تركيب بطارية ذات امبير كثر من حق الوكاله [الأرشيف]

مشاهدة النسخة كاملة : تركيب بطارية ذات امبير كثر من حق الوكاله

sbider2002

26/08/2011, 08:32 PM

السلام عليكم ورحمة الله

شباب انا عندي باترول موديل 1991 وعملت بحث واستشرت الشباب في تركيب بطارية ثانية ولاكن اغلبية الشباب نصحني بعدم تركيب بطارية اضافية ووجهوني لتغيير البطارية الى بطارية ذات امبير اعلى من حق الوكاله لان حق الوكاله 60 ونصحوني اركب 110 وانا بصراحة ناوي اركب بطارية جافة اوبتك 110 بس السؤال الي يسدح نفسه هل يحتاج تغيير دينمة وهل فيه شي ثاني اغيرة غير الدينما لاني راح اركب دينمو حقت نيسان فتك 4500 وبطارية سؤالي هل اغير شي ثاني مثل فيوزات او وايرات او ضفيرة او اي شي ثاني ؟؟؟
وتوجيهاتكم راح اخذها بكل جدية وجزاكم الله خير والي عنده خبرة بشي لايبخل علينا بالفايدة واللي ماعندة يخش ويشارك من شان يستفيد ونستفيد من الخبرات الموجودة في الغالي مكشات تحياتي

وبل نجد

27/08/2011, 01:06 AM

وانا بصراحة ناوي اركب بطارية جافة اوبتك 110 بس السؤال الي يسدح نفسه هل يحتاج تغيير دينمة وهل فيه شي ثاني اغيرة غير الدينما لاني راح اركب دينمو حقت نيسان فتك 4500 وبطارية سؤالي هل اغير شي ثاني مثل فيوزات او وايرات او ضفيرة او اي شي ثاني ؟؟؟
وتوجيهاتكم راح اخذها بكل جدية وجزاكم الله خير والي عنده خبرة بشي لايبخل علينا بالفايدة واللي ماعندة يخش ويشارك من شان يستفيد ونستفيد من الخبرات الموجودة في الغالي مكشات تحياتي

اخوي سبيدر انصحك نصيحه لوجه الله خذ بطاريه (باناسونيك) مقاسها 105 امبير لونها الخارجي برتقالي تراها عاديه موب اكترونيه والعاديه افضل من الاكتورنيه لأن العاديه ماتخونك بالبر واي مكان يعني لو ضعفت شوي لكن مع تعبيت المويه ووتشغيل السياره تشحن اما الاكترونيه عمرها الافتراضي سنه وعقبها تطفي فجاه من غير مقدمات يعني قشر بصل لو صرت بالبر :D:D:D
وغير كذا انها الاساسيه ماهيب الاضافيه لو طفت بكيفها

وبعدين البطاريه اللي اقول لك عليها ضمان سنه وتحصلها بالغرابي في اول شارع الريل على اليسار موجوده على موتري الى الان لها اكثر من سنتين ولله الحمد

وبخصوص الدينمو لازم ولابد ومهم تركب حق 4500 يجي 110 امبير او 100 امبير والله نسيت وعلى فكره تراه يركب من غير ترهيم او تعديل ومن دون تغيير في الظفيره او الاسلاك او الوايرات او الفيوزات مجرد تفك القديم وتحطه في بيتك وتركب الجديد وتمتع به في سيارتك

خذها نصيحه من مجرب :good2::good2::good2:

وتقبل مروري

الثويرات

27/08/2011, 01:46 AM

انا من تجاربي وخبرتي المتواضعه.

اقولك ركب بطاريه اضافيه........ السبب لانها لافضت مثلا من الثلاجة الو المبة تدق سلف وتشحنها.
لاكن البطاريه الاساسية لافضت من المبات او الثلاجة اجلس حق راسك . ودور احد بالبر يعطيك اشتراك هذا ان لقيت.

sbider2002

27/08/2011, 01:56 AM

sbider2002

27/08/2011, 01:57 AM

الثويرات بيض الله وجهك على النصيحة بس مشكله موتري موديل 91 ولا حصلت محل يشيل بطارية ثانية تحياتي

وبل نجد

27/08/2011, 03:50 AM

انشهد انك ياوبل نجد اسم على مسمى وبيض الله وجهك على النصيحة الغالية وبيض الله وجهك على الشرح الكامل والله يكثر من امثالك وراح اسمع شورك واتوكل على الله بس دينمة الفتك كم راح تكلفني نفداك

والله وانا اخوك ما ادري موديل كم يجي هالنوع من الدينمو

لكن اسال الوكاله يعطونك العلم الاكيد وتراه يجي يا 100امبير او 110 امبير

ابوصالح77

27/08/2011, 06:24 AM

مو لازم تغير الدينمو
ركب بطارية كبيرة وما عليه إخلاف

الوسيطاء

27/08/2011, 06:48 AM

دينمو الوكاله 60 امبير ودينمو 4500مقاسه 80 ومقاس 110 يجي في المكسيما ويركب كذالك

sbider2002

27/08/2011, 07:21 PM

يعني تنصح اركب دينمو ماكسيما وبطارية 110

وبل نجد

28/08/2011, 03:30 AM

دينمو الوكاله 60 امبير ودينمو 4500مقاسه 80 ومقاس 110 يجي في المكسيما ويركب كذالك
الرجال عطاك العلم :good2::good2::good2:

واي استفسار نحن بالخدمه :D:D

باترول.

28/08/2011, 03:38 AM

نصيحتي خل حقة الوكالة لاحالة لاتجيه اذا جيته تحوسه او يمكن تحوس الضفيره وتكلف عليك اقووول خل كهرب االموتر بلحاله ورح ركب بطاريه اضافية وركب عليه الي تبي ولا تشيل هم بس

باترول 4500

29/08/2011, 03:15 AM

وعليكم السلام ورحمة الله

ركب بطارية جافة اوبتك 110 بدون ماتغير الدينمو

أما إذا بتركب بطارية إضافية أنصحك تركب دينمو ماكسيما

بالتوفيق إن شاء الله

ابو فهد 991

01/09/2011, 04:56 AM

دينمو الوكاله 60 امبير ودينمو 4500مقاسه 80 ومقاس 110 يجي في المكسيما ويركب كذالك

مع احترامي لاخي العزيز الوسيطاء
دينمو 4500 كربريتر يعطي 100 امبير وليس 80 ويركب على طول بدون ترهيم او تغيير للبكره
دينمو المكسيما 110 امبير ولاكن يحتاج ترهيم وارخص في السعر من دينمو الباترول

واذا اردت تركيب بطاريه مقاس 110 او 105
فلابد من تغيير الدينمو لانه مع الوقت لايستطيع تعبئه البطاريه بسبب كبر حجمها ( الامبير ) فيحترق الدينمو