اكسبلورر سعودي ولا امريكي

[abo mojahed]

السلام عليكم ورحمة الله وبركاته
انا ناوي ان شااء الله اشتري فور اكسبلورر موديل 2009 أو 2008
بس السؤال اللى محيرني ماهو الافضل ولماذا ؟
الامريكي ولا السعودي
اتمنى القى الاجابه المقنعه عشان اتوكل على الله واطق الموتر بحول الكريم

[m3ax]

والله ياخوك السعودي ممتاز اذا منت راعي مواصفات وتبي تاخذ لك موتر نص فل ..

لكن اذا تبي المواصفات اللي عليها الكلام فالأمريكي أحسن من السعودي بالذات الليمتد لأنه يجي V8 والمسجل 6 سيديات مع شاشة ملاحة (للأسف ما تشتغل في الخليج) مراتب جلد مع تسخين للمقاعد الأمامية وتجي 3 صفوف ومكيفين وجنوط نيكل مقاس 18 وفتحة سقف مع دي في دي معلق بالسقف شد بلد وحساسات بالصدام الخلفي وارقام سرية للبيبان مع العلم ان الشاشة حقت الصيانة اللي تجي في الطبلون فيها كل اللغات بما فيها العربية يعني ما تحتاج تعريب مثل باقي السيارات :D ..

الصراحة انا سيارتي امريكي V8 لها معي سنة وشهرين وماشي عليها 70 ألف كيلو وما شاء الله تبارك الله مثل الجديدة مع ان موديلها 2006 والحمد لله اللي وفقني فيها مع انها كانت غالية علي شوي (110 ألف بالتقسيط) لكن وربي انها على قلبي مثل العسل ..

الفرق المهم بن السعودي والأمريكي انك ممكن تحصل سعودي نظيف اخو الجديد بنسبة 80% لأن أغلب ملاك الاكسبلورر محافظين أما الأمريكي أنت وحظك مو مضمون نظافته ولا تدري الخواجة اللي قبلك وش مسوي فيه من حوادث وأغلب اللي تجي السعودية تكون مجددة (مصدومه أو غارقة في فيضان او نهر) والأهم انك تحذر من الخليجي اشد الحذر لأنك بتتوهق فيه بالذات اللي جاي من الإمارات ..

وأنا حاضر لأي مساعدة أو سؤال

[abo mojahed]

والله ياخوك السعودي ممتاز اذا منت راعي مواصفات وتبي تاخذ لك موتر نص فل ..

لكن اذا تبي المواصفات اللي عليها الكلام فالأمريكي أحسن من السعودي بالذات الليمتد لأنه يجي V8 والمسجل 6 سيديات مع شاشة ملاحة (للأسف ما تشتغل في الخليج) مراتب جلد مع تسخين للمقاعد الأمامية وتجي 3 صفوف ومكيفين وجنوط نيكل مقاس 18 وفتحة سقف مع دي في دي معلق بالسقف شد بلد وحساسات بالصدام الخلفي وارقام سرية للبيبان مع العلم ان الشاشة حقت الصيانة اللي تجي في الطبلون فيها كل اللغات بما فيها العربية يعني ما تحتاج تعريب مثل باقي السيارات :D ..

الصراحة انا سيارتي امريكي V8 لها معي سنة وشهرين وماشي عليها 70 ألف كيلو وما شاء الله تبارك الله مثل الجديدة مع ان موديلها 2006 والحمد لله اللي وفقني فيها مع انها كانت غالية علي شوي (110 ألف بالتقسيط) لكن وربي انها على قلبي مثل العسل ..

الفرق المهم بن السعودي والأمريكي انك ممكن تحصل سعودي نظيف اخو الجديد بنسبة 80% لأن أغلب ملاك الاكسبلورر محافظين أما الأمريكي أنت وحظك مو مضمون نظافته ولا تدري الخواجة اللي قبلك وش مسوي فيه من حوادث وأغلب اللي تجي السعودية تكون مجددة (مصدومه أو غارقة في فيضان او نهر) والأهم انك تحذر من الخليجي اشد الحذر لأنك بتتوهق فيه بالذات اللي جاي من الإمارات ..

وأنا حاضر لأي مساعدة أو سؤال

مشكور اخوي M3ax عل مرورك وتزويدي بهذه المعلومات
انا واانا اخوك قلت ابجيب امريكي عشان اني موجود حاليا في كندا وقلت اجيب واحد امريكي
بس زذ ماتفضلت كثير منها صاير عليها حوداث وغرقانه في الفيضانات اللى عندهم وتلقاها باسعار مرة رخيصة
وانا اللى يهمني في السيارة انه يكون فيها 3 صفوف مقاعد والتكييف مركزي والداخلية بيج مخمل والممشي يكون قليل وماني براعي بر وطعوس وماابغى دبل في السيارة ولا احتاجه وعندي مبلغ حدود 70 الف وادور على شي بالمواصفات اللى ذكرتها قبل شوي .... بس المبلغ هذا يجيب لي موديل كم ؟ يعني مثلا 2008 او 2009 .......... وجزاك الله خيرا

[m3ax]

مشكور اخوي M3ax عل مرورك وتزويدي بهذه المعلومات
انا واانا اخوك قلت ابجيب امريكي عشان اني موجود حاليا في كندا وقلت اجيب واحد امريكي
بس زذ ماتفضلت كثير منها صاير عليها حوداث وغرقانه في الفيضانات اللى عندهم وتلقاها باسعار مرة رخيصة
وانا اللى يهمني في السيارة انه يكون فيها 3 صفوف مقاعد والتكييف مركزي والداخلية بيج مخمل والممشي يكون قليل وماني براعي بر وطعوس وماابغى دبل في السيارة ولا احتاجه وعندي مبلغ حدود 70 الف وادور على شي بالمواصفات اللى ذكرتها قبل شوي .... بس المبلغ هذا يجيب لي موديل كم ؟ يعني مثلا 2008 او 2009 .......... وجزاك الله خيرا

أجل ياخوك ما دامك هناك طب واختار وبتلاقي حاجات شبه جديدة وعلى ايدك تفحصها ولا تشتريها إلا وأنت واثق بعد الله منها ولو إني أشوف أمريكا أفضل من كندا بسبب برودة الأجواء في كندا ممكن يكون فيه إختلاف في المواصفات الفنية للسيارة من حيث المبرد وخلافه ..

وبالنسبة للقيمة والبلغ الموجود معك أتوقع يجيب لك موديل 2009 بالراحة لأن موجوده هنا بالسعودية في حدود 90 ألف موديلات 2008 فل كامل يعني اخصم المكسب اللي طالبه راعي المعرض يطلع لك السعر في حدود 70 الى 75 الف مشترى ..

[m3ax]

على فكرة زي ما ذكرت لك انا موتري موديل 2006 كان ماشي يومها 92 الف كيلو وكانوا حادينه علي كاش 80 ألف ريال في صالة الكفاح في الدمام وبعد حساب النسبة على 5 سنوات وتأمين شامل عند شركة التعاونية طلع علي الموتر كامل 110 ألف والقسط 1795 ريال شهرياً يعني اقل من قسط الكامري والمقدم 25 الف بدون دفعة أخيرة مع ضمان لمدة سنتين أو 45 ألف كيلو على الماكينة والقير والدفرنس وخلصت الضمان في 10 شهور لأن الموتر مشى معي في سنة 60 الف هههههههههههه

[m3ax]

على فكرة أخوي ..

مكينة V8 أفضل من V6 من عدت نواحي

الثمانية سلندر تجي مع قير 6 سرعات يعني على الخطوط الطويلة ما تسمع لها حس ولا كأنك تمشي واقتصادية أكثر في البنزين على الخطوط الطويلة ولكن الستة سلندر أوفر داخل المدينة ..

الثمانية سلندر لما توقف في الزحمة وفي عز الصيف وأنت مشغل المكيفين على أعلى درجة ما تنقص برودته ابداً لكن الستة سلندر فيه ناس أشتكوا من ان برودتها تخف مع الزحمة والوقفة في الحر ..

الثمانية سلندر كقطع غيار ما يفرق عن الستة طبعاً إلا بالماكينة ويقولون إن بعض قطع الكراون فيكتوري تركب عليه تمام ومتوفرة قطع غياره في السعودية يعني ما فيه خوف من هالنقطة ولأن حجم جنوطة 18 الموتر طالع ارفع من الستة سلندر للي يهمهم أمر الارتفاع ويحبون طلعات البر يصير الموتر لهم أرفع وأنشط من الستة

هذا اللي اعرفه عن السيارة تقريباً ومتأكد منه بنسبة كبيرة

[abo mojahed]

الله يعطيك العافية اخوي M3ax اجل ان شاء الله ابتوكل على الله واتواصل مع الزملاء في امريكا حتى يشوفوا لي شي نظيف ويقومو هما بفحص السيارة والتاكد من خلوها من العيوب والله يكتب لنا ولكم كل خير .....
والف شكر على المعلومات اللى قمت بتزويدي بها حقيقة معلومات تدل على وجود خبرة جيدة ,,,

[Avalanche]

السلام عليكم ورحمة الله وبركاته

الأخ abo mojahed

هذه الخيمه ليست مكان للأستفسار او طلب المشورة بموضوع مستقل

هي مكان لروابط ملاك السيارات ...

ويتم الأستفسار من خلال الرابط الخاص بكل مجموعة

شروط كتابه موضوع بخيمة رابطة ملاك السيارت مهم يرجى الأطلاع قبل المشاركه (http://mekshat.com/vb/showthread.php?t=339037)

الرجاء وضع استفسارك بموضوع الرابطه

:.. رابطة ملاك فورد Explorer حياكم ..: الجزء الثاني (http://mekshat.com/vb/showthread.php?t=432384)

لكي تحصل على الأجابه المطلوبه من اشخاص لهم خبرة بهذا النوع

تحياتي لك