المساعد الشخصي الرقمي

مشاهدة النسخة كاملة : مشكلتي مع هايلكس 2010 خليجي بعد تركيب جنوط دوريه ، أرجوا من الخبراء الدخول


هايلكس2008
04/09/2011, 12:48 PM
سلام عليكم


أنا عندي مشكلة بعد تركيب جنوط دوريه على كفرات يوكوهاما 205 ...

صار فيه رجه بسيطه بعد ما أوصل 80أإلى 120 تقريبا ...

وش الحل .. مع العلم أن الجنوط الوكاله ( كروم )



انتظركم
عبدالرحمن السالم
04/09/2011, 12:52 PM
وعليكم السلام والرحمه ، والله يالغالي يا ان الجنوط بهن عفط او الكفرات
لكن جربت تسوي ترصيص ارضي عند المجد ، او كمبيوتر عند الطيار او اطاراتي
وان شاء الله تنحل المشكلة ، لكن هل هي دفرنس والا دفرنسين ؟
هايلكس2008
04/09/2011, 01:10 PM
لا هي دفرنس ..

وأنا مسوي لها ترصيص عند محل في المصيف على شارع ابن سينا ..
وطلع على الجهاز أصفار .. ..

أناا سألت وسمعت أنه لازم أودي الجنوط للمخرطه ، لأن الجنط هذا حق موديلات قديمه
وموتري 2010 .. مادري عن صحة هالكلام !!


سؤال جانبي : الصواميل حق الجنوط أصليه وين أحصلها ؟
.أبوعبدالرحمن
04/09/2011, 06:00 PM
أخوي الغالي

عندي أخوي مركب جنوط مرسيدس على هايلكس 2010 خليجي بعد والرجة موجودة ولما سألنا قالوا طبيعية

ولا فيها ضرر على السيارة إلا على المدى البعيد جدا بحكم تجربة اللي سألناهم

ورح للصناعية القديمة بجنب ميزان المجد تلقى اللي يصلحون الجنوط وتأكد من العفوط بعد
عبدالسلام 1
04/09/2011, 07:14 PM
ﺍﺧﻮﻱ ﺍﻧﺼﺤﻚ ﺗﻐﻴﺮ ﺍﻟﺠﻨﻮﻁ ﺗﺮﺟﻊ ﺍﻟﻘﺪﻳﻤﺔ ﺍﺣﺴﻦ ﺍﻟﺠﻨﻮﻁ ﺍﻟﻲ ﺍﻧﺖ ﻣﺮﻛﺒﻬﺎ ﺍﻛﺒﺮ ﻣﻦ ﺣﺠﻤﻬﺎ ﺍﻟﻂﺒﻴﻌﻲ


( ﺍﺫﺍ ﺍﺣﺘﺠﺖ ﻣﺴﺎﻋﺪﺓ ﺧﺬ ﺭﻗﻤﻲ 0544066006)

ﻋﻨﻲ ﺧﺒﺮﺓ ﻓﻲ السيارات
ابونبيل
04/09/2011, 10:39 PM
الصيني يرج معروف المفروض اول ماشريتها وحسيت بالرجه تبدل الجنط الي يرج بواحد ثاني من نفس المحل الي شريت منه

و اعرف ناس مركبين جنوط صينيه وماترج ولا شي بس هي حظوظ
هلي ديزل
05/09/2011, 01:54 AM
مرحبا اخوي،،
أنت مركب "جلب" للجنوط بحيث مايصير فيه اي فراغ؟؟
أنا شريت جنوط صينية وقالوا لي لازم جلب واذا ماركبت الجلب تبي تستمر الرجة حتى لو رصصت فأنت رح لأحد المخارط وقله أبي جلب ولكن ترى ما أدري اذا ينطبق تركيب الجلب على كل الجنوط ولا على الجنوط اللي انا ركبتهن بس

وبعد ماتركب الجلب رصص ترصيص ارضي عند العضيب ويعطيك ضمان شهر


لك أجمل تحياتي,,.
هايلكس2008
05/09/2011, 03:58 AM
يعطيكم العافيه كلكم واحد واحد ،، ماقصرتوا


الله يسلمكم أنا بعد ما سألت ورحت وجيت صفيت على :

الرجه مو من المسامير ، الرجه الله يسلمكم يبيلي أودي الجنوط للمخرطه وأركب "جلب" على ماقال
أخوي هلي ديزل .. أبروح للصناعيه القديمه ان شاء الله وأخرطها .. وأرصصها عند العضيب وان شاء الله
أموري بتمشي .. بالنسبه للي يقول المشكلة من الجنوط ، جنوطي تابكه صح ، وللمعلومية هي
جنوط دوريه ( أصليه ) ماخذها من واحد ، ولا فكرت أركبها إلا يوم شفتها على موتر أحد أخوياي ..





عندي أخوي مركب جنوط مرسيدس على هايلكس 2010 خليجي بعد والرجة موجودة ولما سألنا قالوا طبيعية



معليش أخوي ، بس الجنوط الوكاله وش كانت ؟




* عندي سؤال صغير أتمنى تفيدوني ، اليوم دخلت شريط كاست في المسجل وعيا يطلع ،
وش السواة ؟ ... وكيف طريقة فك المسجل ؟
هايلكس2008
05/09/2011, 11:27 AM
للرفع ...............................
يالبى الهلا
05/09/2011, 12:24 PM
يقول المثل حلاة الثوب رقعته منه وفيه وانا اقول مامثل شد البلد وخاصه الشئ اللي فيه حياة او موت
ابعد عن الترهيم وخاصه الجنوط الصينيه ممكن تخسر حياتك بسبب جنط صيني لانه الايتحمل البنشر خاصه بالسرعات العاليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ﺍنصحك ترجعجنوط الوكاله
هايلكس2008
05/09/2011, 07:34 PM
يقول المثل حلاة الثوب رقعته منه وفيه وانا اقول مامثل شد البلد وخاصه الشئ اللي فيه حياة او موت
ابعد عن الترهيم وخاصه الجنوط الصينيه ممكن تخسر حياتك بسبب جنط صيني لانه الايتحمل البنشر خاصه بالسرعات العاليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ﺍنصحك ترجعجنوط الوكاله


يالغلا الجنوط أصليه ،،
أبي عبدالله
05/09/2011, 10:26 PM
نصيحه ولا يهون الأخوان مالك الأ الترصيص الأرضي وبس

أحسن شي وأقصر العنوه

والله يوفق الجميع
بدون لوحات
06/09/2011, 01:07 AM
الترصيص الارضى لعب على الناس وخرطى وقل كل شى فيه

الترصيص نرصيص المكا ئن الاكترونيه بشرط تكون حديثه ........ اسا ل مجرب
هايلكس2008
06/09/2011, 03:27 PM
تم حل المشكلة ..


رحت وركبت فلنجات من المخرطه

وسويت ترصيص أرضي من العضيب
Messerschmitt
06/09/2011, 06:01 PM
خذ كلام واحد لعبت بوه الهايلوكسات والجنوط 8 سنوات : )

أولاً: يا طويل العمر لازم تركب للجنوط فلنجات او حلقات مثل ما يسمونها بعض الشباب عشان يتكي الجنط

على الرمان موب على المسامير.

ثانياً : فك الصواميل كلهن , وركبهن واحد واحد وفرّهن بيدك لين يربطن

بعدها حرك الجنط قدام وورا واربط الصواميل بيدينك ليييين يختفي الفراغ ويثبت الجنط.

ثالثاً : اربط المسامير بمفتاح العجل ربط خفيف , وبعدها انتقل للمسمار اللي بعده واربطه بشكل خفيف

حتى تنتهي من جميع الصواميل .

رابعاً : الحين تبدا تربط الصواميل بقوه.

بإذن الله اذا طبقت الحركه هذي ما راح يكون عندك رجه ابد .

واذا حصلت رجّه فالسبب هو وجود طعج بالجنط