لأصحاب الخبرة في البرادو و اسعاره

[وقيان]

مساكم الله بالخير...

نوينا على برادو يا الربع ونبي منكم تعطون فكرة عن اسعاره...


2005 vx فل كامل... كم قيمته في السوق...سواءا عندنا بالسعودية...

واللي بيعلمنا بأسعاره في قطر والبريمي بيكون أزين بعد....


و بانتظار مشاركاتكم....

ومشكوووووووووووورين مقدما

[المغتر]

مساك الله با الخير ..

الله يعطيك خيره ويكفيك شره مقدماً ..

بس بقولك شي مهم عن البرادو ( مع اني ما احبه ولا اواطنه )

عندك وارد عبدالطيف تانكي بنزين واحد .
وارد البريمي يجي تانكين ( 2 ) الاساسي با الاضافة الا اضافي وهذي نقطة جداً حساسه للقنوص والكشاته .

واسعاره تختلف لكن اتذكر الـ Vx 2006 بحدود 88.000 ريال سعودي .

[وقيان]

مشكور على تواصلك اخوي المغتر

بس عندي سؤالين لك

1- ليش ماتواطن البرادو... وش هي عيوبه... خل اعرفها قبل ما اتوهق و اشتري ؟؟؟

2- بالنسبة للسعر اللي حطيته هذا اكيد ماهو للفل كامل vx ولا وش رايك ؟؟؟

بانتظار ردك يا الغالي...


و بانتظار ردود الطيبين مثلك و شرواك

[المغتر]

صبحه با الخير ..

طال عمرك الموتر ياباني وتايوتا يعني ان شاء الله لك ولزمن بس انا ما اواطن البردوا لانه لا صالون ولا صغيره .

يعني بقيمته اشتري مستخدم نظيف احسن لي دامني هاوي مكاشيت بعدين اروح معك لنقطه ثانية انت شف سعره مستخدم وسعره جديد
وقارن سعره بسعر الصالون جديد ومستخدم . الموتر ماعليه رغبه شديدة عند الناس ب 100 الف تلقالك موتر نظيف وزين واخو الجديد ولو الله قدر عليك وتبي تبيعه ولا سعره في جيبك منت محتاج تصبر وقت موسم علشان اسعار الجيوب تحرك :) وهذي وجهة نظر شخصية وانت كيفك

[وقيان]

صباح النور و السرور...

يعني يا الغالي قصدك انه حجمه ماهو تمام... و انه مايمسك سعررررررره.... هذا اللي فهمت منك يالغالي

[المغتر]

با الاضافه الى ان سعره غالي يعني مهب رخيص تقول والله بوفر من قيمته يا رجال اشرلك موتر وعده من المخاسير

[وقيان]

كلام سليم اخوي المغتر.... بس مشكلة اللاند ان شكله هذا هو من عام 98 يعني السنة الجاية اكيد بيغيرون شكله

و 100 الف ماتجيب لك نظيف الا gxr موديل 2002

انا ماخليت معارض ماجيتها... الشرقية.. و الرياض.. وسويت اتصالات بالامارات... هذي اسعااااااره

[وقيان]

للرررفع بانتظار آراء الأعضاء

[ألنشمي]

شوف يأخوان
أنا وأعوذ بالله من كلمة أنا ماخذ برادو 2005-GX سياحي وماشأالله عليه شحليله.
فهو صالون للعايله بمكيفين ممتاز وشقردي لطلعاة البر.بس لاتثقل عليه حموله كانك راعي طعوس.
أخذته قبل سنه تقريبآ بعد دراسه دامة أربعة شهور. أخذته بـ94000 ألف من عبد الطيف وكان موديل 98 بـ50000 ألف بالمعارض وماشي 280000 أللف كيلو.
أشور عليك به

http://www.mekshat.com/pix/upload/images13/mk20888_trip1%20102.jpg

[خالد 711]

السلام عليكم ورحمة الله وبركاتة
برادو درادو برادو وبس وخل عنك التفكير
وانصحك بالستة سلندر والفل كاول
لان صرفيتة مثل الاربعة تفرق شي بسيط يعني يمشيك التانكي 580 كيلو بسبعين ريال
وقوة 260 حصان يعني خذ ولد في الطعوس والبران وفي الديرة موتر يفز معك فز
اما الفرق بينة وبين الامريكي يكغيك انة ياباني يعني خذ موتر وقوة وتحمل سعر ثابت
تبي تبيع في لصيف لة زبون في الشتا لة زبون في الحج لة زبون حتى لو ماتبي تبيع لة زبون
البازعي يفرق عن عبد اللطيف بالتانكي الاضافي وهيدروليك والقلص وطبعا كل شي بحسابة
واذا بغيت البر موتر واذا بغيت الديرة موتر لا تتردد ابد
انا معي 2004 فل ابشن بس الموتر ممتاز وانصحك فية بكل قوة ولا تتردد .

[بن نويشر]

يمكن كلامي ما يعجب بعض الأخوة ..!! لكن سأدلو بدلوي وأقول على بركة الله ..

أسمح لي بأن أعكف بك شوي عن الطريق !! طريق البرادو .. الحقيقة هو مواتر بس كثر عليه الكلام ..

عبداللطيف جميل مواصفات و البازعي مواصفات وأفضلهم البريمي ..

والحقيقة أنا أبحث عن سيارة مثلك وشاهدة بالمعارض سيارات الباجيرو الفل كامل بقيمة تتراوح الـ 100000 ريال ويمكن تلقى أقل لموديلات 2005 . والسيارت تملك مواصفات ما تجدها عند البرادو مثال (المراتب جلد وكهرب ، أنوار زينون للعالي والواطي ، محرك 3.8 لتر ، مثبت سرعة ، سي دي ، فتحة بالسقف ، تعليق منفصل ، شاص قطعة واحدة ، قير عادي وتوماتيك في نفس الوقت ، مساحة خلفية واسعة ، خطاف في الخلف ، جنوط مقاس 17 أنش ) والراي لك وهذا رأي في الموضوع والشيوخ أبخص .

والسلام عليكم ..

[الشقردي]

Vx2006 الفل فيه هيدروليك ومساعدات رياضيه وهذا اللي خلاني أتردد يعني بالعربي خفت من خرابات الهيدروليك على المدى البعيد
تونا شارين Vx2 2006 يجي بفتحة سقف ومثبت وسيدي واحد وكان عليه عرض عن ابو جميل 118 الف توماتيك وأتوقع هو الانسب للي بيستخدم سنين طويله وأما بالنسبة لvx1 ما فيه مثبت ولا فتحه وأظن سعره حول 107 (وكلها فيها فرامل Abs)
أما البازعي اللي بالرياض أنا رحت لمه قبل نشتري
2005 الفل 138 وزياده على الفل حق ابو جميل تانكيين وست سيديات (رفاهيه زايده بالنسبة للجيب كجيب في وجهة نظري)

أما من ناحية التانكيين وكوجهة نظر أنا ما أفضله على البرادو لأنك لوبتناظر السيارة من وراء تلقى مستوى التانكي نازل مرة وبشكل ملفت مما يودي الى زيادة احتمالية تعرضة لضربات في البر, صحيح ان الاستبنه تعليق بس الاستبنه اذا صارت تحت السيارة مستواها معقول جدا مهوب مثل التانكيين
وهذا النقطة (الاستبنه تحت بدون تانكيين) ممكن تساعدك انك تدخل الاستبنه محل أحد مراتب الصف الثالث وتفصل مكانها تانكي مويه (اذا ما كنت تحتاج الصف الثالث من المراتب)

وأي استفسار انا بالخدمة
ولا تنسى ان الموتر تايوتا وياباني وجيب

وتعقيب على كلام الاخ سنيدي وبعد اذنه وكلها وجهات نظر أقول:
الباجيرو موتر ومتسوبيشي وش بقيت, بس ترجع لمشكلة قطع الغيار (الغلى وعدم التوفر) وثاني شئ أنا لي ملاحظة على الباجيرو بالذات وهي ان الدفع الخلفي مهوب دفرنس مثل اللاندكروزر والباترول والبرادو والباثفيندر الى 2005
ولكنه فليور بتقول لي وش المشكله :اقول لك تلاحظون ان هالنوعيات من السيارات اذا حملت تمشي والكفرات مفحجه وممكن يستمر التفحيج في بعض الحالات ويؤدي الى تاكل الكفرات الخلفية من الداخل
والزبدة ان الفليور يمكن اكثر اقتصاد بنزين ولكن اقل تحمل من الدفرنس

[عريدان]

الشقردي صراحه يخوف...

[وقيان]

الاخوان الشقردي و عريدان و السنيدي وخالد711 و النشمي مشكووورين على تواصلكم..

وبصراحة استفدت كثير من كلامكم
وصار عندي قناعة اني اشتري البرادو

بس بقينا الحين في السعر... 2005 في اكس كااااااااااامل..... كم سعره في المعارض... السعودي و الخليجي... واذا كان في قطر ارخص ماعندي مشكلة اروح... تراها قريبة.....


وبيض الله وجيهكم على المعلومات الطيبة

[وقيان]

بضيف سؤال لأخونا الشقردي..... كيف الموتر في المطبات و الشوارع اللي لك عليها شوي ؟؟ هل يتحمل ولا تبدى الطقطقة بسرعة...

علما اني ابي الموتر للاستخدام اليومي يعني ماني بخزنه للطلعات بس ...

وشاااااااااااااكر لك

[matrix_sa]

ياجماعه أنا والعياذ بالله من كلمت أنا شريت برادو 2006 Vx
6 سلندر فل اوبشن ب 133000ريال من عبداللطيف جميل بس وبكل صراحه موتر مايرده شي ماشاء الله عليه فيه هيدروليك وبلوتوث وكلش بس عيبه تانكي واحد
والموتر ماتحس فيه لا يزفلت ولا بالطرق البريه مريح لأبعد درجه والله يوفك ويعطيك خيره ويكفيك شره

[الشقردي]

الاخ الرومانسي
بالنسبه للطقطقة والقربعه لاتنسى ان الموتر تويوتا وياباني :no:
ما أظنك بتسمع شئ من هالقبيل, وبالتوفيق يا بعدي

الاخ عريدان
وراه يا بعد حيي وميتي, وش السالفة وش اللي يخوف !!!:no2:
لا يكون عندك كاشف رقم وحنا ما درينا , ولا معك من جوالات الجيل الثالث وشايف الخشه ;)

[عريدان]

لا انا قصدي إن الشقردي طاح على السيارة اللي "دين ودنيا" يعني سعرها ومواصفاتها وشكلها تعين الولد على نفسه وخدمة أهله. وبعدين هالحين إنتبهتو "للبرادو" أو علشان عرفتو إنه ياباني الأم والأب يعني هو الوحيد من عائلة تويوتا الليي يصنع في اليابان 100% حالياً وأسعاره بحدود المية ألف ريال. مع العلم إنني قارنته مع تعليق اللاند الأمامي و والهايلكس الدبل ووجدت أن أفضلهم البرادو لأن المقص موجود للراحة + مساعد للحمايه + ياي للمرونه. وهذا ما لا تجده الآن في معظم السيارات ذات التعليق الحر في الأمام وأهل الخبرة يعرفون معنى كلامي.

[escape_man]

يابن الحلال لاتعقدها

مافي سيارة خالية من العيوب. حتى لو تحط المايباخ والبانوراما بذا نتقنا عيوبهن.

انا معي باث وشارية برغبتي وبكامل قواي العقلية لانه صغير وخفيف وارسى من البرادو ولولا كبر وارتفاع البرادو

مقارنة بالباث كان مادورت غيره.

على فكرة لقيت البرادو الفل VX2 فتحه تماتيك مو اقل من 100 الف.

[برادو]

السلام عليكم

الموتر يعجبك مريح واقتصادي جدا جدا و من ناحية مجرب لعائلة تويوتا كامله فهو افضل ما مر علي حتى الآن اشتر ولا تشاور بس لا تاخذ غير السته سلندر مع مثبت وفتحه وثلاجه.