المساعد الشخصي الرقمي

مشاهدة النسخة كاملة : الفزعة يا أصحاب السفاري


البراء
26/01/2006, 08:33 PM
السلام عليكم ورحمة الله وبركاته
يا شباب أنا عندي مشكلة بالسفاري وهي أنه يكتم أول ما أدعس له مع العلم إن مديله 2003 والبواجي مغيرة والصفاي كذلك ومصفي فلتر الهواءكذلك
وش الحل تراني تعبت منه ولكم جزيل الشكر
ibrahim_isz
27/01/2006, 09:12 AM
[b]الأخ البراء السلام عليكم
حصل عندي نفس المشكله تقريبا وديته للوكاله وقالو لي انه حساس ....
أنصحك تفحص الموتر عند الوكيل لاتخلي احد يتعبث بموترك
البراء
27/01/2006, 01:30 PM
الله يجزاك خير لكن كم كلف تصليحه
أنتيكه
27/01/2006, 10:03 PM
ألله أعلم أن عندك حساس الهواء اللى مركب بعد فلتر الهواء لأن مشكلة سيارك من أعراضه فتأكد ىقبل ماتغيره لأنه غالي شوي وإذا أمكن أنك تفحص السياره كمبيوتر يبين لك إذا كان من الحساس قبل أي خسائر .
مثابر
27/01/2006, 11:04 PM
انا عندي نفس المشكلة موديل 99 والكربليتر مغيرة جديد من الوكالة بس النتعه هذي فيه ماراحت وش الحل
ابن بدران
27/01/2006, 11:32 PM
السلام عليكم
انا معي 95 بخاخ وطلعت به النتعة اول الممشى بكل نمرة واذا شديت الموتر تروح
صفيت الموتر من إلى بالكمبيوتر وتنظيف بخاخات وغطاء ديلكو ............الخ
اكل علي حول الألف ريال ، صفت مدة يمكن شهر ورجع التقطيع
صارت المشكلة كلها بـ (طرمبة البنزين)
وعلشان تشيك عليها لا تروح لاهل الكمبوتر تراهم غالين على غير سنع
مر كهربائي فاهم وخله يفك (لي ) البنزين من قبل المصفي ويوصله بالجهاز أبو ساعات ضغط
اللي يقيسون فيه ضغط فريون المكيف ويوصل الجهاز من الجهة الثانية بالبخاخ
شغل الموتر وادعس له بنزين إذا الضغط كان من 30 وتحت يبي لك طرمبة جديدة
وإذا وإذا كان من 40 ، 50 وفوق معناها الطرمبة زينة ولافيها شي ..
طرمبة البنزين قيمتها بالوكالة 600 ريال على ما اذكر وتركيبها (للبخاخ) سهل ما يحتاج فك
التانكي ولا شي من شنطة الموتر تفكها ما تاخذ نصف ساعة فك وتركيب ...
رهمت طرمبة أمريكي (شيروكي) ولا تغير علي الموتر بشي وكلفني الترهيم 300 ريال
لكن بعد هالطرمبة الامريكية ركبت ثنتين خواتها .....!!! لأنها ما تخدم الا 4 او 5 شهور
وأحيانا مع بعض الناس توفي السنة ....

والمعذرة على الاطالة
خالد 3000
28/01/2006, 07:00 AM
الله اعلم انها اطرمبه البنزين

ونصحك بفحصها قبل تغييرها

لان قيمتها غاليه حوالي 800 للمديلات الاخيره( الفتك)
================================================== ================
حـاتـم
28/01/2006, 07:37 AM
السلام عليكم

اخواني الاعزاء بحسب ماشفت ان المشكله ولايهونون الربع

اذا كانت اول ماتقوم الموتر ينتفض شوي ثم بعد ضغط الواحد او واحد ونص تروح النفضه وكذلك مع كل النمر

لاهي صفايه ولا بواجي ولاطرمبه

المشكله في الكويلات

لان عندنا 4800 موديل2002 وفيه هالمشكله

وكانت المشكله من الكويلات لان ال4800 يجي كويلات لكل بوجي على حد علمي

اما ال4500 والوديلات السابقه كويل واحد

هاذا تشخيصي للمشكله

وممكن مايكون كذا تأكدوا اول

وشكرا


اخوكم / حاتم