أغلب السعوديين مع ((الخيل ياشقرا00)) clik hear

[ذريف]

السلام عليكم ورحمة الله وبركاته


أخواني ... ساقني لكتابة هذا الموضوع هو كثرة ماأراه من(( سذاجه)) يتصف بها بعض السعوديين عند شراءهم لسياراتهم وللأسف هم كثر00
وشلون يعني سذاجه ؟؟

يعني "مع الخيل ياشقرا"

للأسف بعض السعوديين لايملكون رؤيه واضحه لشراء سياره تناسبهم من ناحية مقارنة الجوده بالسعر0
مثلا" حصلت لي واحد كبير في السن في وكالة نيسان يبدو عليه الوقار والهيبه(يعني الرجال كاش)
يبحث عن سياره جيت بجنبه وقلت له ياعم اشوفك (بايه)يعني محتار
قال:اي والله ياولدي بصراحه ودي بالأرمادا !! وودي بالباثفايندر !! وودي بالباترول!!
قلت له: طيب الموتر للعائله والا للبر والاتبيه رياضي يعني يصلح لكلش


كان جوابه : لاياوليدي ابسلمها للسواق يودي عليها الأولاد للمدرسه
قلت له : بس قال : بس0
قلت عندك الهيونداي الديزل((الميني فان)) 0
قال : ياولدي هذي ماتصلح للمدينه http://mekshat.com/vb/images/smilies/no.gif
(((((( وش رايكم ))))))) !!!!!!!!!!!!!!!!!
وللمعلوميه أمثال هذا كثيييييييييييييييييييييييييييييييييييييييييييييييي ر

اللي محرقني من جد عاد الأخ البطل ابوجميل
هو ويا رائعته ال gxr
هذي التحفه الفنيه قيمة الفل أوبشن منها ب 168000 ريال يرحب بريال
هو ماعليه شرهه الشرهه والله على أمثال أخونا راعي السواق
والا أقول لكم يمكني ظالم الشيخ ابو جميل هو ويا رائعته لذلك خلوني اختصرلكم التجهيزات الكليه ونقارنها بالسعر الرمزي
1/ المكينه : لها أكثر من 10 سنوات ماطورت
2/نظام الدفع الرباعي هزيل جدا" ( فريول)
3/الهوبات والفحمات الأماميه والقماشات الخلفيه صيني
4/الونش اقصى تحمل سحب 13 سياره دفعه واحده
5/المواد الداخليه مهيب ذات جوده رديئه الا اسوأ المواد البلاستيكيه الصينيه
6/المطاط اللي على رؤوس القيور مثبت بصمغ ابوخمسه ريال وحق الدبل ينسونه احيانا"(يعني اذا طلع في يدك ثبته بصمغ والا ركب خشب صناعي من الغرابي بدل المطاط)
7/غير مزود بتكييف الكتروني
8/غير مزود بمثبت سرعه
الجنوط صيني ,, الجناح من مستودعات ابو جميل في جده,, الخطوط ايضا" في المستودعات تركب,, الزينون , نظام الحمايه ضد السرقه برضو في المستودعات والتخشيب يركبه الذيب بعد 00000إلخخخخ
وفي النهايه 168000 ريال يرحب بريال































اووووه نسيت اقول لكم
ترا النيسان باترول ماينفع ولا يصلح بريال واحد انحاشو عنه لااحد يشريه منكم يالربع ..........http://mekshat.com/vb/images/smilies/biggrin.gif

[كبريت]

ش تبينا نشتري اجل

هججتنا من التيوتا والنيسان افضل مصنعين للسيارات

عطنا موتر البر برايك؟

[MF6]

السلام عليكم

يا موادع الرملة احلى تحيه انت و ابو محمد
يا موادع كلامك صحيح لان الجي اكس آر سعره مو فيه لان عبداللطيف يلعب فيه لعب

وكلامك يا ابو محمد صح بعد وش نبي نشتري سيارات؟؟

على فكره مو عبداللطيف بس والا الحمراني بس هم اللي يلعبون بالسيارات
كل الوكالات كذا
ليشش؟؟

ماعندانا (حماية المستهلك ) تدقق وراهم ولاعبين لعبتهم هنا
لذلك تبي موتر غصب عليك بتشتري مالك حل
وانا افضل اذا بتشتري Gxr اشتر من البازعي بريمي اصرف لك وارخص ولا فيه فرق بينه وبين البريمي بعمان الا 1000 ريال
وشكرا

[ذريف]

اولا"
شكرا" على مرورك
ثانيا"
اقرأ الموضوع جيدا"

[ذريف]

ياأم فايف
اقدر لك تفاعلك عسى عمرك طويل
انت والأخ ابومحمد مافهمتوني في آخر الموضوع بخصوص النيسان
العباره ساخره يعني العكس طبعا"
حياك الله مره ثانيه0

[عاشق المزون]

والله ياخوي النيسان مقارنة باسعار التايوتا فرق كبير جدا يعني الفل كامل 2005 واحط مطلعة 135000 الف ريال وال Gx 2005 شريتة 130500 ربال ويستاهل كل ريال فرق نور زنون وجلد واشياء كثيرة بس نقارن هذا بعد مضي 10 سنوات من الكرف المتواصل .
ابي يملك سيارة Vxr موديل 93 شارية 125000 على وقت موديلة طبعا الوالد انا احلف لو يركب امريكي 5 شهور شوية يجلس معة العم الله يحفظة وياكم جميعا شراء باترول موديل 94 بسعر 98000 الف على وقتة طبع هو وابي يطلعون سوا هذا يمشي هذا .
اخي استلم الاند الله يحرسة من الوالد (قصة حياة) على وقت رجتة كل شهر طبعة الى ام دباب والطريق انتم عارفين سيدين ومنور بعد :) :)
عمي باع الباترول على موديل 99 تقريبا بسبب صوت القدور الى معة :) والخربات الدائمة خصوصا الدفرنس ولاحظ عمي ماعندة عيال :) والموتر فرق موديل
اللاند الله يحرسة موجود حتى الان ورايح علية الى المدينة المنورة قبل الاجازة وقولو ماشاء الله . والى سامودة وام عشربعد العيد

الان جميع مانملك من تايوتا وبس والباترول من وكيلة الحين ؟؟؟؟؟؟

[أبو ثا بـت]

موضوع حساس جداً ... ... .. بس تيون رأيي .. المشكلة في المستهلك .. بصراحة ماعمري شفنا وكيل ماسك واحد يسحبه بيده الين الوكالة ويقول اشتر من عندي ..!!
تبي تشتري اشتر ماتبي ماحد غصبك .!! ومهما دورت ولفيت لابد أن تلقا عيوب فالسيارات انواع وكل نوع له ميزات معينة ..!!


فيه مثل يقول :
من أراد أن يركب بغلةً بلاعيوب .... فليمشي على قدميه .

[ذريف]

أخوي عاشق المزون
انت رجعت بنا 13 سنه للخلف.... كلنا نعرف ان الvxr و gxr من عام 98 وهي مختلفه
انا واقف على vxr 97 مبيوع ب 88000 ريال قبل سنه ولو تقول وش رايك بقول الموتر يستاهل
لأنه تويوتا تويوتا أنا ياعزيزي مانسيت تاريخ الشركه بل بالعكس لو ما جا من عائلة الاندكروزر الا
الشاص0
بس المشكله في الموديلات الحديثه خاصه من 2003 وفوق ((الفكس آر والجكس لآر)) من حيث الجوده والسعر
يعني ماعاد به جوده زي اللي في 97 وتحت وايضا" السعر صار خيالي
وللمعلوميه الموديلات الحديثه كلها تهربد يعني تفكك وانا متأكد انه بيوافقني على هاالكلام واجد
اتمنى تكون الفكره وصلت
واشكرك مره ثانيه على المشاركه وابداء رأيك

أخوك/
موادع الرمله

[ذريف]

أخوي فص فص
صدقت في كلامك
وحنا نناقش الموضوع بعقلانيه وود
نعم كل السيارات فيها مميزات وعيوب
لكن من الغلط اننا نمجد سياره عيوبها طاغيه على مميزاتها
اشكرك على التفاعل يابطل

أخوك/
موادع الرمله

[عاشق المزون]

مشكورين ياجماعة على المشاركة .

بس الكل يمدح واارد قطر والامارات من الاند ااترك من ابو جميل لعب في الاسعار لعب و الموصفات من الرخيص والردي .

بس اكثر تعاملنا الان مع التايوتا ولله الحمد لم نرا منة عيوب تذكر ابدا ولله الحمد . والصيانة في الديرة شقراء يعد اما عبدالطيف و البازعي مااعرف اماكنهم فية :) جربت جميع سيارات تايوتا في البر مع الربع وشريت وبعت سيارات وانا اخوك تكسب ذهب بس بلاسف البرادو ما اعجبني ابدا حق خطوط بس :)

والكلام في الاخير كلن شراي بضاعة وسوقي ولولا الاذواق لبارت السلع وان اخوك

وشكراااااااا :) :)

[أبو ثا بـت]

تسلم أخوي موادع الرملة على ردك الأروع .ز فعلن كلام الشخص يعكس شخصيته .. تبي تعرف وش استنتجت شخصيتك من ردك .. !!

سؤال غريب .. إذا ودك قلي وأقولك بكل مصداقية .. [س إذا رجعت من السفر بإذن الله ..

[بلص ثري]

مسيكم بلخير ياشباب وعساكم على القوه

اقول للي بيشتري لاند تتتتتكوفن لايقرب الا البريمي وغيره لايدور ........ واحذرو ابوجمييييييل

[ذريف]

عاشق المزون
انت شخص محترم وانا أحبك في الله

شكرا" على المواصله للمشاركه


أخوك/
موادع الرمله

[ذريف]

فص فص
من بوادر ردودك
بدا لي انه يوجد بيني وبينك توافق فكري

علمني وش استنتجت انت ياكبتن..



إذا جيت بالسلامه

أخوك/
موادع الرمله

[ذريف]

بلص ثري
حياك الله

شكرا" على مشاركتك

[ابو شلش]

شف مع السواق فان ديزل صح للديرة بس برى الديرة ماتنفع ولا بتبن

انا اشهد ان الجيب بالبريمي وغير البريمي لاتقول

[ملاعب الريح]

السلام عليكم ورحمة الله وبركاته
أخوي (موادع الرمله) عطني بديل بنفس قوة تحمله وبنفس مسكة سعره وبنفس ممشاه بالبر وبنفس رزته
وأبشر بسعدك ما لك إلا إللي يشتريه

هذي الصراحه ونا أخوك
عندنا 4 سيارات كلها تايوتا ولله الحمد ما شفنا منها اي عيب
تحياتي

[يوسف عبدالله]

ماهو عيب بأي شعب أن تكون هناك شركة معينة أكثر إنتشاراً من غيرها

فذلك يرجع لملائمة السيارة للأرض والأجواء وكذلك خدمات مابعد البيع وكذلك حاجة الناس للسيارة وإستخدامهم .

فلن تجد سوبربان أو يوكن في الشام أو مصر
ولكن قد تجد جراند شيروكي أو باثفيندر أو برادو

هل هذا يعني أننا متخلفون لأننا نشتري السوبربان
بالتأكيد لا
لأن طبيعة الأجواء هنا وكثرة عدد أفراد الأسرة يؤثر في قرار الإختيار


هنا من النادر أن تشاهد فولفو أو روفر
هل هذا يعني أن السياره فاشلة عالمياً ؟؟
بالتأكيد لا
ولكن خدمات مابعد البيع لدينا هي الفاشلة


**********
كنت من محبي نيسان
ولكن بعد عدة تجارب ,,, صدمت من خلالها
ولهذا الآن أشتري تويوتا
بالرغم من إعجابي الكبير بالبترول

1- أولاً / جيب باترول سوبر سفاري 1993
ممتاز وماعلية كلام
وبعد تقريباً 70 ألف كيلو ظهرت مشكلة بسيطة في الكربريتر
ذهبت إلى الوكاله أكثر من 20 مرة ولم يتم حل هذه المشكله ؟؟
وذهبت لغيرها من الورش ,, ولم تحل المشكلة بشكل جذري

تخلصت من السياره وقتها

2- باثفيندر موديل 2003 ,, قبل يكمل 30 ألف كيلو
وأنا مسافر
السياره عزمها طاح ,, وبقطعة الظهر تجيب 120
ولما وديتها الوكاله قالو الحساس
قلت حرام عليكم حتى بالبر مداري عليها حيــــــــل .

3- زميل عزيز جداً لدية بترول سوبر سفاري 1999
تعاني المكينة من رجفه قوية جداً
ذهب إلى كل مكان ولم يتسطع إصلاحها .
(( تخلص من السياره ))

4- زميل آخر ,, لديه بترول 1999 أس جي أل
خرب لديه (( خرطوش )) أعتقد له علاقة بزيت الدركسون
ذهب للوكاله
قالو له ,, القطعه غير موجوده ,, ويجب طلبها من اليابان ؟؟؟؟؟؟؟؟؟؟؟؟؟؟؟؟؟ <<== لاحظ بترول مو أنفنتي
وذهب وكبس نفس القطعة مره أخرى ,

5- زميل آخر معه ماكسيما 2001 جير عادي
كان الكلتش معاه يفلت
حاول يصلحه ,, ضبط معاه لفتره قصيره ورجعت نفس المشكله
أخبره أحمد المهندسين بأن لايتعب نفسه لأن هناك خلل مصنعي ,, ومهما حاولت إصلاحها ستعود
(( تخلص من السياره ))

والقائمة تطول

أنا لا أقول بأن سيارات تويوتا لاتعطل أبداً
ولكن أن تعطلت سوف تجد القطع متوفره بكل مكان , وسوف تجد الكثير من لدية القدرة على إصلاحها .


ذكرتي مره كان معي ليكزس , وكنت في سفر
طلع صوت بالمكينه ,, وديتها لورشة قلت أشوف يمكن شيء بسيط
المهم طلعت المشكله أكبر مما أتصور
قال لي المهندس ,, أنا الوحيد في هذه المنطقة الذي أستطيع إصلاح مكائن الليكزس ,, (( والماكسيما )) .
يعني الماكسيما معقده لدرجة مو أي فني يستطيع إصلاحها .





بإختصار
نيسان على عيني وعلى راسي .
ولكن
الحمراني هو سبب هذه السمعه السيئه .
وياليته بالبترول يشيل مسجل ويغيره ويحط جناح من المخزن الي عنده
لكن يوفر قطع الغيار في كل مدينة وقرية وهجره .




وبالنسبة للشركات الثانيه
طلع منها gmc وبقية الشركات أحرقها
تصدق قريبي مطلع جيب ميركوري موديل أعتقد 97
وخلال أربع سنوات غيره المكينة مرتين والجير مره
من غير المصايب الثانيه ؟؟

أقول
لو ابو جميل مسك نيسان والحمراني مسك تويوتا
إيش تتوقع يصير ؟؟

وآسف على الإطاله
لكن اليوم مشتهي أسولف

[طير استراحه]

اولا السلام عليكم والشكر الجزيل لصاحب المبادره بطرح الموضوع ...
ثانيا الموضوع طويل ومتشعب ودائما تجد الاختلاف الشديد والمثير بين عشاق الباترول واللاند كروزر ومن ناحية ميولي فهي للاند كروزر ولكن في الاونه الاخيره ومع كثرة المكاشيت في الاعوام الاخيره لاحظت شي غريب ويدعو للتوقف عنده وهو ... كثرة جيوب الباترول الموديلات القديمه الثمانينات وبداية التسعينات ؟؟؟في كل مكان الربع الخالي الصمان الدهنا النفود الكبير وعند سؤالي لاصحابها كيف يثقون بسيارات قديمه وباترول خصوصا؟؟؟؟ تفاجأت بضحكات الاستهتار منهم وهم يقولون خل اللاند ينفعك ...عقب عشر سنين مايسوى ريال سألت اخوي قلت وش السالفه ليش يرد كذا قال لي اللاند كروزر تغير مهوب على خبرك صار يقربع خصوصا من الالفين وثنين وانت جاي وسعره مبالغ جدا فيه وقطعه كلها تقليد؟؟؟؟

[ذريف]

ابوشلش
شكرا" لإنخراطك بالموضوع والمشاركه

[ذريف]

<HR style="COLOR: #cccc99" SIZE=1> <!-- / icon and title --><!-- message -->
السلام عليكم ورحمة الله وبركاته

بوسيف ياحبيبي انا ماودي اكرر كلامي اللي قلته
القضيه بإختصارالفكس والجكس طارت أسعارها بالعلالي والجوده تردت
وإذا عندك فلوس وبتشتري vxr 4 ب21800 ريال من ابو جميل الله يوفقنا وياك
ومبروك مقدما"
أشكرك على المشاركه ياذيب

[ذريف]

يوسف عبدالله
في البدايه كلامك صحيح 100%
ولكن انت اسهبت في ذكر العيوب بنيسان وأهملت المزايا
حبيبي انت اغفلت تاريخ مضيء لنيسان بغض النظر عن
سوء وكيلها ..
نيسان انتجت الدسن من 79 إلى 97 والله ان تبطي تويوتا
مأنتجت مثل هاالسلسله الناجحه..(على سبيل الذكر لاالحصر)
نيسان انتجت سلسلة مكاين ( vq) اللي على المكسيما من عام 1995 إلى الآن
واللي أيضا" على الباثفايندرمن موديل 2003 وفوق "على فكره مكينة الباثفايندر الحاليه أقوى من مكينة الجكس لآرمن حيث التسارع وعدد الأحصنه وسرعة الأستجابه وطول العمر الأفتراضي"
لكل شركه هفوات وإنجازات

لكن يبقى سؤال في ذهني ؟؟
هل يستحق الجي إكس آر 168000 ريال ؟ أتمنى أحد يجاوبني 0

[هلا بريدة]

يابعد سبدي يا موادع الرمله .................. ماخلصت على شيباننا إسئل أكثر اللي معهم جيب ::: ليش شاري لاند كروزر يبي يقولك شيك عتد البيع ؟؟؟؟!!!!!!!!!! ولا تحسبه زينن به مطبه بالعلبات وقطع غياره نارررررر
ولا الباترول واليوكن ازين منه الف مره ....... وش الف مره بل ملييييييون مره ؟؟؟؟؟؟؟
وعفوا للجميع وجهة نظر خاصة بي لاتزعلون

[ذريف]

هلا بريده
ياهلابك عد هملولٍ هل على بريده
أشكرك على إدلاء دلوك
تحياتي لك

[طير استراحه]

المثل يقول مالك الا خشمك لو هو عوج ومع الخيل ياشقرا احسن من تجي تبيع تحبب الشريطيه يشرون سيارتك ويكسرون راسك خل راسك مرفوع واشتر تويوتا وانت اللي تكسر راس الشريطيه ومره اخرى نقول اتركو التعصب واشترو تويوتا بس على شرط يكون البريمي وليس النصاب الجميل

[ذريف]

طير استراحه
الدعوى مافيها تعصب الله يرزقك الجنه
والراس مايرفعه إلا العلم الطيب مهيب تايوتا الله يجزاك خير
أمّابخصوص قولك اشتروا تويوتا فهذا رأيك أخوي طير
وأشكرك على التفاعل ياطيب

[ابوقاسم]

الاخ موادع الرملة
شكرا على طرح الموضوع وانا اقول من واقع تجربة
ما في اصبر من النيسان
اول سيارة اسوقها جديدة من الوكالة الى ان ودعناها ما اشتكت من شي الاكسسوارات صاحية مية بالمية والمحركات ولا في احسن منها ولا عمرها اشتكت من شي وصبرت معانا اكثر من 20 سنة
180بي موديل 81
والسيارة الثانية سيارة الاخ سدرك بكس موديل 85 عاشت مثل خويتها ما اتعبتنا في شي والى ان استبدلت وهي صاحية
والسيارة الاخيرة اللي موجودة عندي الله يحفظها الباث فايندر ولها الحين 6سنوات والحمد لله زي الحلاوة وانا الان مالي ثقة الا في النيسان من واقع التجربة
وفي نفس الوقت اخذ معي 3من الشباب 3سيارات سدرك موديل 2000 وكالة اللي في الدمام واللي كان في الرياض وضرب خطوط كل اسبوع والى الحين ما حد منهم اشتكى من شي في سيارته
وعلى موديل 2004اخذ واحد من الجماعة باث والى الحين ماشي معاه زي الحلاوة
وفي 2005 اخذوا 4 سيارات باث والى الحين معاهم زي الحلاوة
وترى ما في ابرك من النيسان سعر مناسب وجودة في الصناعة
واللي جرب النيسان ما يدور بداله
وللجميع التحية

[راعي الكيف]

احذرو جميل من كلش ...

موب بالاند بس .... بالهلي ... والكامري ... وكوووووووووول سياراته

ياشيخ هالادمي الله يهديه لاعبن على خلق الله لعب ....!!!

اجل الكامري الخليجي ... الجي إل بس ... يجي بها فتحة .. وكشافات ضباب ... ومثبت ... وايرباقين ... وجنوط .... من سنة جدي !!

والاخ جميل .. حضرته ... توه بادي يحط بالجي إل جنوط ... لا ومخصص لها فئة بعد ... كل فئة ... لها ميزة

اجل الكامري لها 11 نوع عند جميل .... وهي اصلا جي من اليابان 3 انواع لا رابع لهن !!!

ما اقول إلا الله يهديه بس .... ويفتح عيون حماية المستهلك على هاللعب اللي صاير

[عابد]

السلام عليكم ورحمة الله وبركاته

اولاً أشكر صاحب الموضوع على طرحه وأشكر بقية الإخوة على تفاعلهم مع الموضوع وأدبهم في الحوار وهذا ليس بمستغرب على جميع الإخوة في مكشات فمهما اختلفنا في الرأي إلا اننا نبقى اخوة متحابين في الله .

اخواني الأفاضل
أخونا الحبيب موادع الرمله طرح موضوع مهم ( وهذا الذي فهمته أنا ) ألا وهو اننا نشتري الأشياء بناء على قناعات الآخرين ولي على قناعة منا وهذا كلام صحيح 100% فكثير من الناس عندما يشتري سيارة أو أي سلعة تجده يشتري ما يشتريه الناس دون النظر في جودته أو سعره ولا يسأل عن خدمات ما بعد البيع وهذا خطأ فالسلعة التي سنشتريها سنقوم نحن باستخدامها وليس الآخرين لذا علينا نرى إن كانت تفي بحاجتنا أم لا وهل هي وفق امكانياتنا المادية أم اننا نضطر إلى شرائها بالأقساط أو نستدين من أجل شرائها .

ثم اخواني الأفاضل
خدمات مابعد البيع
توفير قطع الغيار
الإصلاح المتقن
الاعتراف بالعيوب المصنعية
التسليم في المواعيد المحددة
ضمان الإصلاح
الاستقبال الجيد في ورش الوكالات
العمالة الجيدة

جميع الوكالات لدينا في السعودية لاتوفر ماسبق ذكره فلا عبداللطيف جميل ولا الحمراني ولا الجميع ولا التوكيلات أو الزاهد سابقاً ولا العيسائي ولا بالبيد ولا بقية الوكالات التي لا أعرفها جميعها لاتتوفر في تلك الخدمات وما منا إلا وقد مر بتجربة مع وكيل السيارة التي يملكها

اخواني الأفاضل
ماسبق ذكره عن الوكالات جربته شخصياً فقد سبق وأن اشتريت أكثر من 9 سيارات من وكلاء مختلفين وجميعهم سواء في الخدمة وتوفير القطع .

عذراً على الإطالة وسامحونا

اخوكم عابد

[ذريف]

ياليت الأخ يوسف عبدالله يقرأردك
وأشكرك جزيل الشكر أخوي الغضى على ردك الجميل

تحيه لك

[ذريف]

راعي الكيف

تحياتي لك ياواعي
أشعلت شمعه بكلامك المضيء

[ذريف]

الأخ الفاضل / عابد

أولا" أنت شخص مؤدب وأنا أحبك
ثانيا" هذا قصدي بالضبط (اللي فهمته)

بعدين مشكلة الوكلاء مشكله أزليّه عندنا بالسعوديه
وطرح الحلول يحتاج لأذن صاغيه ...

عساك فهمتني يالذيب ؟!
أحييك على المشاركه المهذبه

أخوك/
موادع الرمله

[patereot]

انا معك في كلامك بس عندي ملاحظه...

يعني لو تفكر الي بيشتري السيارات الي ام 400 الف وانت ماشي منهو
هم واحد من :

1-ولد نعمه.
2-واحد طاح على ورث ولا تعب بفلوسها.
3-رجال اعمال كاااااااااش.


اما واحد تاعب في فلوسه مستحيل يسوي هذا الشي

فا شكل الرجال الي انت شفته منعم الله عليه ويبي يضيع دراهمه بأي وسيله:)
________
واذا تبي الجد بصراحه اذا الله منعم علي وعندي ملاين بصراحه بطق لي الموتر الي في راسي انا كم مره بعيش;)

[ذريف]

شكرا" على ابداء رأيك يا باتريوت

أخوك / موا د ع ا لر مله . . .

[Abo Nader]

السلام عليكم و الرحمه

الصراحه بعض الشباب طرا تعصب و مدري وشو ترا أنتم تفتخرون بصنعه الغرب الله يجيب اليوم الي نسوق به جيب سعودي قولوا امين



الشي الثاني حنا نتكلم عن الجودو مناسبه السعر الصراحه الاند و الله الجديد غالي شف بكم سعره عام2002 و الحين

[عاشق المزون]

نعم انا اقول نفس كلام اخوي ابو نادر اسعار التايوتا بشكل عام في ارتفاع شدبد والدليل الهايلكس بعد انا ادور هايلكس موديل 86 حصلتة اغلى من 96 ؟؟؟؟؟؟؟ اما الهايلكس 2005 فحدث ولا حرج
كذلك لاندvxr 2006 بـ 218000 الف ريال بس حطو شاشة تلمس بالرجل :) !!!!!!!
الظاهر اليابان مايبون اي واحد يركب تايوتا بعد فترة الى الي مولود في بنك :) :)

الله المستعان ومشكورين على المشاركات الحلوة :) والعذر والسموحة ان كان غلطنا في حق احد

[ابوخالد]

صدقت والله هذا حال كثير من الناس انه مع الخيل ياشقرا خاصتا المليانين منهم

[ملاعب الريح]

السلام عليكم ورحمة الله وبركاته
الأخ موادع الرمله تحيه طيبه وبعد

من قال انك اذا بغيت تشري موتر لازم يكون آخر مديل (مديل السنه):no2:

انا موتري لاندكروزر 93 وماشاء الله تبارك الله عزمه جيد وديكوره ومكيفه ولا احسن منه وأهم شيئ ما يقرقع (صوت القدور اللي بالنيسان) ولله الحمد:good:
بالمقابل جب نيسان 93 ما تلقاه بنفس جودة التايوتا حتى لو انه أقل منه ممشا بالكيلو مترات وحتى لو سواقه شايب ولا يمشي ممشى التايوتا بالبر وبالديره يقرقع ما بالك بالبر:confused:

أنت تذم التويوتا كله وما ذميت ابو جميل فقط أنا اتفق معك إن ابو جميل يلهف كم ريال زياده لكن وين راح وارد البريمي
وبعدين شف الفرق بين اسعار قطع التايوتا وقطع النيسان كلها يابانيه لاكن النيسان أغلى خاصه في القطعالإستهلاكيه
وتبي تتأكد من كلامي وتتأكد اني مع الجوده وغير متعصب للتويوتا:cool:

سق موترين واحد نيسان وواحد تايوتا كلها موديل قبل كم سنه وشف فرق العزم وفرق الاصوات :( التايوتا قطعه وحده اما النيسان

:looney: لا تعليق


في الختام اتمنى انك تقرأ ردي بشيئ من العقلانيه والإتزان وتأكد اني غير متعصب إلا للأجود

هذي وجهة نظر خاصه

تحياتي أخوك / بو سيف

[أبو ثا بـت]

السلام عليكم . .

أبشركم والحمدلله .. لقد عدنا من السفر قبل تقريبا 15 دقيقة .. والله مابعد بدلت جيت أطامر مشتاقلكم ..

المهم ..
أخوي موادع الرملة الله يحفظك ... أبسدد ديني (( الوعد )) بس أخاف أعلمك يكبر راسك .. عشان كذا أبختصرها لك ..

الصورة التي رسمتها عنك في ذاكرتي .. أنك إنسان تمتاز بعدم جرح مشاعر الآخرين وتتورع عن ذلك .. وهذا كله من فضل ربي عطاك طيبة قلب .. وأعتقد أيضاً إنك ماترضى بالغلط وتجادل لنصرة الحق .. !!

(( أحس إني من حقين أبراج الجرايد )) يتكي عند التلفزيون
وبريق شاهي ويقعد يتفلسف على الضعوف برجك يقول وبرجكي يقول .. الله يهديهم بس ..