gxr اوتوماتيك او عادي >> ارجو الدخول

[ذيب النجيل]

السلام عليكم ورحمة الله وبركاتة

اخواني الاعزاء

انا ناوي اشتري جي اكس ار 2006 إن شاء الله

وحبيت اسأل وش الافضل القير العادي او الاوتوماتيك ؟

وحبيت اسأل عن عيوب وخرابات القير الاوتوماتيك

الي مرت عليكم ؟

وكم سعر الـ gxr 2 السعودي هاليومين

ولكم كل الشكر

[كثير السؤال]

التماتيك افضل بالديره والعادي افضل بالبر
اذا ودك تصالي العادي بالديره براحك

[العنيد7]

نصيحة لوجه الله

لا تشتري غير تماتيك الزحمة في كل مكان

العادي متعب

[سما الهاوي]

اعرف اثنين من اخوياي معهم جكس ار 2006 قير تماتيك كلها خبطت قيورهم ما ادري ليش على انهم استعمالهم حشمه ماهنا هاك الكرف وشارينها وكالة ما حد استعملها قبلهم

[قناص 717]

أخوي إن كان أنت راعي بر وصولات وجولات وسحب وغيره فلا يفوتك القير العادي وأسأل مجرب ( القير العادي :good2: )

[جلمود الحره]

القير العايدي لك ولغيرك وللزمن

[Vortech]

القير العادي... احسن وازين واذا جات على الراحه فالموتر مريح ومهب ذاك التعب...

التماتيك ما يصلح على الدفع الرباعي الا من الــ 2008 وطآآآلع ... عن تجربه يالغالي.

[ابوراكان تبوك]

التماتيك ثقيل عله

[gx-low]

تبي نصيحتي جرب الجكسار التماتيك والعادي قبل تاخذه

لو تستاجر مب مشكله

اما انا لو خيروني بين جكسار عادي وتماتيك اباخذ عادي مع اني احب التماتيك

وان كان امورك ميسوره وتبي تماتيك خذ فكسار لو 2005 وتحت

[sgl2002]

اذا انت راعي بر وجلد وكرف خذ عايدي

اذا انت راعي مدينة والبر ماتجيه الا بالسنه حسنه خذ تماتيك

[gx-low]

ومثل ما قال الاخوان التماتيك للجكسار ثقيل

والعادي اخف واقل مشاكل واقوى في النفود والسحب

[9393]

بلعكس ي ربع انا معي جي اكس ار 2007 قير عآدي وتحسسفت اني طلعت قير عآدي
الصراحةة متعب القير العآدي والموتر ثقيل
واذا طلعت لم البر دآيم القمة ع واحد عشآن يمشي ويبدا يحن الموتر
اما التمآتيكك ازين بالديرة وبالبر لآن التمآتيك يمشي ازين من القير العآدي

[عاشق السيل]

برأيي الشخصي القير العادي أفضل بكللللللللللللللل شي ،، إلا بالزحمة ولا بريااااال !!!!

باختصار إذا أنت من سكان الرياض وتستخدم السيارة للمشاوير الخاصة فلااااااااااااابد تكون سيارتك تماتيك !!

[يريور عيمان]

التماتيك ثقيل و ضعيف جدا و ما يصلح للجور و الاستعمال الشاق
العادي افضل و مشاكله اقل و يتحمل اكثر

[ذيب النجيل]

الله يعطيكم العافية

[ذيب النجيل]

اعرف اثنين من اخوياي معهم جكس ار 2006 قير تماتيك كلها خبطت قيورهم ما ادري ليش على انهم استعمالهم حشمه ماهنا هاك الكرف وشارينها وكالة ما حد استعملها قبلهم

كم يكلف توضيب القير اذا خبط ؟؟؟

ويمكن اخوياك مايغيرون زيت القير بانتظام وهو الي سبب التخبيط

[بنز560]

اسئل مجرب ترى الجكسار التماتيك شين شين شين خذ عادي ولو انك في زحمه سواقته ممتعه ارحم من التماتيك

[ساري 111]

2008 وفوق خذ تماتيك

2007 وتحت خذ عادي

العادي اخف وانشط بفرق واضح وكبير
والسبب الاوتو 4 غيار فقط اما الموديل الجديد الاوتو جاء 5 غيار

[lahoop]

خذ تماتيك بس مايكون الدبل fulltime اي مايفصل الابعد سرعة 80كم النوعية هذي ثقيله اما اللي دفع خلفي واذا ارت الدبل تضغط الزر رائعة جدا وخفيف
واسال الله لك ولكل اخ التوفيق والسداد في الدنيا والاخرة

[إبن فيصل]

والله يا أخوي أنا أقول إن كانك راعي بر ومطامر وشغل قوي خذ قير عادي أحسن لكن إن كان أكثر وقتك بالديرة والبر تروح له بالمواسم كشتات خفيفة وسواقة راكدة مهوب تطعيس وجور التماتيك مناسب ..وأما بالنسبة للثقل في القومة كل الجي أكس آر ثقيل سواء عادي أو تماتيك...وجهة نظر.

[ذيب النجيل]

خذ تماتيك بس مايكون الدبل fulltime اي مايفصل الابعد سرعة 80كم النوعية هذي ثقيله اما اللي دفع خلفي واذا ارت الدبل تضغط الزر رائعة جدا وخفيف
واسال الله لك ولكل اخ التوفيق والسداد في الدنيا والاخرة

مااضن موجود هالنوع لان كل الموجود دفع رباعي مستمر

[ذيب النجيل]

وبالنسبة لصرفية البنزين هل يفرق العادي عن الاوتوماتيك بالصرفيه ؟

[lahoop]

ياذيب النجيل
مس ساك الله بالخير
احد اصدقائي يملك 2004
تماتيك دفع خلفي خفيف وشي عجيب انا معاك 2006 ومافوق لايوجد الا الدفع المستمر شاكرا لك

[ابونبيل]

عايدي وانت مغمض افضل بمراحل

الا اذا كان فكسار فمايضر عادي ولا تماتك

[kamalhome]

جربت الجير العادي أكثر من عشرين سنة في كل أنواع الطرق وبصراحة من أروع ما يكون بسبب:

أنك تكون قادر على اختيار السرعه التي تريدها متى تشاء.
ما في أعطال ولا تسريبات ولا تبديل فلاتر فقط بعد 150 ألف بدل الزيت بعيار 75-90 وإذا حبيت أضف عليه زيت ماكينه (أنا حطيت موبيل 1)سنثتيك حتى يعطيك غيار سلس في درجات البرودة المنخفضه.
إذا غرزت ما تشيل هم حرارة الجير لأنه الجير الأوتوماتيك يخترب ويضرب إذا احتر لدقائق معدوده ويفقد صلاحيته.
رهيب في المناطق الجبليه.
يريح الماكينه إذا كنت تعرف كيف تسوق.
يعمر أكثر من الأوتوماتيك.

للأسف كان ودي تيوتوتا ينزلوا سيارات الجيب عندنا بالكويت جير عادي

[بر وعزبة]

حبيبي تماتيك ولا أنت ندمان لا بالبر ولا بالديرة
أما إذا كنت راعي مطامر كثير فالعادي افضل
بالنسبة للفرق انا جربت سوقة العادي والتماتيك ما فيه فرق
وموتري 2006 خليجي