لإصحاب الخبرة في فلاتر الهواء الرياضية ومن له تجربة ولو بسيطة ......أدخل وعطنا تجربتك

[فرخ الشاص]

السلام عليكم ورحمة الله وبركاته

إليكم السالفة .....

أحد الشباب معه موتر صغير (( إكسنت )) وركب عليه فلتر
وعزمه ما شاء الله صار أقوى ولكن لا يعرف هل له مضاعفات
ولا لا ؟؟؟

والصراحة أبهرتني تغير عزم موتره !!!! :confused:
وعزمت على تركيبه ولكن قلت أبسأل أهل الخبرة
علشان ما أتندم ؟؟؟ :(

ماهي مشاكلة هل يؤثر سلباً على الماكينه ؟؟؟
وصرفية البنزين ؟؟؟
وصوت السيارة ؟؟؟


لأن خويي هذا كل ما سألته يصرف يمين وشمال
يعني يدربي راسه وما يدري وين الله حاطه ؟؟؟؟؟

[كبريت]

الفلتر سلبي جدا
لاسباب
1_يدخل غبار على المكينه مما يخلي جدران المكينه تتحكك
2- يصرف بنزيم اكثر
3- يصرف زيت ( تقولي كيف )؟

اقولك يعني كل الف كيلو يبغالك نص علبة زيت

ولو نسيتها راح تروح عليك المكينه توضيب زي واحد من الربع

هذا اللي عندي وارجو اني افدتك

[أبو أديب التميمي]

بقولك سالفتي : رحت يوم من الأيام للغرابي (محلات زينة السيارات) اركب نور لسيارتي هايلكس 96 , المهم فيه واحد راعي هايلكس 99 من أهل القصيم عنده مشكله في الكهرب في سيارته وكان كبوت السيارة مفتوح :confused: انا طاحت عيني على الفلتر حق الهوى اللي مركبه تركيب خارجي يعني ماهو في الدبه :eek: كأنه صطل لونه احمر :D قلت له ليه مركبة قال علشان يقوى --عزموه بالنفود-- ( طبعاً الرجال قصيمي 100% :D ) قلت له ما يضر المكينة ؟؟ قال لا ابد ما يضر !! وقلت له شفت فرق في عزمة قال والله الهايلكس اللي معي (يقصد موتره 99) كلبليتر علشان كذا ما يفرق كثير مثل البخاخات ((لأن البخاخات افضل)) :eek:



((((( يعني الرجال ما ركبة عبث ولو ما شاف فرق ما خلاه في موتره )))))



وهذا اللي عندي وعذراً على الإطالة



أخوكم

أبو فارس :cool:

[tomas73]

يقلل صرف البنزين الا اذا كانت رجلك مصيجة ويزيد العزم والسرعة ان طابت ولا ما ضرت

[فرخ الشاص]

مشكورررررررررين على تنويركم للموضوع

بعد ما أستفسرت في كل مكان بالإضافة إلى هذا المنتدى العريق خرجت بالأتي :

المشكله العضمى أن الفلتر مكشوف وهذا هو سبب عطل المكينه مع مرور الزمن
وأحدهم وضع حل جزئي وهو وضع شراب على الفلتر .......

أنا تقطعت من الضحك يوم قال أحط على الفلتر شراب رجلين
ولكن بالفعل هذا ما يفعله أصحاب الهايلوكسات ...........