رحلة الى ربيع حائل 1430هـ ...................حامد الحنيني

[حامد الحنيني]

السلام عليكم ورحمة الله وبركاته


صباح الخير للجميع


اول بدايه احب ان اهنئكم بعيد الفطر المبارك
وكل عام وانتم بخير
وأسأل الله ان يتقبل منا صيام رمضان وقيامه انه مجيب الدعاء
هذا اول موضوع لي في هاذي الخيمه
و عسى ان يحوز على رضاكم واستحسانكم



كانت هذه الرحله عام 1430هـ لربيع حائل وكانت
الرحله بعد ربط الطيور يعني الجو كان معتدل
وممتاز جدا والامطار في هذه السنه طيبه جدا ولله الحمد
والارض تشرح النفس وجنا خبر ربيع حائل
قررنا الذهاب من القصيم سيارتين وعدد اعضاء الرحله
اربع اشخاص فقط لاكن من الرفقه اللي يتمناها كل رجال ولله الحمد
ومدة الرحله اربعة ايام .. لا اطيل عليكم والصور تعوض عن الكلام
متابعه ممتعه .


فطور الصباح كان بسميراء تبعد عن منطقتنا تقريبا 110 كيلو
لقينا ارض بها عشب قلنا فطور اول يوم فيها
http://hh7.net/Aug/30/hh7.net_13146942271.jpg (http://hh7.net/)


وصوره اخرى وطبعا الربع يفطرون وانا اصور


http://hh7.net/Aug/30/hh7.net_13146942272.jpg (http://hh7.net/)


وبعد الفطور حركنا لأكمال الرحله لاكن والله ناسي خط الرحله
لاكن والله اعلم مرينا على الغزاله والوهيبيه وهكالديار
وواصلنا الرحله حتى (ريع المغني) ما ادري وين مكانه لاكن بالقارمن
طلع الاسم
المهم نكمل الرحله وصلنا هالشعيب توه سايل قلنا الغداء فيه خل نتمشى
الى وقت الغداء وندور لنا طلحه


http://hh7.net/Aug/30/hh7.net_13146942273.jpg (http://hh7.net/)


ياسلام الارض معشبه والسيل توه غاسلها


http://hh7.net/Aug/30/hh7.net_13146942274.jpg (http://hh7.net/)


وصورة الهدد بالشغيه


http://hh7.net/Aug/30/hh7.net_13146942275.jpg (http://hh7.net/)


ماشاء الله تبارك الرحمن
هاذي هديه للمكشاتيين


http://hh7.net/Aug/30/hh7.net_13146948841.jpg (http://hh7.net/)


الارض طيبه بالحيل
http://hh7.net/Aug/30/hh7.net_13147003501.jpg (http://hh7.net/)




اخذت جوله بالموقع والارض من نظفها مايحتاج بساط
توسد يدك وانسدح ...... وهذا اللي سواه الذيب متمدد


http://hh7.net/Aug/30/hh7.net_13147003502.jpg (http://hh7.net/)



وصوره للمسيل اخضر ماشاء الله باين العشب الله يعيدله السيل


http://hh7.net/Aug/30/hh7.net_13146948854.jpg (http://hh7.net/)


بدأت بشائر الخير والبركه ........... ابشرو بالحليب


http://hh7.net/Aug/30/hh7.net_13146948855.jpg (http://hh7.net/)


الله الله الله طلع بناخي ويقول له شهرين ماعلفها مرتعه بهالربيع
ياسلام سلم


http://hh7.net/Aug/30/hh7.net_13146953851.jpg (http://hh7.net/)


وكمان صوره


http://hh7.net/Aug/30/hh7.net_13146953852.jpg (http://hh7.net/)


الرجال ماقصر عزمنا ولزم علينا بالعزيمه
يالله تخلصنا منه بيض الله وجهه قلنا حنى ناس طرقيه
وان حصل بالرجعه وقت مرينا واشوى قال اللي يريحكم
غدينا بالشعيب ونزلنا العزبه والتويس رابطينه
قال واحد من الربع وشرايك تطلق التيس خله يفلي تراه من الصبح ماذاق شئ
وانتبهله وحنى نبي نضبط الغداء والتيس اخذينه من عرب الصبح
ويوم فكيت التيس وهو يملى فمه من العشب وينصى الضلع يمشي مليون الماخوذ متعود على الضلعان
وانا مابين اصدق واكذب وانا اطلق رجلي للريح واقرط النعول وطردي حده لاتحده والربع
شيبان مافيهم اللي فزع كلن يقول عندك عندك واحدحده عن الضلع وهو يعقبني وركب الضلع يالليل ما اطولك المهم وانا التقط انفاسي والحقه واطرحه يوم بغيت انزل الى رجلي
كلها حسك حسبي الله ونعم الوكيل عقل الله وهاذي صورة المتهم وراك ابونادر يحد السكين اعذبه مثل ماعذبني .


http://hh7.net/Aug/30/hh7.net_13146953853.jpg (http://hh7.net/)


بعد الغداء قال ابو نادر انا معي احداثية موقع معطينيها واحد يقول الموقع طيب
وشرايكم مانمسي الى فيه قلنا شورك وهداية الله عليه
وصلنا وقت الغياب ونزلنا العزبه والاسير لهالحين اطلع الحسك ...
وقمرى نص الشهر مكان مايبي مدح شئ شئ شئ...


http://hh7.net/Aug/30/hh7.net_13146953854.jpg (http://hh7.net/)


سم بسم الله اذبح التويس وعلقه عاد هذا تخصص ابو نادر يرفض المساعده
والله يسلم هالايدين يارب



http://hh7.net/Aug/30/hh7.net_13147003503.jpg (http://hh7.net/)
بدى الصلخ وابونادر يقول هاه رضيت
واقول لا لين اذوق لحمته واشرب مرقته


http://hh7.net/Aug/30/hh7.net_13146966761.jpg (http://hh7.net/)



اقووول ابو نادر كني رضيت


http://hh7.net/Aug/30/hh7.net_13146966762.jpg (http://hh7.net/)



وبدى الطبخ والنفخ الكاتم على البريمس
وانا عند الشويه


http://hh7.net/Aug/30/hh7.net_13146966763.jpg (http://hh7.net/)



وبعد هالعشاء الدسم قلنا نبي نذوق ضبان الديره
لو هالضب مشرف على حصاه شبعان من النعمه قلت ناولني الخرازه
خلني اجرب الرمي فيه وجابه الله ماشاء الله علي بواردي


http://hh7.net/Aug/30/hh7.net_13146966764.jpg (http://hh7.net/)


المهم ماكثرنا اربع ضبان على قدنا وكملنا الرحله ........
منظر من الاعلى وقدامنا ارض منبسطه



http://hh7.net/Aug/30/hh7.net_13146966765.jpg (http://hh7.net/)



يتبع

[حامد الحنيني]

اعجبتني الارض طارقها الهواء قلت ارسم جرة محبوبت قلبي


http://hh7.net/Aug/30/hh7.net_13146972031.jpg (http://hh7.net/)


ماشاء الله ارض مربعه قلنا نقيل بهالضلع


http://hh7.net/Aug/30/hh7.net_13146972032.jpg (http://hh7.net/)


بعد الغداء رقيت راس الضلع استكشف لقيت هالعش مدري وش عشه ؟؟
كان ماهو غراب


http://hh7.net/Aug/30/hh7.net_13146972033.jpg (http://hh7.net/)


كملنا الرحله وشفت هالديره قلت اصورها من بعيد نسيت اسمها


http://hh7.net/Aug/30/hh7.net_13146972034.jpg (http://hh7.net/)


الارض بها تفتح النفس


http://hh7.net/Aug/30/hh7.net_13146972035.jpg (http://hh7.net/)


وكمان صوره


http://hh7.net/Aug/30/hh7.net_13146975411.jpg (http://hh7.net/)


والحليب ابشركم واجد وكلن يعزم على الحليب
ولقينا هالزول وحلف مانمشي الى يحلبلنا قلنا بيض الله وجهك


http://hh7.net/Aug/30/hh7.net_13146975422.jpg (http://hh7.net/)


اخذت صوره للمفلى البل عشب ياسلام


http://hh7.net/Aug/30/hh7.net_13146975423.jpg (http://hh7.net/)


وبعد ماشربنا الحليب زاد قال ابو نادر تعال اقولك شئ
قلت سم قال اسمع الحليب لاتحطه بطاسه بالسياره او قدر الضغط
قلت طيب وين احطه؟؟؟؟ قال حطه بكيسه واربطه زين وحطه بالثلاجه
قلت والسبب قال قد حطيته بقدر الظغط وسكرته وظربت مطب وتسلقى قدر الضغط
(يعني انقلب ) واروح بالموتر بغيت ابيع الموتر بسبته قلت يالله ناخذ صوره
لطريقتك


http://hh7.net/Aug/30/hh7.net_13146975424.jpg (http://hh7.net/)


بعد الحليب والارزاق امرحنا والصبح ظبطنا الجمري
وابو نادر يقول ابي سمن بري قال معزبنا سم ابشر
تراه الامير يعني كل طلباته مجابه


http://hh7.net/Aug/30/hh7.net_13146975425.jpg (http://hh7.net/)


وبطريق العوده مرينا بناخينا اللي مواعدينه و ظبطنا الغداء وتغداء معنا الرجال
والله يكثر خيره جايب معه الحليب والعلوم الغانمه
صوره للمغدى


http://hh7.net/Aug/30/hh7.net_13146987101.jpg (http://hh7.net/)


وصورة طاست الحليب بعد الغداء ثم دور اقرب طلحه وحط راسك


http://hh7.net/Aug/30/hh7.net_13146987102.jpg (http://hh7.net/)


لاكن الامير مايجيه النوم ازعجني يقول مامعنى حطب
اثر الرجال شايفله طلحة ميته و تحكه يده
المهم رحنا للطلحه ماصدق على الله ويتغربش الطلحه مادريت الى هو براسها
يتغربش يعني (يتسلق) ومنشاره بيده يقول ما ابي الى الحطبتين اللي براس
الطلحه وانا لسان حالي اقول لا والله ماقيلنا وطبعا هذا اللي صار


http://hh7.net/Aug/30/hh7.net_13146987103.jpg (http://hh7.net/)


وش رايكم ماهو امير يالربع الله يعطيه العافيه ؟؟؟؟


واخيرا صورة دهام يسلم عليكم ويقول هانت مابقى الى عدت ايام
وليالي ونطلع من الربطه


http://hh7.net/Aug/30/hh7.net_13146987104.jpg (http://hh7.net/)



وفي الختمام اتمنى من الولي القدير اني وفقت في عرض الموضوع
وامل ان يحوز على رضاكم واستحسانكم
والسلام عليكم ورحمة الله وبركاته ..

[يوسف الخليفة1]

وعليكم السلام ورحمة الله وبركاته

سلمك الله أخي العزيز حامد الحنيني

والشكر الجزيل

[كنز المشاعر]

ما شاء الله تبارك الله رحلة مميزة مع رجال طيبين جمعكم الله على طاعته ولا تحرمنا من جديدك يالحنيني

[المحب في الله]

ما شاء الله

تبارك الله

مشكوووووووووووووووور وبيض الله وجهك

[أبو معاذ 2006]

ما شاء الله


الله يوفقكم

[حامد الحنيني]

وعليكم السلام ورحمة الله وبركاته



سلمك الله أخي العزيز حامد الحنيني



والشكر الجزيل



ياهلا ومرحبا يابوعبدالله
الله يسلمك ويخليك

اسعدني مرورك .

[حامد الحنيني]

ما شاء الله تبارك الله رحلة مميزة مع رجال طيبين جمعكم الله على طاعته ولا تحرمنا من جديدك يالحنيني

ياهلا ومرحبا اخوي كنز المشاعر
الله يجزاك خير
والمميز حضورك وردك لاهنت .

[حامد الحنيني]

ما شاء الله



تبارك الله


مشكوووووووووووووووور وبيض الله وجهك


ياهلا ومرحبا اخوي المحب في الله

حياك الله يالغالي
ووجهك ابيض طال عمرك اسعدني مرورك وردك .

[حامد الحنيني]

ما شاء الله


الله يوفقكم

ياهلا ومرحبا اخوي منصور سماح

يالله حيه

الله يجزاك خير ولاهنت على الرد.

[بدوي الرياض]

رحم الله والديك تقرير يفتح النفس تقبل مروري

[مالقيت إسم]

بسم الله مآشآء الله جو خيآلي وطلعة ولآ أحلآ
الله يوفقكم

[نوراليقين]

شكرا..........

[N A I F - 98]

عليكم السلام ورحمة الله وبركاته
الله يسعدكم أنت وربعك ياحامد ماشاء الله على التقرير والكشتة السنعة
الله يديم عليكم سعة الصدر ويوفقكم دنيا وآخرة
تعليقك زايد من حلا الموضوع ماشاء الله
والأمير انشهد انه يستاهل الإمارة والمره :)
وأنت الله يرزقك بجول حباري بس ليتك تشيل الصورة اللي بالتوقيع الله يجعلها بصحة وعافية
سلم على ربعك وكل عام وأنتم بخير
ولاتصيف علينا المرة الجاية
تقبل الله منا ومنكم صالح الأعمال

[محب الخيال]

يعطيك العافيه

[الطرس ممدوح]

ما شاء الله تبارك الله

مشكور وبيض الله وجهك

[الحصان 1]

ما شاء الله تبارك الله
مشكور وبيض الله وجهك

[راع الشماليه]

وعليك السلام ورحمة الله وبركاته

كل عام وأنت بخير

ماشاء الله تبارك الرحمن

رحله رائعه .. الله يعيد ذاك الربيع يارب

تقرير رائع ومميز

الله يعطيك ألــف عافيه

[عيون الاشقر]

ماشاء الله تبارك الرحمن
الله يعطيك العافيه
تحياتي لك

[Al3rands]

عافاك الله انت وربعك

[سنا البررق]

يعطيك العافيه على التقرير الطيب