سواااال عن المساعدات

[sultan8861]

السلام عليكم ورحمة الله وبركاته

انا محتار ودي اغير المساعدات الخلفيه للباث واركب مونرو او جبريال لكني مدري

فياليت اللي عنده معلومات لايبخل علينا وخاصة المجربين


وشكرااااااااااااااااا

[بعيد الهقاوي!]

صباح الخير سلطان سلمك الله أولاً مساعدات الوكالة ماتنفع , أنا ركبت مساعدات مونرو بـ140 ضمان سنة حلوات لكن مساعدات vxr قوية مرة ( تكسر الظهر) وأنصحك بيايات الرماية تمسك الوتر وأي سؤال بعيد الهقاوي جاهز

[تحت الظل]

والله أنا أنصحك بمساعدات (( أولد مان )) والله حركة وقوة وبـ( 590 ).. الثنتين ..

وإذا كنت راعي بر والا حق راليات .. فمالك إلا هي !!

..

[حر اليدين]

انا اقول مورنو حلوة وعليها ضمان ومجربه واليك صورها

http://alshawi.jeeran.com/msa3d1.jpg

http://alshawi.jeeran.com/msa3d2.jpg

طبعا هذي لددسن لكن انت قله نوع السيارة ويعطيك المساعد المطلوب


حاضضرين لخدمتكم
حر اليدين

[محمد العبدالسلام]

السلام عليكم ورحمة الله وبركاته

حبيبنا حر اليدين ولا يهون الشباب ( واحد خش عرض ) وين احصل مونرو يا الغالي بالرياض وهل تركب للبرادو وهل المحل اللي يبيعها يركبها

[حر اليدين]

هلا بك اخوي حر نجد
تلقاها عند محلات القطع بالصناعية القديمة
وانت جاي مع مخرج 17 اتجاه الغرب جاي من الشرق خلك ماشي لييين يجيك كبري لف يمين بعد خمسين متر يجيك محلات الحمراني لقطع نيسان ابد صفط وادخل المحلات اللي حوله ولا اسأل عنه يدلونك عليه لانه مايبعد ولا خمسين متر بعد

امل ان اكون ماحستك بالتوصيف

اخوك حر اليدين

[نيشان نجد]

أنامجرب مساعدات منرو لددسن أمامي ماشاء الله مايحتاج أطامر فيها ولونها صفر لاكن بالنسبة للباث فجربتها ولونها أسود لاكن ماش رديات تتفقع بسرعة والفكس أر ماي بشينه والله أعلم

[sultan8861]

مشكورين على الردود

بعيد الهقاوي الله لايهينك ابسالك عن مونرو
1 مريحه والا لا
2 وش اللي فرق معك عن مساعدات الوكاله


وشكراااااااااااا

[بعيد الهقاوي!]

حبيبي يعني صديقي مساعدات الوكالة لينات مرّة , ومساعدات مونرو أقوى منها شوي وهي مريحة وفي النفود ما يبطنج يعني متماسك لكن مع المطبات القوية ينزل الموتر من ورى (عجزت أشرح ) يعني الياي ليّن من يومين ركبت يايات الرماية رفعت السيارة رفع معقول متناسق والأهم مسكت الموتر اتمنى أن أكون وصلت المطلوب

[sultan8861]

يعطيك العافيه وما قصرت يابعيد الهقاوى
وعلى فكره انا مركب يايات استراليه من شهرين بس ابغى اغير المساعدات واركب مونرو وعلى مسؤليتك ان طلعت ماهي مريحه ابي ازعل عليك (امزح معك)

[بعيد الهقاوي!]

:j صديقي ................ بعد كثرة الأسئلة عن المساعدات... ركبت مونرو لأنها 1x2 زيت وغاز لأن كل ماسألت عن المساعدات تكون قوية يعني تتعب الظهر ولك خالص حبي يعني تحياتي:heart:
؟؟؟؟ تراني أنتظر ردك بعد ماتركب مونرو:j