جيب شروكي باب واحد موديل 98م لونه ابيض للبيع

[قروب عسول]

بسم الله الرحمن الرحيم



السلام عليكم ورحمة الله وبركاته ،،



للبيع شروكي 1998م باب واحد (ربع) سعودي



قير عادي دبل

الممشى تقريبا 285000 كم

السياره قير ومكينة ودبل ودفرنسات ان شاء الله شرط

البدي وكالة ماعدا الرفرف الامامي يمين كبر كف اليد فقط



السياره منفوووضه كامل

* فحمات + خرط هوبات

* طقم كلتش كامل

* بواجي

* مساعدات خلفية

* جلد اذرعه وصوف زيت

السياره منفوضه كامل من تحت

الموتر متماسك

وعزمه ماشاء الله << والتجربة خير برهان

فحص جديد واستماره جديده

السياره مفحوصة كمبيوتر والأعطال اللي طلعها فحص البريدي بالرياض

* قاعدة المساعدات الخلفية مكسورة وملحمة تلحيم كويس ما تتأثر لاني مركب لها مساعدات جمس

* طرف الشاصي الأمامي اللي عند الصدام فيه تشعير خفيف من المراقي وملحم ولا هو باين ولا مأثر بالسياره << ابراء ذمة

* تهريب بسيط جدا في علبة الدركسون لا تذكر

* أذرعة أمامية فيها نص عمر

السوم يا اخوان من صااامل 21500 قبل امس

والبيع 23.000 الف قابل للتفاوض للصااااامل فقط


لمشاهدة الصور للسياره

اتمنى الدخول على الرابط التالي

أضغط هنا لمشاهدة الصور (http://www.haraj.com.sa/11555207/جيب_شروكي_98م_باب_واحد/)

[ابن برقاء]

ارسلي رقمك على الخاص

[يام العريقة]

كم حدك بالنهايه لالصااامل

[ذيب عنيزه]

الموقع الله لا يهينك

[محترم الاربع]

الله يرزقك البيعة الطيبة

[نقى المطوع]

منقول من وقع حراج اللي حاط رابطه الأخ في الموضوع.
"اقول الله يرزق كل واحد عارض بضاعته بها المنتدى السعر اللي يبيه واكثر - لكن تكون البضاعة سليمة ""حب لخيك ما تحب لنفسك"" لكن اما ان السيارة بها هالخرابات ويطلب فيها سعر ما يجيبها اللي في موديلها ولو كانت نظيفة هذا قمة الغبن !!! يعني ما دام السيارة به هلاخرابات المفروض الواحد يقتع - لكن شغل "لزقها في ظهره" هذي والله مصيبة . خافو الله يا ناس البعض يحسب انها فهلوه وشطاره انه يلعب على خلق الله!!

›› رد رقم [25]
›› من أبوخالد4443 عضو جديد!
›› قبل 16 ساعه و 6 دقيقه
أنا ذهبت اليوم وفحصت الموتر عن البريدي وخرج بالنتائج هذه :
1- تصفية مكينة ( هذا شي عادي تلقاه في أكثر المواتر ) .
2- حساس زيت مكينة .
3- اصلاح دودة ( ويقول صاحب الموتر إني قايل لكم وهو قال لنا إن علبة الدركسون منكسره ما قال الدودة يبي له إصلاح ) .
4- ذراع يسار + وزن .
5- صدمه اما مية والشاصي ملحم يسار ( وهو يعني الرفرف اليمين معدل اكبر من حجم الكف مع رش كامل الرفرف ) .
6- كراسي مكينة ( وصاحب الموتر يقول إن كرسي واحد بس الي خربان طيب ليش ما قلت بالإعلان أو يوم جيت اشوف الموتر ) .
7- صوفة مكينة خلفية .
8- صوفة قير امامية .
9- مساعد خلفي يمين .
10-الباب الخلفية الثلث التحتي معدل ومرشوش الثلث فقط والشاصي الخلفي يمين ويسار ملحم ( صاحب السيارة يقول إن التلحيم من المساعدات والبريدي يقول إن التلحيم من صدمه ) .
11- صوف دبل .
12- صوت بالمكينة .
13- ايرباك لا يعمل + لمبه .
14- امبير ( بينهن كلمة عجزت اقراه ) ماكينة .
15- طقم كلتش ( صاحب السيارة يقول إن الكلتش يبي له وزن علشان كذا يقولون طقم كلتش ).
16- صوت دفرنس .
17- صوت في القير .
18- فراغ دودة دركسون .
والله على ما أقول شهيد وهذي صورة للتقرير من أجل الإثبات .
http://www.toyota4arab.com/upload/i/00006/sg9lrq4wo3h9.jpg (http://www.toyota4arab.com/upload/sg9lrq4wo3h9)

أنا ما كتبت هذا علشان ابعد الزبائن لكن علشان ما يجي واحد ما يدري ويفحصه ويخسر مثل ما خسرت .

الله يسامحك بس يا أبوفهد

[ل س ب 148]

١٠ تبيع بدون فحص هذا شاصي مافيه ولا مكان سليم

[ب ص م]

كم وصل السوم