لأهل الخبره في الدبل...سؤال فني؟؟

[زقم]

اخواني اعضاء المنتدى...السلام عليكم
شاري لي ددسن دبل99والحقيقه الموتر جيد في الطعوس ...بس عند تشغيل الدبل
اذا لفيت يطلع صوت طقطقه اثناء اللفه فقط..وديته لورشه ..قال لي ان السبب جنزير الدبل!:confused:
...بس انا ما اقتنعت..وسألت ورشه ثانيه قالو لي العكوس..لأن الدبل ماله جنزير..:eek:
وش رايكم يا شباب؟
واللي يعرف ورشه جيده في شمال الرياض يدلني عليها..
الله يجزاكم خير

[حر اليدين]

الله يحييك الصوت هذا اذا عشقت الدبل ولفيت يمين ويسار يطقطق واذا مشيت قدام مايطقطق

اذا كان اجابتك نعم فهي في موتري وديتها لميكانيكي يقول يبيلها راس عكس ولو ماتصلحها عادي ماتضر

اعرف واحد عنده نفس موترك بالضبط قعدت تطقطق معه سنتين واكثر ولا صلحها الا بعد مانوى يبيعها كلفته تقريبا مابين ال 300 وال 400 ريال فقط مع ان القطع اللي ركبها وكالة

والله اعلم

اخوك حر اليدين

[زقم]

جزاك الله خير اخوي حر اليدين


..بس اذا تفزع لي او احد الاخوان في هالمنتدى الطيب يدلني على ورشه موثوقه شمال الرياض
او صناعية ام الحمام..ولكم جزيل الشكر

[عيناوي اصيل]

اخي الكريم
الطقطفه عند اللفة يسار او يمين يكون من راس الاكسل كما قال اخوي
حر اليدين ،اذا الطقطقه من جهه واحدة بدل راس الاكسل لنفس الجهة فقط

والسموحة منكم

[حر اليدين]

والله ياخوي انا اصلح موتري وانا خايف من العمال
لكن الاخوان ان شالله يدلونك

[زقم]

الاخوين حراليدين و4*4 شكرا لكم على التفاعل وهذا العشم في منتدى مكشات وأعضائه الطيبين
امثالكم

[القصيم-الرس]

الصوت هذا طبيع ولا يغرونك يقولولك غير
وكل شوي تغير شيء ولايروح الصوت
وكل مأركب جيب ألقى فيه هذا الصوت
يعني خله كذا أحسن

[tomas73]

انا مع حر اليدين في كلامة وتوكل على الله سبحانة وتعالى وفالك خير بأذن الله سبحانة