اصحاب الفرارت ادخلو

[مهزوز]

اصحاب الفرارت للجيب فيه حركه جديده طايحين فيه الشباب مايركبون الا فرار واحدمع جهه واحده ولما سألته قال احسن علا شان يطلعك مع جهه واحده اذا غرزت في الرمل المهم عجزت افهم الحركه وهل هي صحيحه تكفون ابغا افاده وشكرلكم

[Messerschmitt]

الغرض الاساسي من الفرار هو فصل العكوس عن الكارونه

وينتح عن ذلك ايقاف عمود الدبل عن الدوران .

اذا ركبت فرار واحد ما راح تطلع بنتيجه , وبيستمر العمود بالدوران

وتقدر تجرب الطريقه هذي اذا كنت مركب الفرارت

اقفل جهه وافتح الجهه الثانيه وراح تلاحظ ان الموتر يمشي كأنه بدون فرارات

[نفود حائل]

والله اعرف واحد من الشباب مركب تحضيرة وحدة فقط


ويقول انها تمام وتفصل العمود


بس لا زم يجي واحد مختص من الاعضاء ويأتيك بالخبر الصحيح

[أبو صالح0]

انا مركب فرار واحد وماشي الحال باحسن مايكون

[Messerschmitt]

اكيد يا اخوان بتكون سياراتكم ن افضل ما يكون لانها جديده ما شاء الله تبارك الله

لكن ما راح تواجه المشاكل إلا على المدى البعيد

[صاحب مبدا]

انا مركب فررارر على باترول موديل 1999على جهة وحدة من عام 2003 الى الحين ما صاار له شي واذا فريتة على 2x4 يقف الدبل و وييفصل العمود

[هويدي]

سمعت هيك وهيك ناس تقول تضر وناس تقول ماتضر

لذلك ابعد عن الشر وغنيله ركب اثنين راس مالها خمسميه ريال
ولا ينعطب الدفرنس وتدخل نفسك في متاهات انت في غنى عنها

[مهزوز]

هويدي ولا يهونون الشباب الي ردو على الموضوع القصد ودي اعرف هل طريقتهم صحيحه وهل هي تضر الدفرنس وزود ذلك نفيد ونستفيد ويا ليت الي عنده خبره يفيدنيا وشكر للجميع

[شاص99]

سمعت هيك وهيك ناس تقول تضر وناس تقول ماتضر

لذلك ابعد عن الشر وغنيله ركب اثنين راس مالها خمسميه ريال
ولا ينعطب الدفرنس وتدخل نفسك في متاهات انت في غنى عنها
هذا الكلام الي يجمد على الشارب

[شاص نيسان 93]

انا مركبها علي باترول وخربت علي الكرونه
ركب ثنتين وريح راسك

[عاشق السيل]

أنا بشرح لك كل شي وإن شاء الله توصل المعلومة ،،،

زي ماقالوا الشباب إن مهمة الفرارات تفصل الهوب اللي راكب عليه الكفر عن عمود الدفرنس وبكذا يرتاح العمود وترتاح الكرونة والصوفة والعكوس ، وإذا جاء وقت الطعوس تشبك الفرارات علشان يعمل الدبل بالشكل الصحيح ،،،

بالنسبة لوضعية فرار واحد صحيح مافيها ضرر ولا راح يلاحظ راعي السيارة بالفرق لأنه بالحقيقة كأنه ماركب فرارات من أصله !!!

وجود فرار واحد يريح عكس واحد وعمود واحد أما الكرونة والعمود الثاني والعكس الثاني وعمود الدبل كلها تدور كأنه لا يوجد فرار بسبب اتصال الهوب الثاني بالعمود !!

وأضيف .. في حالة ضرورة استخدام الدبل لابد من شبك الفرار علشان يكون توزيع حركة الدفرنس الأمامي موزعة على الكفرين وإذا كان فرار واحد مفصول تنتقل الحركة لجهته لعدم وجود ثقل على دوران العمود بالضبط مثل اللي يغرز بشكل مائل فتلاحظ الكفر اللي فوق يدور واللي عليه الضغط واقف !!!

زبدة الكلام ركب فرارين أو لاتركب .. لأن فرار واحد ماله أي فائدة ....

أتمنى تكون معلوماتي صحيحة وواضحة وإن شاء الله خبراء مكشات بيعدلون عليها إن كان هناك خطأ والله أعلم ....

[أبوعابد 22]

افادوك الشباب

[مهزوز]

شكرا شاص 99 وشكرا شاص نيسان 93 وشكرا لعاشق السيل والاخ ابوعابد 22 على ردودكم وتفاعلكم مع الموضوع وللمعلوميه انا مركب فرارين بس قالي واحد عن ذا الطريقه الي هي فرار واحد وقلت ابا اعرضها على خبراء مكشات وشوف طريقته صحيحه ولا لا وشكر مره ثانيه للي تفاعلو مع المضوع :good2:

[Messerschmitt]

لا شكر على واجب

<<< جاه احباط : (

[الله يزينها]

السلام عليكم ورحمة الله وبركاته
استفسار او اضافة بسيطة
اللي اعرفة ان الدفرنس يكون فيه ترس تفاضلي
يعني اذا فيه ضغط على جهه ينتقل الدوران للجهه الثانية (ياليت اذا معلومتي غلط احد يصححها)
الشي الثاني اذا صار جهه راكب فيها فلنجة الوكالة والجهه الثانية فرار
والفرار على4x4كل شي تمام ومافية فرق اذا كانت كلها فرارات او فرار واحد
اما اذا الفرار على 4x2مااكنك شغلت الدبل يعني مالها اي فايدة الحركة هذي
عسى القصد وضح
وياليت اذا معلومتي غلط تصححونها وشكراً

[د ك م 586]

اذا ركبت فرار واحد يفصل العمود بالذات اذا كانت السيارة جديده
طبعا يفصل العمود بس الكارونه شغاله(وشغل مدبول) والعكس اللي جهة الفرار المفصول يدور بالعكس يعني في حالة فرارين تريح الدبل وعمود الدبل والدفرنس بكل محتوياته اما في حالة الفرار الواحد يرتاح الدبل والعمود والدفرنس شغال جهه مع اتجاه ممشى السيارة وجهة معاكسه للممشى(اللي مركب فيها الفرار)
اما عن انه في حالة الغراز فانت مجبور انك تفر الفرار حتى لوكان جهه واحده لانك بتشبك الدبل وبيروح تفاضل الدوران للجهة المفصولة.
طبعا اذا الموتر قديم ففي الغالب ان العمود بيدور في حالة فرار واحد حتى لو كانت دورته ضعيفه وممكن مره يدور ومره ياقف ومره يدور دوره بسيطه يعني المسالة على حسب تفاضل الدفرنس وخفة التفاضل اذ ان الكفر اللي بدون فرار يوزع سرعة دورانه بين العكس الاخر وبدوره عكسية وبين عمود الدبل اللي في الغالب يكون اثقل من العكس وخاصة في السيارات الجديدة او النظيفة .
طولت عليكم واتمنى ان اكون وصلت الفكرة.

[مهزوز]

اذا ركبت فرار واحد يفصل العمود بالذات اذا كانت السيارة جديده
طبعا يفصل العمود بس الكارونه شغاله(وشغل مدبول) والعكس اللي جهة الفرار المفصول يدور بالعكس يعني في حالة فرارين تريح الدبل وعمود الدبل والدفرنس بكل محتوياته اما في حالة الفرار الواحد يرتاح الدبل والعمود والدفرنس شغال جهه مع اتجاه ممشى السيارة وجهة معاكسه للممشى(اللي مركب فيها الفرار)
اما عن انه في حالة الغراز فانت مجبور انك تفر الفرار حتى لوكان جهه واحده لانك بتشبك الدبل وبيروح تفاضل الدوران للجهة المفصولة.
طبعا اذا الموتر قديم ففي الغالب ان العمود بيدور في حالة فرار واحد حتى لو كانت دورته ضعيفه وممكن مره يدور ومره ياقف ومره يدور دوره بسيطه يعني المسالة على حسب تفاضل الدفرنس وخفة التفاضل اذ ان الكفر اللي بدون فرار يوزع سرعة دورانه بين العكس الاخر وبدوره عكسية وبين عمود الدبل اللي في الغالب يكون اثقل من العكس وخاصة في السيارات الجديدة او النظيفة .
طولت عليكم واتمنى ان اكون وصلت الفكرة.
الله لايهينك وما قصرت علا الشرح الله يجزاك خير امين