المساعد الشخصي الرقمي

مشاهدة النسخة كاملة : ܓܨ ديوانية القصائد لأعضاء مكشات ܓܨ ღ شاركنا بقلمك وخواطرك ღ


مزون المدينه
03/09/2011, 11:35 AM
السلام عليكم ورحمة الله وبركاته

لابد من خاطرة شعريه أنت كتبتها بقلمك

إما دفعك شيء محزن او مفرح او ... لكتابتها ..

أكتب الذي دفعك للكتابه القصيده وشرفنا بقصيدتك ..

القصيده سواء كانت منقوله أو شخصيه

مع بيان ذالك


نبدا على بركة الله
مزون المدينه
03/09/2011, 11:47 AM
السلام عليكم ورحمة الله وبركاته


القصيده كتبتها في وسم 2010


والذي دفعني بصراحه شوقي للمزون وشوفة السيول


والقصيده التي زادها وصفا كانت في وقت طال فيه الجفاف وقلة الامطار

فكان الشوق لايوصف لموسم الامطار


فكنت أتنظر ليالي الشتاء ..



القصيده بعنوان " الوسم "


يـامـحـلا شـوفـك وقـربك يالـمـطـر ** ويــا مـحـلا قـربــك يــاوسـم الـســيـول


ويامحلا منشـاك مـن ظـهـر البـحـر ** ويامحلا شوف المزن من فوق السهول


لاشـفـت بـرقــه لاح يـسـتـر النـظر ** وركام مـزنه يـرضـي الـقلب الزعــول


أربع نجوم الوسم العواء فيها حضر ** والـــســمــاك والـغــفـر لــه فـصـــول


والـدمـع فـي وداع الزبـانـا أنـهـدر ** وأربــع نـجـوم الــوسـم مبداها الهطـول


يوم السحاب يشاف في مـد البصر ** فـي تـلـك الأوقــات للـــكـشـتـه مـيـــول



وأهل المكاشت تصلوا على الجمر ** فـي جـلسـة رجـال الـمـكارم والـعـقــول


ريح الخزامى فاح من بعـد المطـر ** يـــا مـحـلا ريــحـك ويـا زيــن الـنـفــول


هذيك جلسة يومها نصف العــمــر ** مــا تـــعـــوض لــو لـيـالـيـنـا تــــطـــول


وعلى هطول الـغـيـث قلبي إنفـطر ** ومن قال أحب الـغيـث مـافـيـهـا خــجـول


حـتـى ولـو حبي وصل حد الخـطر ** ماخفت من تلك المخاطر لو بقربي تجول
ابن الضمين
05/09/2011, 09:22 PM
هذا جزء من قصيده انا كتبتها بواحد اغليه جداا ولكنه غلط علي الله يسامحه


لاتحسب اني يوم انا عنك صديت
.................عجز لا ابين لك خطاك وتعديك
لكن انا للشر منك تصديت
.............وحصنت نفسي بالصبر عن تماديك
وببدي لك الطيبه ولو انك ترديت
...............ولو الخطا منك بجي لك واراضيك
وبرخي الحبل كله الامنك شديت
...................والا ارتخىمنك بشده واراعيك
يشهد على الله معك ماترديت
................والله فلا ادري عن سبايب تجنيك
شفت القصا منك وانا ما تقصيت
.............وابعدتني وانا احسب اني مخاويك
مزون المدينه
07/09/2011, 12:14 PM
هذا جزء من قصيده انا كتبتها بواحد اغليه جداا ولكنه غلط علي الله يسامحه


لاتحسب اني يوم انا عنك صديت
.................عجز لا ابين لك خطاك وتعديك
لكن انا للشر منك تصديت
.............وحصنت نفسي بالصبر عن تماديك
وببدي لك الطيبه ولو انك ترديت
...............ولو الخطا منك بجي لك واراضيك
وبرخي الحبل كله الامنك شديت
...................والا ارتخىمنك بشده واراعيك
يشهد على الله معك ماترديت
................والله فلا ادري عن سبايب تجنيك
شفت القصا منك وانا ما تقصيت
.............وابعدتني وانا احسب اني مخاويك



صح لسانك ياذيب قصيده جميله

تحمل روح الاخوه والتسامح والحلم والصفح

والنعم فيك أخوي الغالي

والله يجعل القلب صافيه ع طول


يقول الشاعر

ياصعب والله ما تحصل بالدنيا صديق ** يكثر ماتزرع ويا قل ماتحصد ثمر
أبو علوى
07/09/2011, 12:34 PM
موضوع طيب

إستلم من محفوظاتي بين الظلوع العوج و هذي لإبن فطيس

الضيقة إللي دايمن تالي اعصير **** وش حيلتي و أردها لا تجيني
القصيدة طويلة و أكتفي بهذا القدر


و أيضا له :


ما دام إن الزمن قاسي و مدات الليال شحاح **** ترى ماللفقير إلا يمد إيده لخلاقه
و أنا من فضل ربي عشت في وقت العنا مرتاح ** ولو جار الزمن ما قمت أحاتي نوض براقه
لا ون قفل الزمن ماله مع بعض العرب مفتاح **** فلا ظني بتلقى واحدٍ طعم العسل ذاقه
و أنا دامني على أحسن ما يرام و خاطري منساح **** فموضوع الزمن ما فيه داعي نكشف أوراقه
أبدله عن صواديف الزمان اللي حياه رياح **** و أدلِّه نفسي بشيء عليه النفس سباقه
رعاك الله ياللي خذيت القلب في يدك سراح **** و في يدك بابه و مغلاقه و مفتاحه

القصيدة طويلة و أكتفي بهذا القدر
أبو علوى
07/09/2011, 12:39 PM
و هذي قصيدة طيبة لفتى نجران

شيبت بي وأنا يا حمود ماني بشايب **** و ألحقتني مشاريه و ملام و نقايد

آه من جمرتن شبت بجوفي لهايب **** و آه من عبرتن توقد بعيني وقايد

و آه من زفرتنن بين الظلوع الحدايب **** عزرت بي سنين و ذوقتني النكايد

من همومٍ تداهمني حشود و ركايب **** من هواجيس نبعت لي و فكري شرايد

و من ليالن عنيده و من جروحٍ عطايب **** كل ما قلت طابت جددت بي جدايد

يا وجودي ليا هبت هبوب الهبايب **** من جنوب البلاد و من ديار آل زايد

وجد من صاحبه قفى و دمعه سكايب **** تو عينه تشاهدها عيون الشهايد
أبو علوى
07/09/2011, 12:39 PM
و شجاع بن عمر

يقول :

واااااااسقا الله حن بدوٍ في ذاك الربيع **** و البيوت مشرعات على عمدانها
الغنم والذود تسرح وراعيها وديع **** والمفالي خضر والغيل في وديانها
وان ضوانا الليل نجلس على الملة جميع **** و نتهادا من علوم الرجال سمانها
النجر يلعب بصوته و دندانه يذيع **** والدلال إللي نجي بالقدوع وزانها
القصيدة طويلة و أكتفي بهذا القدر
أبو علوى
07/09/2011, 12:40 PM
إي بالله : ودنا بالطيب لكن الزمن جحاد طيب *** كل ما تخلص مع الناس كنك تغشها

يدك لا مدّت وفا لا تحرى وش تجيب **** كان جاتك سالمة حب يدك و خشها

كل ما شبيت نار المحبة مع حبيب **** قام يسحل في مشاهيبها و يرشها

وكل ما واجهت في الزمن وجهٍ غريب **** مثل ماقال المثل دام تمشي مشها

و ذمةٍ ما تندار للحق المصيب **** جعل قشاش الحطب لا سرح يقتشها
أكتفي بهذا القدر لإبن جدلان
أبو علوى
07/09/2011, 12:41 PM
و يقول العاصمي في قصيدته والتي منها

رفيقي كل ما دس الخطايا **** على دربي و لا جوّد رسنها
أغض الطرف عنها و آتغاضى **** تموت و كف نسياني دفنها
ألا وين الرفيق إللي يقدر **** يخلي الميته باوسط كفنها
رفيق رفقته ماهي تغيّر ****** كما الدانة ربح من هو خزنها
هذاك بعيد و ادياره بعيده ***** يا سعد اللي دياره قــد سكنها
أدوّج في الفياض إللي هواها **** يفك النفس عن هم زبنها
لحالي في خلآي وراس مالي **** فريدة نوقها غالن ثمنها
و أصيد الصيد إلى منه بدا لي **** واعطّف ناقتي واشرب لبنها
لحم صيد الخلا مع در ناقة **** بعيدّ عن حسين و عن حسنها
و اعبدك في خلايه يا رقيبي **** رقيبٍ راقب الشام و يمنها
ألذ من البلد لو ان ذهبها **** على جدرانها سر و علنها

وودي أسدح لكم قصايد بالفصحى

لكن

أصابعي أوجعتني و عيني ترمش ووداعة الله
مزون المدينه
09/09/2011, 10:09 AM
صح لسان ناقلها وقايلها


سلمت اخوي فالك الجثري
حرماوي.نت
27/09/2011, 01:42 PM
يعطيكم العافية