المساعد الشخصي الرقمي

مشاهدة النسخة كاملة : هل صحيح ان شعيب ام عشر محمي الان؟؟؟


تميم
26/01/2006, 12:00 AM
هو خبر ولا ادري عن صحته بصراحه وياليت اللي عنده علم يقول لنا لانه بصراحه ان صار شعيب ام عشر محمي من قبل احد الامراء الكبار عشان يقضي اجازته فيه حتى انه يقال ان اصحاب المواشي تم ابعادهم:no2: ؟؟؟فهذه والله مصيبه ارجع واقول ان هالخبر يمكن يكون كذب وانا اتمنى انه مايكون صحيح:no:
تميم
26/01/2006, 01:31 PM
عطونا الخبر...
معقوله ما احد يدري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راعي المطاريش
26/01/2006, 02:15 PM
حيّاك الله أخوي تميم نسمعك ولا نسفهك ....

لكن متى سمعت بهذا الكلام وأي شعيب تقصد ، أنا كنت هناك يوم الجمعة الفائت .....
تميم
26/01/2006, 02:18 PM
هذا الكلام سمعته البارح الاربعاء 26/12 من واحد راعي غنم ولا ادري بصراحه عن صحته ويارب يكون غير صحيح هالخبر
وبالنسبه للشعيب فهو شعيب ام عشر اللي قبل ساموده وانت متجه يم لينه اذا جيت الديره ( ام عشر) يقولون كل اللي على اليمين محمي من قبل الامير مشعل ؟؟؟؟؟؟؟؟؟؟؟؟؟؟؟؟؟؟
نقا هشال
26/01/2006, 02:25 PM
اخي اتوقع الكلام غير صحيح

لأني انا كنت متواجد هناك

الشعيب لم يحمى

والحما كان فقط على روضة اوروضتين هناك والحما عن الرعي فقط اما الكشاته لايوجد حما..

وياكثر راعين الحلال في هاك المنطقه شي عجيب خاصةً الابل..
تميم
26/01/2006, 03:20 PM
الله يبشرك بالخير يانقا هشال يالغالي على هالخبر الزين
أبرق الضيان
26/01/2006, 05:29 PM
:(
السلام عليكم و رحمة الله و بركاته ، إلى أخوي تميم و بقية أعضاء مكشات إليكم خبر مهم وردني للتو عبر اتصال من أحد الشباب في أم عشر ، يقول كنا نتغدى في الوادي و جاءت الدوريات الأمنية و أمرونا بالخروج بأسرع وقت و ذلك لأنه محمي و يمنع على الكشاتة النزول فيه !!!
:(
:(
:(

الخميس 26/12/1426 هـ الساعة 4.15 عصراً
القصيم-الرس
26/01/2006, 05:47 PM
طيب وليش وش السبب


ليش التنكيد
كذا إذا مافيه سبب مقنع
رسلان
26/01/2006, 06:30 PM
لاحول ولاقوة إلا بالله ....

هل الخبر يبين جهة معينة ؟ أو هي كل المنطقة ؟
تميم
26/01/2006, 07:19 PM
يعني الخبر اللي وصلني صار صحيح
لاحول ولا قوة الا بالله
الامير مشعل يبي يقضي كم يوم في ام عشر وتم طردالكشاته من هناك.. انا لله وانا اليه راجعون
تميم
26/01/2006, 07:22 PM
مع الاسف ياشباب الخبر صحيح وتم طرد الكشاته من ام عشر
والكلام هذا منقول من اخينا ابرق الضيان واليكم الرابطhttp://www.mekshat.com/vb/showthread.php?p=357947#post357947
لملوم
26/01/2006, 07:53 PM
السلام عليكم ورحمة الله وبركاته

بعذر السحاب ولوترزم ولا هل........وبعذر والي العرش لو ماسقانا
فارس القبيلة
26/01/2006, 08:06 PM
لاحول ولا قوة الا بالله
الرقيبه
26/01/2006, 08:34 PM
السلام عليكم ورحمة الله وبركاته::

لاحول ولاقوة اللا بالله


تسلم يالغالي على الخبر الي ماهوب بشاره


لا وياليت بس ذا الدعوا فيها جيبت حلال .



اليوم الفجر الشباب ماشين يم ذيك الديره

وفي بالهم مايمسون اللا بها يبي من يكلمهم....
ابوعروب
26/01/2006, 08:48 PM
خسارة فادحة الشعيب والفيضة المذكورة شاهدتها بعد المطر 15/12 وكانت روعة في الجمال وقريبة وممطورة وهادئة وقريبة تصلح للشباب والعائلات !!
كنت انوي الرجوع لها في الاجازة لسهولة الوصول اليها وجمالها !!!
لكن لم يبقئ لنا شي تحت الارض او فوقها !!
حتئ المواشي لن تترك لتشبع من نعم الله:mad:
الربذي
26/01/2006, 10:31 PM
افا افا امحق من خبر يبي يطول هالطرد ولا لا متواعدين هناك نهايه الاسبوع القادم باذن الله
افا ترا هاكامناطق مرحومه وكل سنه تربع لان مافيها حساد وغل ونفاق وشبوك واملاك لانها ارض خاليه ا
لاني قت سالت ابي قالي هاك الاراضي فاضيه مابه احد لاني قلت وش اهل هاكالمنطقه قال خلي !!يعني صحاري وقفار عذيه وبكر وخاليه من الناس وهذة فيه اشاره الى اننا مقصرين واجد
أبوأحمد98
26/01/2006, 10:50 PM
لاحول ولاقوة الابالله ..انالله وانا اليه راجعون ..
حسبي الله ونعم الوكيل..

أخوي يليت توضح لنا اي المناطق محظورة ..؟؟

لان ان شاء الله بالاجازه ابروح حول ام عشر وساموده باذن الله
غضنفر
26/01/2006, 11:54 PM
انا لله وانا اليه راجعون
حسبنا الله ونعم الوكيل
اجل ما لنا الا الثمامة و وسخها:(
المدني 779
27/01/2006, 12:21 AM
وش مزعلكم؟؟؟؟؟؟؟؟؟؟؟
طيب ...........
روح مكان ثاني .........
و إذا ما فيه الله يخلي المطاعم
هههههههههههههههههههههههههه
معانق
27/01/2006, 12:24 AM
السلام عليكم
يا شباب ....
انا ما ادري وش اللي حارق رزكم ؟؟؟
يعني ما فيه مكشات الا ذاك الشعيب او الوادي؟؟
وترى اكثر ما كثر الله ها لمكاشيت يالربع
وعلشان كذا
كل واحد يذكر الله ويوسع صدره وينسى الموضوع
مع تحيات اخوووكم ...
معاااانـــق
غضنفر
27/01/2006, 12:25 AM
يا زينك ساكت يا المدني
شـهـاب
27/01/2006, 01:30 AM
انا لله وين نطلع اجازة الربيع

اذا صار خريم والتنهات والصمان مليااااااان وين نرووح ؟

دلونا اماكن نروح لها
شـهـاب
27/01/2006, 01:31 AM
انا لله

مشكله .؟
سعود الراشد
27/01/2006, 01:34 AM
حسبنا الله ونعم الوكيل


لاحولا ولاقوة الا بالله


ترى بلدنا واسعه اوخير ربنا كثيراوفيه اماكن مربعه بالمره ونظيفه ومحلات روعه تراه ماتوقفت على ام اعشرياخواني والبرواسع



http://www.mekshat.com/pix/upload/images14/mk9924_sal1.jpg
نقا هشال
27/01/2006, 01:41 AM
السلام عليكم

يعطيكم العافيه يااخوان

ابن عمي يتواجد الآن هناك ومكلمه اليوم

ولم يذكرلي وجود حمايه الا في فيضتين محميه من اول يعني من يوم ماربعت

وهي بالقرب من مزرعة الامير مشعل

الشعيب كبير وحوله العديد من الفياض ومن المستحيل ان يحميها كلها

تقبلو فائق تحيتي
راعي الكيف
27/01/2006, 06:29 AM
لا وتوكم تو الاجازة ماجت ....

بعد اسبوع من باتسر ... والله يابيجي ناس من كل مكان

من كل نجد ... ومن دول الخليج .... وانت جاي

بغلى البنزين ... وتكثر المشاكل ... وتجلس تحتري ساعة إلا ربع عشان تعبي سيارتك ...

الله يعين بس .....

وربيعنا .... ماهمهم إلا التشبيك ... تقل هالناس لاجو لم هالاماكن بياكلون شي منها ....

ما اقول إلا الله لايكثر امثالهم ... ويفشلهم ...

وااااحر قليبي بس .... الناس تطورت وتقدمت ... وحنا لازلنا في عصر الهمجية ... لاجاز للواحد منا هالمكان .. جا وشبك عليه تقل ارض ابوه !!

ما اقول إلا الله يصلح الحال بس
تميم
27/01/2006, 11:15 AM
شكرا يانقا هشال دائما ماتبشرنا بالاخبار الحلوة يعطيك العافيه
جبل شمام
27/01/2006, 01:28 PM
الأخ لملوم

السلام عليكم ورحمة الله وبركاته

أرجو أن تنتبه للشطر الثاني من بيت الشعر الذي أوردته فهو ليس بلائق لأن الله يفعل مايشاء كيفما شاء ومتى شاء ولا يلتمس الأعذار من أحد فهو الفعال لما يريد فمن التأدب مع الله سبحانه وتعالى عدم ذكر مثل هذا الكلام ... دمت أخي سالماً معافى
أخوك ابوعبدالله (الخريت)
أبومتعب
27/01/2006, 01:34 PM
الأخ لملوم

السلام عليكم ورحمة الله وبركاته

أرجو أن تنتبه للشطر الثاني من بيت الشعر الذي أوردته فهو ليس بلائق لأن الله يفعل مايشاء كيفما شاء ومتى شاء ولا يلتمس الأعذار من أحد فهو الفعال لما يريد فمن التأدب مع الله سبحانه وتعالى عدم ذكر مثل هذا الكلام ... دمت أخي سالماً معافى
أخوك ابوعبدالله (الخريت)

كأنك قرأت ماكنت أود كتابته فكتبته فبلي ...

شكرا ً لك أخي الخريت لتنبيهك أخينا لملوم ...
أبرق الضيان
27/01/2006, 02:59 PM
أشكر الجميع على مرورهم على الموضوع ، أما الخبر اللي وردني من الشباب فالمقصود الجهة التي بالقرب من أم عشر و لا نعلم هل الحماية تمتد شمالآ إلى النايفية أم لا ؟ مع العلم أنني زرت الوادي قبل أسبوع و وصلت إلى النايفية و لم أرى إلى دورية متوقفة عندها ، فقط و رأيت أعمدة كهرباء تمدد في الوادي حول فيضة ظلماء و حاولت أتصل ببعض الشباب مرة ثانية فلم أفلح و ذلك لزيادة التأكد .

مع تمنياتي أن لا تكون الحماية تشمل كامل الوادي ...
تميم
27/01/2006, 07:02 PM
الحماية لاتشمل كامل الوادي حسب اتصال الشباب هذا اليوم الجمعه ولكن المحمي واللي يطردون الناس منه هو الفياض اللي بقرب الشبك
واعي
27/01/2006, 07:54 PM
تصدقون قوموا ربعنامن النوم الساعة 12 ليلا وطردوهم من الشعيب!!!
أبرق الضيان
27/01/2006, 08:08 PM
اليوم قابلت مجموعتين من الكشاتة الذين كانوا متواجدين هناك ، و كلهم قالوا الحماية من فيضة ظلماء إلى النايفية ، والدوريات يقولون لا تقربون إلى أعمدة الكهرباء الممدودة إلى ظلماء ، أما المنطقة الواقعة جنوب إلى أم عشر لا يوجد عليه حماية و إنما تكثر فيه شبوك المزارع . و الحاصل إن فيه تضييق و بس ....
عاشق البران99
27/01/2006, 08:10 PM
ما أشبه اليوم بالبارحة !!!!!!



:( :( :(
اقلط حياك
27/01/2006, 08:24 PM
ما نقول الا حسبنا اللة ونعم الوكيل وين نروح الربيع في مناطق محدودة حتى البهائم ما سلمت ممنوعه من الرعي الله لا يعقبنا ويهدي الله الجميع
الشاص
27/01/2006, 08:45 PM
ياهلاااااااا بالجميع انا كنت فيه اليوم

والشعيب محمي من عند القلبان الى عليها شبك الى مزرعه بن بصيص

وهذا كلام العسكر الى حامينه حتى اليوم ممنوع تجلس في فيضه الزلماء والى قبلها :)
mfad
27/01/2006, 08:52 PM
نعم الكلام هذا صحيح 100% :mad: :mad: :mad: أنا كنت في روضة ظلما يوم الخميس 25/12/1426هـ والساعة 3 العصر جت أكثر من دوريتين وقالو يالله اطلعو وغثو العالم وهددو وتكلمو ,,,,,, بدون ذكر اي اسباب ورفضو توضيح السبب وهذا على عهدتي ’’’’’:( :mad: :mad:


بالفعل غثونا وشلنا اغراضنا وتقدمنا بأتجاه ام عشر حوالي 10 كيلو ووقفنا وكملنا مكشاتنا وفي المساء سرينا
:confused: :no:
كبريت
27/01/2006, 08:58 PM
معليش على الدخلة الغلط

لكن ممكن احداثية ام عشر
جبال الهملايا
27/01/2006, 09:16 PM
شعيب أم عشر (( القسومي )) مافيه حمى نهائياً

المنع هو في الوادي (( الوادي الأخضر )) صراحه شي مؤسف ومحزن الفياض الجميله فيه يتواجد بها دوريات أمنيه تمنع الناس من الجلوس في تلك الأماكن

كان الوادي عبارة عن ممر لنا في رحلتنا في نهاية هذا الأسبوع ولكن رأينا تذمر الكشاته من الوضع الحاصل

شي محزن ومؤسف أن تحجز أماكن الناس ومكاشتهم الجميله . ويمنعوا من التمتع بتلك الأماكن طوال فترة الربيع . من أجل شخص ربما يأتي للجلوس بها نصف ساعة . وربما لا يأتي وهذا هو الأكيد .

هذا الوادي متنفس لسكان قاعدة الملك خالد العسكرية لكونه قريباً منها . ومرعى لأصحاب الحلال . ولكن تم منعهم من هذا الحق
نقا هشال
28/01/2006, 12:36 AM
السلام عليكم

يبدو ان الخبر صحيح

اخوياي اللي هناك يقولون يوم الاربعاء والخميس ماجانا احد

لاكن الجمعه من الصبح ابلشوهم الحمايه و ابعدوهم عن الفيضه اللي هم فيها

منطقة الحمايه على حسب كلامهم من النايفيه (ذبحه) الى ان تنتهي عواميد الكهرب وانت بإتجاه ام عشر..

بس يمكن هالسبوع تكون محميه لأن الامير كاشت والاسبوع القادم يفك الحمى عن الكشاته على الاقل إن شاء الله
خلف
28/01/2006, 12:45 AM
ارض الله واسعة

والامطار شملت مناطق كثيرة واكيد ان الارض خظرا
ابوذيب
28/01/2006, 01:12 AM
نعم صحيح
والله ماقدرنا ننزل عزبتنا نطبخ غدانا وسمحوا لنا بالصلاه ثم المغادره فورا يوم الخميس امس وكانت الفيضه مليئه بالكشاتين وحتى العوائل من كبرها ، كن ليس كل الوادي محمي بس فيضة الظلما الى حدود القلبان جنوبا والى 5كم شمالا تقريبا
تميم
28/01/2006, 01:22 PM
الاخ الغالي ابو ذيب/ مادام انك رحت للمنطقه تكفا علمنا بالضبط وش اللي محمي احسن من اننا نضرب مشوار وبالنهاية يرجعوننا ؟
][عزام][
28/01/2006, 01:58 PM
سؤال وين مكان الفيضه من ام عشر بالضبط الوصف لو سمحتم؟
سفير الجزيرة
28/01/2006, 02:33 PM
العلم عندي
أنا فيها الجمعة 27 / 12 يعني أمس
في وادي الباطن وفيه عدة فياض لكن المحمي ( من عند الأبار إلى فيضة الظلماء واللي حوله) فقط يعني تقرياً 5 كيلو وللكشاته تقريباً 30كيلو لم تحمى حتى للرعي .
تميم
28/01/2006, 05:09 PM
سفير الجزيرة شكرا لك
نقا هشال
29/01/2006, 12:24 AM
العلم عندي
أنا فيها الجمعة 27 / 12 يعني أمس
في وادي الباطن وفيه عدة فياض لكن المحمي ( من عند الأبار إلى فيضة الظلماء واللي حوله) فقط يعني تقرياً 5 كيلو وللكشاته تقريباً 30كيلو لم تحمى حتى للرعي .


الله يجزاك خير

وهذا العلم الوكاد
أبرق الضيان
29/01/2006, 12:59 AM
الله يبشرك بالخير يا سفير الجزيرة ....
ابوعبيد الله الصالحي
29/01/2006, 01:35 AM
لاحول ولاقوة إلا بالله ....
تميم
29/01/2006, 05:58 PM
الله يجزاكم خير ولكل من بشرنا ودلنا وخلانا على بينه والله يعطيكم العافيه
فتى شنه
30/01/2006, 01:26 PM
السلام عليكم ورحمه الله وبركاته

طيب ياخوان الرجل سال هي محميه والا لا وقالوا محميه طيب الباقين مالهم دخل اللي يسب واللي يشتم واللي يتهاكم في كلامه
على باله شاعر ضاقت الارض على هالفضتين عساها محميه وخير ياطير من حلالكم والا بس الربيع بهالفيظتين الارض وسيعه

والله ان حمايتها افضل من مجلاس يعض الناس يوم يطلع اللي تقول مخلي سكراب وراه من القمايم الله يكرمكم واللي يفحط يسيارنه

ومن هل الخراب الله يكفينا وياكم الشر

السوال صغير وانتم تمغطونه وتكبرون الموضوع انا لو الود ودي ماخليت اي احداثيه تنزل بالموضوع عن الفياض وعن اسماء الفياض وعن الخطوط وعن كل شي ينزل الموضوع طبيعي
واليوم واحد تقل بن بطوطه منزلي مجله الله يهدينا وياه

والسلام عليكم ورحمه الله وبركاته

والله ياخوان مارديت الى من تلفظ بعض الناس اللي رده يفقع الكبد وارجوا ان لاحد يزعل وارجوا من الاداره ان تمنع نزول الاحداثيه بالمره الله يجزاكم لان بعض الناس صراحه ماودك يجيله ارض بكر نظيفه ويعدمها
تميم
30/01/2006, 05:33 PM
جزاك الله خير
seer111
31/01/2006, 01:56 PM
***************

تم التعديل من قبل جمران
تميم
31/01/2006, 04:58 PM
seer111 (http://www.mekshat.com/vb/member.php?u=23578) / شكرا لمرورك ولحضورك ولردك ولكن ليس بهذا الاسلوب يكون الحل وجزاك الله خير يالغالي<SCRIPT type=text/javascript> vbmenu_register("postmenu_361608", true); </SCRIPT>
جمران
31/01/2006, 08:29 PM
أرجو من بعض الإخوة عدم إخراج الموضوع من الهدف المنشود منه

والتقيد بضوابط الكتابة في مكشات...
شروط التسجيل والكتابة في مكشات
1- ضرورة احترام الذوق العام في اختيار الأسماء .
2- عدم التسجيل بأسماء الشخصيات المشهورة أو أسماء القبائل .
3- عدم الخوض في المواضيع السياسية أو الدينية المثيرة للجدل .
4- عدم التعرض لعلماء وفقهاء الأمة الإسلامية أو النيل منهم .
5- عدم طرح أي موضوع يسيء للإسلام أو المسلمين أوحكوماتهم .
6- يمنع استخدام الألفاظ البذيئة في المواضيع أوالردود المنشورة أو عرض أي صور ممنوعة .
7- عدم كتابة أي موضوع فيه إهانة أو تجريح لشخص أوجماعة أو قبيلة .
8- يمنع منعاً باتا نشر البروكسيات أو الكراكات وما يتعلق بها .
9- لايسمح بانتهاك حقوق الملكية .
10- يمنع منعاً باتا الإعلان أو الدعاية لمواقع أخرى .
11- عدم المشاركة في مواضيع لا علاقة لها بالصيد والرحلات .
12- ضرورة إيضاح المصدر عند كتابة مواضيع منسوخة أو منقولة .
13- يحق للمشرفين تعديل أو حذف أي موضوع يخل بالشروط السابقة .
بالتأشير على المفتاح بالأسفل فإنك تقبل وتتعهد بالالتزام بشروط وأنظمة منتديات مكشات السابقة ، وأي إخلال بها سينتج عنه إيقاف عضويتك.
===============================
وفق الله الجميع لما فيه خيري الدنيا والاخرة<!-- regular forum rules -->
تميم
31/01/2006, 11:15 PM
الأخ العزيز جمران / جزاك الله خير على تذكيرك للاعضاء عن شروط المنتدى وكنا بحاجه الى هذا المقص والتنبيه والموضوع لم اطرحه الا لأسأل سؤال فقط ولا لي اي قصد ثاني فقط حبيت اعرف عشان اذا رحنا لذيك المناطق نعرف المحمي والغير محمي فقط؟؟؟؟
عاشق البران99
17/02/2006, 01:50 PM
أبشركم يالربع ، أمس الخميس 17/1/1427هـ كنت في ام عشر ومشيت لين النايفية وجلسنا في الظلما وسوينا غدانا وانبسطنا يوم كامل وكل ذيك المناطق والشعبان والفياظ ما عليهن حماية عن أي أحد حتى اللي حول الشبك والدوريات شالو مخيمهم وراحوا والكواشيت مالين الارض هناك ولا أحد يقول لهم شي (الحمد لله اللي هداهم وخلونا في حالنا)
فارس القبيلة
17/02/2006, 02:08 PM
عاشق البران99

الله يبشرك بالخير
تميم
17/02/2006, 04:00 PM
صدقت ياخوي ياعاشق البران 99 والدليل هو الحلال اللي جاي للفياض وحنا كنا بالظلما امس وكانت رائعه فعلا ونظيفه مره ولا فيه احد ينكد عليك ويطردك مثل الاسبوع الماضي
شبح الصحراء
17/02/2006, 04:36 PM
أنا ضد وضع الشبوك وحرمان الناس البسطاء من التمتع بالربيع ؛ وإن كان ولا بد توضع شبوك مؤقتة تزال فور رحيل الأمير ، والقضية هذي دايماً نسمعها كل سنة وقت الربيع وأتمنى إيجاد حل لها .
سفير الجزيرة
17/02/2006, 08:16 PM
مشكور أخوي عاشق البران
صالح الونين
20/02/2006, 01:09 PM
اجل في امريكا عيال بوش حامين شعبان تكساس وفي بريطانيا عيال بلير ما يخلون احد يكشت بالشعبان

ولا حول لنا ولا قوة الا قول :

حسبنا الله هو نعم المولى ونعم النصير
مجحشهم666
12/03/2006, 03:21 PM
لا يا رجال ماعندك احد انا دايم ادخل عادي بس صراحه الاسبوع الي طاف الفيضه خيـــــــــــــــــــــــــــــــــــــال ماتتصورون العشب وين واصل والله انه واصل الا ركبتي سبحان الله وان ادعو الي يجي الفيضه يجي المزرعه الي قبلها صراحه انها جنه