المساعد الشخصي الرقمي

مشاهدة النسخة كاملة : جمس سييرا 2011 رآيك يهمني !!



Lover gmc
26/08/2011, 02:06 AM
السلام عليكم

ابي مساعدتكم ونصائحكم بشراء سييرا 2011 اذا وجد .. او 2012 بآذن الله

وودي ادري وش الفرق بين الفل , والاقل فئه

ولو اخذت اقل فئه اقدر اقلبه فل كامل ؟

أبو هشأم
26/08/2011, 02:09 AM
نفس السوال .. انا محتاج معلومات عنه

اخو الحاكم
26/08/2011, 02:20 AM
نفس السوال .. انا محتاج معلومات عنه وناوي عليه ان شأ الله بعد العيد ويهمني رأي اخوي سرهيد

Lover gmc
26/08/2011, 02:42 AM
^

ان شاء الله يجي احد يرد علينا

خصوصا ودي ادري عن مكينه 4.8 تجي بالسييرا اقل نوع ولاتجي مكينه 5.3 ؟ وكم سعره ؟

LE2010
26/08/2011, 04:35 AM
http://www.mekshat.com/vb/showthread.php?t=432592 (http://www.mekshat.com/vb/showthread.php?t=432592)
انشاء الله يفيدونكم
رابط الجمس الحوض

Lover gmc
26/08/2011, 05:15 AM
يعطيك العافيه يالغالي

جاري الدخوول

راكب الشفر
26/08/2011, 06:05 AM
على عجاله
السييرا له انواع كثيرة
الــ1500 يجي باربع انواع
شي يجي 6 سلندر انحش منه
وشي يجي 8 بس مكينة 4.8 ومكتوب عليه 4X4 عند الحوض الدبل ارضي
والافضل للمدينة والبر هناك الz71 مكينة 5.3 ويجي داخلية زي اليوكن والدبل فرار ونظام التعليق مخصص للبر

وفيه الدينالي مكينة جبارة بس للمدينة ماينفع للبر

اما 2500 فهو مكينة 6.1 قوي وينفع لراعي التحميل ويتحمل بس يكسر الظهر بس اريح من الشاص بكثييير
ويجي منه الحين z71 مريح وممتاز
والله يوفقك وييسؤ امرك ولا تنسى الاستخارة

طير جنون
26/08/2011, 06:15 AM
والله اني انا مفكر ياليت احد يفيدنا من اللي يستخدمونه

Lover gmc
26/08/2011, 06:36 AM
ياراكب الشفر

طيب z71 يجي منه فئات ؟

واخبر 4x4 يجي مكينه 5.3

ماقصرت

وضاااااح
26/08/2011, 06:47 AM
وعليكم السلام



http://www.mekshat.com/vb/showthread.php?t=398288

راكب الشفر
26/08/2011, 07:07 AM
السلام عليكم ورحمة الله وبركاته .. وحياك الله أخوي:)



أبعطيك معلومات بسيطة عن الجموس الحوض .. وعسى الله ينفع بها ..:)




- الجموس الحوض من موديلات 2007 فما فوق .. جاءت بـ 3 أحجام .. :

1- حجم 1500
2- حجم 2500
3- حجم 3500 .. وهذا الي يجي بأربع كفرات خلفية .. ويسمونه غالبا ( دبل تاير ) ..


- بالتفصيل :


1- حجم 1500 :

وجاء بـ 3 مكائن .. :
1- 6 سلندر .. 4300 .. وهذي تجي على السيااااحي مره .. الي ما فيه مواصفات أبد .. وتسمى بالغالب سيارات خدمة ..او نقل بضائع .. وهي نادره عندنا بالسعودية ... وهالمكينة ما تنفع الا للبضائع فقط . لأنها مافيها عزم .
2- 8 سلندر .. 4800 .. وتجي غالبا على الي فوق السياحي على طول .. وبالغالب تحصل جنوطة حديد ماهي كروم .. وطبعا المكينة كويسة .. لكن في أفضل منها .
3- 8 سلندر .. 5300 .. :good:وتجي غالبا على الي مكتوب عليه z71 .. وهذي افضل انواع المكائن لحجم 1500 .. وهي قوية باللحيل عليه .. وعملية ومافيها خلاف أبد .. وأنا أنصحك فيها ..:good2:


- اما المواصفات :

طبعا حجم 1500 هو الوحيد الي يتوفر بصندوق طويل وصندوق قصير .. واذا بغيت تشتري حجم 1500 .. لا تفكر اطلاقا الا بالنوع الي يجي مكتوب عليه .. z71 .. :good:وصندوقة قصير .. لأن هذا النوع يجي فل كامل ومكينة 5300 قوية جدا .. ونظام المساعدات فيه ممتاز للبر .. وفيه دفلوك .. ويجي داخليته لونها بيج .. وليست رصاصي أو أسود .. وفيه قفل مركزي .. وقزاز كهرباء ومثبت ... الخ ..... بالعربي فل كامل .. وممتاز جدا . وعزمة جبار .

لكن فيه شيء لابد تعرفه بنوع z71 .. انه ما يجي الا بدبل كهرباء .. وفيه بعض الناس يعتبرها ميزة .. وبعضهم يعتبرها عيب .. ولولا اختلاف الأذواق لبارت السلع .;)

لكن لابد تعرف كيف تتعامل مع الدبل الكهربائي .. كي تتجنب اعطاله .. لأن استخدامه يفرق عن استخدام الدبل الأرضي .

واذا عرفت كيف تستعمله .. فـ ان شاء الله انه بيعيش معاك وما يخرب .


هذا بالنسبة لحجم 1500 .:)


- اما حجم 2500 :

فما يتوفر عندنا بالسعودية الا بمكينة واحدة فقط .. وهي 6000 .. وعملية جدا هالمكينة لأنها مخصصة للاستعمال الشاق . :good:




المواصفات :

يتميز حجم 2500 ان شاصه كبير وقوي جدا .. ومحركاته من مكينة وقير ودفرنس .. قويات ويتحملن وبالنادر يتعطلن .. :good2:

وما يتوفر حجم 2500 للغمارة الى بصندوق طويل فقط . اما الغمارتين والغمارة ونصف .. يتوفر بصندوق متوسط وصندوق طويل .
وباختصار .. اذا أنت راعي بعارين وتحميل وتنزيل .. وكرف بالبران .. واستخدامك بالمدينة نادر للسياره .. فأنا أنصحك بهذا الحجم ... لأن باختصار حمار مكدة - الله يكرمك والسامعين - ولا عليه غبار من هالناحية . وعزمه ممتاز

وطبعا 2011 نزل z71 من حجم 2500 عندنا بالسعودية .. وهو ممتاز جدا .. ومثل ما ذكرنا بحجم 1500 انه يجي فل كامل ونظام مساعداته يختلف عن العادي .:good:


هذا بالنسبة لحجم 2500 ..:)


- اما حجم 3500 :

فهو يتوفر عندنا بالسعودية بمكينة واحدة فقط وهي 6000 .. مثل مكينة حجم 2500 .

طبعا هذا الحجم يأتي بأربع كفرات خلفية .. وهذا الي يميزة .
طبعا محركات الموتر وشاصي الموتر .. قويات جدا ومخصصات للسحب ..

فاذا أنت راعب سحب مقطورات وما أشبة ذلك .. وتبي موتر جبار من هالناحية .. فعليك بهذا الحجم .:good:



-- مهم --



- س : كيف تفرق بين حجم 1500 و 2500 ؟


ج : اول شي انظر الى مسامير الجنوط .. اذا كانت 8 مسامير .. فهذا حجم 2500 واذا كانت 6 مسامير فهذا حجم 1500 .


- س : ما هو أفضل موديل نزل الشكل الجديد الغمارة لحجم 1500 z71 ؟
ج : أفضل موديل نزل هو 2010 و 2011 .. لأن القير نزل فيها 6 غيارات وهو قير جبار ويتحمل وقوي .. بعكس السابق الـ 4 غيارات .. فهو مع الكرف يبدأ بالخراب تدريجيا .


وفيه فروقات أخرى بسيطة غير القير .




أسأل الله ان أكون أفدتك وجميع الأعضاء بما هو مفيد عن هذه السيارات ..:)
ولا تنسانا من دعائك الله يعافيك ..:good2:



وشكرا لك ..


هذا رد من الاخ نفود بريدة ووافي وكافي وان شاء الله تلقى اللي تبيه

Lover gmc
26/08/2011, 07:48 AM
غريبه واحد معاه حوض غماره 5.3 وماخذه بـ 89

طبعا سييرا 1500

Lover gmc
26/08/2011, 07:52 AM
وضاح

يعطيك العافيه

لكن للاسف كل كلامهم عن 2500

Lover gmc
26/08/2011, 08:12 AM
ظروفي صراحه ماتسمح ادفع 100 الف وحولها :(

لكن بعطيكم المواصفات اللي ابيها تكون موجوده وبسعر ارخص من الفل

- الداخلي يكون بيج
- تشغيل عن بعد
- دف لوك


فقط لاغير

اما الباقي سهله ونركبها متى ماحصلت الدراهم

* ابو باسل *
26/08/2011, 08:12 AM
غريبه واحد معاه حوض غماره 5.3 وماخذه بـ 89

طبعا سييرا 1500




89 موديل 2011 استاندر يعني سياحي واكيد اخذه على وقت رخصها اما الحين ماتحصله دون 95 واكرر يجي داخليه سوداء ويجي دبل ارضي وهو فئه 4 في 4 ومايجي زد 71 واحتمال المكينه تكون 4800 الا اذا كانت مكينته مختلفه عن السياحي هذا شي ثاني يعني يجي سياحي بس بمكينه 5300 ممكن .

على العموم اقولك بإختصار اذا لك نية تشتري اشتر زد 71 دبل ومايجي غير دبل فرار وهو يجي فيه خاصيه الدف لوك اتماتيك اما الفئه الي اقل منه مايجي فيها دف لوك واشتر وانت مستريح البال وتوكل على الله .

* ابو باسل *
26/08/2011, 08:14 AM
ظروفي صراحه ماتسمح ادفع 100 الف وحولها :(

لكن بعطيكم المواصفات اللي ابيها تكون موجوده وبسعر ارخص من الفل

- الداخلي يكون بيج
- تشغيل عن بعد
- دف لوك


فقط لاغير

اما الباقي سهله ونركبها متى ماحصلت الدراهم



ههههههه طيب وش خليت هذا سعره فوق 100 الف وانا خوووك وسعره جديد 112 لون ابيض بعد .

Lover gmc
26/08/2011, 08:19 AM
والله وانا اخوك ودي

انا قلت بنفسي ما اخذ فل .. وبعدها ييسرها ربي واقلبه فل كامل

لكن مالظاهر يجي لا الفل ولا اقل نوع

الله يعين وييسر

نسير عليهم ونشوف وش نصفى عليه

ولا اصبر لـ 2012 لعل وعسى يرحمون فئه السياحي

اي نصائح واراء افيدونا الله يجزاكم خير

* ابو باسل *
26/08/2011, 08:27 AM
والله وانا اخوك ودي

انا قلت بنفسي ما اخذ فل .. وبعدها ييسرها ربي واقلبه فل كامل

لكن مالظاهر يجي لا الفل ولا اقل نوع

الله يعين وييسر

نسير عليهم ونشوف وش نصفى عليه

ولا اصبر لـ 2012 لعل وعسى يرحمون فئه السياحي

اي نصائح واراء افيدونا الله يجزاكم خير



برضه اقولك مافيه موديل 2011 الناس حاجزه لها شهرين في الوكاله وفلوسهم مدفوعه كاش والى الحين ما استلموا مواترهم يعني انت لوحجزت الحين ما انت ماخذ غير موديل 2012 الا انك تشتري من المعارض وفيها زود حوالي 8 الاف ريال عن الوكاله بس هم مستغلين الناس لان الوكاله ماعندهم شي على العموم موفق خير وابد الموتر موتر يبي يعجبك وانا خوووك واشتر وانت مغمض واذا شريت اكيد بتقول انا ويني عن هالموتر من زمان وبتضيفه في كرت العائله بعد انا اشهد انه يبي يعجبك ويطربك وتبي تطش الغتره مع الدريشه بعد من كثر البسط ههههههههه

Lover gmc
26/08/2011, 08:34 AM
^

هذا الكلام عن الفل هو اللي مطلوب كثير .. ولو حصل لي اخذه اكيد بنتظر لـ 2012 والمشكله اذا تغير شكله بـ 2013 ههههههه

اما العادي فهو متوفر حسب كلام موظف بالجميح وقبل اسبوع فيه شاحنتين فيها مالا يقل عن 10 سييرا اقل فئه

Lover gmc
26/08/2011, 08:35 AM
طيب يفتح الجميح اليوم الجمعه ؟؟

* ابو باسل *
26/08/2011, 08:43 AM
^

هذا الكلام عن الفل هو اللي مطلوب كثير .. ولو حصل لي اخذه اكيد بنتظر لـ 2012 والمشكله اذا تغير شكله بـ 2013 ههههههه

اما العادي فهو متوفر حسب كلام موظف بالجميح وقبل اسبوع فيه شاحنتين فيها مالا يقل عن 10 سييرا اقل فئه



شكله مارايح يتغير غير بعد 2014 كلام من واحد مسئول في المصنع التقى مع الشباب في تجربة قيادة الجمس السيراء في الاردن وكان من الشركه الام جي ام وسألوه متى التغيير قال الى 2014 نفس الشكل الا اذا جد تغيير على موديل 2014 وبيكون تغيير بسيط .
والعادي وش تبيبه مهما تكحل وتزبط يبقى سوح وانا خووووك اذا تبي شد حزامك على زد 71 وغيرها اتركه .

راعي الاثله
26/08/2011, 01:29 PM
خذ سلفرادو

LE2010
26/08/2011, 05:14 PM
خذ سلفرادو
نفس الكلام خذ سلفرادو:good2::good2::good2:

LE2010
26/08/2011, 05:16 PM
واحد من اخوياي معه واحد
مغير بس الجنوط
بسم الله ماشاء الله تقول فل كامل

Lover gmc
26/08/2011, 06:37 PM
^

اذا كلامك عن السياحي ومركب جنوط له وكآنه فل كامل

صحيح كلامك الفرق الخارجي تقريبا الجنوط فقط لاغير ( والمرايات عاديه ) فقط !

طيب السلفرادو كم سعره فل ؟

Lover gmc
26/08/2011, 08:19 PM
طيب

مكينه 4.8 وش رايكم فيها ؟

دورانقو
26/08/2011, 09:07 PM
الافضل z71 لا من ناحيه استعمال ولا بيع ويجي جمس سييرا او شفر سلفرادو وانا انصح بالشفر لانه احلي شكل والله يوفقك

اسبيدر مان
27/08/2011, 01:06 AM
غريبه واحد معاه حوض غماره 5.3 وماخذه بـ 89

طبعا سييرا 1500

صدقت انا واقف على واحد عند الوكاله ومواصفاته
مكينه 5300 سي سي
دبل ارضي
داخليه رصاصي مع اسود
بدون مثبت
بدون سيدي
ويقول الموضف انه فيه دفلوك ومكتوب على الصندوق 4*4 وبدون زد 71
اما من الخارج نفس الفل بس الفرق الجنوط شكلهن ومقاسهن

Lover gmc
27/08/2011, 03:00 AM
^

اتوقع على وقت العروض

طيب وش رايكم بمكينه 4.8 زينه ولا لا ؟

وضاااااح
27/08/2011, 04:23 AM
صدقت انا واقف على واحد عند الوكاله ومواصفاته
مكينه 5300 سي سي
دبل ارضي
داخليه رصاصي مع اسود
بدون مثبت
بدون سيدي
ويقول الموضف انه فيه دفلوك ومكتوب على الصندوق 4*4 وبدون زد 71
اما من الخارج نفس الفل بس الفرق الجنوط شكلهن ومقاسهن



هذا استاندر يعني سياحي

ومثل ماقلت يجي نوعين 4.8 او 5.3

لا يلعب عليك ترى مافية دف لوك

الدف لوك يجي في z71 فقط

وتبي تعرف السياره فيها دف لوك أو ما فيها أفتح درج السياره الامامي تحصل ستكر فيه حروف وأرقام مرتبه حسب الحروف رمز الدف لوك G80

بعضهم في المعارض يغش الناس ويقول z71 وهو 4x4 مجرد استكر يلزقه على البدي
نفس الطريقة إذا تبي تتأكد تحصل مكتوب z71 في الدرج

http://img827.imageshack.us/img827/3/servicepartsid.jpg

Lover gmc
27/08/2011, 04:26 AM
^

طيب وش فايده الدفلوك وهل ضروري ؟ والدبل مايكفي ؟

وسؤال اخر مكينه 4.8 قويه مثل 5.3 ولا كيف ؟ وهل العزم فيه فرق كبير ولا لا ؟

وضاااااح
27/08/2011, 04:42 AM
^

اتوقع على وقت العروض

طيب وش رايكم بمكينه 4.8 زينه ولا لا ؟



لا عروض ولا شيئ هذه اصلاً قيمته من زمان والمفروض ينزل سعره بحكم 2012 على الأبواب لكن وكالاتنا يحبون اللهف

بالنسبه للمكينة ضعيفه جداً

وبعدين ماقلت لي وش طبيعة استخدامك للسياره مدينة , مقانيص , طلعات خفيفه , نفود

رجلك حاره على الموتر او العكس

Lover gmc
27/08/2011, 04:57 AM
^

سلمك الله استخدامي مدينه + سفر هذا اكثر شي ,, خصوصا السفر قليل للشي المهم جدا فقط لاغير

البر وانا اخوك اوقات الشتاء .. ادخل البر بمسافه لاتقل عن 20 متر خخخخخخ

مالي بالبر ولا اعرف اطعس اساسا .. بس احب اجلس فوق النفود واتفرج

وانا من النوع اللي مايجلد الموتر , الا اوقات تتهيض شويات وخذ لفتين وارجع : )

Lover gmc
27/08/2011, 05:05 AM
على فكره .. انا احب اخذ الشي سوح واعدله على مزاجي

لكن اللي بلش فيه ابيه يجي معاه ( مراتب بيج + مكينه 5300 ) والباقي تمام

الا مير ماقلت لي وش فايده الدفلوك وهل هو ضروري مع ذكر السبب ؟ وهل الدبل يغني عنه ؟ ام لا

وضاااااح
27/08/2011, 05:16 AM
^

سلمك الله استخدامي مدينه + سفر هذا اكثر شي ,, خصوصا السفر قليل للشي المهم جدا فقط لاغير

البر وانا اخوك اوقات الشتاء .. ادخل البر بمسافه لاتقل عن 20 متر خخخخخخ

مالي بالبر ولا اعرف اطعس اساسا .. بس احب اجلس فوق النفود واتفرج

وانا من النوع اللي مايجلد الموتر , الا اوقات تتهيض شويات وخذ لفتين وارجع : )



تدري وش المشكله عندنا أنه مافيه ثقافة في تمييز المواصفات و إعطاء كل ذي حق حقه

يعني أنت يصلحلك 5.3 SEL 4x4 بدون Z71

يجي عدة ألوان وداخلي بيج بالنسبه للمواصفات الداخلية ماني متأكد بخصوص المثبت والتشغيل عن بعد

لاكن والمشكله في لاكن

قليل تحصله يعني يا z71 أو سياحي

أنه سعره نفس سعر z71 مايفرقون بينهم في المعارض إلا قليل

يعني آخذ z71 أفضل

إذا تبي 2012 ردد ياليل ما أطولك

أنصحك تشيك مع وكالة الكويت يسوون عروض حلوه ومواصفات وسعر معقول

وضاااااح
27/08/2011, 05:31 AM
الا مير ماقلت لي وش فايده الدفلوك وهل هو ضروري مع ذكر السبب ؟ وهل الدبل يغني عنه ؟ ام لا


الدف لوك ينفع في حالة أن السيار تعلقت وصارت وحده من الكفرات الخلفية تدور لحالها يشتغل الدف لوك أوتوماتيك ويوزع القوه بين الكفرين بالتساوي فيخرج السياره من تعليقتها

بالنسبه لوضعك لا تحتاجه

الدبل يسد لزومك وزياده

هذا مثال توضيحي لطريقة عمل الدف لوك

http://www.youtube.com/watch?v=xdND6o9Vsqo&feature=related

Lover gmc
27/08/2011, 06:01 AM
تدري وش المشكله عندنا أنه مافيه ثقافة في تمييز المواصفات و إعطاء كل ذي حق حقه

يعني أنت يصلحلك 5.3 SEL 4x4 بدون Z71

يجي عدة ألوان وداخلي بيج بالنسبه للمواصفات الداخلية ماني متأكد بخصوص المثبت والتشغيل عن بعد

لاكن والمشكله في لاكن

قليل تحصله يعني يا z71 أو سياحي

أنه سعره نفس سعر z71 مايفرقون بينهم في المعارض إلا قليل

يعني آخذ z71 أفضل

إذا تبي 2012 ردد ياليل ما أطولك

أنصحك تشيك مع وكالة الكويت يسوون عروض حلوه ومواصفات وسعر معقول






اي والله انك صادق .. وهذي المشكله ماعندك احد

طيب ليش اردد ياليل مطولي بخصوص 2012 :D

انا اقول الحين اغدين اصبر لـ 2012 واخذ sle 4x4 5.3

والكويت لو بشري منهم لازم اروح صح ولا لا ؟

ووضحت سالفه الدف لوك وشلتها من راسي

كثرت عليك الاسئله اعذرنا وانا اخوك وماقصرت يالذيب :good2:

Lover gmc
27/08/2011, 09:19 AM
للرفع

< -- يطمع بالمزيد هههه

اسبيدر مان
27/08/2011, 04:44 PM
هذا استاندر يعني سياحي



ومثل ماقلت يجي نوعين 4.8 او 5.3


لا يلعب عليك ترى مافية دف لوك


الدف لوك يجي في z71 فقط


وتبي تعرف السياره فيها دف لوك أو ما فيها أفتح درج السياره الامامي تحصل ستكر فيه حروف وأرقام مرتبه حسب الحروف رمز الدف لوك G80


بعضهم في المعارض يغش الناس ويقول z71 وهو 4x4 مجرد استكر يلزقه على البدي
نفس الطريقة إذا تبي تتأكد تحصل مكتوب z71 في الدرج


http://img827.imageshack.us/img827/3/servicepartsid.jpg






الله يجزاك خير احولت اعيوني وانا ادور G80 ومالقيته في الصوره

Vortech
27/08/2011, 05:23 PM
اذا انت راعي عايله أفضل خيار هو 1500 غمارتين بدي قصير الكرسي اللي قدام مفصول... وأدعي لي...

2500 ما يصلح غمارتين وانا اخوك دفش وطويل مررررره... ووعر...

وضاااااح
27/08/2011, 07:16 PM
اي والله انك صادق .. وهذي المشكله ماعندك احد

طيب ليش اردد ياليل مطولي بخصوص 2012 :D

انا اقول الحين اغدين اصبر لـ 2012 واخذ sle 4x4 5.3

والكويت لو بشري منهم لازم اروح صح ولا لا ؟

ووضحت سالفه الدف لوك وشلتها من راسي

كثرت عليك الاسئله اعذرنا وانا اخوك وماقصرت يالذيب :good2:



ردد ياليل ماطولك

لإن وكالة العيسى والجميح يجيبونه بالقطاره ويقولك محجوز وعليه طلب وهو عدد محدود أصلاً وإذا حصلته ممكن ماتلاقي اللون اللي تبيه أكثر المتوفر عندهم ابيض

بالنسبه للكويت ممكن أنك تروح أو توصي أحد هناك

========

أسأل وخذ راحتك ونجاوبك باللي نقدر عليه

وضاااااح
27/08/2011, 07:20 PM
الله يجزاك خير احولت اعيوني وانا ادور G80 ومالقيته في الصوره




آسف الرمز ماهو موجود في الصوره

وضعت الصوره للتوضيح فقط

Lover gmc
27/08/2011, 07:26 PM
حسب كلام الجميح لي .. يقول انتظر 2012 وخذ اللي تبي

عموما انا مابي فل .. واتوقع الفل هو اللي عليه طلب

لان السياحي اللي ابيه , الى الان متوفر عندهم , وقبل اسبوع فيه شاحنتين كلها سييرا اقل نوع

يمكن 12 واحد والوان مختلفه

Lover gmc
27/08/2011, 07:27 PM
Vortech يعطيك العافيه يالغالي

صدقت الـ 2500 دفش شوي لكن ممتاز .. وانا رغبتي 1500 غماره

وش تشور علينا ؟؟

MGS88
28/08/2011, 12:20 AM
انصحك بالسلفرادو ارخص ونفس المكينه والمواصفات بس اختلاف شكل و اسامي
وطبعا سعر البيع يختلف مابين شفر وجمس ولصالح الجمس طبعا

Lover gmc
28/08/2011, 01:31 AM
^

وغير ذلك ميولي للجمس .. لكن بكم سعره الشفر فل كامل ؟