شاص الجديد ؟ تجميع تايلاند ؟ صحييح ؟ [الأرشيف]

مشاهدة النسخة كاملة : شاص الجديد ؟ تجميع تايلاند ؟ صحييح ؟

falcon 1

08/09/2011, 02:58 PM

السلام عليكم ورحمة الله وبركاته
مسيكم بالخير يالربع شحالكم عساكم طيبين

هل هالكلام صحيح ..انه تيوتا اصبح الان تجميع تايلاند ؟؟

لاهنتم يالربع

اخوكم
فالكن 1

sgl2002

08/09/2011, 04:21 PM

والله اللي اعرفه ان الشاص الجديد ابو مكينة راسين كثرة مشاكله وانواع الخرابات

ماهو مثل القديم اللي من تشريه الين تبيعه ماتفتح كبوته

وابحث بالمنتدى بتشوف خرابات الجديد وش كثرها

صديق كلم رفيق

08/09/2011, 04:33 PM

رهيب الرهيب

08/09/2011, 07:00 PM

ابد يالغالي سم بالرحمن وافتح باب الشاص او الربع وشف البطاقه وش مكتوب فيها صنع باليابان او صنع بتايلند وعفاك

واحد مبسوط

09/09/2011, 01:41 AM

جميع سيارات تويوتا فئة كروزر في اليابان
يعني الصالون
والشاص
والاف جي
يابانية

خليفان

09/09/2011, 01:46 AM

جميع سيارات تويوتا فئة كروزر في اليابان
يعني الصالون
والشاص
والاف جي
يابانية

نسيت الكزس معهم

الكَنْدَرة

09/09/2011, 03:56 AM

SUZUKI Jimny

دفرنسين

Made in japan

داخل غلط

رسلان الوايلي

09/09/2011, 04:27 AM

الشاص الجديد ورد اليابان
والي يقول الشاص الجديد راعي خربت مو صحيح
هذهو مع اخوي 2010 يكده ليل نهار ماشاء الله عليه
ونشط وسرع من القديم

sgl2002

09/09/2011, 05:17 AM

والله انا اتكلم من اللي اشوفه بالمنتدى

ولاتحاولون تقنعون انفسكم بالجديد بتشوفون الايام وش تجيب

مكينة كلها حساسات وكهرب وخربطه. ( القديم افضل الف مره )

التعـ King ـديل

09/09/2011, 05:30 AM

الشاص ياباني 100% .. خراباته اكثر من القديم مااقولك يخرب بسرعه ولكن مايتحمل مثل القديم

مع واحد من الشباب 2010 يشتكي منه والرجال راعي شيصان من موديل ال 90 واللي له نظر

ترا الرجال بياع ويبي 2006

انسان مو بسيط

09/09/2011, 02:03 PM

عادي يا خوي لا تستبعد شي
انامعاي ايسوزو ديمكس كله تايلندي بس المكينه والجير والدفرنس ياباني

ALBDRANE

09/09/2011, 02:18 PM

الشاص مقبول لو يجي تايواني

راعي الشاص02

09/09/2011, 02:37 PM

الشاص الجديد ياباني واستخدامة زين لاخرابات ولاشي

حبل الوريد

10/09/2011, 05:13 PM

لو هو ياباني عليك من القطع يالغالي
زي الددسن والهاليلكس والسوزو الجديد

سلكي نت

10/09/2011, 07:43 PM

الشاص مرغوب لو تاصل قيمته فوق سعرة الان
وصناعته مرغوبه لو هو مصنوع بتايلند او بالهند
عندنا بالعمل 2010 مكروف ليل نهار
وشوف انتشارة بالبلد شوي ويغلب على الكامري
اترك عنك كلام الناس وانا عن نفسي لو ان ربي موسعها علي لأطقلي واحد كرت اصفااااااااااااااار

«نجم الخير»

10/09/2011, 07:47 PM

اخوي معه 10 وكاله ومخبط ابو راسين

المشكله فيه ناس تفتي واخر شي يقول حق ولد حارتنا

التعـ King ـديل

10/09/2011, 11:35 PM

اخوي معه 10 وكاله ومخبط ابو راسين

المشكله فيه ناس تفتي واخر شي يقول حق ولد حارتنا

الله يعينك على المجلعدين قصدي المتعصبين :D

بلحارث

11/09/2011, 12:09 AM

ذلحين ماعاد فيه شركات يابانية وامريكية انت في عصر العولمة كل بلد متخصص في شي معين والشركات الكبرى مثل تويوتا ونيسان وجنرال موتورز مشتركه مع بعضها وبعضها مشتريها شركات ثانية مثل رولس رويس تملك شركة فورد فيها اسهم وهكذا

sgl2002

11/09/2011, 07:45 AM

اخوي اس جي ال ، جربت الشاص الجديد انت ؟؟؟؟؟؟؟؟؟

وإلا بس تردد كلام يقولون ...

شغلة ان الشاص الجديد سيء ويخبط وخراباته كثيره هذي لعبه لعبوها الشريطيه اول مانزلت المكينه الجديده عشان يصرفون القديم ونجحوا في هالشي ، لكن الحين شف اهل الحلال والشوارع مليانه شيصان جديده ولو فيها عيب ماشفناها بهالانتشار .

اخوي فالكن مالك لوا اللي اعرفه الاند كروز ياباني ميه بالميه

لا ما ردد كلام يقولون ...

انا كنت زيك أقوله هذولا شريطين

( لكن ابحث في المواضيع المنتدى اللي بخيمة أعطال السيارات ما كنا نشوف فيها شي اسمه شاص )

والحين بدا كل شوي واحد يطلع بمشكلة

اللي يقول يكتم واللي يقول سنن الدبل خربانه واللي يقول لمبة مدري وش

لاتقولي شي ،،،، __مامثل القديم__

المكينة الجديده خلها على البرادو والفورتشنر والطقه هذي اللي من البيت للدوام وكشته وحده بالاسبوع

ابرق نثيل

11/09/2011, 12:50 PM

صباح الخير الصناعه تغيرات مافي شي يبقى على حاله اما للافضل او الاسواء
والشاص شال شنبه وركبوا له برطم يجي طويل ويجي قصير

مافيه

13/09/2011, 09:32 PM

يا الغالي معي 11 ياليت تذكرون ربكم ياجماعة الخير

مكتوب بالحرف الواحد

بلد الصنع واسم المصنع : تويوتا موترو كوبوريشن اليابان

سنة الصنع 2011/07

با الانجليزي مكتوب ((ميد ان جابان)) < ما اعرف السبلنق حقها

والله شككني موضوعك وخلاني انقز اشوف البليته ويالله لك الحمد طلع ياباني

و الي يقول فيه مشاكل انا ماشريته الا بعد استعمال واحد من الشباب لمديل 2010 صراحه شوف عيوني كارفه كرف وماشي معه زي ال الاف وماشي عليه حول ال120 الف قبل ما اشتري الحين اتوقع في حدود ال150 ويقول موتر مثله ماشفت ومرتاح عليه وجايز لي واذا قدر الله عليه وبعته بشري اخوه بس رفرف ومن تجربة ومقارنات بين موتري القديم وموتره هو افضل مني في كل مكان وفي كل الاحوال الا في شي واحد عزمه اذا حمل حمل ثقيل بالحيل مثال 30 كيس شعير عزمه يقل اكثر من عزم موتري القديم وفي الصرفيه اقل من موتري الاول بكثييير وماحسيت بالفرق الكبير الا بعد ماشريت الجديد الفل يمشيني ازود من ال750 كيلو في الديره و الاول اذا كان في الديره يشرب شرب الويل مايتم معي اسبوع الا وانا مفلل وفي الخط مسيت به من الرياض لمكه مفلل في محطة الحجاز ووقفت قريب من الحرم وهو على التانكي الثاني فيه الربع وممشاي بين ال140 و ال160 < من وجهة نضري كثر الله خيره وانا حاط في بالي مانيب واصل الطايف الا وانا مفلله

واغلب الي يقولون مشاكل يحسبونه مثل القديم تلقاه يصب 8 علب وهو 5 علب ترا فيه فرق كبيييييييييير بينهم و الدعسه الالكترونيه من تجربه شخصيه اشوف انها اسرع استجابه من الواير بعد تجربة ثلاث موديلات 06 جديد و 09 مستعمل و 11 جديد ((داري ان فيه من بيعقب ورا كلامي واتمنا منه التجربه قبل ما يفكر يرد الله لايهينه))
وانا ما اعيب فيه الا سعره الي يكسر الضهر لاكن ما اقول الا ((راع الهوى يشتريه لو باع ثوبه)) وانا ما فكرت فيه الا بعد ماجاني واحد من اهل الديره يبي موتري الاول ونشب لي فيه الله يطعمه من خيره ويكفيه شره ويهنيه به

ومن ناحية الصبر و التحمل على الي شفته من خويي ان صبره مهوب بعيد عن الاول وانا تحت تجربته في الوقت الحالي وما اقدر احكم فيه الا بعد ما اجربه ويجلس معي على الاقل سنتين قدام

واذا كان فيه مشاكل على كلام البعض كان طلعت في الفورنتشر و البرادو و الاف جي و الاند كروزر او على الاقل طلعت بعضها ولمعومية البعض كل موديل جديد فيه اي تغييرات بصيطه او جذريه لازم تكون الدفعه الاولى منها تكون فيها مشاكل وهاذا امر طبيعي في جميع السيارات واول دليل الاند الجديد اول ماطلع و الباترول الجديد اول ماطلع الناس تسب فيه و المقاطع منتشره لمواتر الي يدخن و الي قول خربان وهاذيه ماشيه مع العالم كله و الناس تحفر تبي تشتريها لاكن الاسعار تقطع القلب وعلى العموم القديم مرغوب في جميع الازمان حتى الموديلات القديم مثل اول مانزل الاند 98 الكل رغب ال97 ونازل و الهايلوكس ال2006 اول مانزلت الكل رغب في ال2005 و ال2002 اول مانزلت الكل رغب ال2001 و الشاص ال2000 اول مانزل الناس كلها راغبه ال99 ولين يومكم الناس يرغبونها ولو نبتل نرجع بالزمن مع تيوتا ما خلصنا الموضوع فما بالكم بالشركات الثانيه

اخوي سلكي نت

الله يرزقك من واسع فضله ويرزق جميع المسلمين

أطلال نجد

13/09/2011, 09:44 PM

جميع سيارات تويوتا فئة كروزر في اليابان
يعني الصالون
والشاص
والاف جي
يابانية

بعد أذنك أخوي هذا الكلام غير صحيح

لاند كروزر gxr رقم 1 - 2 - 3 - 4 استرالي وليس ياباني

لا ندكروزر vxr فقط ........ ياباني

وهذا كلام مسئول مبيعات في شركة تويوتا بالرياض .

أبو هشأم

13/09/2011, 09:52 PM

الناس اللي تقول ان الشاص الجديد
فيه خرابات ومشاكل
هذولا الله يسلمك
اهل التطعيس والمطامر والترهيم
يجلدونها بها النفود ويقولون انها تخرب

البرتقالي

13/09/2011, 11:23 PM

بسيطة اشتر شاص نسيان قصدي نيسان :D
شرط ثلاثين سنة ماتحط فيه ريال حتى البنزين يعبي نفسه هههه

البرتقالي

13/09/2011, 11:48 PM

بعد أذنك أخوي هذا الكلام غير صحيح
لاند كروزر gxr رقم 1 - 2 - 3 - 4 استرالي وليس ياباني
لا ندكروزر vxr فقط ........ ياباني
وهذا كلام مسئول مبيعات في شركة تويوتا بالرياض .
مسمار بلوح ومسؤول غير مسؤول :)
ياخي اللاند ياباني حتى حق ابو جميل ماعدا اكسسواراته
شكل المسؤول المفهي صار عنده خلط بين الكامري واللاند

ابوناهض.

14/09/2011, 12:09 AM

اخوي تيوتا الجديد ماهو تايلندي القطع ياباني والتركيب تايلندي
غريبه الموتر مع واحد من العيال 11 ولا اطلق

الوسام889

14/09/2011, 03:13 AM

يابعد حيي ما مثل أبو شنب
مهو ابو برطم
http://www7.0zz0.com/2011/09/14/00/732659658.jpg (http://www.0zz0.com)

التميمي محمد

14/09/2011, 03:50 AM

التميمي محمد

14/09/2011, 03:53 AM

الناس اللي تقول ان الشاص الجديد

فيه خرابات ومشاكل
هذولا الله يسلمك
اهل التطعيس والمطامر والترهيم

يجلدونها بها النفود ويقولون انها تخرب

كلامك صحيح بس ليش الترهيم و التطعيس و التعديل ما ضر الشاص القديم و الربع القديم الي من موديل 2006 و نازل

مع العلم اني اعرف واحد معرفه شخصيه معه ربع 2003 مركب عليه تيربو و يلوفه في النفود لوف اليهود ولا عمره اشتكا منه

معناتها ان المحرك الجديد او بشكل عام تايوتا في السنوات الاخيره بدت تخمبق

مرقب السحاب

14/09/2011, 09:26 AM

الشاص من موديل 2007 وفوق صناعة تايلاندية صدم بلاستيك ورفرفه الامامي بارز والدفرنس الامامي عريض وحالته حاله خلاص انقرض الشاص

أطلال نجد

14/09/2011, 11:16 PM

يا جماعة الخير
أنا جربت 2005 ربع جديد وجربت 2008 ربع جديد
وجدت فرق السماء عن الأرض بين الموديلين لصالح القديم
ومب معقولة أبدا ً أن الصناعة وحدة , فرق واضح في القوة والمتانة والجودة .
ويشهد الله أنني لم أتكلم إلا عن تجربة .