المساعد الشخصي الرقمي

مشاهدة النسخة كاملة : لمن أراد شراء سياره مستعملهْ ~~~~ [ ماذا تفضل ] ؟!


سرطوقا
29/08/2011, 09:45 AM
السلام عليكم ورحمة الله وبركااته

اللهم صلي على نبينا محمد

هل يهمك البدي اكثر من الممشى

ام يهمك الممشى دون البدي

يعني ممكن تحصل سياره ماشيه واجد لكن البدي نظيف

او تحصل سياره البدي حقها يعني فيه ضربات وفيه وفيه لكن الممشى قليل

وشكرا لكم
جلمود الحره
29/08/2011, 10:00 AM
وعليكم السلام

كل شي يهون ويتصلح ويتغير الا البدي اذا جاه طقوق وسمكره ومعجون عليه السلام ثم عليه الحراج
Abusliman
29/08/2011, 10:05 AM
بالنسبة لي اذا بتخيرني بين هايلكس 2008 ماشي 70 الف وفيه بالرفارف الخلفيه صدوم
ولا 2008 ماشي 200 وبديه نظظيف
بالنسبه لي باخذ ابو 70 الف دام الصدمات ماهي بالوجه او الرفارف الاماميه طبعاً تكون الرشه حلوهـ ومهب باينه
بس لا كانت الصدمه بالوجه ما ينبغى ولا بريال
عاشق السيل
29/08/2011, 06:07 PM
وعليكم السلام ورحمة الله وبركاته ،،

بالنسبة لي اهتماماتي مرتبة طبعا بعد ما ألقى الموتر اللي أبيه والموديل المناسب واللون الزين :

1 ـ أهم شي نظافة المحركات ،،
2 ـ نظافة البدي والديكور الداخلي ،،
3 ـ عداد الطبلون ،،
4 ـ عدد المالكين مايهمني بش إن شاء يكونون عشرة !!!
سرطوقا
29/08/2011, 07:10 PM
جلمود حياك الله اخوي [ وانا أفضل البدي على المحركات ]

تقبل ودي
سرطوقا
29/08/2011, 07:11 PM
ابو سليمان [ يمكن انت مافكرت بعدين تبيعه لأن الناس غالبا ماتهتم وتفكر اذا شرت سياره بتبعها بعدين وتخاف اذا جاء يبيعها يشتكي الشاري من الصدوم وينزل في قيمتها ]


شاكر لك مرورك
سرطوقا
29/08/2011, 07:12 PM
عاشق السيل اللي فهمته منك عادي لو جات ضربه بالسياره وتعدلت تعديل زين وكل مافي السياره زين من لون وشكل بتاخذها


وحياك الله وعيدكم مبارك جميع
عاشق السيل
29/08/2011, 07:55 PM
عاشق السيل اللي فهمته منك عادي لو جات ضربه بالسياره وتعدلت تعديل زين وكل مافي السياره زين من لون وشكل بتاخذها


وحياك الله وعيدكم مبارك جميع

الحوادث القوية تبعدني عن السيارة تماما لكن الدقشات الخفيفة والمخوش حتى لو ماتم تعديلها ماتهمني !!!

أهم شي المحركات والنظافة العامة والحشمة بالاستخدام ،، وش فايدة البدي إذا صار وكالة والمكينة تهرب أو القير فيه فضاوة أو الحرارة ترتفع .......
برايدوي عنيد
29/08/2011, 08:14 PM
بالنسبه لي اشوف الممشى والبدي

مشي السياره يختلف ممكن تلقى ماشي 100 الف لكن تحتى الموتر منتهي ويحتاج تربيط بالمقابل تلقى ماشي 200 الف ومتماسك ولايحتاج صيانه

ممكن تتغاضى عن صدمه خفيفه او ليست بقدامي الموتر

لان الصدمه القويه وخاصه بالمقدمه توثر على السياره بجميع النواحي

والخلاصه على مااعرف اهل نجد والقصيم خاصه اهم شي عندهم البدي ثم ياتي محركات السياره , لوناظرت للمواتر نظيفه من جهه البدي تلقاه مكينته ممتازه ومتماسكه (علاقه طرديه)

هذا رائي وتقبل مروري...
سرطوقا
29/08/2011, 08:38 PM
عاشق اذا لك تجربه قبل كذا وشريت سياره عدد ملاكها كثير وليس فيها اي عيب

وحياك الله ياخلفهم
سرطوقا
29/08/2011, 08:39 PM
هلا براعي بريده يالله حيه

نعم صدقت قد تكون السياره سيارة خطوط وماشيه واجد ولادخلت بر وماتأثر فيها شي

بخلاف اللي ممشاها قليل واللي دائما بالبر وتأثر كل شيء فيها

رأي سديد

شكرا على المرور

وتقبل ودي
دل البحار
29/08/2011, 08:57 PM
أهم شيء نظافة السياره بالكامل وبوية بلدها ومحركاتها شد بلد والمشي لايتعدى 60 الف
لو مرشوشه قل الله يخلف على البدي وشف كم بينزل من سعرها يطيح من 40 الف الى 20 الف لو مرشوشه
،،المحركات لو اسلاكها ملزقه وشطرطونات والصواميل باين اثار المفكات والمفاتيح عليها اتركها على طول لو هيه تلمع ..
dejjo
29/08/2011, 09:16 PM
السلام عليكم ورحمة الله وبركاته

اولا شي اهم شي في السيارة المستعملة الشاصي يكون ماجاه شي

ثانيا البدي يكون من الامام ما به صدمات اهم شي من الامام والديكور الداخلي يكون نظيف

المحركات الاساسيه والاستهلاكية والثانويه امرها سهل تبديل وانت ماشي مع التربيط والتشييك

هذا من وجهه نظري
مقلع الرمث
29/08/2011, 10:49 PM
والله الافضل الممشي القليل والصدمه
تكون خارجيه يعني مافيه تأثير
علي الشاصي والأجزاء الكهربائيه
sgl2002
29/08/2011, 10:52 PM
الصدوم وكثرة الملاك السابقين هي اللي تجيب اجل الموتر

اهم شي نظافة البدي والديكور ثم الممشى حسب مديل السيارة
سرطوقا
30/08/2011, 12:12 AM
دل البحار يعني انت يهمك اكثر شيء النظافه بشكل عام حتى لو تفرق في سعر السياره بزياده
مشاركه ومرور جميل اخوي حياك الله
سرطوقا
30/08/2011, 12:13 AM
ديجو حياك الله اخوي

وجهة نظر صحيحه نعم تتأثر السياره بوجود تلحيم في السياره

شاكر لك مرورك
سرطوقا
30/08/2011, 12:14 AM
مقلع الرمث انت بالضبط مثل اخوي ديجو بارك الله فيك على المرور
سرطوقا
30/08/2011, 12:15 AM
sgl2002

حياك الله طيب اخوي اذا كاانت السياره عدد ملاكها كثير لكن نظيفه مره هل تستحق الشراء
الجني العبد
30/08/2011, 05:20 AM
على حسب نوع السيارة وموديلها
مثلا إذا كانت السيارة جيب ربع فما يهم البدي لأن المحركات أه في الحاله هذي
أما إذا كنت بتشري جيب أو أي جمس أو مثلها فالبدي مهم هنا ، والمحركات أيضا


أيضا إذا كانت السيارة موديل 2000 وتحت ماتكون حريص على البدي كثر حرصك على المحركات
سرطوقا
30/08/2011, 05:33 AM
هلا بالجني

شكرا لك على المرور وطرح الفكره

وعيدك مبارك

وعيدكم مبارك جميعا