ارغب من رواد منتدى مكشات مساعدتى

[شيبه1]

ارغب من رواد منتدى مكشات افادتى بدون تحيز مع الصدق


ايهما افضل التويوتا ام الباترول

المديلات 2010&2011

انا صاحب سقلا الى البر باستمرار

[يالبى الهلا]

انا اقول السيارات ارزاق وحظوظ موزعها رب العالمين حتي لو كان جديد وللمكده االتويوتا

[ابوصالح2006]

هالنقاط اللي تحدد الافضلية بالنسبة لك :

1- ميزانيتك
2- طبيعة البر اللي تروحه واقصد من الناحية الجغرافية اراضي صخريه او جبال او نفود ولا بحر
3- نوع طلعاتك و رحلاتك والكشتات اللي تروحها صيد ولا مجرد للتنزه ولا راعي حلال
4- تروح لحالك أو مع الشباب ولا عوايل .
اذا وضعت هالنقاط لنفسك راح تعرف وش يناسبك وتحدد الموتراللي يصلح لك من سيارات التويوتا او النيسان بحكم انك حصرت رغبتك في هالشركتين

ولاتنسى وانا اخوك الاستخاره والله يوفقك بما ينفعك

[كريزي نت]

الصراحه هالموديلات 2010 و 2011 كلها معاد تصلح للبر سواء تويوتا ولا نيسان كثر الموديلات القديمه لكن


الشهادة لله أن التايوتا أفضل من النيسان في البر والبلاد سواء قديم أو الجديد والأفضل الموديلات القديمه منها


والتويوتا معروف بتماسكه في كل النواحي وأهمها سعره يمسكه ومتماسك العضلات وديكورات وقلت الحساسات مقارنة بالنيسان


والنيسان ممتاز لكن يعيبه التفكك وكثرة الحساسات اللي شكو منه الناس والرفاقه من ربعي وخاااااااصتن الكتاوت حقه ويخرب عليهم مرات عديده
ومن ناحية السعر يمسكه سعره أفضل من السيارات الأمريكيه لكن مهوب مثل التايوتا
والشهاده لله مالي أي تحيز للشركه إلا للأفضليه كإستخدام مني وخبرة مني ومن ألربع والاخوياء والمعارف ...
وفي الأخير أقولك كلها مواتر طيبه ولكن كله وذوقه ... أتمنى اني أفدتك ...
والله يعنني على إنتقادات المتعصبين .. والسلام عليكم ,,,

[أبوغيث 2003]

يرحم أبوكـ غير السؤال هذا :D

لأن الردود معروف على نوعين

1- خذ التويوتا وانحش من النيسان .. التيوتا أحسن .. النيسان ما ينفع

2- خذ لك باترول .. الباترول أحسن من الاند بألف مرهـ .. التويوتا من جرف لدحديرهـ


فيه ناس تبي تمدح التويوتا وفيه ناس تبي تمدح النيسان وأنت منتب واصل لنتيجة !

[بدوي جنوبي]

تحذير الرجاء الدخول لاهنتم (http://www.mekshat.com/vb/showthread.php?t=281869)