سيارتي مشت 40000 ألف ، هل لديكم نصائح توجهونها لي ؟

[الجني العبد]

السلام عليكم ورحمة الله وبركاته

كيف حالكم ؟ إن شاء الله كويسين
بحمد الله موتري الآن ماشي 40 ألف كيلو متر ( 2600 كيلو منها قضيتها في السفر )
وماغيرت فيه غير الفحمات والزيت فقط لاغير

أبيكم تشورون علي يالربع ، هل في صيانه أسويها بنفسي للسيارة بهالممشى هذا ؟؟ مثلا تغيير موية الاديتر أو تغيير البواجي أو صفاية البنزين أو غيرها من القطع المستهلكة

الأمر الأخر ، أمس عند البنشري فقع رااسي يقول لي غير زيت القير ، طبعا الموتر هايلوكس وقير عادي
الرجال أشغلن إشغال إلا غير زيت القير والكرونه ، هل كلامه صحيح ياإخوان ؟؟ علما إني قرأت كتالوج السيارة وكان عند النقطه هذي حرف ( ك ) يعني شيك عليه وغيرة عند الحاجة


سعر زيت القير 110 ريال وزيت الكرونه 110 ريال


أنتظر نصائحكم يالغالين

[كثير السؤال]

لايهك عليك العامل يالغالي القير التماتيك هو اللي يغير زيته كل اربعين
والدفرنس كل ثلاث سنين الحريص يغير والقير العادي بعد

[واحد مبسوط]

لاتلمس شي ولا تغير ولا حاجة
يضحكون علينا اهل البناشر
موتري 2010 هايلكس
طبقت الحين ولله الحمد 80 الف
ماغيرت اي شي
ولا لي نيه اغير
وخذها نصيحه
لاتغير شي الا اذا حسيت ان الموتر يحتاج
وموترك جديد ماشاء الله

[شايب . نت]

لا تغير شي يالغالي
كان معي هايلوكس 2008 مشت 150 الف وعادي ولله الحمد بس اهم شي زيت المحرك انتبه له وغير السيفون وغيره لا تغير شي

[كثير السؤال]

ابو 80 واوبو 150 لازم تغيرون فلتر البنزين ولا تبداء الموتر تقطع
واوب 150 غير البواجي ولاتزود صرفية البنزين

[سعد النفيعي]

البنشر اذا كان يمني اعرف انه نصاب
من خلال تجربتي معهم
وليه يا حبيبي سعر زيت الكرونه 110 وزيت الجيربوكس 110
الجالون اصلان سعره 40 ريال والجيربوكس يشيل نصف جالون

[BLA6K]

أخوي اللي أعرفـه زيت الكارونه مايتغير لأنه يسبب ونـه بعد التغيير

[Abusliman]

يا رجال غالبيتهم للاسف نصصصابين
امس مدري قبل امس بغير الزيت لاكورد
قلتله فوكس سوبر جي تي الاصلي بكم قال 15 قلت الاسود قال ايه الاسود الاصلي وكنت متاكد بيجيب لي التجاري
المهم انا غفلت عنه شوي وقعدت اناظر انواع الزيوت الي عندهـ ما دريت الا وهو جايب 4 علب زيت وفاكهن ومن النوع التجاري الي اسمه فورس سوبر جي تي وقوطي مهب علبه
قلتله وين وين يالحبيب قايلك الاصلي الاسود طبعاً مغبيه ولقيت واحد شكلوهـ ناسيه قلت ابي زي ذا
قال والله وقعد يقسم ان الي فكوهـ لي ازين قلتلوهـ لا تقسم ولا تحلف اعرف الزيت الاصلي زين
وجدع التجاري بالزباله بعد ما فكهن بدون ما ينفس لانوهـ يدري انوهـ نصاب

[كثير السؤال]

يا رجال غالبيتهم للاسف نصصصابين
امس مدري قبل امس بغير الزيت لاكورد
قلتله فوكس سوبر جي تي الاصلي بكم قال 15 قلت الاسود قال ايه الاسود الاصلي وكنت متاكد بيجيب لي التجاري
المهم انا غفلت عنه شوي وقعدت اناظر انواع الزيوت الي عندهـ ما دريت الا وهو جايب 4 علب زيت وفاكهن ومن النوع التجاري الي اسمه فورس سوبر جي تي وقوطي مهب علبه
قلتله وين وين يالحبيب قايلك الاصلي الاسود طبعاً مغبيه ولقيت واحد شكلوهـ ناسيه قلت ابي زي ذا
قال والله وقعد يقسم ان الي فكوهـ لي ازين قلتلوهـ لا تقسم ولا تحلف اعرف الزيت الاصلي زين
وجدع التجاري بالزباله بعد ما فكهن بدون ما ينفس لانوهـ يدري انوهـ نصاب
صدقت يالغالي اليمنين اكثرهم نصابين للاسف ومسوي نفسه امين ودين ونصوح وهو من
جنبه

[قرم العيال]

احذر نصب العماله

وزين انك ما طعت وشاورت ..

نصيحه زيت القير والدفرنس لا تقربهن ..

عندك زيت القير اذا نقص زد عليه ولا ينقص من 40 الف ما ينقص الا اذا فك ووضب او انفجرت عليك الصوفه وغيره خلهم عنك

والدفرنس يزاد واقول لك لا تلمسه 40 الف ماهيب شي ,,

حتى ما الرديتر لا تجيه

ولا بواجي ولا فلتر خلهن ذولي ال 60 الف تقريبا يعيشن

اهم زيت المكينه وغيره ما عليه خلاف

[ابونبيل]

لالالالالالالالالالالالالالالالالالالالالالا تلمس شي
انا معي هلي 2006 وماقد غيرت زيت قير ودفرنس

اصلا زيت القير والدفرنس تزيده اذا نقص

احذر تغيره لان اول ماتكب القديم وتحط جديد الكارونه تون والقير يخبط القير والدفرنس تزيدها زيت بس لا يلعبون عليك

[Joker fj]

يالربع طيب بالنسبه للجيب اف جي قير تماتيك وماشي اربعين والوكاله يقول لازم تجيبه وبناخذ منك حول الألف تغيير زيوت الدفرنس والقير وماشابه ذالك بس معصي عيال الكلب بس ابي اتأكد لازم يغير زيت القير التماتيك والدفرنس والدبل إذا مشا الموتر اربعين او لا ؟؟؟؟؟؟؟؟؟

[واحد مبسوط]

يالربع طيب بالنسبه للجيب اف جي قير تماتيك وماشي اربعين والوكاله يقول لازم تجيبه وبناخذ منك حول الألف تغيير زيوت الدفرنس والقير وماشابه ذالك بس معصي عيال الكلب بس ابي اتأكد لازم يغير زيت القير التماتيك والدفرنس والدبل إذا مشا الموتر اربعين او لا ؟؟؟؟؟؟؟؟؟

والله كان معي اف جي 2008
وصل معي ثمانين الف ماغيرت الا بواجيه
والله ينصبون علينا وياخذون فلوسنا على اي شي

[أبوعابد 22]

افادوك الشباب

[ابوهشام 21]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بيق مان]

نصيحة لوجه الله ..
لا تغير زيت الدفرنس .. زيادة فقط ولا تشيك عليه الا بعد 100 الف - التغيير يسبب ونه
لا تغير زيت القير اذا هو عادي
لا تتعبث .. موترك جديد ما شاء الله

[الجني العبد]

مرحبا بكم جميعا وآسف على التأخير في شكركم
صراحة مادري وش أقول لكم ، استفدت استفادة عظيمة من ردود الأخوان ، وماشاء الله كل رد يقول للثاني انا أزين منك

الشكر مايكفيكم ، ولكن أسأل الله أن يسعدكم ويوفققكم دنيا وآخرة ، آمين ..
شكرا لكم مرة آخرى لكل من شرف الموضوع