أبي اعرف وشلون ماغرز ...

[كورابيكا]

السلام عليكم ورحمة الله وبركاته


...يــا أخوان لا تفكرون بالموضوع اني صغير ولا توي اتعلم السواقه لاكن السالفه قبل ثلاث سنين تخرجت من الثانوي ومامسكت موتر وقته الا صغيره وبعده كملت دراستي برى
السعوديه وجلست هناك ثلاث سنين المهم مالكم بطويله انا رجعت للقصيم ومسكت
هايلوكس غمارتين حقت أخوي مركب له كفرات مقاس 205 وجنوط مرسيدس
لاكن انا احب البر والطلعات وكذا المهم ماودي اروح الا انا فاهم الطبخه واعرف اتجنب

الغــــــراز فيا شباب راعين الكشتات عطونا خبرتكم........<<

[ابوفهد 575]

انت تبين العب عليك ولا اقولك الصدز :)

شف وانا اخوك شغلت انك تبي تسوق با البر من مجرد شي تقراه و تفهمه ماضن انك راح تسوق با البر ابدن ابدن :( ..

السواقه با البر من نضرييتي تعتمد على التمرس :good2:

يعني كله طلعه طلعتين ثلاث غرزت مره غرزت مرتين وبعدين خلاص تعرف الشغله ;)

بعدين على الموتر اللي معك تراه حلو با البر ويمشي بس عندك المشكله با الكفرات مقاسهن صغير شوي اذا تقدر تغيرهن وتحط من مقاس 15 وفوق احسن علشان يفرشن با الرمل :good2:

واهم شي لاتنسى التنسيم قبل ماتدخل النفود وانت عل الزفلت الله يكرمك انزل وحطبهن على 15 او عشرين وخل شغلك تندح شوي شوي وتمشي الامور :D

واذا كان ودك نطلع جميع ابشر يا الذيب كلنا لك :D

[ابو مناخ]

اشتر جيب وعشق الدبل وماتغررررررزززززززززززز هههههههههههههههههههههه:D:D:D:D:D
نسم الكفرات كلها وخل مقاس الهواء من 10 الى 15 تصير سيارتك جيب
واذا شفت الغراميل والتغاريز حط رجلك ياسنايدي والقير عايدي

[الشيخ قوقل]

تعتمد المسالة على ركيزتين أساسيتين
الأولى قائد السيارة
الثانية نوعية الكفرات بعد تنسيم الهواء
وقوّة السيارة وضعفها لا يحددان التغريزة

[برايدوي عنيد]

كلام ابوفهد صحيح مع الوقت والطلعات تضبط القياده

طبعا الهواء لازم تنسيم
نشاط الموتر قد يكون سلبي عليك حيث انك تدعس للموتر ويبدا الموتر يحفر بالارض يعني حسب الارض اللي انت به

ومستعدين للطلعه والوعد الجراد بس معين الهواء :D

تقبل مروري...

[وبل نجد]

اهم شيء نوع الكفرات ومقاسها يعني مقاس حقتك صغير شوي لكن يمشيك مافيه مشكله
والهواء الموجود بالكفر لابد يكون 10 او 12

وقيادتك لازم تكون هاديه نوعا ما الا في السيوف عشان مايتعلق الموتر
ولا بد وانت تسوق لايكون نظرك الى مسافه قصيره حاول تناظر الى اقصى ماتشوفه عينك عشان تتجنب السيوف والفناجيل والرباضات

ومع الطلعه مرة ومرتين وثلاث تتعلم وتعرف وتطلع فنان بعد

تقبل مروري

[mobe]

شوف اخوي الله يحفظك

هنا في بلدنا يصعبون المسائل ويخلون سواقة السيارة في البر كأنها عمل من اعمال الحرب او التكنولوجيا الفضائية او اي شي صعب
وتصير السواقة سالفة ومهازب ووخر عنه وهياط له او ماله آخر
وهذي تراها ثقافة شعبية متوارثة تأخذها أجيال الشباب جيلا بعد جيل
ولو تلاحظ في البر تكثر النقادة على السواقة بشكل يأخذ حيز كبير من اهتمامات الكشتة
مع ان هذه النقادة ليس لها وجود داخل المدينة وتلاقي مخالفة الانظمة والفوضى المرورية والقيادة العشوائية مالية الطرقات ورغم ذلك الشباب يتفاخرون بالفوضى ومخالفة الانظمة رغم انها اهم من سواقة البر وأولى بالفهم والدراية والالتزام بقواعد السواقة السليمة
يعني ترى ثلاثة ارباع اللي تشوف ليس إلا هياط ورغبة في التعبير عن الفروسية والـ وخر عنه.>>>>>:o

وكما ذكر لك الاخوان اعلاه
الامر بسيط واهم مافيه هو تنسيم الكفرات حتى تكون لينة وتتسطح فوق الرمل ولا تنغرز داخله فيضعف عزم السيارة وتدور الكفرات ثم تغرز نفسها اكثر في الرمل
كذلك عدم الدوس اكثر من اللازم بل تعطي السيارة ماتحتاج من العزم فقط حتى لا تدور الكفرات ثم تنغرز
مع زيادة الدوس عند الشعور بأن الطريق صاعد أو منحرث أو اي ملاحظة تشعر معها ان السيارة تحتاج عزم اضافي
كذلك احرص على وقوف السيارة في مكان مائل الى الامام حتى يسهل عليك السير مجددا
كما ان هناك طرق متبعة لإخراج السيارة من التغريز البسيط دون مساعدة خارجية وهذه الطرق تتعلمها مع الممارسة مثل ماسبق كلها تحتاج ممارسة لكن لا تتصور ان الامر صعب او معقد ترى ثلاثة ارباع اللي تسمع هياط
كذلك فيه اخلاقيات يفترض ان يمارسها كل من يتمشى في البر ولعلك تلاحظ كثرة الاذى والازعاج الذي يمارسه بعض الصغار هداهم الله من بينها ازعاج الكشاتة والمتنزهين واثارة الرمال في محيط مكان جلوسهم والقصد ان المسلم من سلم المسلمون من لسانه ويده
عموما تجنب الوعر
واحرص على السهل ولا تدخل في تحدي مع نفسك إذا رأيت المكان يغري بالمغامرة والاكشن
ولا تعسر السيارة لأنها الله يحفظك مال
والمسلم مأمور بالمحافظة على المال وعدم اتلافه إلا بالحق أي بالخير والنفع
والله يحفظك ويرعاك

[برق الجهمه]

اي شيء ودك تنجح فيه مارسه باستمرار

[أبو علوى]

جرب و راح تضبط وزنية السيارة بنفسك في التغاريز طويلة المدى و قصيرة المدى

يعني الشغلة يبيلها ممارسة فعلية من الشخص نفسه

النمرة الثقيلة إللي تعطيك عزم على تحاشي التغريز وكل ما كانت النمرة أقل كان العزم أكبر وكل ما حسيت إن العزم راح رده بالنمرة إللي قبله
السرعة المناسبة
تنسيم الكفر بالساعة أفضل شي مع أخذ الإحتياط من إسبير و منفاخ هواء
واللي قبلي ما قصروا والشغلة مثل ما قالوا يبيلها ممارسة و سعة صدر حتى تهضمها

[فهد 333]

والله يابن الحلال ياما غرونا على الجيوب مو الهالي وراح ناس بسبب تهورهم بالنفود والاعتماد على الدفع الرباعي
لكن الهواء نزلها الى 15
وعليك بالطريق الهين
وذا غرست ونشب الموتر لاتحاول تدوس عليه لين يغطس وتنشب كل المحركات ابد حاول تحط تحت الكفرات شي مثل الاعشاب او اذا لديك زوليه وحاول ترجع على ورا اذا فيه مجال
النصحيه تنسيم الهوا
عدم الدوس
وعليك بعدم المخاطره
والله يوفقك

[كورابيكا]

أولا:أشكر كلن بأسمه على الأفاده...
ثانيا:صحيح لازم انسم الا 10 او 12...

ثالثا:هههههههههههههههههه--طلعت اليوم العصر للبر عند نفود مادري وش اسمه عنده شباب واجد وغرزت بطعس صغير وحفرت الكفرات واظحكو علي العالم وجا راعي جيب GX2005 وسحبن الله يجزاه خير,,,,<<<

[منصور الفايز]

ما دام الموتر لاخوك ... خله يعلمك

[كآسر الحووم]

اذا كفراتك خط نسمهن لـ 7 او تحت الـ 10 وتوكل على الله

[راعي8100]

شف كل الي رد عليك تراه مغرز وانا اولهم
مع الروحات والجيات صرنا معلمين ..

[أبو خوله]

اشتر جيب وعشق الدبل وماتغررررررزززززززززززز هههههههههههههههههههههه:D:D:D:D:D
نسم الكفرات كلها وخل مقاس الهواء من 10 الى 15 تصير سيارتك جيب
واذا شفت الغراميل والتغاريز حط رجلك ياسنايدي والقير عايدي

أخوي حتى الجيب يغرز <----- إسأل مجرب ولا تسأل طبيب

أهم ما في الرمل للقياده عليه :-
1 :- هواء الكفرات يكون موزون لا كثير يحفر ولا شوي يفصخ الكفر
2 :- كيفية التوجه بالنفود حتى لا تقع بمتاعب ( تدور على الأرض الصلبه ) <--- مع الزمن تكتسب خبره من أول ما تشوف الرمل .
3 :- أعطاء نمرة القير حقها حتى ما تغرز ولا تضر المكينه .

خبرة 20 سنه سواقه بالرمل و التغريز

هذا ما لدي والله أعلم

[.. سلمان ..]

نسم كفراتك ودزها هههه

[كورابيكا]

أخوي حتى الجيب يغرز <----- إسأل مجرب ولا تسأل طبيب

أهم ما في الرمل للقياده عليه :-
1 :- هواء الكفرات يكون موزون لا كثير يحفر ولا شوي يفصخ الكفر
2 :- كيفية التوجه بالنفود حتى لا تقع بمتاعب ( تدور على الأرض الصلبه ) <--- مع الزمن تكتسب خبره من أول ما تشوف الرمل .
3 :- أعطاء نمرة القير حقها حتى ما تغرز ولا تضر المكينه .

خبرة 20 سنه سواقه بالرمل و التغريز

هذا ما لدي والله أعلم


{{{{يعطيكم العافيه جميعا>>>>>>>


2 :- كيفية التوجه بالنفود حتى لا تقع بمتاعب ( تدور على الأرض الصلبه ) .....؟؟؟؟ أبي أفهمه لو سمحت

[ابوفهد 575]

^^^^

وانا اخوك قصده دور على ارض متساويه مهب نفود يعني بين النفدان دايم تشوف ارض منبسطه هو قصده ذي

انشالله قدرت اوضح لك الفكره ..

[فتاح الجواد]

خلك مساعد سواق الى ان تفهم الشغلة
وان كانك على ما قالوا غشيم ومتعافي غرز وغرز وغرز لين تكتسب الخبرة
ومثل ما قيل كل تغريزة بتعلومة
والتغريزة خير برهان (او جعفر؟)

[فتاح الجواد]

مع الوقت تحس بالانتماء الى الرملة وتتعرف عليك
وتعود اليك الشهابه تدريجيا
موفق

[عاشق ديرتي بريده]

اهم نقطه بالتطعيس انك تجدع الخوف

وترا اكثر المحترفين بالتسييف لابديد انه قالب مره او مرتين

وتطيع شوري اذا شفت سيف قدامك ارجع وقل اعوذبالله من الشيطان الرجيم خخخخخخخخخخ

<<< يخاف من السيوف

[مكشات0]

قالوا طلعت للبر قلت طلعت
قالوا غرزت قلت لاا <مسوي سواق
قالوا اصبح ماطلعت للبر ههههههه

يعني اثمرت البر التغريزه

[ذيب الداهية]

وتطيع شوري اذا شفت سيف قدامك ارجع وقل اعوذبالله من الشيطان الرجيم خخخخخخخخخخ

<<< يخاف من السيوف
ههههههههههههههههههههههههه
عز لله بهذي صدقت أخطر ما في الطعوس السيوف
إن لله فكك منها فنت بخير

[جبل راف]

الشغلة تتوقف على السائق اولا واخيرا

[القنـاص2008]

انت تبين العب عليك ولا اقولك الصدز :)



شف وانا اخوك شغلت انك تبي تسوق با البر من مجرد شي تقراه و تفهمه ماضن انك راح تسوق با البر ابدن ابدن :( ..


السواقه با البر من نضرييتي تعتمد على التمرس :good2:


يعني كله طلعه طلعتين ثلاث غرزت مره غرزت مرتين وبعدين خلاص تعرف الشغله ;)


بعدين على الموتر اللي معك تراه حلو با البر ويمشي بس عندك المشكله با الكفرات مقاسهن صغير شوي اذا تقدر تغيرهن وتحط من مقاس 15 وفوق احسن علشان يفرشن با الرمل :good2:


واهم شي لاتنسى التنسيم قبل ماتدخل النفود وانت عل الزفلت الله يكرمك انزل وحطبهن على 15 او عشرين وخل شغلك تندح شوي شوي وتمشي الامور :D



واذا كان ودك نطلع جميع ابشر يا الذيب كلنا لك :D



ابد مثل ماقالك اخوي بوفهد الشغله ممارسة مرة مرتين وراح تتعلم لكن لابد انك تغرز علشان تعرف وتكون عندك خبرة اهم شئ حاول تتعلم كيف الطلوع من الربض وسلامتك

[أميرالعشاق]

هذه الصورة المفيدة..لأحد الإخوان بالمنتدى..وأشكره جزيل الشكر ..وأعتذر لأنني بحثت عن الموضوع الأصلي ولم أجده..والغرض الفائدة للجميع..
http://im11.gulfup.com/2011-09-07/1315414563771.jpg

[محمد الدوسري ٢٠٥]

اذا كفراتك خط نسمهن لـ 7 او تحت الـ 10 وتوكل على الله

[حرماوي.نت]

يعطيكم العافية