المساعد الشخصي الرقمي

مشاهدة النسخة كاملة : محتار ورايكم يهمني بين ددسن نيسان ولاهايلكس تويوتا


شحبار
27/08/2011, 07:12 AM
السلام عليكم
ان شاء الله بخاطري في وحده منهم ياددسن ولا هلي ابي نصيحتكم
بالعزم والخرابات والسعر شتنصحوني فيه
عاشق داتسن
27/08/2011, 07:24 AM
من ناحيتي ددسن الحق معرض نجد بالنسيم منزل ياباني ياباني مو تايلاندي
ددسن حمار مكده عزمه الجديد والله زين خرابات انس الا اذا انت راعي تفجير (تخميس)
الهايلكس عزم بصراحه بس مااحبه لو تشتريه دق علي اقاومك بام عزيز وانتفك خخخخخخخخخخخ امزح
هذا رايي وجعل ربي يكتي لك اللي فيه الصالح ولاتشوف منه شر..........تحياتي
عاشق داتسن
27/08/2011, 07:26 AM
اللي معرض نجد خليجي ولا عليه ضمان بس وفيه شركات واجد تفحص لك
من ضمنه شركه تابعه للحمراني والله يوفقك
شحبار
27/08/2011, 07:31 AM
الله يجزاك خير على النصيحه
كريزي نت
27/08/2011, 07:38 AM
كلها مواتر طيبه مرررره لكن انا افضل الهايلكس لقوة تحملها وقلة خراباتها في قطعها الإستهلاكيه بعد مرور زمن طويل طبعن مقارنةً بالددسن

واقتصاديه اكثر من الددسن وتبي الصراحه كلن وله رغبته وذوقه وانا عن نفسي
اقدر الهلكس على الددسن

والعزم الهايلكس أقوى من الددسن مايبيلها كلام

هذا مايعني ان الددسن بطاليه لا فيها حقها ولكن لا تقارنها بالهلكس
والله يوفقك للي فيه خير وخيره ,,,
الشقردي 205
27/08/2011, 07:42 AM
والـلـه بـنـت عـراوي أم عـزيـز تـراهـا طيبة بالحيل . . .


والهلكس ما فيه قصور لكن سمعته خايسه . . .


وانا من عشاق الدقسن صراحه شهادتي مجروحه بالددسن بقوه . . .


وكلهم طيبات وانت ورغبتك . . .
كثير السؤال
27/08/2011, 11:51 AM
والله الموترين بهن البركه
وانا صراحه ارتاح للددسن
بس احب لهايلكس اكثر
وليد الخيل
27/08/2011, 12:10 PM
الددسن راحه ونشاط وافخم يكفيك الراحه بس
سايق الريم
27/08/2011, 01:33 PM
اذا بتتكلم عن العزم كلن فيه حقه يعني بتجيبلي مرقاا كلن بيرقاه الهايلكس والددسن

يعني مافي مرقاا بترقاه الهايلكس الا والددسن راقيته بعد نجي لتحمل والخرابات

اذا والله بتتكلم عن الهايلكس الجديد فترااه انواع الاصوات خصوصا المرتبه الخلفيه بتكرهك حياتك اذا انت من النوع مايحب يسمع اصوات في موتره + الصندوق يوزوز سريع سريع وتلقاها بكل هايلكس هصوت من 2006 الى 2011 + ديكوره عجيب غريب مافي لون براسك الا وتلقاه والمواد اللي مصنوعه منه البلاستيك رديئه نوعاً ما وفتره وطلعت اصوااات اذا استخدامك علك (خشن)+ صفير الابواب على 150 كم >>>اذا قابلك هواء الله يعينك تصفير قوووي جداً وللاسف عيب مصنعي من 2006 الى 2011 وماحلو المشكلة حتى الفورتشنر + صدامه الامامي اي شي يفك كلبساته هواء قوي بالخطوط يقكه او ادنى
شي سواء دفيت احد

آخر شي سعره المبالغ جداً جداً والسعودية كلها قص ولزق مسجل+ريموت كنترول+كشافات+حساسات+مكيف = تركيب بجده الخليجي الله اعلم للعلم بعض اهل الكويت يشتكون من الساير في الفتره الاخيره بداء يسوي مثل ابوجميل
واللي يميز الهايلكس صراحه مرتبتة الاخيره فقط لأنها كبيره وفي مساحه لركاب
////////////////////////////////////////////////////////////////////////////////
الددسن ممتاز اذا كنت راعي بر وحلال وعندك موتر ثاني غيره لان مرتبتة الاخيره فاااشله جداً جداً
واللي بيركب ورى الله يكون بعونه
واللي يميز الددسن سعره معقول نوعاً ما

وبنسبة لسعودية وبعض الخليجية فيها النمره حاشره شووي تفيد اللي رااعي تحميل كثير واللي ساكن في الجنوب لان مناطقهم كلها جبال + طلعات تمسك نمرتها بــ 2

اذا انت راعي تحميل على خفيف خذلك الكويتيه نفسهاا طويل ومافيها حنه حتى على السرعات العاليه

اخيرا عليك بالاستخاره

والله يكتب اللي فيه الخير
Abusliman
27/08/2011, 01:38 PM
مهب صحيح ان الددسن ترقى كل الي يرقاهـ الهلي
الهلي جيب على شكل وانيت فيه قوهـ بالبر مهب صاحيه
ومن ناحيه العزم الهلي عزمها اطلق
ومن ناحيه سعر قطع الغيار والتحمل ايضاً من مصلحة الهلي .. زمان الددسن راح
واهم شي عند البيع تجيب لك سعررن طيب
دل البحار
27/08/2011, 01:53 PM
لالالالالالا هلي وأدعيلي
ممتازه استعمال بيع ما بعد البيع من الدعوات
mohammad2003
27/08/2011, 02:00 PM
بعد تجربتي للهايلكس الدفرنسين موديل 2007 ... السيارة ضعيفة جداً و مصنوعة من مواد ردئية بالإضافة إلى عيوب كثيرة منها ما ذكر الأخ ( سايق الريم ) و هي :

1. صفير إذا قابلك هواء .
2. أصوات في المرتبة الخلفية ( بسبب الربل اللي يثبت المرتبة )
3. الصدام الأمامي يتفكك مع كثرة الإستخدام .
4. الكفرات الأمامية تحتاج وزن كل 25000 كم .
5. تآكل ( فحمات الفرامل ) الأمامية بسرعة .
5. ضعف العزم بسبب ثقل السيارة و ضعف المحرك ( 4 إسطوانات ) .
6. إستهلاك عالي للوقود .
7. غير مريحة و غير آمنة و سعرها مرتفع .

و هذا مقطع فيديو عن الهايلكس :

http://www.youtube.com/watch?v=LCzPEBclQ9k
Abusliman
27/08/2011, 02:32 PM
بعد تجربتي للهايلكس الدفرنسين موديل 2007 ... السيارة ضعيفة جداً و مصنوعة من مواد ردئية بالإضافة إلى عيوب كثيرة منها ما ذكر الأخ ( سايق الريم ) و هي :

1. صفير إذا قابلك هواء .
2. أصوات في المرتبة الخلفية ( بسبب الربل اللي يثبت المرتبة )
3. الصدام الأمامي يتفكك مع كثرة الإستخدام .
4. الكفرات الأمامية تحتاج وزن كل 25000 كم .
5. تآكل ( فحمات الفرامل ) الأمامية بسرعة .
5. ضعف العزم بسبب ثقل السيارة و ضعف المحرك ( 4 إسطوانات ) .
6. إستهلاك عالي للوقود .
7. غير مريحة و غير آمنة و سعرها مرتفع .

و هذا مقطع فيديو عن الهايلكس :

http://www.youtube.com/watch?v=LCzPEBclQ9k

الدبل معروفه للبر فقط ما تنفع للمقاومات والسرعة
بس بدون دبل نشاط بالبر وبالديرهـ وبالخط
الاصوات بالمرتبه الخلفيه صراحه ما قد سمعته بس اظن اخواننا بمنتديات تويوتا العربية حلوها وحلها بسيط جداً
الصدام الامامي مشكله بالنسبه للهايلكس لانه ينفك بين فترهـ وفترهـ لاكن اذا تبي ترتاح منها فيه اكثر من طريقه لتربطيه وما ينفك ابداً
امانها ممتاز اما الراحه افضل من الموديل الي قبله وسعرهـ مرتفع بس يمسك قيمته
بن فليج
27/08/2011, 02:36 PM
يا اخوي خذلك هلي تراها كويس ماشاءالله عليه
وبعدين الغماره اللي ورا وسيعه اوسع من الددسن
مراسل العيينة
27/08/2011, 02:57 PM
الددسن حقت مكده وزينه في البر والهلي ارغب وابيع والله خيرك اسال الله العلي القدير انه يكتبلك اللي فيه خير
سفاري959
27/08/2011, 03:04 PM
سبحان الله الرجال يسأل عن الموتر من نواحي معينه وبعض الشباب راح للقومه والتطعيس اذا الله بلاني وبغيت اقاوم ماني ماخذ لاهذي ولاذي واذا ابطعس اخذ موتر دبل ماخذ موتر انواع التعديل والطعس اجيه عن بعد كيلو داعس عشان اطلع انا اقولك ياصاحب الموضوع ما يميز الددسن رساوه افضل ومطب اريح الهايلوكس تفرق انها اوسع من الددسن وبالنسبه للإستخدام كلهن طيبات والله يكتب لك الي فيه صالح وخيره
Abusliman
27/08/2011, 04:10 PM
بالعزم والخرابات والسعر شتنصحوني فيه



سبحان الله الرجال يسأل عن الموتر من نواحي معينه وبعض الشباب راح للقومه والتطعيس اذا الله بلاني وبغيت اقاوم ماني ماخذ لاهذي ولاذي واذا ابطعس اخذ موتر دبل ماخذ موتر انواع التعديل والطعس اجيه عن بعد كيلو داعس عشان اطلع انا اقولك ياصاحب الموضوع ما يميز الددسن رساوه افضل ومطب اريح الهايلوكس تفرق انها اوسع من الددسن وبالنسبه للإستخدام كلهن طيبات والله يكتب لك الي فيه صالح وخيره

اقرا زين وانا اخووك
ندري ان التطعيس افضله الجيب .. بس الجيب بكم ؟؟ وترا الرجال ما قال باترول ولا هلي قال ددسن ولا هلي قلت الهلي انشط بالنفود
واقرا كلامه زين كاتب يقول وشلوون العززم وعشان تعرف العزم شف المقاومات .. فهمت ؟؟
الثويرات
27/08/2011, 04:26 PM
يابن الاجواد لاتشري من دون ماتجرب تسوقهن بنفسك .
Vortech
27/08/2011, 05:17 PM
مافي مقارنه في الرآآآحه بين الهلكس والددسن... الهلكس أريح وأوسع بمرآآآحل من الددسن...

ياخي اللي على الكرسي اللي ورى مخنوقين في الددسن...

لكن الددسن بديها أجمد وأقوى عن الهلكس...

الهلكس أقوى من الددسن ومافي مقآآآرنه أبد...

مشكلة الصفير موجوده في الددسن والهلكس... ولكنها ما تطآآق في الهلكس.

الهلكس أزين من العرآآوي بالنسبه للي عنده عايله لوسعها الممتاز...

عن نفسي ... كنت خذت الهلكس وترك الددسن في المعرض واقفه... ولو ان سعرها مبالغ فيه.
سفاري959
27/08/2011, 05:30 PM
اقرا زين وانا اخووك
ندري ان التطعيس افضله الجيب .. بس الجيب بكم ؟؟ وترا الرجال ما قال باترول ولا هلي قال ددسن ولا هلي قلت الهلي انشط بالنفود
واقرا كلامه زين كاتب يقول وشلوون العززم وعشان تعرف العزم شف المقاومات .. فهمت ؟؟

وش دخل الباترول بالسالفه ما جبت طاري الباترول ولا الجيوب كلها بعدين الرجال اذا سأل عن العزم يمكن قصده اذا حمل شي مو شرط مقاومه واذا تقول شف المقاومات انت صادق الهايلوكس اقوى بس ليش الي يقاومون ويطعسون يعدلون عليها اذا كانوا فعلاً مقتنعين بقوتها بعدين ترى الددسن 2400 اذا بتقوم او حتى تجاري الهايلوكس وهي 2700 وبودي خفيف فهذا انجاز للددسن وللعلم وانا اخوك تراني ماحب لاذي ولاذيك واشوف اسعارهن خساره عليهن
ابونبيل
27/08/2011, 05:51 PM
اخوي انا مجرب الموترين

هلي بدون كلام يمسك سعره ومايصرف بنزين ووسيع اركب ددسن بالمرتبه الثانيه ومتأكد انك بتشيله من راسك

لابغيت تحتار احتار بين النفارا والهلي اما ددسن خلاص راحت ايامه مايخذونه اول الا الي مايمديهم على غيره لان سعره رخيص اول

خذ هلي وريح راسك ان بغيت بر ولا خط ولاديره
وماعليك من المتعصبين انا اكلمك لاني مجرب الثنتين والصراحه الددسن ضيقه وراااا مررررررررررره
التعـ King ـديل
27/08/2011, 05:55 PM
اللي معرض نجد خليجي ولا عليه ضمان بس وفيه شركات واجد تفحص لك
من ضمنه شركه تابعه للحمراني والله يوفقك

سيارات نيسان الجديده ضمانها دولي .. كان عندي باثفيندر وخرب علي بالامارات وانا مشتريه من الجبر بالاحساء صلحوه المسعود على الضمان

ولمن صارت لي مشكله بالقير .. الحمراني غير لي القير على الضمان ماقال مب سيارتي ضمان نيسان دولي في اي وكاله تقدر تشيك وتصلح على الضمان

وانا انصح اخوي بالددسن الخليجي الياباني فخامه وقوه وراحه بالخطوط وراسي ولا يسمع تصفير هواء مثل غيره ونصيحه اخو ويجرب ويشوف بعينه كلامي
بندرالعتيبي
27/08/2011, 08:16 PM
الددسن احسن وتمسك سعرها واقتصاديه الي تجي بخاخ وخراباتها قليله مره الهايلكس زينه وعزم جامد بس انواع المناقز ومع السرعات القويه انواع الصفير والوزوزه بالصندوق انا انصحك بالددسن معنا وحده من عام 93 جي ال فاكها الوالد ليومك اليوم مافكت مكينتها ولاجاها الاالعافيه والي يقول ان سعرها يطيح مسيومه من ابوي 30 الف ولافكر يبيع انت استخر وشف الموتر الي ترتاحله وشكرا
sgl2002
27/08/2011, 08:20 PM
الددسن اريح واذا غرزت تنقيزها سهل وتكد ماتشكي

الهايلوكس عزم بس ماعندك راحة ولا صدامات زي الناس وجنوطها اصغر منها الف مره
ALBDRANE
28/08/2011, 03:01 AM
تبي دعسه ونشاط هايلوكس
تبي تماسك وقوة بدي وثبات وقلة بلاستيك وكلبسات دادسن
البيع كلها مطلوبه في السوق
اورنس الشمري
28/08/2011, 03:09 AM
الهايلكس أفضل عزم من الددسن , والتويوتا بشكل عام مترابط والنيسان ماهو كتلة واحدة .
المنيعي1
28/08/2011, 03:52 AM
أذا غمارة خذ ددسن أرخص وأفضل
الغمارتين هايلوكس بس الله يعينك على أنواع الأصوات
محامي وراط
28/08/2011, 03:53 AM
تبي نصيحتي الددسن تراه زين من ناحيه الراحه وقوة الهيكل وصرفيت النزين حلوه على موتر ونيت ...

لكن اذا انت تبي تستعمل شهر او شهرين وتبيع خذ لك هيلكس وكسره وبعه بتبيعه بحول القيمه اللي شريت بها ...

لكن اذا كنت بتستعمل خذ الددسن وريح بالك من الاصوات والقرقعه وترى في البيع الددسن والهيلكس كلها مطلوبه ...
حمرآن النواظر
28/08/2011, 03:58 AM
من ناحية العزم والشكل والرآحه . . الهايلكس آفضل ،

من ناحية قوة البدي والكرف والتماسك . . الددسن آفضل ،

وترى كلهن موآتر طيبه بالبر . . وإقتصاديه نوعا ً ما .. وخراباتها نادرهـ

والله يرزقنا ويرزقك يآرب
رهيب الرهيب
28/08/2011, 06:30 AM
انا بصراحه عن نفسي لو باخذ دفرنس واحد اخذت هايلوكس خليجي ولو باخذ دفرنسين ددسن سعودي