رجّه رجّت راسي وجيبي وجيبي !!

[Ziyad alZaida]

السلام عليكم .. والله يتقبل منّا ومنكم صالح الاعمال .

الموتر جيب ديزل 2001 لاندكروزر نظيف ولافيه صدوم ولله الحمد

اشتريته وكان فيه رجّه :D اكيد عادي لان الجيب مايخلى من هالامور .. كانت الرجه بالبدي والدركسون ومع الفرامل يرج الموتر وبناء على ذلك اتخذت الاجراءات التالية .

1-وزن وترصيص عند ميزان الصفا ببريدة
2- تغيير 10 جلد من اصل 16 تحت السيارة بناء على توصية الميكانيكي
3- تركيب طقم كفرات هنكوك 245-85-16
4- تغيير فحمات وهوبات
5- ركبت كعكات 2.5 سم ورا وشلتهن بعد ماقال واحد ان الكعكات يجيبن رجه للسيارة

ولاتزال المشكله :( ولايزال يرج عند الفرامل .. طبعا الاحظ الدركسون ثقيل اذا كان الضغط اقل من 1

وبصراحه دفعت حوالي 6000 ريال رجت جيبي ولايزال جيبي يرج ..

فما حلّكم .. وياليت تدلونن على واحد عندنا بالديرة لان راسي بيطلع به سكرّيه يا اليوم يا بكره ..

[راعي8100]

ان شاء الله الاخوان يفيدون ..
انا ماني حول ديرتك ..

[الباشاء]

يفيدونك الي معاهم سيارات ديزل ـــــ لاكن الرجه في العادة تكون من الهوبات الامامية .. والله اعلم

[أ ب و ع ل ي]

الله يعينك أخوي
بس شف للهوبات يمكن يحتاجن خرط ويمكن الي قبلك ماخرطهن زيين

[Ziyad alZaida]

غيرت الهوبات والفحمات ..

ولعلمكم تعليق الديزل الأمامي دفرنس فالأمور اسهل واوضح لكن عقدني معه :(

[النياش]

راجع عمود التوازن مع الجلد.

[جيب شراع]

يمكن الرمان يحتاج تغيير

[Ziyad alZaida]

رحت العصر لميزان الصفا وبدل كفر قدام بواحد ورا .. هدا الوضع شوي لكن لايزال فيه الرجه

[abdull_ah]

تاكد من رمان حق الكفر الامامي .. ارفع السيارة وحرك الكفر بيدك لقدام ولورا اذا فيه رجه بسيطه بيكون الرمااان

انا كان عندي نفس المشكلة بس سيارة صغيرة مع الفرامل الدركسيون يرج بيدي طلع العلة من الرمان حق الكفر الامامي توني مغيرة امس ..

والله اعلم

[رحب الالمعي]

نفس الوصف اللي وصفته

كان في موتر أخوي كان فيه عامود التوازن والجلد

غيرها وبعدها الجيب ماشاء الله بارك الله


ما أدري يمكن تنطبق على موترك حبيت أرد أمكن أن تنفعك مداخلتي

[صحراء الدهناء]

مره معي موتر شيب فيني انواع الرجه بالفرامل وركبت هوبات ولا ضبط المهم جلس سنه ع هالحال ... ورحت مره لعنيزه لميزان الحصين وقال اخرط الهوبات المهم قلت اخرطهن وخرطوهن وركبت فحمات جدد وبعدها راحت المعانات وصار زي الحلاوه

عاد هذي سالفتي وانت استفد لعلمك ان موتري ددسن

[البنتلي]

اخوي اتمنى اني افيدك وتنحل مشكلة رجت جيبك ومخباتك ...
من خلال تجربة بعض الزملاء والله اعلم انه من الرمان حق الدفرنس الامامي ...
افحص وباذنه الله انه يكون منه
الله يكون بعونك وييسر امرك

[HAS5SAN]

بدل الجنوط مع الكفرات مع اي شخص من زملاءك ولاحظ
هل اختلف ام لا
اقصد احصر الرجه في مكان

[خيال الكودا]

صحيح زي ماقالوا الاخوان ممكن يكون من الرمان أو جلب الدركسون أنصحك مر الصمعاني اللي بتشليح بريدة

[الشلفا]

صحيح زي ماقالوا الاخوان ممكن يكون من الرمان أو جلب الدركسون أنصحك مر الصمعاني اللي بتشليح بريدة


:good2::good2::good2::good2::good2::good2::good2:: good2::good2::good2::good2::good2::good2::good2::g ood2::good2::good2:

[أبو دله]

ممكن الجنوط نفسه فيه رجة
او مثل ما قالو الاخوان عامود التوازن وعلاجه ركب فرارات

[فورهلي]

أخوي سبب هو القماشات الي وراء وأنا متأكد الان مع الفرامل يرج الدركسون [/COLOR][/B][/SIZE]

[ابو تركي المطيري]

ود الجنوط لمخرطه وخله يفحصهن يمكن منهن

[فورهلي]

وأن كان عند سرعه 80 وأنت معشق على الرابع من صليب في العامود نقل الحركة وأنت شوف الصليب قبل متغيره

[Ziyad alZaida]

والموتر فيه فرارات

[Ziyad alZaida]

الصليان مغيرهن والعمود مشيّك عليه في مخرطة المشوح وقالوا سليم

[gx-low]

احس مشكلتك من الكفرات مع صعوبة معرفة الرجة عن طريق الوصف بالكلام لازم يركب واحد باخص في الموتر ويسوقه

جرب ان كان حولك واحد معه لاند كروزر ولا فيه رجه

ركب كفراته مع الجنوط يمكن البلا من الكفرات اوالجنوط

الله ييسر امورك

[فورهلي]

القماشات الي وراء أنا كان معي لاندكروزر نفس المشكلة وغيرت القماشات وراحة الرجه

[Ziyad alZaida]

اليوم ركب معي ميكانيكي يقول الرجة قدّام ..

وهي تجي من ال100 الى 120 بكل الموتر -تقل يسوي عرضة- :)

اللي ممكن افكر فيه
1- الجنوط
2- القماشات

والله دخت من دفع الدراهم :(

[Ziyad alZaida]

القماشات الي وراء أنا كان معي لاندكروزر نفس المشكلة وغيرت القماشات وراحة الرجه

حلو هذا حل لرجة الفرامل ..

طيب الرجه اللي تجي لامشيت 100 وش رايك فيها ؟

[أبو زيااد]

اوزن البريك


وشكر

تقبلو مروري

[رحب الالمعي]

أخوي الله يعينك ويدلك على سبب المشكله


شوف الرابط هذا يمكن ينفعك


http://www.mekshat.com/vb/showthread.php?t=215960


وبالتوفيق لك