هااام جدااا لاهل الخبره

[هاوي قصيده]

السلام عليكم ورحمه الله وبركاته

ياجماعه انا ركبت جنوط لكزس على جيب جي اكس..واللي ركبتها يركبونها الناس على الشاصات والربع اللي تجي عراض عن العايدي يعني تجي فيها بريزه مثل مايقولون منها وفيها

والحقيقه انا ركبتها على المسامير والبلوط حق جنط الوكاله الحديد اللي يسمونها(هلل*) اللي تجي فيها فتحات دوائر كبر الهلل

والمسكله تكمن ان يوم مشيت بضع كيلومترات واححد من الجنوط فرط على وقام يلعب

الحمد لله اني ماكنت مسرع والا رحت ملح

مدري هل علي تغيير البلوط او المسامير والبلوط واركب غيرهن

او فيه مشلكه اخرى

ارجوا منكم عدم البخل في الاجابه على سؤؤؤؤالي وشكرا

[عاشق المزون]

غريبة اخوي هاوي قصيدة انا مركب جنوط الكزس من اول يوم شريت الجيب من الغرابي بس راعي المحل غير المسامير وقال مسامير الوكالة صغيرة وهو الى يعطيني 20 مسمار طوال اطول من حقات الوكالة وهو الى ياخذ زيادة 100 ريال !!!!!! يوم سالت الشباب قالو اصلا المسامير تجي مع الجنوط يعني الرجال لعب علي حسبي الله علية بس تبي الصدق انا كاسرتة لين قلت بس في الكفرات والجنوط :) وهذا الكلام من 7 اشهر وحتى الان ماشفت من الله شي ولله الحمد وطول الاجازة في لينة وحفر الباطن وجروف الله لا يوريك ولحمد لله تمام .

[هاوي قصيده]

http://up3.w6w.net/upload/23-01-2006/w6w_20060123192923e9e94782.jpgعليك صح يا اخوي عاشق مزون

بس يا اخوي انا جنوطي غير جنوطك

اللي عندي بها تبريزه هي اصلا تركب عالشاص 8 انش
مثل اللي بالصوره

يعني تتوقع المسامير نفسها اللي عطاك اياها راعي الجنوط اركبها على اللي عندي

والمسامير اللي عندك القاها بالوكاله يعني هي نفسها حقت الجي اكس ار؟؟؟

[عاشق المزون]

هلا اخوي هاوي قصيدة كنت احسبك عندنا في الرياض كان قلت تحصلها في الغرابي
والله يمكن تحصلها في الوكاله بس قطع لكزس يعني دبل السعر

[هاوي قصيده]

مشكوووووووووور اخوي عاشق مزون

خلاص ابصرف هالجنوط مع البوالين وبركب لي جنوط لاندكروزر مع دنلوب 16

مدري احس انه اصرف

والا وشهو شورك يا الذيب؟؟

وتقبل شكري

[عاشق المزون]

ابد توكل على الله وركب مثل الى اخذت جنوط لكزس مع دنلوب 16 الحمد لله تمام معي في جميع انواع التضاريس والخطوط بعد . وعلى فكرة اكثر الى يراقون الان في النفود مايركبون الى هن (جيوب الربع)

[هاوي قصيده]

شورك وهدايه الله يا عاشق مزون

ركبت لي جنوط لكزس الشكل الجديد حقت 2005 ام فتحات كروم ودنلوب

ولحد الحين الوضع اوكي اللي يدوم الوضع الطبيعي :)


ويعطيك الف عافيه يا الغالي عالتكويك :)
والحمااس
وتقبل شكري