المساعد الشخصي الرقمي

مشاهدة النسخة كاملة : قصتي مع وكاله عبداللطيف جميل


أبوعذااب707
30/08/2011, 12:31 AM
السلام عليكم

وكل عام وانتم بخير


موتري كامري 10 وديته للوكاله صيانه 40
طلبوا مني مبلغ 1600 لعمل الصيانه وما غيروا شي بالسياره الا زيتها حتى السياره ما غسلوها بس لمعوا الكفرات

ثانيا جاني مهندس الاستقبال يقولوي الاقمشه الاماميه عندك منتهيه مررررة لازم تغيرها
قلت لك كم قيمت الاقمشه قالي الاقمشه الاربع مع الخرط 1600 ((كامري!!))
المهم قالي الخلفيه عندك وضعها سليم بس لازم تغير الاماميه


سافرت على السياره مسافه 2800كم فحصت السياره عند ورشه قال الاقمشه الخلفيه ممتازة
والاماميه باقي فيها 80 % ؟؟؟
عاد انا غيرت الاماميه شريتها ب 270 اصليه ومع الخرط والشغل طلعت 390 ريال فقط


عيني عينك الوكاله تبي تسرقني اجل اقمشه الكامري مع الشغل ب 1600 وهي باقي جديده
التعـ King ـديل
30/08/2011, 12:57 AM
ماشفت شي .. انت تتكلم عن اقمشه واحد من العيال قالو له القير عندك فيه مشكله وقيمه القير 14000 ومساعده منا نبي نتحمل 5000 وانت 9000 طبعا الموتر جديد والرجال يعرف المشكله انها نحاسات او شي من هالقبيل

المهم قالهم لا .. ركبو القير قالو مايصير وسوو له فلم هندي وانهم فاكين القير وصعب يرجع مثل اول ومن هالكلام الرجال الى الان يتكلم معهم بالمكتب وقالهم وروني القير المهم خذوه للورشه وخلوه يشوف قير مفكك على الارض

الرجال اقتنع بكلامهم وكان بيدفع ال 9000 لانه مايبي يخسر اكثر وهو راجع للمكتب شاف سيارته محد لمسها ولا قيرها مفكوك ولا شي المهم صرخ عليهم وتهاوش معهم وقال بجيب الشرطه كيف تخلوني اشوف قير مفكك وهو مب لي

مدير الورشه حاول يهديه والرجال معصب تخيلو من الوقاحه اللي فيهم مرسلين عمال يفكون القير علشان مايكون له حجه والرجال انتبه لهم وطلب الشرطه واتصل على الشرطه ولا حياه لمن تنادي قالوه له اختصاص وزاره التجاره

وحمايه المستهلك احنا مانسوي لك شي .. وخلاصه الكلام علشان يسكت عن الموضوع عطوه 5000 ورفض وماقبل بااقل من موتر جديد .. وابشركم عطوه موتر جديد بس لون مختلف عن موتره الاول
أبوراشد
30/08/2011, 01:06 AM
المشكلة انك غيرت الفحمات مع أنك تقول باقي فيها 80% ! ليش ؟

أما موضوع الوكالة فهذا شغلهم شخص يقولي دخلت لكزس جديده بسبب صوت وقالوا يكلف الاصلاح 26ألف , وصلحها بورشة بـ 3000 !
أبوعذااب707
30/08/2011, 01:17 AM
غيرتها لاني قد شريتها
Lover gmc
30/08/2011, 01:22 AM
حتى الاماميه مع الشغل بـ 390 غالي شوي

جمسي ارخص
شاص نيسان 93
30/08/2011, 01:23 AM
وين الضمان اذا كانو ياخذون 1600 ريال

المفروض ما ياخذون ولا ريال

انا طلعت ددسن من الوكاله .. هو طلع بس ما قبلت على الوكاله ولا حتى تغيير الزيت
وماشي زي الحلاوه
أميرالعشاق
30/08/2011, 01:40 AM
وعليكم السلام ورحمة الله وبركاته
وكل عام وانتم بخير
وش فايدة الضمان؟؟؟؟؟وليش تدفع 1600؟؟؟
بصراحة غش عيني عينك!!!
وسعر القماشات مع التركيب مبااااالغ فيه!!
مع إن عندي جيب ربع ومع تقديري للسيارات اليابانية
ولكن لا يوجد أفضل من السيارات الألمانية
ومع ذلك أغير القماشات الأربع للمرسيدس مع التركيب بـ800 ريال!!
uvwx621
30/08/2011, 01:44 AM
picture. Alice rs gold (http://www.rssell.com/) kept laughing, and held her wow gold (http://www.goldinstore.com) tray up as a armour. The girl-Bella staleness nfl discount jerseys (http://www.jerseysworld.org/) still be open at us. …staring nfl wholesale jerseys (http://www.ujerseysale.com/) at the Cullens again NFL jerseys (http://www.myjerseyshop.com/) someone content, contractable.
لاتكب البيالة
30/08/2011, 01:46 AM
السلام عليكم
الوكالات معروفه ما يحتاج
لكن اللي لفت انتباهي ان الفحمات منتهيه على 40000 وانا اعتبر شويه المفترض تمشي الضعف بالسيارات الصغار
جلمود الحره
30/08/2011, 01:47 AM
ياشباب اي وكاله واي خرابيط الله يهديكم هذي ميليشيات لسرق المواطن :mad:


انا من شريت موتري الباترول عـ2000ــــام علمه بالوكاله يوم طلع منها ولله الحمد والمنه لا تشييك وكاله ولاخرابيط وابشركم شيكت عليه والله بوسط
ارض الحره وانا جلمود الحره
يقولون وكاله ..:p:p
koogak
30/08/2011, 01:57 AM
ماشفت شي .. انت تتكلم عن اقمشه واحد من العيال قالو له القير عندك فيه مشكله وقيمه القير 14000 ومساعده منا نبي نتحمل 5000 وانت 9000 طبعا الموتر جديد والرجال يعرف المشكله انها نحاسات او شي من هالقبيل



المهم قالهم لا .. ركبو القير قالو مايصير وسوو له فلم هندي وانهم فاكين القير وصعب يرجع مثل اول ومن هالكلام الرجال الى الان يتكلم معهم بالمكتب وقالهم وروني القير المهم خذوه للورشه وخلوه يشوف قير مفكك على الارض


الرجال اقتنع بكلامهم وكان بيدفع ال 9000 لانه مايبي يخسر اكثر وهو راجع للمكتب شاف سيارته محد لمسها ولا قيرها مفكوك ولا شي المهم صرخ عليهم وتهاوش معهم وقال بجيب الشرطه كيف تخلوني اشوف قير مفكك وهو مب لي


مدير الورشه حاول يهديه والرجال معصب تخيلو من الوقاحه اللي فيهم مرسلين عمال يفكون القير علشان مايكون له حجه والرجال انتبه لهم وطلب الشرطه واتصل على الشرطه ولا حياه لمن تنادي قالوه له اختصاص وزاره التجاره


وحمايه المستهلك احنا مانسوي لك شي .. وخلاصه الكلام علشان يسكت عن الموضوع عطوه 5000 ورفض وماقبل بااقل من موتر جديد .. وابشركم عطوه موتر جديد بس لون مختلف عن موتره الاول

ما شاء الله على خويك
ياخي انا ارتفع ضغطي وانا مالي دخل
حسبي الله عليهم
أبوعذااب707
30/08/2011, 03:12 AM
السلام عليكم
الوكالات معروفه ما يحتاج
لكن اللي لفت انتباهي ان الفحمات منتهيه على 40000 وانا اعتبر شويه المفترض تمشي الضعف بالسيارات الصغار




السالفه ان الوكاله يقولون الاقمشه منتهيه ويوم فحصتها برى باقي جديده ما استخدمت الا 20%
ابولؤي الشريف
30/08/2011, 05:07 AM
كل سنه وانتم بالف خير ياجماااااااااااااااااااعة الخير المقاااااااااااطعه والله لعبو فينا يالمواطنين الكل يضحك علينا تجار وعمال والله ماصار لنا قيمه في بلدنا انا مقااااطع وشدو الهمه اذا هم مافكرو فينا مااحنا مجبورين عليهم
كاشت وحداني
30/08/2011, 09:57 AM
ااااه من النصب ولكن لا اعلم لماذا الشعب ساكتين
عام 2008 قريب لي اخذ كورولا 2008
من فرع شارع عائيشة بنت ابي بكر
مشينا في الموتر وطلع فيه وصوت وكذلك يوصل ال 140 وخلاص ما تزيد سرعته
رجعناه لهم وجلس اسبوع واتصلو قالو لنا تم تغيير القير والحذاف وجنزير المكينه
استلمنا الموتر ومشيت فيه ولا تغير شئ
واحطه على حفره وتبين لي انه لم ينفك منه مسمار واحد ابدا
وديناه طريق خريص وبعد الفحص والمهندسين واجتماع النصابين قررو ان لابد من تغيير المكينه
قلت طيب والقير فيه شئ قالوا لا
قلت هات تقرير واخذت تقريرهم مع تقرير اللي قالو غيرنا القير وجنزير المكينه وحضرت به على مديرهم
ورفضت جميع العروض اللي اعطانا ولم اقبل الا باعادة المبلغ وياخذون موترهم حسبنا الله عليهم