قاطعوا [الأرشيف] - منتديات مكشات

مشاهدة النسخة كاملة : قاطعوا

المرتهي

30/08/2011, 02:36 AM

بسم الله الرحمن الرحيم

السلام عليكم ورحمة الله وبركاتة

إلى جميع الاعضاء

رجاء

نبي نعمل مقاطعه لوكلاء السيارات

رجاء رجاء رجاء

ياجماعة الوكلاء اكلونا

امس واحد منزل موضوع شراء موتر ويماطلون فيه مره التريلاء محجوزه من قبل المرور والمفتاح ضاع

والثاني خراب بالفرامل

وذكر احد الاخوان عن سالفة خويه بيسرقونه 9000

عشان قير كامري

أتمنى نبداء نقاطع

نعلن عن هالمقاطعه عن وكلاء السيارات

ونخسرهم مثل ماخسرت شركة المراعي

سنة بس

وبأذن الله ينضبط الوكيل

ينلعب علينا واحنا ساكتين

الوكلاء وجميع التجار بدون زبون يقفل شركتة

قاطعوا

تقبلو تحياتي

أخوكم - المرتهي

غالي يا غالي

30/08/2011, 02:43 AM

فكرررررررررررررررررررررررررررررررررررررررررره حلووووووووووووه

وابشرك محد شاري اساسا الجديد غالي والناس رجعت للمستعمل

عناز الحره

30/08/2011, 02:47 AM

والله لو تتم غير ياااااااكلونهااا مفلفله بس كيف اذا انا وانت وكم واحد بس والباقين
واللا والله هى فكره على كيفك وانا اتوقع بعد سنه مقاطعه صح من الجميع يصيرون زى البقالات تجيهم تاخذ جيبين وددسن ولبن ويسجل بدفتر
ويمكن يلفون على البيوت والدوائر الحكوميه
شحده بهالعالم
ههههههههه

عزوو الحربي

30/08/2011, 02:52 AM

تبي حمله وطنييه مثل حمله المراعي ض1

ابو زكي

30/08/2011, 02:54 AM

اولا
اهنئك واهنئ اعضاءمكشات بعيد الفطر المبارك
ثانياً
ماحولك احد >>شركه المراعي فيه لها بديل امرها هين اما اسالفه السيارات وهالوكالاات صعب انه احد يقاطعها اجل وشلون العالم تروح وتجي بدون مواتر الا الكلام مو على المقاطعه الا وين حمايه المستهلك ووزاره التجاره وووو الخ.. لو كل قطاع اهتم بللي يخصه وادى دوره كان ما شفت اللي يصير بهالوكالات من رفع اسعار وسوء خدمه ويبيعك على انه جديد وتلاقيه مصدوم ومسمكر ولا احد يحميك ويجيب حقك
الا اقول
الطاسه ضايعه

المرتهي

30/08/2011, 03:02 AM

اخوان وزارة التجارة ماتفيدك بشي وحماية المستهلك نايمين

لحد يقول شلون نبداء او ماننفع احتا بس

أحد الأخوان يعمل لنا تقرير عن هذه الحمله

يجمع فيهاء الاسباب

وتاريخ البداء

كلا يملك سيارة ولله الحمد

الي ناوي يشتري يهون لسنه الجاية

ياجماعه اذا المواتر الي كان سعرها 100 الف الحين واصله 300 الف

اجل بكرى اولادنا بالمستقبل ان شاء الله بكم يشترون السيارة

ياخوان هالمقاطعه من صالحنا

لاتشتري سيارة جديدة

خلوها تصدي

لا تقول بديل

اطلبكم طلب واحد يكتب لنا تقرير كامل عن السبب ومقدمه مرتبه

ويعمل شعار للمقاطعه

كل عضو يعمل نسخ ولص بأيميل ويرسل

ياجماعه اعضاء منتدى مكشات جيش لو تنزله على فلسطين حررها

الشعب السعودي مسكه طريق ويمشي عليه

نفتح طريق المقاطعه وتشوف

بأذن الله نستفيد

والله ينصرنا على هالتجار المجرمين

اطلبكم طلب وتكفون تكفون تكفون نبي تقرير

عزوو الحربي

30/08/2011, 03:04 AM

عسساكم على القوهـ

انا معاي موتر و مو مفكر اشتري وكاله الا 3 سنوات قدام ض1

يعني مقاطعهم خلقه من الحين لـ 3 سنوات قدام ,, بعد مشيئه الله

abdull_ah

30/08/2011, 03:10 AM

الحمد الله مقاطعه خلقة

كان معانا سوناتا 2009 مااااطبينا فيها الوكالة
والحين باجيرو 2009 ايضا ماطبينا فيها الوكالة
ولخالي تيروس 2011 مادخلها الوكالة الا لصدمة بالخلف وع الضمان والتامين وغير ماندخل وكالات

الله يكووون في عون الشعب
ولازم نفتع عيوننا اكثر واكثر لاحد يروح الوكاله ويترك سيارته باليومين والثلاث والاسبوع لازم يتابعهم ذا بعد المقاطعة ان شاء الله
والي يشوف شئ ع الوكيل يشتكي في الجهة المسؤلة مع اخذ التعويض ايضا
والله يعوض علينا

بدوي جنوبي

30/08/2011, 03:14 AM

قديمك نديمك :)

التعـ King ـديل

30/08/2011, 03:29 AM

سجل اسمي معك .. ابشر بمقاطعه الوكالات

You Like Me

30/08/2011, 03:48 AM

كان صبرتوا لين بعد العيد
والله ودي بـ FJ :D

والله يا اخوان اكتشفنا بأننا لوحدنا في السعودية
وكلامي خاص بالتجار والوكلاء فقط
سواءً سيارات او مواد غذائية
لا حسيب ولا رقيب ولا احد يسمع الكلام ويتدخل
من الجهات الرقابية والمسئولة .. ومسؤولي التجارة هم نفسهم التجار
فمالنا غير الله سبحانه وتعالى ثم المقاطعة
لحد يقول البديل وسيارات الشركه الصانعه الاخرى ارخص
لمَ يكثر الطلب عليها بترتفع اسعارها مثل غيرها
وكنك يابو زيد ماغزيت
وانا اثق ثقة تامة مو مقاطعه سنه واحده لومحد شرى والدفعه الاولى من السيارات
جلست بالمخازن في نصف السنه راح تشوف عروض خيالية من الوكيل
وزي كل مقاطعة ينزلون لك عروض والناس تروح تشتري
ونرجع من البداية ماسوينا شي

قدر مكتوب

30/08/2011, 04:02 AM

مقاطع ومعاكم وعسى ربي يطرح الخير والبركة في الحملة ذي وعسى تلقى ثمارها

اخوي اذا تبي تنجح فكر بحلول كويسة

بنر للحمله ويكون بتوقيع اغلب الاعضاء وانقله معاك الى اي منتدى مشارك فيه

فكر بمقاطع يوتيوب تبين فيه هدف الحمله وتوضح جدوها اقتصاديا على الامد الطويل والخطوات والمده والاهداف وشويه صور تهز المشاعر والمحاسيس :)

فكر قبل بحملة اعلاميه كويسة وصدقني تبي تنتشر وفيه منتدى اذكره اسمه (المنتدى الرسمي لحملة مقاطعه السيارات ) وهذا رابطه http://moq3e.com/ بس للاسف غيرو اسمه وهوية المنتدى

فكر اخوي بحملة اعلامية وفكر باقناع ادارة المنتدى بنشر لو بنر صغير للحملة

صاحب مبدا

30/08/2011, 04:03 AM

انا مقاطعهم لي 7 سنوااات والحين ابي اقطعهم لين موتري يصير خردة الله المستعان

المرتهي

30/08/2011, 04:27 AM

انا ابي احد الاعضاء يعمل لنا تقرير عن هالمقاطعه ومع الاسباب

وتثبت بموضوع بأي قسم

مجرد دخولك نسخ ولصق في ايميل

مانبي توزيع ايميلات بدون فعل

اترك وكيل السعودية

اطلع لاي دوله لو بنقلادش

ولا السعودية

اشكر الاخوان الي معي بالمقاطعه

والي يقول قديمك نديمك

هذا مو كلمه تنقال

تعرف الشعب السعودي وشو

الشعب السعودية كأنه مستعمر من هالتجار

اذا ضلينا كذا

بترتفع الاسعار اكثر واكثر

ونشتري انا وانت والثاني والثالث بالسعر الغالي ولا مو بكيفك

غصب عنك

تقبلوا تحياتي

ابولؤي الشريف

30/08/2011, 04:59 AM

كل سنه وانتم بالف خير وجميع المسلمين سجل معكم ترو ياجماعة الخير انا مقاطع من يوم عرفت نفسي ولي شهر افكر اشري جديد لكن المقاطعه اهم البنقاله ضاحكين علينا والشوام والمصاريه والاتراك والتجار وماعندك مكافحة غش تجاري ولا محاسبه الحلاقين مزودين الاسعار والبارح اعبي بنزيم ومزودين التفليله ريالين والله العظيم خلوني افحط في مكاني جبت الدوريات وماعندك احد كل مين يقولك ماهو اختصاصي روح للبلديه والثاني يقولك روح للشرطه والثالث يقولك روح لبيتكم انا مقاااااااااااااااااااااااااااااااااااااااااااااااط ع معكم وبقوه والله يوفق هالحمله وكل حمله في صالح المواطن المضحوك عليه غصب عليه

المسروحي

30/08/2011, 05:31 AM

السلام عليكم
انا معك يالمرتهي...وأن شاء الله أنشوف النتيجه عن قريب..
وأنا متفائل جداااا.. بالسعوديين
والنتيجه كانت واضحه %بالمراعي%

المسروحي

30/08/2011, 05:33 AM

(((((وخلوها تصدي)))))

راكب الشفر

30/08/2011, 08:36 AM

هي وقفت عالتجار حتى الشريطية النصابين رفعوا السيارات بشكل مبالغ
اجل شاص لاراحة ولامواصفات صفق 140 الف وكنا نشتريه على 70 الف ومافرق غير وجهه

الذحاح

30/08/2011, 01:49 PM

اخوي سو صفحه على الفيس بوك لمقاطعة سيارات الجاوي عبداللطيف جميل وجيب الرابط هنا وحطه بالموضوع عشان اللي يدخل يشترك عن طريق الرابط وكل واحد يدلو بدلوه على الصفحه ودمت بود

الدوسر ي

03/09/2011, 11:26 PM

هويدي

03/09/2011, 11:31 PM

سولك مجموعه بالفيس بوك بتنتشر اكثر

امس سويت لكارفور والاعضاء الى الحين 77 والله يزيد ويبارك

volcano

04/09/2011, 02:20 AM

3 سنين مقاطع لكن شعبنا نذل الا من رحم الله ومليت ماحد مقاطع غيري مع ان الكاش بيدي والحمدلله وانا محتاج موتر ويد لوحدها ماتصفق وانت ياصاحب الموضوع لو دراهمك زاهبة كان اول واحد طاب الوكالة .. يمكن ضيقة اليد توحدكم .. الصراحة راحة اغلبنا انانيين وانا قررت اصير اناني وبشتري لو بالغالي لو الكل يقاطع