقنا وياكم

[أنا داري]

بالبركه


بس حبيت اقولك



عن تعليقك العبور والنسيه الي حطيتها 2 %


غلطاااان يخوي

العبور عندنا 80%

والعام طارحين اثنين شواهين وافيات



من غير الوكارى 5


وان شاء الله ها الموسم الله يرزقنا وياكم

%80 مشالله

يعني تقريباً نص طيور العالم تعبر عندنا ..

انا اشوف الطواريح من كل مكان عندنا مطيحين
وخلو منغوليا وباكستان وايران والدول هاي

معلومه 100٪