مراوح التبريد الداخلية ... احد عنده فكرة عنها

[العيد]

السلام عليكم

طبعا يا شباب معروف نظام التبريد اللي معتمد على المروحة المركبه على المكينه وتدور بسرعة غير منتظمه حسب الاتوماتيك اللي يتأثر بالحرارة لكن الاحظ بعض السيارات تغير النظام فيها مثل الكابرس الغوا المروحة الاساسيه وركبو مراوح تبريد داخلية وما فيه شك انها بتعطي المكينه قوة اضافيه وتقلل من الازعاج لكن سؤالي هل هي ناجحة من حيث المحافظه على استقرار درجة الحرارة او اذا توقفت السياره ارتفعت واذا زادت السرعة انخفضت.....وانا اشوف بعض اهل الجيوب يركبون النظام هذا بس ابغى رايكم اذا كان احد مجرب او عنده فكره عن الكابرس كمثال ...وتشكرون يالربع

[جــلــمــود]

المراوح الكهربائيه ممتازه وفكرتها اكثر من رائعه

والدليل تغير الاداء الكلي للمحرك بعد ازالة المروحة القديمه المتصله بالمحرك واضافة المراوح الكهربائيه الداخليه

اما عن انخفاض وارتفاع الحراره بعد تغيير النظام فأن ذلك يرجع الى عدة اشياء تتحكم في ارتفاع او انخفاض الحراره

اولها نوعية المراوح فهنالك انواع جيده تعطي اداء لا يعلى عليه وتأتي مروحتين معا

وبعضها مروحه واحده ولكن تغني عن مروحتين سويا

مثلا مروحة الكابرس والبيوك رود ماستر تأتي مزدوجه ( ثنتين ) ولا تفي واحده بالغرض

والفورد تأتي مروحه واحده فقط ولكن حجم كبير يغني عن الاثنتين



ثانيا الكاور لا بد من وجود كاور يساعد في اندفاع الهواء الى المحرك مباشره وبشكل اكثر فعاليه


ثالثا طريقة التركيب مهمه وليس كل كهربائي يستوعب ويتقن الفكره والعمل


رابعا نوع المحرك فبعض المحركات طبيعتها بارده ولا ترتفع حرارتها تحت اي ضرف وهذا ينطبق على عموم الياباني تقريبا
اما محركات الثمان سرندل الامريكي فغالبها تواجه مشاكل ارتفاع الحراره حتى بدون اضافات




واي خدمه انا جاهز



جـــلـــمـــود

[العيد]

الله يعطيك العافيه العافيه اخوي والله ما قصرت ...... بس انا ما فهمت قصدك الكاور اللي يساعد على اندفاع الهواء ليتك توضح اكثر .
واتمنى لو اعرف مراوح الكابرس 96 الكهربائية نا جحه او لا وهل فيه اسرع منها بنفس الحجم ....شكلي طولتها بس السموحة :)

[جــلــمــود]

هلا اخوي العيد

بالعكس خذ راحتك حنا بالخدمه نعين ونعاون ونفيد ونستفيد :)

الكاور الي هو الغطاء لبلاستيك الي يجي فوق المروحه الشد بلد الي يكون مثبت عادتا بالاديتر من فوق ومن واجهت الاديتر الخلفيه جهة المكينه

ومراوح الكابرس انا مجربها هي بالحقيقه مروحتين وحده اكبر من الثانيه تركب جمب بعض

وهي كويسه وعمليه بس فيها عذاريب اولها سعرها مرتفع اذا شريتها منمحلات قطع الغيار الاصليه راح تكلف عليك قريب الـ 900 ريال + الملحقات الي هي القواعد حقتها

وايضا مشكلتها انها تجي بدون كاور يعني تقريبا نصف الجهد يروح هباء خصوصا اذا كان فيه مسافه كبيره بين الاديتر والمكينه

وفيه مشكله بسيطه بس جوهريه وهي ان المراوح فيها طبعا افياش علشان توصيل الكهرب مشكلة الافياش هذي انها ماتحصلها بالمحلات الا نادر جدا واذا بغيت الاصليه منها تجي معها ضفيره كامله خاصه للمراوح
لذلك خل الكهربائي الي يركبها لك يلحم اسلاك الكهرباء تلحيم بالمراوح افضل واضمن
لانك حتى لو حاولت توصيلها بأفياش عاديه من السوق راح تحتر مع الوقت وتفصل المراوح وانت ماتنتبه الا الحراره قابه

واذا بغيت نصيحتي
خذ مراوحة فورد تورس اذا كان موترك 6 سرندل اما اذا كان 8 سرندل خذله مروحة فكتوريا

تجي وحده لكن كبيره وفيها ثلاث سرعات على حسب حرارة المحرك وايضا يجي معها كاور شد بلد
وسعرها تقريبا 400 ريال بالوكاله


عاد انت شف الي يناسبك منها

واذا كنت بالرياض وبغيت واحد يركبلك المراوح تركيب نظيف قلي واوصفلك برساله خاصه
واسف والله مااقدر اوصفلك هنا الين استأذن من الرجال لاني ماادري وش رايه
ومثلك عارف

( ولكلام لجميع الاخوان الكرام الي يرغبون بمعرفة مكان الرجال المتخصص بتركيبها )


جـــلـــمـــود

[العيد]

يخوي والله اشكرك جزيل الشكر .....والله توني اشوف ردك انعمت عيوني عنه :) اذا كتب الله شئ يصير صراحة تسرعت وركبت مرواح كابرس على اساس ان موتري جمس مكينه 350 يعني نفس الكابرس وقبلها مريت مليون ورشه بالصناعيه ما احد عنده معرفه تامه باللي يناسب وبعضهم يرفض اصلا يقول مالها داعي كاني جاي اشحذ منه :) المهم اخذت الدينمو الصغير وتركت الكبير وركبتهم ثنين صغار وتبريدهم فوق الممتاز والكبير ما ادري وشسالفته يمكن لنظام الكهرب الخاص بالكابرس ؟ لكن تورطت بالكهرباء ما اقدر اشغل مواطور الهواء زي اول لان مروحتين تسحب كثير واتوقع ان الكهربا بيتضرر الله يستر بس والحساس اللي يشغل المروحه الثانيه جربت منه ثلاثه للمرسدس مقاس 85 و 90 تصير المروحه معلقه طول الوقت وركبت اللي يفتح بعد 100 بس صار الموتر الظهر يوصل قريب النصف وما تشتغل المروحه الا بعد النصف .وجع راس صراحه بس انشاء الله بتنجح

[جــلــمــود]

عزيزي العيد

حصل خير يالغالي

والحياة تجارب

انا بعثت لك رساله خاصه رد على رسالتك فيها اشياء انشالله تنفعك ومعها وصف الورشه الي بتحل مشكلتك انشالله

ولكن نسيت اتطرق لموضوع الماطور الماطور اذا كان مثبت بالسياره ركب عليه كتاوت احسن اقوى للكهربا ولا تحتر اسلاكه

اذا رحت لرجال الي وصفتلك انشالله راح يخدمك بكل شي وماراح يقصر

[رانجلر]

كاتب الرسالة الأصلية جــلــمــود
عزيزي العيد

حصل خير يالغالي

والحياة تجارب

انا بعثت لك رساله خاصه رد على رسالتك فيها اشياء انشالله تنفعك ومعها وصف الورشه الي بتحل مشكلتك انشالله

ولكن نسيت اتطرق لموضوع الماطور الماطور اذا كان مثبت بالسياره ركب عليه كتاوت احسن اقوى للكهربا ولا تحتر اسلاكه

اذا رحت لرجال الي وصفتلك انشالله راح يخدمك بكل شي وماراح يقصر

سلام عليكم
جلمود حبيبي
ما دامكم تطرقتو لموضوع المراوح
انا عندي الرانجلر طبيعي لنص 100
تزود بالظهر وتقل باليل بشي بسيط طبعاً
س:اقدر انقص او اقلل من حرارة السياره؟؟!!:confused:
س:لو نقصت الحراره يتحسن الإداء ولا يبقى زي ما هو؟
س:إذا كان يتحسن الإداء ! وش اركب نوع مراوح؟
س:إذا ركبت المراوح هاذي في إزعاج يعني صوت المكينه يزود ولا يقل!!؟؟
شكلي أزعجتك بالإسئله
على العموم ما ابي اطول عليك
وأنتظر إجابتك;) :good: