وكالة عبداللطيف جميل ..مع التحية

[الصــرح]

بسم الله الرحمن الرحيم

رسالة إلى/ محمد عبداللطيف جميل .. وكيل تويوتا بالمملكة

السلام عليكم ورحمة الله وبركــــاته وبعد


بتاريخ16/9/1432 هــــ قمت بشراء سيارة من فرعكم بجدة شارع الأمير سلطان بن عبدالعزيز. وهي من نوع لاندكروزرgxr-4 موديل 2011 وقمت بنفس التاريخ بتحرير شيك باسم شركتكم بمبلغ 207،100 ريال شامل اللوحات والعازل الحراري. على وعد التسليم خلال مدة أقصاها إسبوع . وخلال تلك الفترة كنت على إتصال مع موظف المبيعات/محمد قمصاني عن طريق جواله والذي كان يخبرني بدوره عن عدم إنتهاء السيارة من تجهيز الإكسسوارات(كما يسموها) من مستودع الخمرة بجنوب جدة
لكوني كنت مستعجلاً بالسفر بتلك السيارة المنتظرة إلى القصيم مع عائلتي . إلا أنني فوجئت بأن سيارات أخرى من نفس الطراز تم تسليمها لأصحابها بتاريخ26و27 علماً بأنهم قاموا بعقد الشراء بعدي بأيام وأنا أحق منهم لذا توجهت إلى مدير الصالة (محيي) من الجنسية السورية وأبلغته بالأمر وبدوره أكد لي بأن سيارتي سبب تأخيرها هو أن الإكسسوارات المطلوبة لدي أكثر من الآخرين وأن السيارة كانت آتية بتاريخ27/9 ولكن المرور منع التريلة التي كانت تحملها من التحرك إلا بعد الفجر . لدرجة أن الموظف محمد قمصاني قام بالذهاب بنفسه للمستودع على سيارته الخاصة تقديراً منه لظرفي رغم أن والده في العناية المركزة (له مني كل التقدير). وقد قام محيي المذكور بوعدي بتسليم السيارة صباح اليوم التالي وأكد لي بكل ثقة مما دفعني لتجهيز أسرتي وحقائبي للسفر .. ومع الأسف الشديد
قمت بالحضور إلى الفرع صباح يوم 28/9/1432هــ وقام مسؤول التسليم بالإتصال وسؤال أحد الموظفين بالمستودع فأفاده بأن السيارة خارج المستودع منذ خمسة أيام ولكن المفاتيح مفقودة ولا يمكن إحضار البديل إلا بعد شهر على أقل تقدير
طبعاً قمت بإلغاء عقد المبايعة فوراُ وأخذت إيصال بهذا الأمر

وإذا كان من حقي أن أتساءل فأسألتي كالتالي:-
لماذا لم يتم إخباري عن فقد المفاتيح بوقت كافي لإتدارك أمري؟
لماذا تم تضليلي بالحجج الواهية عن أسباب تأخير السيارة من مدير الفرع بان الناقلة تم إيقافها من قبل المرور وأن سيارتي إستغرقت وقت أكثر في التجهيز؟
ماهي آليتكم المتخذة في إرجاع المبلغ لي بعد العيد حسب قول مدير الفرع؟
من يتحمل كل هذا التأخير وما حدث لي .. ومن هو المسؤول في نظركم؟

لشركة تويوتا (الأم) كل الإحترام غير موصولاً بشركتم

...آسف على الإطالة وعلى سوء إختياري لشركتكم الموقرة

[الذحاح]

200 الف تضيعها على خردة عبداللطيف جميل انت تدري انه يستورد السيارات مشلحه عشان الجمارك ثم يجيبها في مصنع الخمره ويركب لها قطع من ابو ككللب عشان يكسب من وراك اصطبات صيني جنوط صيني انت شوف الدينمو حق البريمي وحق البازعي كم كبره وشوف دينمو عبداللطيف جميل ناهيك عن ان الاستاندر في البريمي والبازعي يعتبر فل كامل في جيوب عبداللطيف جميل ناهيك عن سوء التجميع ولعلك قرات قصة العائله التي كادت ان تروح ضحية اجتهادات بنقالية عبداللطيف جميل نتيجة خلل مثبت السرعه على طريق الرياض الطائف ناهيك عن واحد معاه هايلكس 2012 مطلعها من الوكالة طلع فيها ماس العدادات المكيف القزاز الانوار ما تشتغل وداها للوكاله وما قدر يصلحونها اساسا ماقدرو يطلعون الماس فين وفي النهاية وداها لورشة معروفه وفككو ظفيرة الكهربا كاملة وطلع الخلل في لمبة المراية الفلشر بسبب فلسفة بنقالية عبداللطيف جميل ودمت سالم يمدحون البريمي

[ملاعب الحرف]

شركة متحكمين فيها الاجانب ايش تنتظر منها

[abdull_ah]

اعوووذ بالله من استغلال بعض الوكلاء في المملكة

[المرتهي]

الله يصبرك على عبداللطيف جميل
واشكرك اخوي الذحاح على اضافتك بصراحة كلامك سليم 100%

ياخوان انا اعرف رجال يشتغل بشركة اتوقع اسمها الحوشاني للمسجلات موجودة بالغرابي بالرياض

هذا الرجال يحلف بالله أن مسجلات سيارات عبداللطيف جميل ياخذها من عندنا

يحلف بالله ( مأظن الرجال بيحط بذمته شيء)

هذا اولا

ثانيا

الي عنده لاند كروزر في اكس ار فل كامل افضل شي عند عبداللطيف جميل ومطلعه من عند عبداللطيف جميل

أبيه يشوف كمبرسر موتره

ويطلع لقطع غيار عبداللطيف جميل ويطلب كمبرسر عبداللطيف جميل

اذا جابه الموظف لك شوفه زين وشف حجمه وأرجع لسيارتك وناظر للكمبرسر الي مركب بسيارتك وشف الاختلاف

عبداللطيف جميل من تجي الفي اكس ار يسحب المسجل
ويسحب الكمبرسر ويبدله بكمبرسر جي أكس ار

الشي الثاني

احنا وش الي حادنا على عبداللطيف جميل والحمراني وكل وكيل كذاب حرامي نشتري من عنده

عدد الاضاء بالمنتدى لا يقل عن 10.000


اي الي حادنا مانقدم شكوى على هالوكلاء

نقول لهم عندنا وكلاء كذابين بالاسعار - بطقع الغيار - وبالصيانه - وبالتسليم السيارات

وبكل شي

كلا شاف مقطع لشباب بجده بالميناء يصورو سطحات تريلات فيها هايلوكسات بدون خطوط يركبها عبداللطيف جميل ويزيد لايقل عن 20 الف

واحنا من نشوف السيارة سعرها غالي قمنا نناقز للبنوك والي يبيع ارض والي يقعد يحد نفسه على مبلغ من راتبه حتى يجمع قيمه السيارة

ويشتري سيارة

لا مواصفات - لا امان - لا وكيل يخدم مثل الناس

يعطيك السيارة كانه متبرعها عليك

الله لايوفقهم ولا يربحهم

اذا استمرينا على هذا الوضع بدون مقاطعه احنا نستاهل الي يصير لنا كشعب السعودية

بزمن عمر أبن الخطاب رضي الله عنه

جاه المسلمين يشتكون يقولوا ياعمر اللحم غالي

قال رضي الله عنه اتركوه لهم

معنى الحديث

نتركها لهم

اقسم بالله مقاطعه لمدة سنه بس اشتري قطع صيني واشترك الاصلي حق عبداللطيف

ولاتشتري سيارات سوا من تويوتا او من اي نوع من السيارات بالسعودية

أجلها لمده سنه

وتشوف كيف عبداللطيف جميل اذا مالقيت الاند كروزر بـ 100 الف

الحين سعره 300
والباترول 300

ياناس 300 اشتري شقه تعزني وتعز اولاد بالمستقبل

اسف على الاطاله

تقبلوا تحياتي

[أبوعابد 22]

ماأقول الا الله لايوفقهم في ها الليله الفضيله

[التعـ King ـديل]

هذه تويوتا عبداللطيف اللتي يستميت بعض الاعضاء في الدفاع عنها .. انا لا ازكي شركه اخرى وكلهم بالهواء سواء .. ولكن انت معك صوره من عقد البيع وصوره من ايصال الغاء البيع .. نصيحه مني لك

كبر السالفه منت خسران شي .. لانك ماراح تطول فلوسك بسهوله منهم وهذاني اقولها لك .. قيمه قطعه ب 450 ريال عباره عن شمعه كامري .. ماطلوني في ارجاع المبلغ ثلاثه اشهر شف فلوسك

كم فيها من 450 ريال واحسب كم راح تنتظر .. ونصيحتي لك اذا بغيت تشتري تويوتا مر على البازعي او اليحيى تشوف الموتر عيانا بيانا قدامك وتدفع قيمته وتستلمه نفسه .. مو تنتظر شهر علشان

ابو جميل يخبص بموترك .. صحيح هم اغلى من ابو جميل ولكن الغالي سعره فيه .. انا من عشاق النيسان ولكن لن انصحك بالنيسان مع اني اشوف انه افضل ولكن انصحك بااجود الموجود من تويوتا

والله ينصرك ويوفقك ويرزقك ماتتمنى ويطعمك من خيره ويكفيك شره

[ولد سبيع]

كلام غايه الروعه اخوي المرتهي
الله يعطيك العافيه ياليت كل من يقرا الموضوع يتعض

[sbider2002]

كل تأخيرة وفيها خيرة . وصدقني ربما تكرة النفس شي وهو خير لها ؟
اولا الحمد لله اللي خلاك تستخير وتكنسل العقد اما يكفي المشاكل اللي تحصل من عبداللطيف من فضايح وبلاوي كل يوم اللي بريك سيارته مايشتغل واللي مثبت السرعة معلق ووووووو؟
اخذ فلوسك واطلع لوكاله البريمي واشتر لك سيارة افضل مائة مرة من سيارات عبداللطيف الصينية اوه اسف قصدي الجابانية تحياتي

[جلمود الحره]

والله ان يبطي عظم ابوجميل ياخذ مني هلله ماهوب 200000 ولاوبعد بفلوسنا ياابو جميل مالك معروف
أسال الله العظيم ان يعطيك على قد نيتك ........... صحيح من أمن العقوبه أساء الادب

[ابو محمد 2011]

ان شاء الله خيره يا الغالي
نصيحة انا عندي لاندكروزر
وانصحك بمعرض رخيص وومتاز
اللي هو اليحيى
بلا بو جميل وبلا لعب
وضمان نفسه حتى 100 الف او 3 سنوات

[محسن اليامي]

أقلب شركة عبداللطيف من أسفلها إلى أعلاها لين ترجع فلوسك ولا تخليهم يخصمون من القيمه هلله وحده انتبه!!!!!

[هاوي الباترول]

السلام عليكم
الله يعينك
ياخوي انقز للامارات وخذلك فطيمي والله مواصفات افضل من ولد جميل بـ 1000 مره وارخص منهم
الله يوفقك باسترجاع دراهمك

[عطيب الشوق]

والله العلي عظيم خاطري اقولك تستاهل ( ماهوب شماته أو تشفي ) لا والله لكن ليه تروح للمجرمين هذول اسمحلي انت الغلطان ما هوب تايوتا ما انت محدود عليهم عندك اكثر من بديل وبعدين وين اللي يقولون خلوها تصدي وخلوها تعفن والله الذي لا إله إلا هو انهم ماكلنا طول بعرض حسبي الله عليهم .. الله يعوض عليك وعلها خيره وانا اخووك

تحياتي لك
ابوسعد

[الجندي2005]

الله يعنيك وينصرك عليهم حراميه ولله المستعان




,

[يالبى الهلا]

قصتي باختصار لدى شركة ابو جميل
شريت كرتير حق زيت القير من الوكاله وحسب كلام البائع انه بركب على الجيب vxr100%100vxr
وعند فك الكرتير القديم طلع اكبر من القديم والاختلاف واضح فطوالي على شركة جميل لاختلاف الشكل ومقارنته على الواقع فقالي البائع هذا الجيب غير سعودي خليجي

[MGS88]

الى الحين مدري ليه الناس تاخذ منه بعد كل المشاكل ولا زلنا نستكشف اخر سلبيات ابو جميل
زود علي مبلغ بس اضمن السياره لانها مهي لعبه ولا هي رخيصه عشان استخسر فيها
خذ من البازعي نصيحه لوجه الله ارحم من جميل

[الصارم 444]

حسبي الله على نصاب وحقير من هؤلاء التجار الجشعين اللي يلعبون على المواطن وكذلك على كل من له سلطة ولا يستخدمها لحماية المواطن من النصب والغدر

[V 8]

أعرف واحد شرى سيارة GXR-3 V8 بتاريخ 15 / 6

وحرر لهم شيك وسحبوه

ثم حصل زلزال اليابان وارتفعت السيارات وباعوا موتره للشريطية وجحدوه

وطلعوا عيوب بالعقد والشيك مع انهم ساحبينه

واستمر في مطالبات وهم منكرين وراح لجده بيقابل محمد عبداللطيف جميل يحسبه بيحل المشكلة وطاح في تصريف وتطفيش ولا قابله

وفي نفس الوقت ما رجعت فلوسه

ماطلوا بالسيارة والفلوس

ويوم ارادوا تصريف 2011 وتوفرت اتصلوا عليه بتاريخ 10 / 9 يخبرونه بتجهيز سيارته


لكن الحساب يوم الحساب

[صنات الشيباني]

هب يا بو جميل يالحرامي
حطيت في الجكسار 2003 مسجل سوني حق هنووود ابو الوان وسكتنا وقلنا ابو جميل راح يتعدل وحطيت في الجكسار 2005 فل جنوط صيني وسكتنا وحطيت في الفكسار مكينة جكسار 8 سلندر وسكتنا موديل 2009 و2010 وسكتنا وحطيت جكسار 60 عام مثل خشتك كاميرا ورى تلفيق تقول ماصوره بيب مغطيه على اللوحه وسكتنا
وصلت فيك انك تسرقوووون عيني عينك
انا ابي اعرف شي واحد وين المسؤلين عنه
اول شي بغى يضحي بحياة عائله كامله والسبب هو
وثانيا سارق واولهم الضحيه رفيق السفر
وش بعد ينتظروووون المسؤلييين
دام فيه فحص دوري >>> تخافووون على حماية حياة الموااااطن وسيارته
خافواااا علينا من هالحراميه عبدالطيف جميل وحسن جميل
والله العضيم واقسم بالله يالربع ان اخوي يوم من الايام راح للوكاله طبعا مو الحرامي ابو جميل
وكالة الجزيره للسيارات فووورد ناوي على كروان فكتوريا اخر موديل يوم اتفق مع الوكاله على السعر
فجأه يقولي اسمع اصوااات عند بوابة الوكااااله وشوي رحت اقرب من هالرجال والا السالفه فيها ان ويقول اخوي رحت للرجال وابغى اعرف وش السالفه الا يقولي الوكاله بايعين لي سياره مرشوشه جنب ويقول واتفاجأ سياره جديده زيرو ممرشوش جنب سلاماااات وارجع والغي المبايعه بيني وبين الوكاله خاف لا يطيح مثل ما طاح الرجال
وين المسؤلييين عن هؤلاء الحرااااميه
لكن نقول لكم رب ما يظلم احد ادعوا الله عز وجل ان يمدكم في نار جهنم وينصرنا عليكم بالدنيا والاخر يابو جميل واشكاله
انت موابو جميل انت ابو الملعنه يالحرامي |>>> يرفع الضغط قاطعوااااا قاطعواااااااهم تكفووووون يالربع
مو لا زم من هالحرامي عندك البريمي والفطيم واليحيى وش اللي حدك على ذا النصااااب

[بن سليمان]

ربما الله ابعد عنك وعن اسرتك شرا لا يعلمه الا هو سبحانه

[ابوضيف الله]

ياناس ياعالم وكالة اللي يديرها مصريين خبراء واخصائيين النصب والاحتيال في العالم اجمع
لايهمك اللي السعوديين اللي هم حاطينهم بالواجهة والسكيورتي شف الباقين عبدالمعطي وجماعته
ياناس نصب عينك عينك وحنا نستاهل نتكلم ونسب فيهم ونروح نشتري منهم
شف الخليجي كيف والسعودي كيف بالمواصفات
ياناس ياعالم اضربوا من الشراء من عبداللطيف جميل المصري وشوفوا وشلون بيسوي عروض وخصومات
وموظفينه اللي لاجيت للواحد منهم يكلمك بطرف خشمة كنة هو اللي بيدفع قيمة السيارة لك
شلة مصارية ونصب عينك عينك ونظام مصري خايس مثلهم

[قطاااع الدروب]

قااااااااااااااااااااطعوا عبداللطييييييييييييييييييف جميل ...............
.................................................. .................................................. .................................................. .....................

[أميرالعشاق]

ياجماعة الخير...اللي عنده سيارة وأموره ماشية..ليش ما يصبرعليها ويحمد ربه؟؟؟
السيارات الجديده ماهي أقوى ولا تخدم مثل القديمة وفوقها قطع غيارها ناااااار..
فأصبروا على سياراتكم القديمة وقاطعوا الوكلاء الجشعين وسياراتهم الغالية الرديئة الصنع..
وكل عام وانتم بصحة وسلامة وخير

[You Like Me]

ربما الله ابعد عنك وعن اسرتك شرا لا يعلمه الا هو سبحانه

:good2:

لا حول ولا قوه إلا بالله
لكن للأمانه مدام بوصل لهالمبلغ
والله ما اخذه من عبداللطيف جميل
حتى لو ماتعنيت للخليج .... المعارض في السعودية مليانه خليجي

[شاص نيسان 93]

تستاهل محد قالك تطق باب ابو جميل على كثر مشاكله في المنتديات

[Lover gmc]

الله يصبرك على عبداللطيف جميل
واشكرك اخوي الذحاح على اضافتك بصراحة كلامك سليم 100%

ياخوان انا اعرف رجال يشتغل بشركة اتوقع اسمها الحوشاني للمسجلات موجودة بالغرابي بالرياض

هذا الرجال يحلف بالله أن مسجلات سيارات عبداللطيف جميل ياخذها من عندنا

يحلف بالله ( مأظن الرجال بيحط بذمته شيء)

هذا اولا

ثانيا

الي عنده لاند كروزر في اكس ار فل كامل افضل شي عند عبداللطيف جميل ومطلعه من عند عبداللطيف جميل

أبيه يشوف كمبرسر موتره

ويطلع لقطع غيار عبداللطيف جميل ويطلب كمبرسر عبداللطيف جميل

اذا جابه الموظف لك شوفه زين وشف حجمه وأرجع لسيارتك وناظر للكمبرسر الي مركب بسيارتك وشف الاختلاف

عبداللطيف جميل من تجي الفي اكس ار يسحب المسجل
ويسحب الكمبرسر ويبدله بكمبرسر جي أكس ار

الشي الثاني

احنا وش الي حادنا على عبداللطيف جميل والحمراني وكل وكيل كذاب حرامي نشتري من عنده

عدد الاضاء بالمنتدى لا يقل عن 10.000


اي الي حادنا مانقدم شكوى على هالوكلاء

نقول لهم عندنا وكلاء كذابين بالاسعار - بطقع الغيار - وبالصيانه - وبالتسليم السيارات

وبكل شي

كلا شاف مقطع لشباب بجده بالميناء يصورو سطحات تريلات فيها هايلوكسات بدون خطوط يركبها عبداللطيف جميل ويزيد لايقل عن 20 الف

واحنا من نشوف السيارة سعرها غالي قمنا نناقز للبنوك والي يبيع ارض والي يقعد يحد نفسه على مبلغ من راتبه حتى يجمع قيمه السيارة

ويشتري سيارة

لا مواصفات - لا امان - لا وكيل يخدم مثل الناس

يعطيك السيارة كانه متبرعها عليك

الله لايوفقهم ولا يربحهم

اذا استمرينا على هذا الوضع بدون مقاطعه احنا نستاهل الي يصير لنا كشعب السعودية

بزمن عمر أبن الخطاب رضي الله عنه

جاه المسلمين يشتكون يقولوا ياعمر اللحم غالي

قال رضي الله عنه اتركوه لهم

معنى الحديث

نتركها لهم

اقسم بالله مقاطعه لمدة سنه بس اشتري قطع صيني واشترك الاصلي حق عبداللطيف

ولاتشتري سيارات سوا من تويوتا او من اي نوع من السيارات بالسعودية

أجلها لمده سنه

وتشوف كيف عبداللطيف جميل اذا مالقيت الاند كروزر بـ 100 الف

الحين سعره 300
والباترول 300

ياناس 300 اشتري شقه تعزني وتعز اولاد بالمستقبل

اسف على الاطاله

تقبلوا تحياتي


عز الله انك صادق .. ياخي عندك مجتمع جاهل بلا عقل للاسف وهذا اللي دمرنا

يطلع من وكاله ابو جميل وهو مديون ومستلف من 20 واحد .. ليش عشان لاقالوا هذي سيارتك

قال ايه , هذي سيارتي ومايركبها غير الشيوخ

اذا هذا الشيخ , ماقول الا الله المستعان

رح شفه لاجاء يرجع الدين , ينذل ذل فيها من بعض ناس تبي فلوسها تبي تعيش عيالها

:(

[الصــرح]

إلى الأخوة الأعضاء الكرام والذين أثروا هذا الموضوع

جزاكم الله خير على مداخلاتكم ولا حرمني الله أخوتكم

وعيدكم مبارك وعسى ربي أن يتقبل صيامكم وسائر طاعاتكم

وبالفعل هي (خِيرة من الله ) فالحمدلله على كل حال

ولكن يؤسفك عدم مبالاة الشركة بما تأول إليه أمورك

والمهم الوحيد هو كسب الشركة دونما أدنى إهتمام بكسب

العملاء والذين هم أساس نجاح أي مشروع بعد الله طبعاً

إذن سيكون الخيار البديل هو الخليجي بإذن الله وتوبة من المحلي

مع علمي بأن إستخدامي للسيارة لن يتجاوز السنتين

وأن معارض السيارات بجدة (أنا من سكان جدة) لا

يفرقوا بين الخليجي والمحلي ولعدم الطلب على الخليجي

إلا أنني مع هذا لن أشتري بعد الآن إلا من وارد الخليجي

وبالنسبة لعدم إكتراث شركة عبداللطيف بخسارتها لعملائها

( المواطنيين ) وتبجحها بذلك أقول كلمة واحدة أرجو

أن تجد منهم أذن صاغية :-


ملوك وعروش زالت بسبب التمادي بالظلم ودعاء الناس

والكبر على الآخرين فما بالكم وأنتم شركة إستمدت قوتها

من الشركة الأم التي تمثلوها وليست لجدارتكم لذا صدقوني

أن كل بداية ولها نهاية .. وكل كبير قد يأتي يوماً صاغراً ذليلا

.....................


أكرر شكري للجميع

[عبدالله2009]

يا اخوان عندي كلام وابي اقولة


انا توني مطلع لاندكروزر2011 جي اكس ار 3

من عبداللطيف جميل بقيمة 207

قبل اشتري ... كلمت مدير تنفيذي في عبداللطيف جميل

وقلت انتم تصنعون الللاندكروزر هنه بالسعودية ؟؟؟؟

وتفكون القطع وتستبدلونها


يقول وش الي نفك مسجل ونفك صدام ... ونغير كمبرسر ونغير صدام ونغير مكينة

معقولة فيه ناس بالسذاجة هذي .. يعني بنسوي مصانع تويوتا عندنا والا كيف

تتوقعون لو عبداللطيف يغير المسجل ... يبيع في السنة حوالي 200 الف سيارة

وش بيسوي في المسجلات الي فكها ... الظاهر بيرميها في البحر


السيارة تنطلب بمواصفات معينه ... وهو يركب بعض الاكسسوارات ... صحيح

زيه زي اي وكيل ... زي الفورد يركب شاشة افالون



وعلى فكرة اشوف للخليجي قايمة دعاية رهيبة ... قسسسم بالله الخطوط شكلها يلوع بالكبد

كانها هايلكسات ... يزيد علي 30 الف البريمي عشان لصقة يحطها بالباب ومراية نيكل

سلااااااااااااااااامات ... اصلا شكلها مو لايق وما اتوقع تويوتا تحطها وشوفوا الجيب الياباني


والله ان الصيني زي حق الفطيم بالضبط يحوووووووول


اقول سلم لي على الاصلي والمرايات الاصلي .... هههههههههههه

[الذحاح]

يا اخوان عندي كلام وابي اقولة


انا توني مطلع لاندكروزر2011 جي اكس ار 3

من عبداللطيف جميل بقيمة 207
الله يلزم لنا ولك

قبل اشتري ... كلمت مدير تنفيذي في عبداللطيف جميل

وقلت انتم تصنعون الللاندكروزر هنه بالسعودية ؟؟؟؟

وتفكون القطع وتستبدلونها
ماحد تكلم عن التصنيع خابرين انه ما يصنع يجمع السيارات في الخمره تجميع زي وجيه البنقاليه حقينه


يقول وش الي نفك مسجل ونفك صدام ... ونغير كمبرسر ونغير صدام ونغير مكينة

معقولة فيه ناس بالسذاجة هذي .. يعني بنسوي مصانع تويوتا عندنا والا كيف

تتوقعون لو عبداللطيف يغير المسجل ... يبيع في السنة حوالي 200 الف سيارة

وش بيسوي في المسجلات الي فكها ... الظاهر بيرميها في البحر
ثانيا ماحد قال انه يفك مسجلات ويركب بدالها تكلمنا انه يجيب سيارات فقط محركات رئيسيه وبدي والباقي يكمله بقطع ابو ككلب عشان يوم يستورد السياره تطلع عليه رخيصه من الشركه وجمركها رخيص


السيارة تنطلب بمواصفات معينه ... وهو يركب بعض الاكسسوارات ... صحيح

زيه زي اي وكيل ... زي الفورد يركب شاشة افالون



وعلى فكرة اشوف للخليجي قايمة دعاية رهيبة ... قسسسم بالله الخطوط شكلها يلوع بالكبد

كانها هايلكسات ... يزيد علي 30 الف البريمي عشان لصقة يحطها بالباب ومراية نيكل

سلااااااااااااااااامات ... اصلا شكلها مو لايق وما اتوقع تويوتا تحطها وشوفوا الجيب الياباني
ال30الف قيمة القطع الاصلي اللي مركبينها باليابان ومجمعينها باليابان تجميع ممتاز مو هشك بشك زي صاحبنا وقطع صيني

والله ان الصيني زي حق الفطيم بالضبط يحوووووووول


اقول سلم لي على الاصلي والمرايات الاصلي .... هههههههههههه
واخيرا اقول سلم لي على اللي يعززون لاولياء نعمتهم

[عبدالله2009]

واخيرا اقول سلم لي على اللي يعززون لاولياء نعمتهم



كلامك جدا جميل ...

معناه اني وصلت معك انهم يركبون بس اكسسوارات ؟؟؟

طيب ما تفرق معي اذا هو بيركب مراية بنفس لون السيارة ويركب عليها اشارة ...


قسسسم بالله اجل البنقالية الي معه انهم فنانين مرة مرة ...

ولا يركب مراية نيكل مخلعه من هايلكسات قديمة ومركبة على اللاندات الجديدة ويزرف مني 30 الف يالله من فضلك بس

http://www.haraj.com.sa/cache2/2217d755b7f9a20add36374c85b27508.jpg


ترا راعي السيارة هذي يشكي يقول ما عاد حصلت قطع للعراوي ... :D

[صنات الشيباني]

واخيرا اقول سلم لي على اللي يعززون لاولياء نعمتهم

عز الله انك صدقتك يالذحاح
ابو جميل المصري عز الله هجولبنا يالربع بس ادعي الله سبحانه انه يورينا فيه عجائب قدرته قولوووا امين

[ددسن180]

حسبي الله ونعم الوكيل
اخواني لازم حمله
خليها تصدي ترجع
لو يرحون العالم لي نيسان سنتين بس
والله ان يتادب ابو جميل خويكم هذا
خل نيسان انا اوويد بصراحه الخليجي
وخل ابو جميل سياراته يصور جمبهن والله ان تشوفون التخقيضات
وبعدين ترا طولها سارقنا انتم تدرون انه يكسب بي الاند كروزر 30 الف ريال
انا اطالب وبقوه ان الشعب السعودي يتجه لي الخليجي واذا شريته جديد خليجي
يدخل فحص الف عند ابو جميل عصب عن خشمه لا ابو جميل يشتغل لي تايوتا في اليبان ما يشتغل لروحه
والله لا يكثر زي ابو جميل واشكاله
بصراحه انا تاثرت بموضوع الرجال والله يعينك متى يرجعون المبلغ
الله يستر عليكم جميع
(((((((((((((بصوت واحد وبقوه واحده من الان او من اللحضه هذي الخليجي الخليجي الخليجي ))))))))))

[الذحاح]

يا اخوان عندي كلام وابي اقولة


انا توني مطلع لاندكروزر2011 جي اكس ار 3

من عبداللطيف جميل بقيمة 207

قبل اشتري ... كلمت مدير تنفيذي في عبداللطيف جميل

وقلت انتم تصنعون الللاندكروزر هنه بالسعودية ؟؟؟؟

وتفكون القطع وتستبدلونها


يقول وش الي نفك مسجل ونفك صدام ... ونغير كمبرسر ونغير صدام ونغير مكينة

معقولة فيه ناس بالسذاجة هذي .. يعني بنسوي مصانع تويوتا عندنا والا كيف

تتوقعون لو عبداللطيف يغير المسجل ... يبيع في السنة حوالي 200 الف سيارة

وش بيسوي في المسجلات الي فكها ... الظاهر بيرميها في البحر


السيارة تنطلب بمواصفات معينه ... وهو يركب بعض الاكسسوارات ... صحيح

زيه زي اي وكيل ... زي الفورد يركب شاشة افالون



وعلى فكرة اشوف للخليجي قايمة دعاية رهيبة ... قسسسم بالله الخطوط شكلها يلوع بالكبد

كانها هايلكسات ... يزيد علي 30 الف البريمي عشان لصقة يحطها بالباب ومراية نيكل

سلااااااااااااااااامات ... اصلا شكلها مو لايق وما اتوقع تويوتا تحطها وشوفوا الجيب الياباني


والله ان الصيني زي حق الفطيم بالضبط يحوووووووول


اقول سلم لي على الاصلي والمرايات الاصلي .... هههههههههههه


حسبي الله ونعم الوكيل
اخواني لازم حمله
خليها تصدي ترجع
لو يرحون العالم لي نيسان سنتين بس
والله ان يتادب ابو جميل خويكم هذا
خل نيسان انا اوويد بصراحه الخليجي
وخل ابو جميل سياراته يصور جمبهن والله ان تشوفون التخقيضات
وبعدين ترا طولها سارقنا انتم تدرون انه يكسب بي الاند كروزر 30 الف ريال
انا اطالب وبقوه ان الشعب السعودي يتجه لي الخليجي واذا شريته جديد خليجي
يدخل فحص الف عند ابو جميل عصب عن خشمه لا ابو جميل يشتغل لي تايوتا في اليبان ما يشتغل لروحه
والله لا يكثر زي ابو جميل واشكاله
بصراحه انا تاثرت بموضوع الرجال والله يعينك متى يرجعون المبلغ
الله يستر عليكم جميع
(((((((((((((بصوت واحد وبقوه واحده من الان او من اللحضه هذي الخليجي الخليجي الخليجي ))))))))))
ياخوي ما نبي تخفيضات نبي سيارات امنه مواصفات فل ابشن قطع اصليه وعلى قولة المثل لا قمت يا جمل ماعاد تعسرك الزنه يعني اللي قادر يدفع 200الف يقدر يدفع 20الف زياده ويشتري سياره امنه له ولعايلته ومواصفات فل ابشن وظنك انه ما تم مقاطعة عبداللطيف جميل قبل كذا بس عرف لها وسوا دعايات ووووووووو الين رجع سوقه ولا تنسون انه هو من كان يقف خلف قرار منع تصدير السيارات اكثر من خمسه موديلات عشان يقدر يصرف الاخ اكبر كمية

[Lover gmc]

واخيرا اقول سلم لي على اللي يعززون لاولياء نعمتهم

الغريب

كيف تويوتا نفسها ترضى بـ هالشي

وتورد لـ وكيل كبير بالخليج

هذا يشوه سمعتها

المفروض تمنعه

[بــح ــر الــكــرم]

السلام عليكم ورحمة الله وبركاته


اخوي ياليت ترسل لي شكواك على الخاص ورقم جوالك وايميلك وابشر من يشرشحهم لك في الجرايد

ويجون لعندك يعتذرون لك



وللمعلومية مهوب انت لوحدك كثير منهم زيك بس وين الي يشتكي ويطالب بحقة

لك كل الود


..

[روح الشمال9]

ياخي معروف شركة عبداللطيف حراميه كل الناس تدري .
بس تدري ارفع دعوه عليهم رح يرجعون فلوسك ويدفعون الظرار اللتي لحقت بك من تاخير وتعطيل مصالحك
حرررررررررررررررررررررميه بل فم المليان

[الصــرح]

السلام عليكم ورحمة الله وبركاته




اخوي ياليت ترسل لي شكواك على الخاص ورقم جوالك وايميلك وابشر من يشرشحهم لك في الجرايد


ويجون لعندك يعتذرون لك




وللمعلومية مهوب انت لوحدك كثير منهم زيك بس وين الي يشتكي ويطالب بحقة


لك كل الود




..




حاولت مراسلتك

ولكن !!

خاصية الرسائل الخاصة لديك غير مفعلة

مع شكــري لإهتمــامك

[طحنون]

اسطوره تايوتا انتهت والى الحين الناس مخدوعين فيها سيارات مبالغ في اسعارها بشكل جنوني وجوده رديئه جدا
سياره كامري وصل سعرها الى 95 الف على ايش شاص وصل 145 على ايش فيه بدائل كثيره لاكن

ماعندنا ثقافه الشراء ابد

[عبدالله2009]

يا جماعة تفكروني ادافع عن ابو جميل


والله ما افتكرت في شاربة <<< اصلا ما عندة شارب :D


بس والله حرام 30 الف زيادة على الخليجي واخر شي القاها كلها على المسجل


يعني المفروض الحملة تكون على ابو جميل وعلى البازعي والبريمي واليحي ... والشلة الباقيين

وان جيتوا للصدق ترا ارخصهم ابو جميل يعني الباقيين اولى ... اما الي يبي سيارة والله ان يطلعها ويجي يبربر هنه حملة حملة ... تراني قبل سنتين حتى انا كنت مؤيد لحملة خلوها تصدي ... ويوم احتجت سيارة طلعت والله لو تكون بـ 6 مليون فكونا من الخراط

ترا نتكلم عن سيارة مو عن طماط

*********


بييييب ... بييييب ... بيييب ......... دقيقة هذي سيارتي كنت اشغلها من بعد ,,, من الدور الثاني يا الذحاح :good2:

[صياد الجبل]

عبداللطيف جميل هالسوداني لازم نوقفه عند حده


مثل هالدخيل علينا جالس يسلب وينهب في اموال المواطنين


على ايش لازم نوقفه عند حده لازم نتقدم بشكوى لاي الجهات الحكوميه


ياشباب الله يديم وارد البازعي وارد بهوان


خلي هالسوداني يفلس


والله اني معصب قسم اني ضغطي ارتفع من الي شفته



حسبي الله على كل ظالم وكل شجع وعلى كل من يخادع المسلمين


حسبي الله عليهم حسبي الله عليهم

[forgeten]

اسطوره تايوتا انتهت والى الحين الناس مخدوعين فيها سيارات مبالغ في اسعارها بشكل جنوني وجوده رديئه جدا
سياره كامري وصل سعرها الى 95 الف على ايش شاص وصل 145 على ايش فيه بدائل كثيره لاكن

ماعندنا ثقافه الشراء ابد

أخي الكريم طحنون
كيف تبي عندنا ثقافة شراء و الواحد اذا سأل عن السيارات قالوله :"ما لك الا تويوتا" !!!!!!
تحياتي