مساعدكم يا الربع الزيت من ثقله صار بترول

[حبل الوريد]

السلام عليكم ورحمة الله
يا اخواني عندي كامري 2001
مشكلتها كالاتي

الموتر جلست فتره اتعاقبه انا واخوي واللوالد
وكلن اعتمد على الثاني بتغييره الزيت
الموتر جلس له 10000 كيلو ما غير زيته
ومن بعدها ما شاف الخير

اولا
اول ما اشغل السياره صوت طقطه تقول بنز ديزل واذا احتمت يروح
وكذلك اذا صرت مفظي الموتر ووصل الغط لين 5 وحولها يطلع صوت طقطه كذلك

اما الزيت بعد التغييره الاولى شفته اسود ومشيتها
البارح رحت اغيره بعد ما مشت 4000 كيلو
والله يا جماعه انا واليمني شوي وندخل الانعاش يوم شفت الزيت
قسم بالله انه نفط مهو زيت ممكينه ثقييييييييييييل واسووود
لزوجة كنه سميت :(

عموما انا بعد العيد بفحصه كمبيوتر واشوف وش علمه
لكن ابيكم يا خبرائنا تعطوني توقعاتكم عشان يكون عندي خلفيه شيء بسيط



ارجو انكم
تفيدوني

[المرتهي]

اتوقع طبيعي خصوصا اذا مشاء الموتر اكثر من 200 الف تطلع طقطقه

انا مره مشيت سيارة على زيت 8 اشهر والله ولا غيرته

وسياره ثانية مشيتها فوق 6 اشهر ولا اثر

انا اقول لك غير زيت ومشه حق يومين وارجع غيره ثاني

هذي وجهة نظري انا

والاخوان راح يساعدوك بأذن الله

تقبل تحياتي

[التعـ King ـديل]

من كلامك افهم ان الزيت طول والمكينه شبه نظيفه .. لكن مر على مشحمه محترف اليماني اللي فيها وقله اغسل لي المكينه من الزيت وركب زيت خفيف 10/30 وامش عليه 500 الى 1000 كيلو

وبعدين غير الزيت لان الموتر جيم من الزيت القديم وصار عندك مشكله بالبلوف .. وان شاء الله هالحركه تفيدك ماتحتاج فك مكينه ولا شي وزن بلوف

[aboraish]

مثل ما قالك الاخ المرتهي غير الزيت ومشه يومين وغيره علشان الرواسب والزيت الجامد ينزل اذا غيرته مره ثانيه

وبخصوص الزيت انا عندي موتري اذا طلع صوت المكينه كنه مكينه ديزل اشيك على الزيت واحصله ناقص علبه ولا نص علبه

[عين حصنان]

من كلامك افهم ان الزيت طول والمكينه شبه نظيفه .. لكن مر على مشحمه محترف اليماني اللي فيها وقله اغسل لي المكينه من الزيت وركب زيت خفيف 10/30 وامش عليه 500 الى 1000 كيلو



وبعدين غير الزيت لان الموتر جيم من الزيت القديم وصار عندك مشكله بالبلوف .. وان شاء الله هالحركه تفيدك ماتحتاج فك مكينه ولا شي وزن بلوف


برافووووو يالذيب ... أشكرك انته 100%

[برق الحماد]

ياخي فيه حل بسيط

فيه زيت تنظيف الماكينه من الكربون
وتحصله في المحلات
او تحصله عن وكالة ميستوبيشي لاني شفته عندهم
سعره تقريبا 35 ريال
قبل تغير الزيت وانت عن البنشري صب العلبه في الماكينه واتركها شغاله 10 دقايق
وبعدين غير الزيت والسيفون

[حبل الوريد]

اللع يعطيك العافيه يا اخواني
انا اصلا ناوي اغير الزيت نوبه ثانيه اليوم
لكن الي مخليني مستغرب انها ما كانت كذا اول
وبعدين ما قلتو وش رايكم بصوت الطقطقه الي غلديه كنها مكينه ديزل اول ما تشتغل

[ماون ماركز]

الزيت ماله علاقة بالموضوع ..

بكتالوج الصيانة للسيارة .. شف كم مدة تغير الزيت ؟

تحصلها 12 ألف ..

[عفشك مكمل]

يارجال بيهونها الله

نتركه احيانا اكثر وساتر الله على مويتراتنا

[عاشق السيل]

من كلامك افهم ان الزيت طول والمكينه شبه نظيفه .. لكن مر على مشحمه محترف اليماني اللي فيها وقله اغسل لي المكينه من الزيت وركب زيت خفيف 10/30 وامش عليه 500 الى 1000 كيلو




وبعدين غير الزيت لان الموتر جيم من الزيت القديم وصار عندك مشكله بالبلوف .. وان شاء الله هالحركه تفيدك ماتحتاج فك مكينه ولا شي وزن بلوف


نفس كلام أخوي كنق ،، خل أبويمن يغسل لك المكينة وحط زيت خفيف وأنا متأكد إن الزيت اللي كان موجود ثقيل بالحيل وأنتم كملتوا عليه ومشيتوا عشر آلاف !!! وأشك إنه زيت دفرنس هههههه

أخوي إذا تواست أمورك بعد الغسيل أنصحك بزيت بترومين إما الأبيض أو ألترا سفن ولا تتعدى خمسة آلاف ولا يهمك كتالوج الوكالة ،، والله يوفقك ....

[هويدي]

غيرت سير التيمن ؟

كان مع اخوي كامري 2002 انقطع عليه سير التيمن وحاس الدنيا فنصيحتي غيره قبل لا ينقطع عليك

[الكلاسك]

هذه المشكله السياره اللي عليها اكثر من رجل كلن يعتمد على الثاني كنها سيارة ايجار

[VTC 2002]

من كلامك افهم ان الزيت طول والمكينه شبه نظيفه .. لكن مر على مشحمه محترف اليماني اللي فيها وقله اغسل لي المكينه من الزيت وركب زيت خفيف 10/30 وامش عليه 500 الى 1000 كيلو

وبعدين غير الزيت لان الموتر جيم من الزيت القديم وصار عندك مشكله بالبلوف .. وان شاء الله هالحركه تفيدك ماتحتاج فك مكينه ولا شي وزن بلوف


:good2::good2: عليك بنصيحة اخي كنق التعديل من غير اقصور في كلام الاخوان الباقين