المساعد الشخصي الرقمي

مشاهدة النسخة كاملة : إقتراحاتكم وأرائكم في تصميم لمبة الكبوت


22saad22
01/09/2011, 06:31 AM
السلام عليكم ورحمة الله وبركتة أخواني الكرام

خطرت في بالي فكرة وإن شاء الله نراها على أرض الواقع لكني أحتاج إلى مساعدتكم بعد توفيق الله عز وجل. أنا أبي أسوي لمبة اللي تستخدم في البر غالبا وتثبت في الكبوت لأني الأنواع اللي شفتها في السوق يوجد بها بعض العيوب اللتي يمكن تلافيها بسهولة. ومن هنا أطللب مساعدتكم في أن تقترحوا علي أفكار ونصائح أو أي شي أنت ودك فيه إنه يكون موجود في لبمة الكبوت وشكرا.

أخوكم سعد...

بالتوفيق للجميع وشكرا مقدما.
22saad22
02/09/2011, 10:20 AM
للرفع وأتمنى أني ألقى تفاعل.
ابوريما99
02/09/2011, 10:49 AM
الله يوفقك ياسعد
بس لو قلت لنا العيوب اللي شفتها
عشان نقدر نعطيك ارائنا
انا مركب لمبتين وحده بالكبوت وحده بالباب الخلفي
ومعي باترول سفاري
وماشفت صراحه عيوب الا انها تشفط البطاريه
يعني كل شوي لازم تدق سلف تشحن البطاريه
ومدحوا لي لمبة بيضاء من رفيق الدرب بس سعرها
احس انه مبالغ فيه شوي بحول الستين ريال
واللمبه الصفراء قيمتها ماتتعدا الخمسة ريال
22saad22
02/09/2011, 03:38 PM
مشكور أخوي أبو ريما على الرد.
بالنسبة للعيوب اللي شفتها أول شي زي ما ذكرت أنها تستهلك بطارية بشكل كبير والشيئ الثاني الحرارة اللي تصدر من اللمبة. أنا شفت اللمبة اللي عند الأخوان في رفيق الدرب والصراحة حلوة والسعر من وجهة نظري أشوفة مناسب لكن بحكم خبرتي في القطع الألكترونية هي أرخص من كذا بكثير لكن الله يرزق الجميع. اللي ودي فيه إقتراحات عامة وأفكار يتمناها الواحد أن يلقاها وشكرا.

بالتوفيق للجميع.
ابوهتان2007
02/09/2011, 03:51 PM
السلام عليكم
وكل عام وأنتم بخير وعساكم من عواده
أخوى سعد بحكم خبرتك كم ذكرت أخى الكريم فى الألكترونيات ومعرفتك فى قطعها
نتمنا منك طرح أفكارك وتسويقها عبر الموقع وباسعار معقوله للجميع
وجزاك الله خير الجزاء أخى الكريم
وأسال الله لك ولنا وجميع الأخوه والأخوات التوفيق من الله عزوجل
عاشق السيل
02/09/2011, 04:12 PM
إذا كنت تبي اللمبة ثابتة على طول بالكبوت فمالك إلا الصفراء القوية المعروفة لأنها صغيرة وتقدر تثبتها بأي مكان ،، ومن ناحية الحرارة ماعليها شوي وتبرد !!!

وإذا ودك توفر استهلاك البطارية ركب اللمبة البيضاء بس لازم تفكها من القاعدة قبل تسكر الكبوت وتكون القاعدة ثابتة على طول بالكبوت وبمكان مناسب !!

أما لمبة رفيق الدرب صحيح ممتازة وقوية وتستاهل سعرها لكني أشوفها ماتصلح للكبوت لأن نورها باتجاه واحد يعني لازم تفرها باتجاه الجلسة .....
قناص*07
03/09/2011, 12:02 AM
اللمبه الصفراء ممتازه بس ركب 55W وليس 100 لان ابو 100 تشفط البطاريه شفط والـ 55 ثلاث ساعات ودق سلف وراح تشتغل من اول نقره.
لمبة رفيق الدرب ممتازه بس بإتجاه واحد وممكن تلزيق شطرطون المونيوم تحت اللمبه (بين اللمبه و الكبوت) كي تسمح بإنتشار وعكس الاضائه اكثر وركبها في طرف الكبوت من جهة المقدمه.
برنس القصيم
03/09/2011, 12:56 AM
ركب لمبه على شكل شريط موجوده في محل رفيق الدرب

وهذا الرابط يفيدك اكثر......

http://www.mekshat.com/vb/showthread.php?t=407333