ابو عايد
25/01/2006, 12:30 AM
عسى القصيدة تعجبكم يالنشاما ،،، لا أعرف قائلها :-
حتى ايش لو ركبت لك جيب فكسار=وجمعت لك خمسين وضـح ومغاتيـر
وبنيت لك فله على شـارع إشهـار=وأصبحت من قوم ألغنـا والدنانيـر
وصاحبت لك عشرين جاهل وغدار=وحطوك فارسهم مثل سالـم الزيـر
وتنظم من الأشعار عذبات الأشعـار=وأصبحت شاعر لك صفوف وجماهير
يمكن تروح قـدم ويميـن ويسـار=وتصير لك هيبـة ورهبـه وتصفيـر
والله ما تنفعـك يـا طافـي النـار=لو شلت حال كبر ابانـات والنيـر
ويا صاحب الفكسار والإبل وش غار=ترى المراجل مـا تجـي بالبواكيـر
الرجل له قيمـه وشيمـه ومقـدار=وله مع أهل العرف حشمه وتقديـر
تندى يمينه بالكـرم سـر وجهـار=هيف الإبل والضان ريف الخطاطيـر
قسمه ونعم وميزتـه واف الأشبـار=حليـف مجـد ألا زبـن المناعـيـر
والفرق واضح بيـن عامـر وعمـار=والعلم عند أهل الحكـم والمساعيـر
لن كان ما حطيت لك بـن وبهـار=وقضيت حاجة من حدتـه المقاديـر
وأعطيت من ما الله وهبلك من الخار=وتوجتها بالدين مـن دون تقصيـر
اسـرع تـرا دولاب الايـام دوار=واليا عصيت أقول أشوفك على خير
والمال والفكسار والـذود والـدار=والشعر والأصحاب ما تنفعك ميـر
عدل مسيرك قبـل الأمـال تنهـار=ويصبح مكانك بين عـذال ومشيـر
والله مـا ينفعـك تسعيـن معـذار=اللي زرع له شوك ما يحصد شعيـر
والعز ما يشـرى بدرهـم ودينـار=والحر ما يقـرن بعكـف الدناقيـر
الحر اله في أعلى الشواهيـق ميكـار=ويموت ما يأكـل لحـوم الخنازيـر
ولا يرتضي بالدون عاقـل وبيطـار=ما يرتضـي بالـدون غيـر المثابيـر
تم الجواب اللي مثل قطـف الأثمـار=وما قل دل وعذركـم يـا مسافيـر
صلات ربي عـد همـال الأمطـار=على الرسول وعد ما رفرف الطيـر
حتى ايش لو ركبت لك جيب فكسار=وجمعت لك خمسين وضـح ومغاتيـر
وبنيت لك فله على شـارع إشهـار=وأصبحت من قوم ألغنـا والدنانيـر
وصاحبت لك عشرين جاهل وغدار=وحطوك فارسهم مثل سالـم الزيـر
وتنظم من الأشعار عذبات الأشعـار=وأصبحت شاعر لك صفوف وجماهير
يمكن تروح قـدم ويميـن ويسـار=وتصير لك هيبـة ورهبـه وتصفيـر
والله ما تنفعـك يـا طافـي النـار=لو شلت حال كبر ابانـات والنيـر
ويا صاحب الفكسار والإبل وش غار=ترى المراجل مـا تجـي بالبواكيـر
الرجل له قيمـه وشيمـه ومقـدار=وله مع أهل العرف حشمه وتقديـر
تندى يمينه بالكـرم سـر وجهـار=هيف الإبل والضان ريف الخطاطيـر
قسمه ونعم وميزتـه واف الأشبـار=حليـف مجـد ألا زبـن المناعـيـر
والفرق واضح بيـن عامـر وعمـار=والعلم عند أهل الحكـم والمساعيـر
لن كان ما حطيت لك بـن وبهـار=وقضيت حاجة من حدتـه المقاديـر
وأعطيت من ما الله وهبلك من الخار=وتوجتها بالدين مـن دون تقصيـر
اسـرع تـرا دولاب الايـام دوار=واليا عصيت أقول أشوفك على خير
والمال والفكسار والـذود والـدار=والشعر والأصحاب ما تنفعك ميـر
عدل مسيرك قبـل الأمـال تنهـار=ويصبح مكانك بين عـذال ومشيـر
والله مـا ينفعـك تسعيـن معـذار=اللي زرع له شوك ما يحصد شعيـر
والعز ما يشـرى بدرهـم ودينـار=والحر ما يقـرن بعكـف الدناقيـر
الحر اله في أعلى الشواهيـق ميكـار=ويموت ما يأكـل لحـوم الخنازيـر
ولا يرتضي بالدون عاقـل وبيطـار=ما يرتضـي بالـدون غيـر المثابيـر
تم الجواب اللي مثل قطـف الأثمـار=وما قل دل وعذركـم يـا مسافيـر
صلات ربي عـد همـال الأمطـار=على الرسول وعد ما رفرف الطيـر